Dagblaðið Vísir - DV - 03.08.2012, Blaðsíða 4
E
yrún Mist Kristinsdóttir, tussu
mella þvílík tík þú ert hóran í
Reykjavík.“ Í þessum anda eru
athugasemdir sem birtust á
Facebook síðastliðinn þriðju-
dag og varða unga konu sem í gamni
skrifaði athugasemd við stöðuupp-
færslu. „Þetta er kannski flott rím, en
þetta er ógeðslegt,“ segir Eyrún Mist
um það hvernig hópur stráka réðst á
hana með svívirðingum á Facebook.
Forsaga málsins er sú að Eyrún
skrifaði athugasemd við stöðuupp-
færslu hjá fyrrverandi kærasta sín-
um. Hann var á leið erlendis með vin-
um sínum og Eyrún svaraði honum,
að hennar sögn með brandara sem
á sér langa sögu þeirra í milli. Eyrún
vissi með hverjum hann var að fara
og á milli þeirra hafði stundum ver-
ið gantast með ímyndaða vini hans.
Eyrún hafði því skrifað, að hennar
sögn í gríni: „Not sure if imaginary
friends or imaginary friends.“
„Fatlað gerpi“
Þessu taka félagar hans hinsvegar
ansi óstinnt upp og ráðast á hana
með svívirðingum og dónaskap.
„Ég þekki ekki þetta fatlaða gerpi
Eyrúnu,“ skrifar einn og spyr hana
svo hvers vegna hún sé enn á lífi
„litla slysabarnið“. Annar leggur til að
Eyrún helli yfir sig bensíni og kveiki
í sér. Allar athugasemdirnar eru á
þennan veg; ráðast á Eyrúnu, fjöl-
skyldu hennar og gert er grín að fötl-
un hennar. Eyrún er tuttugu og fimm
prósent lömuð á hægri hlið líkamans
eftir heilablóðfall í barnæsku. Mörg
andsvörin ganga enn lengra eins og
sést á meðfylgjandi myndum.
Báðust afsökunar
Þess ber að geta að sumir piltanna, en
þó ekki allir, hafa beðið Eyrúnu afsök-
unar á framkomu sinni og skrifum
og segja að áfengi hafi haft þar mik-
il áhrif. Segjast þeir hafa verið „blind-
fullir“ og einn þeirra segist sjálfur
ekki hafa skrifað henni, heldur hafi
vinirnir gert það í hans nafni. Einn
þeirra óskaði eftir að hitta Eyrúnu til
þess að þau gætu gert málið upp sín
í milli.
Lögreglan getur ekkert gert
Eyrún Mist leitaði til lögreglunnar sem
tjáði henni að lítið væri hægt að gera
í málinu.„Lögreglumaðurinn sagð-
ist ekki geta gert neitt vegna þess að
ef hann tæki við öllum ærumeiðing-
um og persónuárásum sem koma
inn á borð hjá lögreglunni þá yrði allt
fullt hjá þeim. Svona
er internetið bara í dag. Það eru allir
að ráðast á hvern annan,“ segir Eyrún.
Vinkona Eyrúnar benti þá lögreglu-
manninum á að Eyrún hefði áður
orðið fyrir einelti, en lögreglumaður-
inn sagði að um það bil helmingur Ís-
lendinga yrðu fyrir einelti og við því
gæti lögreglan lítið gert. „Ég er ekkert
mjög ánægð með þessi viðbrögð en
svona er bara lífið,“ segir Eyrún.
Telja sig vera að svara
„Þeir telja sig vera að svara þessu inn-
leggi hennar. Þeim finnst greinilega að
það sé verið að ráðast á piltinn sem
á upphafs innlegið,“ segir Gylfi Jón
Gylfason, fræðslustjóri í Reykjanesbæ.
Það sem Eyrún Mist skrifaði flokkast
undir svokallaðar „meme“ setningar
sem eru frasar sem hafa náð ákveðinni
frægð á netinu. Þeir eru yfirleitt sett-
ir fram í léttu rúmi, en Eyrún segir að
hann hafi vísað í brandara sem hún
og fyrrverandi kærasti hennar áttu
sameiginlegan. „Það er greinilegt að
þeir verða mjög reiðir vegna innleggs
hennar og fundið sig þurfa að taka til
varna,“ segir Gylfi.
Ekki leyninet
„Það sem mér finnst með netheima
yfirhöfuð, að það er eins og ákveðinn
hópur netverja geri sér ekki grein fyr-
ir því að þegar hlutir hafa verið sett-
ir fram á netið þá eru þeir komnir til
að vera,“ segir hann og segir að það
geti verið gríðarlega særandi að fá yfir
sig slík viðbrögð. „Það sem þú skrif-
ar einu sinni, það er komið til að vera
og það er hægt að nota það gegn þér í
öðru samhengi síðar. Ef þú hegðar þér
ekki á netinu þá bara fréttist það. Ég
er nokkuð viss um að eftir þessa um-
fjöllun, hefur ekki verið þægilegt fyrir
þessa menn að réttlæta þetta fyrir sín-
um frændgarði,“ segir Gylfi.
