Dagblaðið Vísir - DV - 01.08.2012, Blaðsíða 17

Fyrsta launaða
sumarfríið
Þennan mann ætla ég
að kyssa það sem eftir er
Haukur Heiðar söngvari Diktu varð þrítugur í vikunni – DVLísa Dögg Helgadóttir unnusta Herberts Guðmundssonar – Vikan
Réttur dagsins
Spurningin
„Of Monsters and Men.“
Einar Sigurjón Valdimarsson
41 ára sérfræðingur í banka
„HAM er uppáhalds íslenska
hljómsveitin mín.“
Valdimar Jóhannsson
36 ára tónlistarmaður
„Sigurrós. Hún er alltaf skemmti-
leg.“
Kristján Sveinsson
58 ára húsasmiður
„Of Monsters and Men eru í miklu
uppáhaldi.“
Jóhannes Ólafsson
55 ára múrari
„Hljómsveitin HAM.“
Helga Bára Tryggvadóttir
43 ára atvinnulaus
Hver er uppá-
halds íslenska
hljómsveitin þín?
1 Gruna kínverska sundmeist-arann um græsku Sundþjálfari
Bandaríkjanna setur spurningamerki
við frammistöðu Ye Shiwen.
2 Heimskur glæpamaður tók myndir af sér með góssinu
Danskur krimmi stal tölvum og pening-
um og birti myndir af sér á Dropbox.
3 Sádi-Arabía hótaði að senda alla kveníþróttamenn sína
heim Kröfðust þess að konurnar
fengju að bera hijab-klút í keppni á
Ólympíuleikunum.
4 Skoðaði Pattinson í fríinu Katy Perry slakaði á við sundlaugarbakka og
las umfjöllun um Robert Pattinson.
5 Moldríkir þingmenn Sigmundur Davíð Gunnlaugsson er langríkasti
þingmaðurinn.
6 „Bolabrögð og óheiðarleiki“ í Heimdalli Ósætti vegna kosninga
til formanns Heimdallar, félags ungra
sjálfstæðismanna í Reykjavík.
7 Sægreifinn selur Kjartan Halldórsson seldi staðinn til hjónanna
Elísabetar Jean Skúladóttur og Daða
Steins Sigurðssonar.
Mest lesið á DV.is Skráargat skattsins
S
varthöfði er á þeirri eindregnu
skoðun að það sé ódæðisverk
hjá skattinum að flagga fátækt
og auðlegð manna með því
að opinbera skatta og útsvar. Ungir
sjálfstæðismenn hafa verið duglegir
að benda á það að skattar séu einka­
mál hvers manns. Svo sannarlega er
það rétt.
Hvað kemur almenningi það við
hvort Jón Jónsson eða hver annar
greiðir til samneyslunnar? Af hverju
í ósköpunum er verið að flagga því
að athafnamennirnir Hallur Halls­
son og Óli Björn Kárason eru vart
matvinnungar? Annar með 80 þús­
und krónur á mánuði en hinn með
126 þúsund krónur. Það er svívirði­
legt að varpa þannig ljósi á fátækt
manna sem ekki geta lagt neitt í
sameiginlegt púkk landsmanna.
Auðvitað á að fela allar upplýs­
ingar um skatta einstaklinga eins og
reyndar gerist í skattaskjólum á hin­
um ýmsu aflandseyjum. Þar svífur
leyndin og heiðarleikinn yfir vötn­
um. Fráleitt er að halda því fram að
einkamál aflandseyjanna eigi erindi
við almenning. Þvert á móti verð­
ur að treysta öllum mönnum til að
ganga á vegum sannleikans þar sem
samneyslan og einkahagurinn fara
saman. Reynsla okkar Íslendinga
er einmitt sú að í leyndinni þríf­
ast hin góðu verk. Við munum öll
útrásarvíkingana sem um tíma efldu
þjóðarhag og lögðu undir sig við­
skiptalíf í öðrum löndum af því að
þeir fengu frið með sín fjármál.
