Dagblaðið Vísir - DV - 26.03.2012, Qupperneq 6

6 Fréttir 26. mars 2012 Mánudagur
Baráttan um Bessastaði:
Þóra íhugar
framboð
„Já, mér finnst ég eiginlega
verða að íhuga það eftir alla
þessa miklu hvatningu sem ég
hef fengið héðan og þaðan. Það
væri eiginlega dónalegt að gera
það ekki,“ segir fjölmiðlakonan
Þóra Arnórsdóttir um það hvort
hún hafi íhugað að bjóða sig
fram til forseta.
Í könnun sem Capacent
framkvæmdi á dögunum kemur
fram að flestir sem vilja sjá nýj-
an forseta á Bessastöðum styðja
Þóru, eða um fjórtán prósent.
Þrjátíu prósent sögðust vilja að
Ólafur Ragnar yrði áfram forseti.
Voru þátttakendur í könnuninni
beðnir um að velja á milli Ólafs
Ragnars og þeirra sem helst hafa
verið orðaðir við embættið að
undanförnu.
Þóra segist viðurkenna að
það hafi ekki beint verið á áætl-
uninni að fara í forsetaframboð.
„Við eigum von á barni eftir sex
vikur og ég er í stórskemmtilegu
starfi. En kannski á maður bara
að grípa áskoranir og tækifæri
þegar þau gefast þannig að já, ég
ætla að íhuga þetta,“ sagði Þóra
í hádegisfréttum Bylgjunnar á
sunnudag.
Þóra segir könnunina áhuga-
verða, en segist ekki telja að það
megi túlka hana sem einhver al-
gild sannindi um stöðuna. Hún
segir ljóst að það sé kominn tími
á góðan fjölskyldu- og vina-
fund til að fara yfir stöðuna, en
fjölmargir hafa hvatt hana til að
bjóða sig fram.
Vélsleðamaður
niður um ís
Vélsleðamaður fór niður um
ís á Svínavatni á Húnavöllum
á fjórða tímanum á laugardag.
Björgunarsveitirnar Blanda á
Blönduósi og Strönd á Skaga-
strönd voru kallaðar út þar sem
óttast var að maðurinn myndi
kólna hratt niður í vatninu. Þó
fór betur á en horfðist og náði
maðurinn í land og voru björg-
unarsveitirnar afturkallaðar um
15 mínútum síðar. Þær fóru þó á
staðinn til að reyna að ná sleð-
anum upp úr vatninu.
Annar vélsleðamaður lenti í
slysi á laugardag. Flugbjörgun-
arsveitin á Hellu var kölluð út á
laugardagsmorgun til að sækja
vélsleðamann sem meiðst hafði
á baki við Hrauneyjalón. Mað-
urinn var fluttur af slysstað til
móts við sjúkrabíl sem beið við
Hrauneyjar.
Þá voru björgunarsveitir
einnig kallaðar út á laugardag
til að aðstoða ferðamenn á bil-
uðum og föstum bílum.
Þ
etta var alveg í klessu,“ seg-
ir kona sem fór í aðgerð á
Landspítalanum síðastlið-
inn miðvikudag þar sem
PIP-púðar úr brjóstum
hennar voru fjarlægðir. Hún seg-
ir ljóst að ekkert sé að marka nið-
urstöður úr ómskoðun á leitarstöð
Krabbameinsfélagsins en konum
með PIP-púða býðst að fara þar í
skoðun endur gjaldslaust.
Mjög illa farin
„Ég fór á leitarstöðina fyrst og mér
var sagt annar væri heill og hinn að-
eins sprunginn og ekkert í eitlum.
Það var fyrsta skoðun. Önnur skoð-
un fór fram hjá lýtalækni og þá kom
í ljós að þetta var komið í eitlana. Svo
var ég opnuð á miðvikudaginn og
þetta er með því verra sem þeir hafa
séð.“
DV ræddi við konuna bæði fyr-
ir og eftir aðgerðina. Í síðara skiptið
lá hún inni á Landspítalanum með
dren í báðum brjóstum. Hún hafði
gert ráð fyrir því að komast heim
strax eftir aðgerðina en vegna þess
hve hún er illa farin þarf hún að liggja
inni í nokkra daga til að jafna sig.
Lenti í læknamistökum
Konan fór upphaflega í brjósta-
minnkun hjá Knúti Björnssyni lýta-
lækni árið 1986 sem misheppnaðist
skelfilega vegna læknamistaka. Drep
kom í brjóstin og þau afmynduðust.
Það þurfti því að byggja upp brjóst-
in á henni á nýjan leik, á svipaðan
hátt og hjá konum sem hafa fengið
brjóstakrabbamein. Jens Kjartans-
son lýtalæknir tók við henni árið 1990
og framkvæmdi uppbygginguna sem
krafðist sex til sjö aðgerða. Í síðustu
þeirra var PIP-púðum komið fyrir í
brjóstum hennar.
„Að setja púðana í mig 2002 var
hluti af því að fá loks eðlilegt útlit á
brjóstunum. Það er Jens að þakka að
ég fékk brjóst aftur. Ég kenni honum
ekki um þetta því ég tel hann vera
fórnarlamb svika.“
Að mati konunnar eru það eftir-
litsstofnanir og inn- og útflutnings-
aðilar púðanna sem brugðust.
Vill fá áfallahjálp
„Ég var með ljót brjóst frá því ég var
20 ára þangað til ég var 36 ára út af
þessari aðgerð. Og nú þarf ég að
ganga aftur í gegnum allan þennan
sársauka.“ Konan brestur í grát og
ljóst er að það fær mikið á að hana
ræða þetta.