Þristurinn fær ekki að fljúga
n Þurfa að taka til lista yfir 69 ár af breytingum á sögufrægri vél
Þ
etta er ekki óvinnandi veg-
ur en þetta er gífurleg vinna,“
segir Tómas Dagur Helga-
son, flugmaður og formað-
ur Þristavinafélagsins DC3, um það
verkefni sem bíður forsvarsmanna
félagsins ef fljúga á hinni sögufrægu
flugvél Páli Sveinssyni, betur þekktri
sem Þristinum, á ný. Flugmálastjórn
endurnýjaði ekki lofthæfisskírteini
vélarinnar sem rann út um mánaða-
mótin og er óhætt að segja að stjórn
Þristavinafélagsins hafi verið sett fyr-
ir umfangsmikið heimaverkefni til að
fá skírteinið endurnýjað.
„Hver flugvél fær lofthæfis skírteini
í eitt ár sem útgefið er af Flugmála-
stjórn,“ útskýrir Tómas Dagur í samtali
við DV. „Þegar við sóttum um endur-
nýjun vildu þeir ekki veita það nema
við legðum fram lista yfir allar þær
breytingar sem gerðar hafa verið á vél-
inni síðan 1943, þegar hún var fram-
leidd.“
Hann bætir við að fram þurfi að
koma að farið var fram á sömu gögn
í fyrra en þá fékk félagið ársfrest til
að taka saman þennan lista. Það hafi
hins vegar ekki náðst að klára hann
enda mikil vinna eins og gefur að
skilja.
Til að bregðast við þessu segir
Tómas Dagur að ákveðið hafi verið
að fljúga hinni sögufrægu vél norður
á land þann 31. júlí síðastliðinn. „Til
þess að hún væri bara í skjóli og hægt
væri að stinga henni inn ef þetta tek-
ur langan tíma.“
Aðspurður hvort hann viti hvenær
félagið muni ná að taka saman þenn-
an lista segir hann erfitt að segja
til um það og bendir á að forsvars-
menn félagsins sinni því í frítíma
sínum. „Okkar persónulegi áhugi á
þessari vél og saga hennar rekur okk-
ur áfram. Og við lítum svo á að okkur
beri skylda til að halda vélinni fljúg-
andi.“
mikael@dv.is
Sögufræg vél Páll Sveinsson er síðasti
Þristurinn á Íslandi en vélin flýgur ekki á
næstunni. Mynd: dc3.iS
Vélarvana
plastbátur
Björgunarskipið Húnabjörg var
kallað út klukkan 08:43 á fimmtu-
dag vegna vélarvana báts um það
bil 6 mílur norðan við Skaga-
strönd. Báturinn, sem er lítill
plastbátur, var á leið í land þegar
hann fékk í skrúfuna. Þrír voru
um borð og amaði ekkert að þeim.
Húnabjörg fór og tók bátinn í tog
og færði hann til hafnar á Skaga-
strönd.
Svo mikil umferð var um höfn-
ina á Skagaströnd að Húnabjörg
þurfti að doka aðeins við áður hún
komst af stað en tafir voru ekki
miklar.
Miklar annir voru hjá björg-
unarsveitum á fimmtudag. Fyrri
part dags höfðu um 140 björg-
unarsveitarmenn tekið þátt í að-
gerðum með ýmsum hætti, hvort
sem er í stjórnstöðvum, björg-
unarskipum, fjórhjólum, göngu-
hópum eða jeppum.
Rjómablíða
um helgina
Vindur verður almennt hægur, úr-
koma í lágmarki, hiti hár og ýmist
léttskýjað eða bjart með köflum.
Þetta segir Sigurður Þ. Ragnars-
son veðurfræðingur um veðurspá
verslunarmannahelgarinnar. Sig-
urður gerir ráð fyrir að það verði
léttskýjað í dag, föstudag, en þó
megi gera ráð fyrir skýjabökkum
við ströndina. Hiti verður á bilinu
12–20 stig, hlýjast á Suðurlandi.
Svipað verður uppi á teningnum
á laugardag og sunnudag; skýjað
með köflum sunnan og vestan til
en annars víða léttskýjað. Nánar
má lesa um veðurspá helgarinnar
á síðu 75 í blaðinu.
„Ef þú hegðar þér
ekki á netinu þá
bara fréttist það
n Það sem fer á netið verður ekki aftur tekið
Brjáluðust
á FaceBook
Brugðið Eyrún taldi ekki að einkabrandari milli hennar og fyrrverandi
kærasta hennar færi svona úr böndunum. Úr böndunum Mennirnir réðust að Eyrúnu með kjafti og
klóm. SkjáSkoT FacEBook
4 Fréttir 3.–7. ágúst 2012 Helgarblað
Netorðin fimm
1 Allt sem þú gerir á netinu endur-speglar hver þú ert
2 Komdu fram við aðra eins og þú vilt að aðrir komi fram við þig
3 Ekki taka þátt í neinu sem þú veist ekki hvað er
4 Mundu að efni sem þú setur á netið er öllum opið, alltaf
5 Þú berð ábyrgð á því sem þú segir og gerir á netinu
HEiMiLd: SaFT.iS