Við skulum einum rómi taka
undir með ungum sjálfstæðismönn­
um og krefjast þess að skattur­
inn loki skráargatinu. „Næstu tvær
vikur munu álagningarskrár liggja
frammi á starfsstöðvum skattstjór­
ans og getur þá hver sem vill grand­
skoðað einkahagi samborgara sinna.
Löng hefð er fyrir framlagningu
álagningarskráa og hefur ódæðinu
sjaldan verið andmælt eða það ver­
ið véfengt,“ hefur verðlaunavefur­
inn amx.is eftir einum af oddvitum
unga fólksins í Sjálfstæðisflokknum.
Þarna er réttlætiskennd alls góðs
fólks ofboðið. Svarthöfði tekur und­
ir hvert orð. Dragið fyrir gluggana,
ódæðismenn. Ekki flagga einkamál­
um.
H
verju þarf að breyta á Íslandi?
Við getum nefnt ótal hluti en
heilt yfir má segja að valdastoð­
ir samfélagsins skorti traust.
Ráðherrar, alþingismenn og dómarar
eru í frjálsu falli og áhugi almennings
á stjórnmálum fer dvínandi. Argaþras
og flókin uppsetning einföldustu mála
fælir marga í burtu og bágindi eru
deyfð með afþreyingu. Á meðan hagg­
ast engir steinar.
Vantraust Alþingis á sér ekki flókn­
ar rætur. Það kristallast í valdatafli
fylkinga sem gleymt hafa sínum upp­
runalega tilgangi. Fjórflokkurinn á
Íslandi er nátttröll, markmiðið það
eitt að skara eld að eigin köku og til­
veru. Fjórflokkurinn viðheldur eigin
forréttindum, tengslaneti og skipti­
mörkuðum. Þeir láta afglöp sín liggja
í þagnargildi, breyta Alþingi í kjafta­
klúbb og velja sína fulltrúa sjálfir.
Fólkinu í landinu er markvisst haldið
frá öllu sem raskað gæti veldi Fjór­
flokksins.
Helsta tæki almennings til breyt­
inga eru kosningar. Líkja má þeim lýð­
ræðislega rétti við leikmanna glugga
fótboltans nema þar njóta skærustu
stjörnurnar lýðhylli, það er þær sem
sannað hafa gagn sitt. Missi þær flug­
ið taka aðrar við. Þessu er þveröfugt
farið í alþingiskosningum, þar sitja
kalstjörnur á toppi leikmannaglugg­
ans og þeim aðeins skipt út fyrir aðra
kalstjörnu. Stjörnur stjórnmálanna
eru þannig frábrugðnar stjörnum fót­
boltans að þær sanna ekki gildi sitt úti
á vellinum heldur í búningsherbergj­
unum.
Þessu er auðveldlega hægt að
breyta en Fjórflokkurinn heldur að sér
höndum. Frammistöðumat er honum
andstætt enda fellur það illa að þeirri
sérhyggjupólitík sem hann stundar.
Krafa kjósenda á auðvitað að vera sú
að geta valið þá leikmenn sem þeir
treysta best. Þannig færist ábyrgð­
in yfir á kjósendur og þá má segja að
þjóðin fái það sem hún á skilið, ekki
fyrr.
Ný stjórnarskrá verður borin und­
ir þjóðaratkvæði í haust. Í henni er
grein um persónukjör sem færir val
frambjóðenda úr höndum flokkanna
til hins almenna kjósenda. Þá gætir
þú, kjósandi góður, valið hvaðeina á
matseðlinum en ekki bara rétt dagsins
eins og nú er.
„Þessu er
auðveld-
lega hægt að
breyta en Fjór-
flokkurinn heldur
að sér höndum
Konungar hafsins Það var tignarlegt um að litast fyrir utan Akranes þegar hópur grindhvala lék listir sínar þar á mánudag. Fjöldi fólks fylgdist með þessum konungum hafsins
af landi, á meðan aðrir fóru býsna nálægt þeim á bátum. Mynd Eyþór ÁrnasonMyndin
Kjallari
Lýður Árnason
Svarthöfði
Umræða 17Miðvikudagur 1. ágúst 2012
... hálfþreytt á öllum
þessum illmennum
Huginn Grétarsson skrifaði bók um Kobba Kló í nýjum búningi – DV