Dagblaðið Vísir - DV - 26.03.2012, Side 12

12 Fréttir 26. mars 2012 Mánudagur
Rafrænar kosningar:
Kosið um
Betri hverfi
Íbúum í Reykjavík gefst nú í fyrsta
sinn kostur á því að kjósa í raf-
rænum kosningum á milli verk-
efna í hverfum borgarinnar þar
sem rafræn auðkenni eru notuð.
Kosningarnar fara fram dagana
29. mars–3. apríl næstkomandi
undir formerkjunum Kjósum betri
hverfi. Veflykill ríkisskattstjóra,
sem fólk notar til að telja fram til
skatts, verður rafrænt auðkenni.
Þetta kemur fram í tilkynningu frá
Reykjavíkurborg.
Í janúar voru Reykvíkingar
hvattir til þess að setja fram hug-
myndir að verkefnum í hverfum
borgarinnar á samráðsvefinn Betri
Reykjavík. Alls bárust 354 hug-
myndir. Þær voru yfirfarnar og
kostnaðarmetnar af fagsviðum og
hverfaráðum borgarinnar. Eftir
stóðu 180 hugmyndir að verk-
efnum sem kosið verður um 29.
mars–3. apríl.
Reykjavíkurborg ver 300 millj-
ónum til framkvæmda á þeim
verkefnum sem fá mest fylgi í
kosningunum og verður þeim
hrint í framkvæmd í sumar. Kosn-
ingarnar eru bindandi en skipting
fjármagns á milli hverfa ræðst af
íbúafjölda.
Allar hugmyndirnar hafa nú
verið settar á vef Reykjavíkur-
borgar, reykjavik.is þar sem íbúar
geta vegið þær og metið áður en
þeir velja endanlega á milli þeirra
í hinum rafræna kjörklefa á kosn-
ingatímanum.
Meðal áhugaverðra hugmynda
sem kosið verður um er vatns-
brunnur í Elliðaárdal, gróður-
setning ávaxta- og berjarunna í
Breiðholti, götuhokkívöllur við
Gufunesbæ, matjurtagarður við
gamla Þróttarvöllinn við Sæviðar-
sund, sjósundsaðstaða við Klé-
berg á Kjalarnesi, frisbí-golfvöllur
á Kjalarnesi og plöntun síkjamara
sem á að styrkja lífríki í Reykja-
víkurtjörn.
Áður hafa farið fram rafrænar
kosningar á vegum Reykjavíkur-
borgar um verkefni í hverfum en
þá var notast við kennitölur sem
auðkenni. Þær kosningar fóru
fram í desember 2009 undir kjör-
orðunum Kjóstu verkefni í þínu
hverfi.
Óku allt
of hratt
Nokkrir tugir ökumanna voru
teknir fyrir hraðakstur víðs vegar
á höfuðborgarsvæðinu fyrir helgi
en í grófustu brotunum var ekið á
40 til 50 kílómetra hraða umfram
leyfðan hámarkshraða. Ökumenn-
irnir eru af báðum kynjum og á
öllum aldri en þrír þeirra voru
sviptir ökuréttindum til bráða-
birgða. Sem fyrr minnir lögreglan
ökumenn á að fara varlega en með
því stuðla þeir að meira öryggi í
umferðinni, bæði fyrir sjálfa sig og
aðra vegfarendur.
n Bubbi tók mikla áhættu 2007 n Tapaði miklu en hefur ágætlega upp úr tónlistinni í dag
Bubbi keypti bréf
fyrir 160 milljónir
„Ég get alveg sagt
þér að ég vildi fjár-
festa og gíra mig upp.
T
ónlistarmaðurinn Ásbjörn
Morthens, betur þekktur
sem Bubbi, keypti markaðs-
verðbréf fyrir rúmlega 160
milljónir króna árið 2007.
Sama ár seldi Bubbi markaðsverð-
bréf fyrir rúmlega 100 milljónir
króna. Tap Bubba af hlutabréfavið-
skiptum þetta árið nam því nærri 60
milljónum króna. Þetta kemur fram í
ársreikningi eignarhaldsfélags hans
Morthens ehf. fyrir það ár en félagið
heldur meðal annars utan um tekjur
Bubba af tónleikarekstri. Bubbi
tapaði því verulega á hlutabréfa-
viðskiptum þetta árið.
