Dagblaðið Vísir - DV - 01.08.2012, Blaðsíða 6
Fleiri telja líf sitt dafna
n Talsverður munur á milli ára
F
leiri Íslendingar telja líf sitt
dafna frekar en að þeir eigi í
meira basli en fyrir ári. Ríf-
lega 60 prósent þjóðarinn-
ar telja líf sitt dafna samkvæmt
könnun Capacent Gallup. Á vef-
síðu DataMarket hafa kannanir
Capacent um lífsviðhorf fólks ver-
ið teknar saman og þar kemur í ljós
að Íslendingar eru almennt frekar á
því núna að líf þeirra sé á uppleið
en á síðasta ári. Rúmlega tvö pró-
sent aðspurðra sögðu líf sitt vera í
þrengingum.
Samkvæmt könnun sem birt var
17. júlí í fyrra voru 55,6 prósent að-
spurðar á því að líf þeirra væri að
dafna á meðan 40,7 prósent töldu
sig eiga í basli. Fyrir um tveimur
vikum, 15. júlí, var hins vegar 61
prósent á því að líf þess dafnaði en
36,8 prósent að þau ættu í basli.
Á sama tíma töldu um það bil 3,5
prósent sig vera í þrengingum.
Til að finna tölur sem sýna að
fleiri telji sig lifa við basl en að líf
þeirra dafni þarf að fara aftur í
október 2010, samkvæmt saman-
tekt DataMarket. Þá töldu 47,8 pró-
sent líf sitt dafna á meðan 48,2 pró-
sent töldu sig vera í basli. Síðan þá
hefur hlutfall þeirra sem telja að líf
sitt dafni hækkað talsvert.
Samantekt DataMarket á
könnunum Capacent nær ekki
lengra aftur en til loka maí árið
2010. Samanburðurinn nær því
ekki aftur fyrir hrun. Hins vegar
benda fyrstu tölurnar í samantekt-
inni til þess að lífsmat Íslendinga
hafi breyst til hins betra frá hrun-
inu. adalsteinn@dv.is
6 Fréttir 1. ágúst 2012 Miðvikudagur
Y
oko Ono, ekkja Bítilsins sál-
uga Johns Lennon, seig nið-
ur í Þríhnúkagíg í Bláfjöllum
á mánudaginn. Gígurinn er
150 metra djúpur og eru
ferðamenn fluttir niður í hann í sér-
stakri lyftu sem fest hefur verið ofan
við gígopið. Þríhnúkagígur er eini
gosgígurinn í heiminum sem hægt er
að skoða með þessum hætti. Gígur-
inn er vinsæll meðal erlendra ferða-
manna og fyrirfólks sem kemur til
Íslands, kvikmyndaleikarinn Tom
Cruise seig til að mynda ofan í gíginn
fyrr í sumar.
Leynd yfir ferðinni
Talsverð leynd hvíldi yfir komu hinn-
ar 79 ára gömlu Yoko Ono í Þríhnúka-
gíg og fylgdi nokkurt pukur ferðum
hennar. Tæplega 20 manna hópur
ferðamanna var við gíginn á sama
tíma og hún síðdegis á mánudag. Allt
var gert til að hinir ferðamennirn-
ir yrðu ekki varir við fjöllistakonuna.
Gljáfægð BMW-bifreið Ono kom ekki
á bílastæðið við gíginn fyrr en eftir að
hinir ferðamennirnir höfðu lagt upp
í gönguna að búðunum við gíginn.
Sömuleiðis kom hún ekki að sjálfum
búðunum fyrr en aðrir ferðalangar
voru komnir ofan í gíginn þannig að
fáir yrðu varir við hana.
Vernduð Ono
Föruneyti Ono hreiðraði um sig í
öðrum af tveimur vinnuskúrum sem
mynda búðirnar við gíginn þar sem
ferðamennirnir bíða eftir að verða
fluttir niður í hollum. Einn af ís-
lenskum starfsmönnum listakon-
unnar vildi meina öðrum ferðalöng-
um aðgang að þessum skúr þar sem
hjálmar og annar öryggisbúnaður er
geymdur svo þeir sæu ekki listakon-
una. Þegar ferðamennirnir ætluðu
að skila hjálmum sínum og öryggis-
beltum inn í skúrinn eftir sigtúrinn
sagði starfsmaður Yoko ólundar-
lega: „Geta þeir ekki bara borðað
kjötsúpuna með beltin á sér í hinum
skúrnum?“ – fjallamennirnir sem
skipuleggja skoðun Þríhnúkagígs
kokka íslenska kjötsúpu ofan í gesti
sína. Undrandi, en jafnframt af bestu
getu, reyndu starfsmenn við gíginn
að verða við þessum tiktúrum ís-
lenskra starfsmanna stjörnunnar og
tóku við öryggishjálmum og -beltum
óbreyttu ferðamannanna fyrir utan
skúr Yoko.
