Dagblaðið Vísir - DV - 03.08.2012, Blaðsíða 64

48 Lífsstíll 3.–7. ágúst 2012 Helgarblað
Breskur matur
oft umdeildur
E
inhverra hluta vegna hefur
bresk matargerð á sér slæmt
orðspor. Og það þrátt fyrir að
hún hafi átt sér marga ágæta
talsmenn. Einn þeirra var rit-
höfundurinn Enid Blydon sem lét
söguhetjur sínar nasla í eggjasamlok-
ur og sötra te á annarri hverri síðu svo
að hvern lesanda hungraði ákaflega
við lesturinn.
Fótboltakappinn David Beckham
er mikill aðdáandi breskrar matar-
gerðar og er fastakúnni á Tony‘s Pie
& Mash matsölustað sem sérhæf-
ir sig í breskri matargerð og þá helst
bökum. Þegar David fer á staðinn fær
hann sér kjötböku með kartöflumús,
grænni sósu og til hliðar fær hann sér
ál í hlaupi.
Bresk matargerð hefur einnig feng-
ið það óþvegið. Fyrrverandi Frakk-
landsforseti Jacques Chirac á að hafa
sagt fyrir mörgum árum síðan að
breskur matur væri sá versti í heimi á
eftir þeim finnska og einnig var haft
eftir honum i frönsku blaði að „Að eina
sem þeir [Bretar] hafa lagt til landbún-
aðar í Evrópu er kúariða.“
Á meðan á ólympíuleikunum
stendur fær bresk matargerð tæki-
færi til þess að hrista af sér slæmt
orðspor. Í London keppast veitinga-
staðir við að kynna hefðbundinn
breskan mat með stolti. Lambakjöt
með mintusósu, fiskur og franskar,
indverskur matur, búðingar, te og
samlokur og síðast en ekki síst kynna
þeir bjórinn sem rennur ofan í gesti
borgarinnar. DV fékk Nönnu Rögn-
valdardóttur til að ræða breska mat-
argerð og gefa lesendum uppskriftir
til að reyna heimavið og ná sönnum
ólympíubrag á heimilishaldið.
Of mikið af djúpsteiktum mat
„Breskur matur á alls ekki skilið það
slæma orðspor sem af honum fer“
segir Nanna. „Ég hef oft fengið virki-
lega góðan breskan mat, steikur og
pæ til að mynda, en ég hef auðvitað
líka smakkað vondan breskan mat.
Mér finnst enskur sumarbúðingur til
dæmis einstaklega góður ef hann er
almennilega gerður.“
Það sem Nönnu finnst síst er of-
uráhersla Breta á djúpsteiktan og
brasaðan mat. „Mér finnst of mikið af
djúpsteiktum mat í boði,“ segir hún
og gefur lesendum DV uppskriftir að
skonsum og Welsh rabbit.
Welsh rabbit
Welsh rabbit (eða Welsh rarebit, en
rabbit er upprunalegra) er afskaplega
dæmigerður breskur réttur sem er tilval-
ið að gera þegar maður nennir eiginlega
ekki að elda. Það eru til ýmis afbrigði
en þessi uppskrift er frá kunningjakonu
minni, breska matar sagnfræðingnum
Lauru Mason, sem hefur borið saman
ótal útgáfur og valið þessa sem dæmig-
erða klassíska uppskrift. Mörgum finnst
svolítil worchestersósa ómissandi í sós-
una en því er þó sleppt hér. En osta-
brauð gerist varla betra.
n 200 gr cheddar-ostur, rifinn
n 30 gr smjör
n 1 tsk. sinnepsduft (Colemans) eða
sinnep eftir smekk
n 2 tsk. hveiti
n 4 msk. bjór (dökkur er bestur)
n pipar
n 4 þykkar sneiðar af góðu brauði
Allt nema brauðið sett í pott, hit-
að rólega og hrært þar til osturinn
er bráðinn og sósan samlöguð og
slétt. Tekin af hitanum og látin kólna
aðeins. Grillið í ofninum hitað og
brauðið ristað á annarri hliðinni. Svo
er því snúið, ostasósunni smurt þykkt
yfir óristuðu hliðina og sett undir
grillið þar til osturinn búbblar og tek-
ur lit. Ég strái oft örlitlum cayennep-
ipar yfir en það er ekki nauðsynlegt.
Enskar skonsur
Fátt er breskara en síðdegiste með
enskum skonsum, jarðarberjasultu
og hleyptum rjóma (clotted cream).
Rjóminn er að vísu ekki fáanlegur
hér en það má nota þeyttan rjóma
eða mascarpone-ost blandaðan
rjóma. Og það er afskaplega einfalt
að baka skonsurnar.
n 90 gr smjör, ekki alveg ískalt
n 250 gr hveiti
n 2 tsk. lyftiduft
n 2 msk. sykur
n ½ tsk. salt
n 1 egg
n 3 msk. hrein jógúrt eða súrmjólk
Ofninn hitaður í 220°C. Smjörið
skorið í litla bita og hrært aðeins,
þar til það er farið að linast. Hveiti,
lyftidufti, sykri, salti, eggi og 2 mat-
skeiðum af jógúrt hrært saman
við en best er að hræra ekki mik-
ið. Deigið hnoðað í kúlu og síðan
flatt út í um 2 cm þykkt og stungn-
ar úr því kringlóttar kökur, 5–7 cm í
þvermál. Best er að nota skera með
hvössum brúnum og stinga hon-
um beint niður án þess að snúa,
þá lyfta skonsurnar sér best. Þær
eru svo penslaðar að ofan með af-
ganginum af jógúrtinni og bakaðar
neðst í ofni í 10–12 mínútur. Látn-
ar kólna og bornar fram með sultu
og þeyttum rjóma eða mascarpo-
ne-rjóma (250 grömm mascar-
pone-ostur hrærður með 100
millilítrum af rjóma, ½ teskeið af
vanilluessens og 1 teskeið af flór-
sykri; kælt vel).
kristjana@dv.is
n Nanna Rögnvaldardóttir gefur uppskrift að Welsh rabbit og enskum skonsum
10 ómissandi
breskir réttir
n Pæ og kartöflumús
n Beikonborgari (bara með
beikoni-engu öðru kjöti)
n Kanil -og rúsínusnúðar
n Klístraður karamellubúðingur
n Skosk egg (egg í kjötbúðingi)
n Kippers (köld, reykt síld með
meðlæti)
n Grillaður beinmergur með
ristuðu brauði
n Rækjubollar
n Kjötávextir (Nokkurs konar
kæfa með ávaxtahjúpi)
Welsh rabbit Tilvalið að gera þegar maður nennir eiginlega ekki að elda.
Enskar skonsur Fátt
er breskara en síðdegiste
með enskum skonsum.