Bubbi, sem var í eignastýringu hjá
Glitni banka, á þessum tíma hefur
rætt aðeins opinberlega um hluta-
bréfafjárfestingar sínar, meðal ann-
ars í viðtali við Morgunblaðið um
sumarið 2008. „Það verður að segja
sem er að menn fóru allt of geyst í
sakirnar [...] Fjárfestingar mínar í FL
Group, Eimskipum og Exista end-
uðu með skelfingu. Allur sparnaður-
inn fór fyrir lítið. Ég gætti þess ekki
að dreifa áhættunni því að ég trúði á
þessi fyrirtæki,“ sagði hann.
Ekki er tilgreint nákvæmlega í árs-
reikningum Bubba hvaða hlutabréf
félag hans keypti er væntanlega er
um að ræða þau hlutabréf sem hann
vísaði til í viðtalinu.
Átti ekkert í lok árs 2008
Svo fór á endanum að Bubbi Morth-
ens átti engin markaðsverðbréf í lok
árs 2008. Það ár seldi hann verðbréf
fyrir 74 milljónir króna. Þegar hrun
íslensku bankanna var afstaðið átti
Bubbi því ekki nein hlutabréf leng-
ur inni í Morthens ehf. Félag Bubba
skuldsetti sig þó ekki út af þessum
hlutabréfaviðskiptum heldur fjár-
magnaði hann viðskiptin með eig-
in fé að mestu samkvæmt ársreikn-
ingum félagsins. Tapið lenti því á
honum sjálfum.
Fyrir liggur að Bubbi stóð ekki
í umfangsmiklum hlutabréfavið-
skiptum fyrr en árið 2007 þegar
hann keypti hlutabréf fyrir 160
milljónir króna. Árið áður hafði
hann keypt hlutabréf fyrir nærri
14 milljónir króna og fjármagnað
þessi viðskipti félagsins Morthens
ehf. með láni frá sjálfum sér.
Ætlaði að taka 100 milljóna lán
Eftir þetta tóku hlutabréfaviðskipti
Bubba hins vegar mikinn kipp og
náðu hámarki árið 2007: „Ég get al-
veg sagt þér að ég vildi fjárfesta og
gíra mig upp með því að taka 100
milljóna króna lán sem ég ætlaði
að nota til að kaupa hlutabréf. En
ágætur maður, sem ég átti aðgang
að í bankanum mínum, bað mig að
gera það ekki heldur fjárfesta ein-
göngu fyrir þá peninga sem ég ætti
sjálfur og væri tilbúinn að tapa. Ég
fór að ráðum hans og þess vegna
er ég ekki öreigi,“ sagði Bubbi í við-
talinu við Morgunblaðið en sá sem
réð honum frá frekari fjárfestingum
er væntanlega einn af starfsmönn-
um Glitnis, nú Íslandsbanka, sem
aðstoðaði hann við fjárfestingar í
bankanum. Bubbi tapaði því miklu
á þessum viðskiptum en slapp við
það að skuldsetja sig vegna þessara
hlutabréfakaupa.
Ingi Freyr Vilhjálmsson
fréttastjóri skrifar ingi@dv.is
Vildi Davíð í burtu Bubbi spilaði með hljómsveit sinni, Egó, fyrir framan Seðlabanka Ís-
lands í febrúar 2009 þar sem reynt var að koma Davíð Oddssyni frá völdum í bankanum með
mótmælum. Á endanum hætti Davíð sem seðlabankastjóri.
Tók virkan þátt Bubbi tók virkan þátt í
hlutabréfaviðskiptum á Íslandi á árunum fyrir
hrunið og ætlaði sér að skuldsetja sig með 100
milljóna króna hlutabréfaláni. Hann tapaði þó
aðeins peningum sem hann átti sjálfur. Eftir hrun
tók hann virkan þátt í búsáhaldabyltingunni.