Hún vill að konum með PIP-púða
í brjóstum verði boðið upp á áfalla-
hjálp, enda séu þær langflestar nið-
urbrotnar og í andlegu áfalli. Það er
konunum bæði mjög þungbært að
vita til þess að iðnaðarsilíkon hafi
verið að dreifast um líkama þeirra
í fjölda ára og að ganga út af Land-
spítalanum með aflöguð brjóst eftir
að púðarnir hafa verið fjarlægðir.
Lítið er vitað um raunverulega
efnasamsetningu púðanna og því
ekki ljóst hvort silíkonið geti valdið
konunum skaða í framtíðinni þrátt
fyrir að púðarnir hafi verið fjarlægð-
ir. Margar kvennanna hafa þjáðst af
óútskýrðum veikindum síðustu ár,
sem þær hafa nú tengt við PIP-púð-
ana. Sjálf hefur konan verið öryrki frá
árinu 2007.
Grét fyrir aðgerðina
Þegar konan gekk inn á Landspít-
alann að morgni aðgerðardagsins
ásamt kærasta sínum þá brotnaði
hún niður og grét, geðshræringin
var það mikil. Hún er viss um að sér
hefði liðið töluvert betur ef hún hefði
fengið að ræða við sérfræðing um
andlega líðan sína.
„Það hefur ekki verið stofnað eitt
einasta teymi um okkur. Það hefur
ekki verið boðið upp á sálfræðiþjón-
ustu eða neitt. Enga áfallahjálp.“
Konan segir eina stuðninginn sem
þær fá koma frá öðrum konum með
PIP-púða, en þær halda úti lokaðri
Facebook-síðu þar sem þær skiptast
á reynslusögum og styðja hver aðra.
„Útskúfaðir sjúklingar“
„Áður en þessi grúppa var stofnuð þá
sátu bara allir í sínu horni í algjörri
óvissu og grétu. Og það er ömurlegt
að heyra hvernig er talað um okkur
úti í bæ, það er gert grín að okkur,
jafnvel konur sem eru með púða,
bara ekki PIP. Lýsingin á því er mjög
greinargóð inni á síðunni og um leið
og ein deilir reynslu sinni þá bætast
fleiri við,“ segir konan. „Því miður
eru dæmi um að heilbrigðisstarfs-
fólk hafi komið illa fram við nokkrar
af okkur,“ bætir hún við.
Hún segir kærastann sinn hafa
komist rétt að orði þegar hann sagði
að PIP-konurnar væru „útskúfaðir
sjúklingar“.
„Margir hafa tengt þetta glamúr,
útlitsdýrkun og femínistakellingar
hafa ekki legið á sínum skoðunum.“
Konan vill þó taka fram að starfsfólk
Landspítalans og á heilbrigðisstofn-
un hennar bæjarfélags, sem hafi
meðhöndlað hana eftir aðgerðina,
hafi verið yndislegt. Það sé þó ekki
það sama og að fá sálfræðiaðstoð.
„Þetta er ekki bara erfitt og óvissa
fyrir okkur sjálfar, við eigum líka
börn, foreldra, maka og systkini sem
hafa áhyggjur og hræðast afleiðingar
þessara púða.“
Áfallahjálp ekki á döfinni
Rúmlega 400 konur hér á landi eru
með PIP-púða í brjóstum sínum.
Jens Kjartansson lýtalæknir græddi
púðana í konurnar á einkastofu sinni
á Domus Medica á árunum 2000 til
2010.
„Auðvitað á að bjóða þessum
konum upp á áfallahjálp. Þessar
konur eru niðurbrotnar eftir þessar
aðgerðir. Það er ekkert út á læknana
á Landspítalanum að setja, þeir hafa
staðið sig mjög vel. Hins vegar hafa
þeir ekki tíma til að vera sáluhjálp-
arar,“ segir Saga Ýrr Jónsdóttir, lög-
maður kvennanna sem vilja leita
réttar síns vegna PIP-púðanna.
Samkvæmt þeim upplýsingum sem
hún hefur kemur það ekki til greina
af hálfu velferðarráðuneytisins að
bjóða konunum upp á sálfræði-
aðstoð eða áfallahjálp. „Það hefði
náttúrulega átt að vera það fyrsta
sem var gert.“
25 konur ákveðnar
með dómsmál
Að minnsta kosti 25 konur af þeim
um 100 sem hafa leitað til Sögu hafa
staðfest að þær ætli með málið alla
leið fyrir dómstóla ef bótaskyldu
verður synjað. „Málið er að við erum
ennþá að bíða eftir afstöðu til bóta-
skyldu,“ útskýrir Saga, en sú afstaða
þarf að liggja fyrir áður en dómsmál
er höfðað.
Jens Kjartansson ehf., söluaðili
púðanna, konan hans, sem innflytj-
andi og dreifingaraðili, taka afstöðu
til bótaskyldu. Þá verður einnig ósk-
að eftir afstöðu íslenska ríkisins til
bótaskyldu í einhverjum tilfellum.
n Þarf að liggja á sjúkrahúsi eftir að hafa látið fjarlægja PIP-púða
„Þetta var
alveg í klessu“
„Það hefur ekki
verið stofnað eitt
einasta teymi um okkur.
Það hefur ekki verið boð-
ið upp á sálfræðiþjónustu
eða neitt. Enga áfalla-
hjálp.
Sólrún Lilja Ragnarsdóttir
blaðamaður skrifar solrun@dv.is
Saga Ýrr Jónsdóttir Er lögmaður
kvennanna sem vilja leita réttar síns vegna
PIP-púðanna. Hún telur ekki miklar líkur á
því að þeim verði boðið upp á áfallahjálp.
PIP-púðar Hér má sjá púðana sem voru
í brjóstum konunnar. Annar þeirra er bara
tægjur og þrátt fyrir að hinn virðist heil-
legur þá hefur hann engu að síður lekið.