Dagblaðið Vísir - DV - 01.08.2012, Blaðsíða 15

Karlahorn
vekur lukku
„Þetta var grín til að byrja með,“
segir George Zoitas, eigandi
matvöruverslunar á Manhattan
í New York, Westside Market,
um nýjung sem verslunin er far­
in að bjóða upp á. Í versluninni
er að finna sérstakt karlahorn
þar sem karlmenn geta meðal
annars nálgast bjór, smokka,
þurrkað nautakjöt og rak­
vélablöð á sama stað. Zoitas
segir að karlmenn hafi almennt
ekkert sérstaklega gaman af því
að fara í verslanir. Karlahornið
miði að því að létta karlmönn­
um lífið, þeir geti skotist inn og
náð í það sem þeir þurfa og farið
svo strax út aftur. Nýjungin hef­
ur vakið talsverða lukku meðal
viðskiptavina.
„Mér finnst hundleiðinlegt
að eyða miklum tíma í matvöru­
verslunum en þetta karlahorn
auðveldar hlutina talsvert,“ seg­
ir Andy Huber, 23 ára viðskipta­
vinur, í samtali við the New
York Post.K
völd eitt í júnímánuði
læddist Krishna, 19 ára
indversk stúlka, út af heim­
ili sínu í Saharanpur og tók
rútu til kærasta síns. Síðan
þá hefur Krishna ekki þorað aftur
heim til sín af ótta við hefndarað­
gerðir fjölskyldu sinnar. Ástæð­
an er sú að kærasti Krishnu, hinn
22 ára gamli Sonu, er af lægri stétt
en hún. Daginn eftir að Krishna
læddist út og fór til kærasta síns
létu þau pússa sig saman. Þau létu
ekki þar við sitja heldur fóru til lög­
reglu þar sem þau báðu um að fá
lögregluvernd. Lögregla hefur nú
veitt þeim vernd og komið þeim
fyrir í sérstöku afdrepi fyrir fólk
sem er í svipaðri stöðu og þau.
Hóf nýtt líf
Breska ríkisútvarpið, BBC, fjall­
aði á dögunum ítarlega um parið
og aðra sem eru í svipaðri stöðu.
Fréttaritari BBC á Indlandi, Soutik
Biswas, heimsótti parið í skýlið
og spurði Krishnu meðal annars
að því hvort líf eiginmanns henn­
ar væri raunverulega í hættu. „Það
er mjög auðvelt að verða sér úti
um byssu. Í mínu þorpi er skot­
um hleypt af í jafnvel minni háttar
deilumálum. Það er mjög auðvelt
að drepa,“ segir hún.
Eftir að Krishna kynntist nú­
verandi eiginmanni sínum fundu
foreldrar hennar mann, af sömu
stétt og hún, sem þeir vildu að
hún giftist. Krishna sætti sig ekki
við þann ráðahag enda hafði
hún aldrei hitt manninn og var
ástfangin af Sonu. Hún tók því til
sinna ráða og yfirgaf heimili sitt til
að hefja nýtt líf með manninum
sem hún elskar.
Ásókn eykst
Á undanförnum árum hefur ásókn
í þessi afdrep á vegum lögreglu
aukist og á síðasta ári var yfir 200
pörum veitt skjól. Prem Chowd­
hury, indverskur félagsfræðingur,
segir í samtali við BBC að konur
á Indlandi séu alltaf undir „hæln­
um á einhverjum öðrum“ – sem
börn undir foreldrum sínum og
sem fullorðnar konur undir eigin­
manni sínum. „Rof á þessari hug­
myndafræði er álitið mjög hættu­
legt,“ segir hann. Konum leyfist
ekki að hefja samband með manni
sem býr í sama þorpi og hún býr í
eða elst uppi í, er af lægri stétt en
hún eða annarrar trúar. Þrátt fyr­
ir þetta virðast Indverjar í auknum
mæli vera farnir að hunsa þessa
hugmyndafræði og fara eigin leið­
ir.
Stórfé sparast
Blaðamaður BBC hitti annað par
sem er í svipaðri stöðu og Krishna
og Sonu. Shallu, 22 ára, og Sub­
has, 27 ára, kynntust á samskipta­
vefnum Facebook fyrir tveimur
árum. Shallu sendi honum vina­
beiðni og stuttu síðar fóru þau að
spjalla saman. Þau hittust stuttu
eftir það og byrjuðu saman þrátt
fyrir að fjölskylda Shallu væri því
mótfallin. „Foreldrar mínir sögð­
ust ætla að finna ríkan og myndar­
legan strák fyrir mig. En ég sagðist
ekki vilja það. Ég vildi bara giftast
kærastanum mínum,“ segir hún
en líkt og Sonu er Subhas af lægri
stétt en Shallu.
Shallu sá ekki aðra leið færa en
að flýja fjölskyldu sína til að geta
verið með sínum heittelskaða. Þau
segja í samtali við blaðamann að
meðlimir í fjölskyldu Shallu hafi
gert sér ferð til foreldra Subhas
og sagt þeim að skila stúlkunni. Ef
það yrði ekki gert myndu slæmir
hlutir gerast. Shallu á erfitt með að
skilja hvers vegna fjölskylda henn­
ar getur ekki sætt sig við að hún
hafi einungis viljað giftast mann­
inum sem hún elskar. „Ég hef
sparað föður mínum milljón rúpí­
ur (220 þúsund krónur) sem hann
ætlaði að nota í heimanmund fyr­
ir mig. „Þau ættu að vera sátt við
það,“ segir hún að lokum.
Erlent 15Miðvikudagur 1. ágúst 2012
Ástfangin
en farin í felur
Einar Þór Sigurðsson
blaðamaður skrifar einar@dv.is
„Foreldrar
mínir sögð-
ust ætla að finna
ríkan og myndar-
legan strák fyrir
mig
Kynntust á Facebook Shallu og Subhas kynntust fyrir tveimur árum á samskiptavefn-
um Facebook. Ástarsamband þeirra er ekki með samþykki fjölskyldu hennar.
Afdrep Tvö til þrjú pör búa
saman í herbergi og gæta
vopnaðir lögreglumenn
öryggis þeirra. Þau drepa
tímann meðal annars með
því að spila lúdó.
n Pör njóta lögregluverndar á Indlandi n Konur flýja af ótta við hefnd
Malbikið
bráðnaði
Miklir hitar hafa geisað í Kína að
undanförnu og eru til dæmi
þess að malbikaðir vegir hafi
hreinlega bráðnað. Fen Li, flutn­
ingabílstjóri í Wuhan í Hubei­
héraði, lenti einmitt í því á
dögunum. „Ég stöðvaði
bifreiðina í nokkrar mínútur og
fór út. Þegar ég kom til baka sá
ég að bifreiðin hafði sigið
talsvert. Þá sá ég að vegurinn
hafði hreinlega bráðnað undan
bifreiðinni,“ segir Li en sjá má
mynd af atvikinu hér að ofan.
Lögregla segir að verktakafyrir­
tækjum sem sáu um lagningu
veganna sé um að kenna. Ekki
hafi verið vandað nógu vel til
verka.