Dagblaðið Vísir - DV - 26.03.2012, Blaðsíða 25

United getur tekið völdin
n Þriggja stiga forysta í boði með sigri
M
anchester United er
í dauðafæri að taka
völdin í ensku úr-
valsdeildinni eftir að
City missteig sig gegn Stoke
á laugardaginn. Þeir bláu
gerðu þá jafntefli, 1–1, á erf-
iðum heimavelli Stoke þar
sem Peter Crouch tók upp
á því að skora eitt fallegasta
mark úrvalsdeildarinnar.
Það dugði þó City til að kom-
ast á toppinn en aðeins hag-
stæðari markatala skilur að
City og United.
Manchester United á þó
leik til góða en liðið tekur á
móti Fulham í kvöld, mánu-
dag. Með sigri getur liðið
náð þriggja stiga forystu í
ensku úrvalsdeildinni þeg-
ar aðeins átta leikir eru eftir.
Síðast þegar liðin mættust
vann United öruggan sigur
á Craven Cottage, 5–0. Ljóst
er að strákarnir hans Fergu-
son mega ekki misstíga sig í
kvöld.
„Það er reynslan sem er
mikilvæg á þessum loka-
kafla deildarinnar. Sama
hvað liðið heitir þá skipt-
ir það máli að hafa verið í
þessari stöðu áður,“ segir Sir
Alex Ferguson, knattspyrnu-
stjóri Man chester United,
um baráttuna á toppnum en
City hefur aldrei áður verið í
þessari stöðu í úrvalsdeild-
inni.
„Það verður samt að dást
að City. Liðið hefur stað-
ið sig ótrúlega vel og verið
á toppnum í langan tíma.
Í raun og veru er City enn í
bílstjórasætinu að mörgu
leyti því það á enn eftir að
fá okkur í heimsókn á sinn
heimavöll. Þar hefur City
ekki tapað einum einasta
leik,“ segir Ferguson.
Sport 25Mánudagur 26. mars 2012
Tómas Þór Þórðarson
blaðamaður skrifar tomas@dv.is
Gott gengi United hefur unnið átta leiki og gert eitt jafntefli frá tapinu gegn Newcastle.
Jóhann
Berg heitur
Íslenski landsliðsmaðurinn
Jóhann Berg Guðmunds-
son skoraði sigurmark AZ
Alkmaar um helgina þegar
liðið lagði RKC Waalwijk,
1–0, í hollensku úrvalsdeild-
inni. Þetta var annað mark
Jóhanns í sömu vikunni en
hann setti einnig eitt í bikar-
tapi gegn Heracles í síðustu
viku. Jóhann var í byrjunar-
liðinu í báðum leikjum en
hann hefur mátt þola mikla
bekkjarsetu að undanförnu.
Mark Jóhanns Bergs tryggði
áframhaldandi veru AZ
Alkmaar á toppi deildar-
innar en liðið hefur verið að
gera vel þrátt fyrir að missa
nokkra sterka leikmenn.
Kennir
Schumi um
Romain Grosjean, ökuþór
Lotus í Formúlu 1, segir
það Michael Schumacher
að kenna að hann hafi ekki
getað klárað Malasíukapp-
aksturinn um helgina. Á
fjórða hring voru Grosjean
og Schumacher að berjast
um þriðja sætið þegar bílar
þeirra snertust og hringsner-
ust þeir báðir á brautinni.
Schumacher náði að halda
áfram og endaði tíundi en
Grosjean féll úr keppni. „Ég
passaði mig en því miður var
það Schumacher sem snerti
mig á beygju fjögur og ég
snérist,“ sagði Grosjean eftir
keppnina en Frakkinn hefur
staðið sig vel í byrjun árs.
Leikur tvö
Annar leikur Hauka og Kefla-
víkur í undanúrslitum Ice-
land Express-deildar kvenna
í körfubolta fer fram í kvöld.
Haukastúlkur tóku sig til og
unnu nokkuð þægilegan
sigur, 63–54, á deildarmeist-
urum Keflavíkur í Keflavík á
laugardaginn en þrjá sigra
þarf til að koma sér í úrslita-
rimmuna. Hinum megin etja
kappi lið Snæfells og Njarð-
víkur en þriðji leikur þeirra
fer fram í Njarðvík á þriðju-
dagskvöldið klukkan 19.15.
Annar leikur Hauka og Kefla-
víkur fer aftur á móti fram í
Schenker-höllinni í kvöld,
mánudag, klukkan 19.15.
