Dagblaðið Vísir - DV - 01.08.2012, Blaðsíða 14

Drakk vín meðan barnið drukknaði
n Ung móðir dæmd í 45 mánaða fangelsi í Bretlandi
H
in 24 ára gamla Danielle
Reeves var á mánudag
dæmd í 45 mánaða fangelsi
í Bretlandi fyrir að hafa með
vítaverðu gáleysi borið ábyrgð á
því að tólf mánaða sonur hennar
drukknaði í baði. Málið allt saman
er mikill harmleikur en samkvæmt
breskum fjölmiðlum höfðu barna-
verndaryfirvöldum í Caterham
í Surrey borist tilkynningar um
Reeves vegna vanrækslu.
Fram kemur í ákæru, en þess
ber að geta að móðirin unga ját-
aði á sig manndráp, að Reeves hafi
skilið tólf mánaða gamlan son sinn
eftir í baði þar sem hann drukkn-
aði meðan hún skrapp frá í nærri
50 mínútur til að fá sér í glas með
nágranna sínum. Með hinum árs-
gamla Frankie-Joe var þriggja ára
bróðir hans Alfie. Fram kom við
rannsókn málsins að allt of mikið
vatn hefði verið í baðkarinu til að
skilja drengina eftir eftirlitslausa.
Reeves hafði, eftir rifrildi við
barnsföður sinn, kíkt yfir til ná-
granna síns þar sem hún fékk sér
nokkuð af hvítvíni.
Eftir að hafa setið að sumbli
heyrði hún eldri son sinn öskra og
kom að Frankie-Joe lífvana í bað-
kerinu. Degi eftir eins árs afmæli
hans í september í fyrra.
Breskir fjölmiðlar eru óvægnir
í umfjöllun sinni um málið og er
fullyrt að Reeves hafi upphaflega
reynt að kenna hinum syni sínum
um dauða Frankie-Joe. Sagði hún
Alfie öfundsjúkan út í drenginn.
Reeves grét óstjórnlega með-
an dómari málsins kvað upp dóm
sinn þar sem hann sagði ábyrgð
móðurinnar í dauða sonarins
mikla. Vanræksla hennar hefði
verið glæpsamleg.
14 Erlent 1. ágúst 2012 Miðvikudagur
Maraþonhlaupari
án þjóðsöngs
G
uor Marial, maraþon-
hlaupari frá Suður-Súdan,
er einn þeirra sem ekki fá
að keppa á Ólympíuleik-
unum undir þjóðfána sín-
um. Hann er hins vegar stoltur af
því að vera fyrsti fulltrúi yngsta
þjóðríkis í heimi á leikunum.
Marial, sem er 28 ára, fæddist
í því landi sem nú er þekkt sem
Suður-Súdan. Það varð í júlí í fyrra
sjálfstætt ríki eftir blóðugan að-
skilnað við Súdan. Áralöng átök
kostuðu milljónir manna lífið.
Marial býr nú í Bandaríkjunum
eftir að hafa flúið átökin í föður-
landinu og fengið þar hæli fyrir ell-
efu árum.
Svik að hlaupa fyrir Súdan
Hann er nú í einkennilegri að-
stöðu. Hann er ekki bandarískur
ríkisborgari og neitar að keppa
undir þjóðfána Súdan. Hann er
hins vegar gjaldgengur sem kepp-
andi á Ólympíuleikunum en getur
ekki keppt fyrir hönd Suður-Súd-
an þar sem hann er hvorki með
suðursúdanskt vegabréf né heldur
er ríkið nýstofnaða búið að koma á
laggirnar ólympíusambandi.
„Aldrei,“ sagði Marial í síðustu
viku aðspurður hvort til greina
kæmi að hann keppti fyrir Súd-
an. „Fyrir mér væru það hrein svik
að íhuga það. 28 meðlimir úr fjöl-
skyldu minni týndu lífi í stríðinu
við Súdan. Milljónir af mínu fólki
voru drepnar af herliði Súdana.
Ég get aðeins fyrirgefið, en ég get
hvorki heiðrað né upphafið þjóð-
ina sem myrti fólkið mitt.“
Enginn þjóðsöngur
Alþjóðaólympíunefndin hef-
ur hins vegar veitt Marial, og
nokkrum öðrum, leyfi til að keppa
á leikunum í London sem óháður
keppandi. Það þýðir að hann þarf
að mæta til leiks undir ólympíu-
fánanum, klæðast búningi sem
ekki er merktur þjóðfána og fari
svo að hann sigri í sinni keppn-
isgrein mun hann þurfa að stíga
á verðlaunapall undir opinbera
ólympíulaginu. Það er, ekki þjóð-
söng Suður-Súdan.
„Sú staðreynd að ég fái að taka
þátt í Ólympíuleikunum er mér
mikils virði. Og það er þjóð minni
einnig mikils virði enda hefur hún
gengið í gegnum svo margt.“
Marial var í undirbúningsþjálf-
un í Flagstaff í Arizona í Bandaríkj-
unum fyrir leikana en hann mun
keppa þann 12. ágúst.
„Þó að ég beri ekki fána verð ég
tákn þjóðar minnar. Suður-Súdan
verður í hjarta mínu.“
Fékk tækifæri í Bandaríkjun-
um
Maraþonhlaup er síður en svo það
erfiðasta sem þessi hlaupagarpur
hefur þurft að ganga í gegnum eftir
að hann var tekinn af heimili sínu
aðeins 9 ára og slapp úr barna-
þrælkun. Hann þvældist árin eft-
ir það milli landa, fram og til baka,
í leit að hæli vegna átakanna í
heimalandinu. Það var ekki fyrr en
árið 2001 að honum var veitt hæli í
Bandaríkjunum.
