Dagblaðið Vísir - DV - 03.08.2012, Blaðsíða 55

B
jarne Skounborg fæddist
1972 í Hróarskeldu í Dan-
mörku og fékk nafnið Peter
Kenneth Bostrøm Lundin.
Faðir hans, Ole Lundin
er danskur en móðir hans, Anne
Schaftner, var af þýsku bergi brot-
in. Peter er í dag best þekktur undir
nafninu Peter Lundin og er dæmdur
morðingi.
Þegar Peter var sjö ára fluttist fjöl-
skylda hans búferlum til Bandaríkj-
anna, til Maggie-dals í Norður Kar-
ólínu og segir fátt af högum hans
þar en 7. apríl, 1991, fékk hann sig
fullsaddan af nöldri móður sinnar
sem lagði hart að honum að klippa
hárið, sítt og mikið hár sem Peter var
greinilega annt um. Þegar upp var
staðið lá móðir Peters liðið lík á gólf-
inu; Peter hafði kyrkt hana.
Nú voru góð ráð dýr, en feðgarn-
ir Peter og Ole dóu ekki ráðalaus-
ir og faðirinn hjálpaði syninum að
losna við líkið. Fóru þeir með það á
strönd við Hatteras-höfða og grófu
þar. Átta mánuðum síðar fannst líkið
og kennsl voru borin á það. Feðgarn-
ir voru handteknir en síðar sleppt
vegna skorts á sönnunargögnum.
En í júníbyrjun 1992 voru feðgarnir
handteknir í Toronto í Kanada og við
réttarhöld síðar fullyrti Peter að dauði
móður sinnar hefði verið óhapp.
Hann var engu að síður dæmdur til
20 ára fangelsisvistar og faðir hans til
tveggja ára fangelsisvistar.
39 stig af 40
Árið 1994 veitti Peter dönsku sjón-
varpsstöðinni TV2 viðtal og birt-
ist áhorfendum með annan helm-
ing andlits síns málaðan svartan, en
hinn hvítan sem áttu að skírskota til
„hins góða og þess illa“. Sænskur sál-
fræðingur, Sten Levander, horfði á
upptöku af viðtalinu og gaf Peter, í
kjölfarið 39 stig af 40 mögulegum á
skala sem notaður er til að meta sið-
blindu fólks.
Árið 1999 var Peter Lundin sleppt
úr fangelsi i Bandaríkjunum, vegna
plássleysis, og vísað úr landi og hann
sendur til Danmerkur.
Árið 1996, meðan hann afplán-
aði dóm sinn í Bandaríkjunum hafði
hann gengið í hjónaband með Tinu
nokkurri og þegar hann kom heim
til Danmerkur komu þau sér fyrir í
Måløv, ásamt táningsdóttur Tinu.
En Adam var ekki lengi í Paradís
og Peter lagði hendur á mæðgurn-
ar sem á endanum fengu nóg og var
Peter fleygt á dyr.
Peter fékk inni á heimili fyr-
ir karlmenn á hrakhólum á Norður-
brú í Kaupmannahöfn og gerði sér
stundum ferð á hóruhús sem var þar
skammt frá.
Mæðgin hverfa
Á hóruhúsinu komst hann í kynni við
Marianne Pedersen, 36 ára ekkju og
hórumömmu. Þann 3. júlí árið 2000
fékk lögreglan í Kaupmannahöfn til-
kynningu um að Marianne og tveir
synir hennar væru horfin, og hvorki
tangur né tetur að finna af þeim á
heimili þeirra í Rødovre.
Peter Lundin fullyrti að mæðginin
hefðu farið í ferðalag og hann hefði
boðist til að mála húsið á meðan.
