Dagblaðið Vísir - DV - 27.04.2011, Side 20

20 | Fókus 27. apríl 2011 Miðvikudagur
Glerperlur fyrir grínsvín
Í þessari endurgerð á Arthur, mynd Steves Gordon, fylgjumst við með ofdekruðu kavíarafkvæmi sem
baðar sig í auðæfum fjölskyldu sinn­
ar. Dagarnir líða í sömu rútínu stans­
lausra partía, nýrra rekkjunauta, stíf­
drykkju og halda frumleika sínum
eingöngu í krafti glænýrra, rándýrra
fylgihluta. Arthur (Russell Brand)
kaupir alls konar rándýrt kjaftæði
fyrir digra vasapeninga fjölskyldunn­
ar og helst í hálfgerðum barndómi
í meðvirku uppeldi Hobson (Helen
Mirren). Móðir hans skiptir sér sama
sem ekkert af honum nema þegar
það hefur áhrif á fjárhag Bach­veldis­
ins. Sem einkaerfingi veldisins verður
að koma Arthur í þá stöðu að hann
geti ekki rústað trausti vörumerkis­
ins. Skyndilega stendur til að gifta
Arthur og Susan (Jennifer Garner),
metnaðarfulla viðskiptakonu innan
fyrirtækisins sem myndi hafa hemil
á honum. Rosalega vond hugmynd
að mati Arthurs sem hann verður al­
veg afhuga síðan þegar hann fellur
fyrir leiðsögustelpunni Naomi (Greta
Gerwig) sem mígur nú ekki beint fjár­
magni. Það líður að giftingunni og
þrýstingurinn magnast á hann. Ef
hann klikkar á giftingunni niðurlægir
hann og særir fólkið í kringum sig en
aðallega hefur hann þó áhyggjur af
því að verða gerður arflaus.
Frumgerðin af Arthur er af mörg­
um talin mun betri. Þessi skartar
sömu sniðugu sögunni og leikararn­
ir eru ekki af verri endanum. Nick
Nolte skilar til dæmis sínu sem ljón­
harði verktakinn og verðandi tengda­
pabbi Arthurs. Helen leikur Hobson
vel, fóstru Arthurs sem er í raun hans
eiginlega móðir. Russell Brand fer
með hlutverk sem felur í sér þvílíka
möguleika, snillingurinn sem hann
auk þess er. En af hverju er það greini­
legt frá fyrstu mínútu að allur texti er
skrifaður í öndunarvél? Það eru fáir
feitir bitar skrifaðir upp í leikarana,
myndin er lítið fyndin og það er veru­
leg sóun á góðu hráefni. Það er helst
þegar menn fara aðeins í grófara grín­
ið á einstaka stað sem maður kím­
ir út í annað. Flæðið er síðan eins og
eitthvert hallæris farsadæmi, áhuga­
mannaleikhús, gamalt áramóta­
skaup, rennslið er óraunverulegt og
tilgerðarlegt. Það er slæmt að gera
grínmynd sem er ekki nógu fyndin
þótt það séu alveg augnablik þarna.
Til dæmis er það tilkomumikið að sjá
stefnumót Arthurs og Naomi á Grand
Central­stöðinni í New York með loft­
fimleikum, rósablöðum og Pez í aðal­
rétt. Arthur er ekkert hundleiðinleg
og getur alveg sloppið fyrir einhvern.
Hins vegar veldur hún vonbrigðum
vegna einhvers sem virkar eins og
fljótfærni. Það er pirrandi. Glerperlur
fyrir grínsvín.
Arthur
IMDb 5,1 RottenTomatoes 27% Metacritic 36
Leikstjóri: Jason Winer.
Handrit: Peter Baynham, Steve Gordon.
Leikarar: Russell Brand, Helen Mirren,
Jennifer Garner.
110 mínútur
Bíómynd
Erpur
Eyvindarson
Ofdekrað kavíarafkvæmi Arthur
baðar sig í auðæfum fjölskyldu sinnar.
H
úsmóðirin, nýtt verk eftir
Vesturport, verður frumsýnt
á Nýja sviði Borgarleikhúss­
ins á miðvikudagskvöld­
ið. Höfundar og leikarar verksins
eru þau Björn Hlynur Haraldsson,
Gísli Örn Garðarsson, Nína Dögg
Filippus dóttir, Jóhannes Níels Sig­
urðsson og Víkingur Kristjánsson.
Nokkrar forsýningar hafa verið á
verkinu síðustu vikur þar sem atriði
verksins hafa verið slípuð til eftir við­
tökum gesta sýningarinnar og nú er
komið að því að sýna afraksturinn.
