Dagblaðið Vísir - DV - 03.08.2012, Blaðsíða 10

10 Fréttir 3.–7. ágúst 2012 Helgarblað
F
imm manna íslensk fjölskylda
sem búsett er í Danmörku var
á leið heim úr sumarfríi á Ís-
landi þegar snurða hljóp á
þráðinn. Þau voru komin í
gegnum landamæraeftirlitið í Leifs-
stöð og biðu þess að kallað yrði út í
vél Iceland Express þegar þeim var
tilkynnt að drengirnir þeirra, 10 og
12 ára, fengju ekki að yfirgefa landið.
Ástæðan var sú að vegabréfin þeirra
voru útrunnin. Þetta var í síðustu
viku en þau höfðu komið með sama
flugfélagi, sömu leið, vikuna áður.
Til Danmerkur án vegabréfs
Þórður Freyr Hilmarsson er stjúp-
faðir barnanna. Hann segir að þetta
hafi komið flatt upp á fjölskylduna
og hafi verið afskaplega óþægilegt.
Hann hafi sjálfur gengið úr skugga
um, áður en þau lögðu af stað til Ís-
lands, að engu skipti þó vegabréf
drengjanna hafi verið útrunnin. Það
myndi ekki hamla för þeirra en vart
þarf að taka fram að bæði Ísland og
Danmörk eru aðilar að Schengen-
samkomulaginu, sem tryggir frjálsa
för einstaklinga um innri landamæri
samstarfsríkjanna.
Þá má nefna að samkvæmt heima-
síðu utanríkisráðuneytisins er ís-
lenskum ríkisborgurum heimilt að
fara beint til og koma beint frá Dan-
mörku, Finnlandi, Noregi og Svíþjóð
án þess að hafa í höndum vegabréf
eða önnur ferðaskilríki.
Hleypa börnum ekki út
án gilds vegabréfs
Heimir Már Pétursson, upplýsinga-
fulltrúi Iceland Express bendir á að
reglur flugfélagsins kveði á um að öll
börn þurfi að ferðast með gild vega-
bréf. Hann segir að einstaka sinn-
um komi upp atvik þar sem foreldr-
ar reyni að komast úr landi með börn
sín í trássi við hitt foreldrið. Hann
hafi enga ástæðu til að ætla að sú hafi
verið raunin í þessu tilviki. „Við erum
bara með þessa einföldu reglu sem
allir geta kynnt sér. Við hleypum ekki
íslenskum börnum út úr landinu án
vegabréfs. Okkar starfsfólki er það
ekki heimilt.“
Uppnám á vellinum
Eftir nokkrar deilur í flugstöðinni fór
svo að fjölskyldan komst ekki heim
til sín þennan dag. Það segir Þórður
að hafi komið þeim ákaflega illa og
bitnað á starfi sambýliskonu sinnar.
„Að mínu mati var þetta geðþótta-
ákvörðun starfsmanns,“ segir hann.
Hann segir að þau hafi þurft að vera
upp á aðra komin hér heima, þá daga
sem heimferðin dróst.
Þórður segir að þau hafi ekki
mætt góðu viðmóti starfsfólks á flug-
vellinum en viðurkennir að unnusta
sín hafi reiðst vegna uppákomunn-
ar og komist í mikið uppnám. Heim-
ir Már segir á móti að starfsfólk hafi,
eftir því sem hann kemst næst, held-
ur ekki mætt góðu viðmóti frá þeim.
„Ef fólk er kurteist þá reynum við
alltaf að vera liðleg gagnvart því að
breyta miðum,“ segir hann.
Þurftu að kaupa nýja miða
Þórður ber að þeim hafi í upphafi ver-
ið sagt að þau gætu breytt miðun-
um án þess að borga breyt ingar gjald
en það hafi ekki gengið eftir þegar á
reyndi, fáeinum dögum síðar. Þau hafi
að endingu þurft að kaupa nýja miða.
Þá keyptu þau af Icelandair og flugu
börnin ásamt móður sinni til Dan-
merkur vandkvæðalaust. Þórður flaug
svo sjálfur heim í gær, fimmtudag.
Hann segir að beinn kostnað-
ur, bara við að kaupa nýja flugmiða,
nemi liðlega 270 þúsund krónum.
Þá séu óþægindin ótalin auk þess
kostnaðar sem hlaust af því að dvöl-
in varð lengri en til stóð. Hann segir
að málið fari í hart. Fjölskyldan muni
freista þess að fá hlut sinn bættan.
„Þetta fer í innheimtu. Það er alveg
klárt,“ segir hann.
Svipaðar reglur Icelandair
DV hafði samband við Guðjón Arn-
grímsson, upplýsingafulltrúa Iceland-
air, sem sagði reglur um Schengen
gilda hjá félaginu, ekki aðrar. Til að
fljúga innan Schengen þurfi gild skil-
ríki. Útrunnið vegabréf væri það ekki.
Samkvæmt þessu má draga þá
ályktun að starfsfólk Iceland air hafi
gert mistök með að hleypa fjöl-
skyldunni til Danmerkur eða að
starfsfólk hafi tekið gild dönsk sjúkra-
samlagskort sem drengirnir höfðu
meðferðis. n
n Íslensk fjölskylda búsett í Danmörku komst ekki út aftur n Vegabréf barnanna útrunnin„Við hleypum ekki
íslenskum börnum
út úr landinu án vega-
bréfs.
Fengu ekki
að Fljúga
aFtur heim
Baldur Guðmundsson
blaðamaður skrifar baldur@dv.is
Einföld regla Hjá Iceland Express fá börn ekki að fljúga án gilds vegabréfs.
Á leiðinni heim
Myndin var tekin
þegar fjölskyldan
taldi að hún væri að
fara í flug heim til
Danmerkur.