Ein í skúr með súpu
Einn erlendu ferðamannanna hafði
hins vegar skilið bakpoka sinn eft-
ir í vinnuskúrnum þar sem Yoko
hélt til í leyni og fór inn í skúrinn við
litla hrifningu starfsmannsins sam-
viskusama. Svo vildi til að listakon-
an heimsfræga sat þá næstum ofan
á bakpoka ferðamannsins á bekk í
skúrnum og þurfti hann því að koma
hættulega nálægt henni til að fjar-
lægja hann. Ferðamaðurinn kom
hins vegar af fjöllum þegar honum
var sagt að sjálf Yoko Ono hefði ver-
ið inn í skúrnum enda bar hann ekki
kennsl á leynigestinn. Honum fannst
raunar, eftir á að hyggja, lítið til þess
koma að hann hefði næstum feng-
ið að snerta Yoko þegar hann fjar-
lægði pjönkur sínar og kímdi yfir til-
standinu í kringum hana. Ono var
svo flutt að Þríhnúkagíg þegar starfs-
menn hennar höfðu fullvissað sig
um að aðrir óbreyttir gestir sætu að
súpuáti í hinum skúrnum og að hún
kæmist leiðar sinnar óáreitt.
Ferðamennirnir héldu svo í
burtu að bílastæðinu á meðan Yoko
seig niður í gíginn. Blessunarlega
varð nánast enginn var við Yoko –
hernaðartæknin gekk upp. Þegar
upp úr gígnum var komið var lista-
konunni boðið upp á sömu íslensku
kjötsúpuna og uppáhellinguna og
hinum ferðamönnunum á ódekk-
uðu borði. Hvort Yoko þáði kjöt-
súpuna er ekki vitað en hún hefur
þá miskunnarlega fengið að njóta
hennar ein í skúrnum. BMW-bifreið
Yoko stóð ein eftir á bílastæðinu í
Bláfjöllum á meðan aðrir keyrðu í
bæinn.
Yoko ein í kjötsúpu
n Skoðaði Þríhnúkagíg í leyni n Sérþarfir Bítlaekkju við náttúruperlu
„Geta þeir ekki bara borðað
kjötsúpuna með beltin á
sér í hinum skúrnum?
Sjónarspil Þríhnúka-
gígur er mikil nátt-
úruperla og skiljanlegt
að Yoko hafi viljað
berja hann augum.
Breyting Það var síðast í október árið 2010
sem fleiri töldu sig eiga í basli en að líf þeirra
dafnaði.
Selja stóran
hlut í TM
Stoðir hf. hafa samið um sölu á
60 prósenta hlut í Tryggingamið-
stöðinni hf. (TM) til hóps lífeyris-
sjóða og annarra innlendra fjár-
festa. Kaupendur eru meðal annars
Lífeyrissjóður verzlunarmanna,
Söfnunarsjóður lífeyrisréttinda,
Sameinaði lífeyrissjóðurinn, Stafir
lífeyrissjóður, Festa lífeyrissjóður,
Lífeyrissjóður starfsmanna sveitar-
félaga, Lífeyrissjóður Vestfirðinga,
Sjóður 10 á vegum Íslandssjóða,
auk fjárfesta á vegum VÍB – Eigna-
stýringar Íslandsbanka, Virðingar
og Auðar Capital.
Í tilkynningu sem Stoðir sendu
frá sér kemur fram að samningur-
inn sem nú hefur verið undirrit-
aður sé gerður með fyrirvara um
samþykki Fjármálaeftirlitsins og
Samkeppniseftirlitsins. „Samn-
ingsaðilar vænta þess að skilyrði
samningsins verði uppfyllt inn-
an fárra mánaða og að afhending
eignarhlutarins geti þá átt sér stað.
Engar breytingar eru áformaðar á
rekstri TM og mun þessi samningur
engin áhrif hafa á stöðu viðskipta-
vina eða starfsmanna félagsins,“
segir enn fremur í tilkynningunni.
Stoðir munu eiga tæplega 40 pró-
senta hlut í TM eftir viðskiptin.
Vilja frjálsar
handfæraveiðar
Samtök íslenskra fiskimanna
skora á stjórnvöld að efna kosn-
ingaloforð sitt um frjálsar hand-
færaveiðar. Þetta kemur fram í til-
kynningu sem samtökin sendu frá
sér á þriðjudag og er tilefnið aukn-
ing á þorskkvóta næsta árs.
„Í stað þess að velta fyrir sér
aðferðum við að skipta örlitlum
strandveiðipotti á milli landshluta
er rétt að stíga skrefið til fulls og
veita sjávarbyggðum og almenn-
ingi í landinu aftur þann rétt að
fá að róa til fiskjar með handfæri;
sér og sínum til framfærslu. Skyn-
samlegt og hagkvæmt er að veiða
þennan aukna afla með vistvæn-
um veiðarfærum, sem spara heil-
mikinn gjaldeyri í formi minni
eldsneytiskaupa og skapa mikla
atvinnu í hinum dreifðu byggð-
um,“ segir í áskorun fiskimanna.