15 ára samvinna
Það vekur athygli að enginn úr hópn­
um er titlaður leikstjóri sýningarinn­
ar og allir þeir sem koma að sýning­
unni eru höfundar hennar. Víkingur
Kristjánsson segir samstarf þeirra í
Vesturporti hafa þróast með þess­
um hætti. „Við erum búin að vera að
vinna að þessari sýningu í samein­
ingu í nokkurn tíma og gengur það
vel. Við erum búin að vinna saman í
15 ár og erum orðin eins og systkini.
Eins og í góðum systkinahóp verða
auðvitað árekstrar en okkur gengur
vel að vinna saman því við kunnum
vel inn á hvert annað, einhver okk­
ar eru frek og einhverjir eiga það til
að fara í fýluköst. Við vitum þá ná­
kvæmlega hvernig við eigum að róa
viðkomandi,“ segir Víkingur og hlær
og vill lítið gefa upp um hverjir það
eru sem helst taka fýluköst.
Leikur feðgin
Víkingur fer með hlutverk feðgina
í verkinu. „Ég leik Klemens sem er
svona svolítið sérstakur fjölskyldu­
maður og ég leik líka dóttur hans
sem er á fermingaraldri. Ég er bú­
inn að koma mér upp ágætis gelgju­
töktum.“ Víkingur á reyndar dóttur
sem er fer að nálgast táningsaldur,
skyldu taktarnir endurspegla það við
hverju hann býst næstu árin? „Dóttir
mín er 11 ára og táningsárin fara nú
að skella á af fullum þunga. Ég er nú
í góðum undirbúningi og get líklega
bara speglað taktana þegar fer að
bera á þeim,“ segir hann og hlær.
Víkingur segir verkið hafa fengið
góðar viðtökur gesta á forsýning­
um. „Það er mikið hlegið úti í sal.
Verkið fjallar um húsmóður og fjöl­
skyldutengsl á gamansaman máta.
Við flökkum á milli tímabila, frá 1950
til hippatímans og svo til nútímans.
Fyrst og fremst er verkið saga um
fjölskyldu en auðvitað skín í gegn á
gamansaman máta hver staða kon­
unnar og húsmóðurinnar er á hverj­
um þessara tíma.“ kristjana@dv.is
Eru eins og systkini
Vesturport frumsýnir nýtt verk, Húsmóðurina, í kvöld,
miðvikudag. Víkingur Kristjánsson fer með hlutverk
feðgina í sýningunni sem er gamansamt verk um afdrif
fjölskyldu á mismunandi tímum. Hann segir samstarf
þeirra í Vesturporti vera náið enda spanni það 15 ár og
kunni þau vel inn á skapsveiflur hvers annars.
Tekur gelgjutakta Víkingur
fer með hlutverk föður og dóttur
á unglingsaldri í sýningunni.
Beggi Smári
& mood á
Sódómu
Beggi Smári & Mood halda tón­
leika á Sódómu, fimmtudaginn
28. apríl klukkan 21.00. Hljóm­
sveitin spilar kraftmikið gítar­
rokk með sterkar rætur í blús.
Fyrsta sólóplata Begga Smára,
sem heitir einmitt Mood, kemur
út á næstu vikum en smáskífan
Warm & Strong hefur verið vin­
sæl að undanförnu og klifið hátt
á vinsældalistum. Leikin verða
lög af plötunni sem spannar allt
frá rólegheitum í anda Ray La­
Montagne til gítaræfinga undir
áhrifum Jimis Hendrix.
Ferðalag
í HaFnar-
HúSinu
Hönnuðirnir Boaz Cohen og Sa­
yaka Yamamoto frá BCXSY verða
með fyrirlestur í Hafnarhúsinu
á fimmtudaginn. Þar munu þeir
fjalla um hönnunarferðalög sín
en á undanförnum árum hafa
þau tengt saman hönnunar­
verkefni og ferðalög á áhrifa­
ríkan hátt. Meðal annars munu
þau fjalla um nýjasta verkefni
sitt Origin part II: Balance sem
frumsýnt var í Mílanó fyrr í mán­
uðinum. Cohen og Yamamoto
eru hér á landi í boði hönnun­
ar­ og arkitektúrdeildar Listahá­
skóla Íslands en fyrirlesturinn er
hluti af fyrirlestraröð Hönnunar­
miðstöðvar Íslands, Listasafns
Reykjavíkur og Listaháskóla Ís­
lands.