Þar gekk Marial í menntaskóla í
New Hampshire og ákvað að prófa
að spreyta sig í keppnishlaupi eft-
ir að hafa „hlaupið undan átökum“
í mörg ár, eins og hann orðar það
sjálfur í samtali við CNN. Marial
gekk vel og komst hann í háskól-
ann í Iowa þar sem hann fékk af-
reksmannastyrk.
Ekki séð foreldra sína í áratugi
Guor Marial hefur ekki séð for-
eldra sína síðan árið 1993 þegar
hann flúði fyrst frá Súdan sem
ungur drengur.
„Ég vona að þau sjái mig að
minnsta kosti hlaupa á leikunum.
Þau búa reyndar í þorpi þar sem
hvorki er sjónvarp né rafmagn,“
segir Marial sem hefur ekki séð
foreldra sína í nærri tvo áratugi,
og þar af ekki heyrt í föður sín-
um í fimm ár. Hann segist þó hafa
vitneskju um að fjölskylda hans
hyggist ætla að reyna að ganga til
næsta bæjar, í rúmlega 60 kíló-
metra fjarlægð, til að ná hlaupi
hans í sjónvarpinu.
Missti af setningarathöfn
En það er ekki nóg að fá þátttöku-
rétt á Ólympíuleikunum, það þarf
bókstaflega að komast þangað líka.
Þessi suðursúdanski hlaupagarp-
ur missti því miður af setningar-
athöfninni á föstudaginn þar sem
ekki hafði verið gengið frá gögnum
tengdum ferðalagi hans í tæka tíð.
Það hefur reynst þrautin þyngri
enda ekki með vegabréf.
Sem betur fer á Marial góða að
eins og lögmanninn Brad Poore
sem barðist mjög fyrir rétti vin-
ar síns til að komast á leikana.
Þeir kynntust í maraþonhlaupi í
Minnesota í október síðastliðnum
og síðan þá hefur Poore unnið að
því að koma vini sínum til London.
Eitt er víst; Guor Marial mun
hlaupa fyrir heiður þjóðar sinn-
ar og vonast hann að sögn til að
gleðja landa sína sem átt hafa svo
erfitt um árabil.
n Ekki fá allir ólympíufarar að vera fulltrúar þjóðar sinnar á leikunum
Sigurður Mikael Jónsson
blaðamaður skrifar mikael@dv.is
Fáninn sem hann fær ekki að bera
Guor Marial sést hér á mynd með þjóðfána
Suður-Súdan. Þeim sama og hann má ekki
keppa undir á ÓL 2012. Mynd: REUtERS
„Þó að ég beri
ekki fána
verð ég tákn þjóðar
minnar
Missti af byrjuninni Marial
missti af setningarathöfn leikanna
á föstudag. Verður vonandi kominn
fyrir hlaupið sitt 12. ágúst. Mynd: REUtERS
Vond móðir Danielle
Reeves fór og fékk sér
hvítvín með nágranna.
Skildi börnin eftir í
barmafullu baðkeri.
Lögðu hald
á hálft tonn
Ástralska lögreglan lagði á dögun-
um hald á meira en fimm hund-
ruð kíló af fíkniefnum sem er það
mesta í sögu landsins. Þá hefur
lögreglan gert yfir 500 milljónir
dala upptækar og upprætt fíkni-
efnahring sem teygir anga sína
alla leið til Hong Kong. Sjö menn
hafa verið handteknir í tengslum
við rannsókn málsins, fjórir frá
Hong Kong og þrír frá Ástralíu.
Meðal þess sem lögregla lagði
hald á eru 306 kíló af metam-
fetamíni og 252 kíló af heróíni. Í
yfirlýsingu sem ástralska lögreglan
sendi frá sér kemur fram að hand-
tökurnar séu afrakstur fjögurra ára
rannsóknarvinnu.
Dauðadómar
fyrir fjársvik
Fjórir hafa verið dæmdir til dauða
í Íran fyrir aðild sína að einu
stærsta fjársvikamáli í sögu lands-
ins. Málið var mjög umfangsmik-
ið og hlutu tveir einstaklingar
lífstíðarfangelsi. Þá voru 33 aðrir
dæmdir í allt að 25 ára fangelsi
fyrir aðild sína að málinu. Rann-
sókn málsins hófst í september
síðastliðnum þegar fjárfestingar-
fyrirtæki í Íran var sakað um að
hafa falsað gögn til að fá lánafyr-
irgreiðslur frá sjö írönskum bönk-
um. Forseti landsins, Mahmoud
Ahmadinejad, neitaði því á síðasta
ári að ríkisstjórn hans hefði haft
vitneskju um svikin.
Hótuðu í nafni
bekkjarsystur
Tvær táningsstúlkur frá Texas í
Bandaríkjunum hafa verið hand-
teknar og ákærðar fyrir að stofna
Facebook-síðu í nafni bekkjar-
systur sinnar. Síðuna notuðu þær
til að senda öðrum bekkjarsystk-
inum sínum margvíslegar hótan-
ir. Uppátækið kom fórnarlamb-
inu skiljanlega í mikið klandur.
Stúlkunni var hótað til baka, hún
var útskúfuð og litlu mátti muna
að gengið yrði í skrokk á henni
að sögn lögreglu sem lítur málið
alvarlegum augum.
Dularfullur
pakki í Osló
Öll hús voru rýmd í um fimm
hundruð metra radíus frá
bandaríska sendiráðinu í Osló
á þriðjudag eftir að dularfullur
pakki fannst undir bifreið sem
lagt var við sendiráðið. Þegar
pakkinn fannst var málið um-
svifalaust litið alvarlegum aug-
um. Á daginn kom að engin
hætta stafaði af pakkanum og
var hættuástandi aflétt.