Sviss tekið í
kennslustund
Í
slenska kvennalandsliðið
í handbolta valtaði yfir
það svissneska þegar liðin
mættust í undankeppni
EM í Vodafone-höllinni
á sunnudaginn. Ísland hafði
fimmtán marka sigur, 31–16,
og var sigurinn vægast sagt
aldrei í hættu. Seinni hálfleik-
urinn var einfaldlega sýning
og náðu allir leikmenn Íslands
nema einn að skora mark í
leiknum. Fyrir leikinn bárust
þó þau tíðindi úr riðli Íslands
að Úkraína hefði lagt Spán að
velli. Það þýðir einfaldlega að
Ísland þarf að vinna Spán á
heimavelli í maí og Úkraínu
ytra í júní ætli liðið á EM í Hol-
landi í desember.
Frábær varnarleikur
Fyrstu tíu mínútur leiksins
voru ekki fallegar hjá liðun-
um. Það var eins og væri verið
að keppa í undankeppni EM
í tæknifeilum því liðin náðu
vart að halda boltanum. Eftir
fínan kafla Sviss þar sem það
minnkaði muninn í eitt mark,
8–7, tók Ágúst Guðmundsson
leikhlé sem svínvirkaði. Eftir
það skoraði Ísland 7 mörk
gegn tveimur hjá Sviss og
leiddi í hálfleik með sex mörk-
um, 15–9.
Í seinni hálfleik var varnar-
leikurinn heldur betur kom-
inn í lag og kenndi maður
stundum í brjósti um sviss-
nesku stelpurnar þar sem þær
reyndu að brjóta niður ís-
lenska varnarmúrinn. Ísland
byrjaði seinni hálfleikinn með
því að skora fimm mörk gegn
einu og var þá staðan orð-
in 19–10. Eftir það var aðeins
spurning hversu stór sigurinn
yrði.
Ágúst fór að nýta breidd-
ina í liðinu og leyfði öllum
að spila. Það skipti engu máli
hver kom inn á, allar stelp-
urnar stóðu sig frábærlega og
skoruðu allar að minnsta kosti
eitt mark. Það er að segja allar
nema Elísabet Gunnarsdóttir.
Lokatölur, 31–16, fimmtán
marka stórsigur Íslands.
Ætla sér til Hollands
„Við spiluðum mjög vel, sérstak-
lega varnarlega,“ sagði sigur-
reifur þjálfari Íslands, Ágúst
Jóhannsson, í viðtali við RÚV
eftir leikinn. „Við vorum frekar
óþolinmóðar í fyrri hálfleik en
það lagaðist í seinni hálfleik og
ég er mjög sáttur. Það má ekki
gleyma því að við erum án lykil-
manna eins og Rakelar Daggar
en breiddin er að aukast,“ sagði
Ágúst en hvað með þá staðreynd
að aðeins dugar sigur í síðustu
tveimur leikjunum?
„Við erum ekkert að pæla í
öðrum úrslitum. Þetta er enn
í okkar höndum þannig að við
keyrum okkur bara upp þegar
við komum aftur saman í maí,“
sagði Ágúst.
Karen Knútsdóttir stýrði
leik Íslands af myndarskap
og var markahæsti leikmaður
liðsins ásamt Stellu Sigurðar-
dóttur. Hún var ánægð með
sigurinn. „Þetta var sigur liðs-
heildarinnar. Það var líka frá-
bært að sjá Jennýju og Guð-
rúnu svona góðar í markinu í
dag. Guðrún er búin að æfa vel
veit ég eftir meiðslin í vetur og
það er flott að sjá hana koma
svona sterka inn,“ sagði Karen
sem segir liðið ætla sér til Hol-
lands í desember.
„Við erum búnar að fara á
síðustu tvö stórmót og viljum
fara á fleiri. Við getum unn-
ið Spán á góðum degi og við
unnum Úkraínu stórt síðast
þegar við spiluðum. Við ætlum
okkur til Hollands,“ sagði Kar-
en Knútsdóttir.
n Stelpurnar völtuðu yfir Sviss n Þurfa að vinna rest til að komast á EM
Mörk Íslands: Karen Knúts-
dóttir 6/1, Stella Sigurðardóttir
6, Þórey Rósa Stefánsdóttir 3,
Hildur Þorgeirsdóttir 2, Ásta
Birna Gunnarsdóttir 2, Arna
Sif Pálsdóttir 2, Hrafnhildur
Ósk Skúladóttir 2, Jóna Mar-
grét Ragnarsdóttir 2, Dagný
Skúladóttir 2, Anna Úrsúla Guð-
mundsdóttir 1, Ragnhildur Rósa
Guðmundsdóttir 1, Rut Jónsdóttir
1, Hanna Guðrún Stefánsdóttir 1.
Varin skot: Guðný Jenný Ás-
mundsdóttir 11, Guðrún Ósk
Maríasdóttir 6/1.
Þurfa tvo sigra enn Ísland verður að vinna Spán og Úkraínu til að komast
á EM.
Frábær sigur
Ísland valtaði
yfir Sviss