En tæknimenn lögreglunnar fundu
blóð bæði í kjallara hússins og bíl Pet-
ers. Hann var úrskurðaður í mánaðar
varðhald og kærður fyrir morð. Eftir
nánari rannsókn komst lögreglan að
þeirri niðurstöðu að mæðginin hefðu
verið myrt og síðan sundurlimuð, til
að byrja með í kjallaranum og síðar í
bílskúrnum. Hafði lögreglan á orði að
báðir staðirnir hefðu verið „sláturhúsi
líkastir“, þrátt fyrir viðleitni Peters til
að afmá verksummerkin.
Þremur vikum eftir handtökuna
breytti Peter sögu sinni; um miðjan
júní hafði hann heyrt vein og öskur
úr kjallaranum og hann kom að
Marianne þar sem hún hafði banað
báðum sonum sínum og lá nán-
ast meðvitundarlaus á gólfinu sök-
um mikillar fíkniefnaneyslu. Í bræði
hefði hann látið hnefana dynja á
henni, „ekkert alvarlega“ samt og
hún dó skömmu síðar.
Að eigin sögn kaus Peter að losa
sig við líkin því hann taldi, í ljósi for-
sögu sinnar, að lögreglan myndi ekki
leggja trúnað á sögu hans.
Í verslunarferð
Þann 10. október, 2000, viðurkenndi
Peter að hann hefðir verið valdur að
dauða mæðginanna. Þau hefðu rif-
ist eftir að Marianne hafði daðrað við
ónefndan karlmann í símanum. Rifr-
ildið breyttist í handalögmál og þau
öll endað í einum allsherjarslags-
málum í hjónarúminu. Þar hálsbraut
Peter Marianne og syni hennar með
berum höndum.
Til að byrja með hafði Peter geymt
líkin í frysti heimilisins en 19. júní fór
hann í verslunarleiðangur í Metro
Cash & Carry í Glostrup. Á innkaupa-
listanum var meðal annars að finna
öxi, gúmmíhanska, plastpoka og
hreingerningalög.
Síðan tók hann til óspilltra mál-
anna, sundurlimaði líkin og vafði í
plastpoka sem hann síðar kom með-
al annars fyrir í sorpgámi fyrir sorp
sem átti að brenna.
Líkamsleifar mæðginanna fund-
ust aldrei.
Þann 15. mars, 2001, var Peter
Lundin dæmdur til lífstíðarfangels-
is vegna morðanna. Faðir hans var
dæmdur til fjögurra mánaða fang-
elsisvistar. Ástæðan var ekki sú að
hann hefði verið syni sínum inn-
an handar við morðin eða förgun
líkanna, heldur var hann dæmd-
ur fyrir þjófnað því hann hafði látið
greipar sópa um persónulegar eigur
Marianne.
39Helgarblað 3.–7. ágúst 2012
Sakamál 30 ára fangelsi Michelle Martin, eiginkona hins kaldrifjaða morðingja, Marc Dutroux, hefur fengið reynslulausn úr fangelsi. Martin, sem er 52 ára, var fundin samsek um morð og nauðganir á ungum skólastúlkum í Belgíu. Hún var dæmd í 30 ára fangelsi og hefur afplánað 16 ár af þeim dómi. Hún verður flutt úr fangelsi í klaustur í suðurhluta Belgíu en nunnur í klaustrinu hafa samþykkt að taka á móti henni. U m s j ó n : K o l b e i n n Þ o r s t e i n s s o n k o l b e i n n @ d v . i s
n Fékk lífstíðardóm fyrir þrjú morð n Kyrkti móður sína nítján ára að aldri„Hafði lögreglan á
orði að báðir stað-
irnir hefðu verið „slátur-
húsi líkastir“, þrátt fyr-
ir viðleitni Peters til að
afmá verksummerkin.
FÉLEGIR FEÐGAR
Peter Lundin Sýnir
lögreglu hvernig hann
hálsbraut fórnarlömb sín.
„Í bræði hefði hann látið
hnefana dynja á henni,
„ekkert alvarlega“ samt og
hún dó skömmu síðar