Dagblaðið Vísir - DV - 10.08.2012, Blaðsíða 6

Áróðursvefur í Moggahöll
n Lögheimili AMX flutt í Hádegismóa
V
efmiðlun ehf. sem meðal
annars á og rekur áróður-
svefinn amx.is, flutti lög-
heimili sitt og póstfang að
Hádegismóum 2 í Reykjavík ný-
verið, en þar er starfsemi Morgun-
blaðsins einnig hýst. Þetta kemur
fram í tilkynningu til fyrirtækja-
skrár sem móttekin var 13. júní
síðastliðinn, og  Vísir.is  greinir frá.
Vefmiðlun ehf. er í eigu Friðbjörns
Orra Ketilssonar og Arthúrs Ólafs-
sonar en Friðbjörn Orri er titlaður
útgefandi amx-vefsins.
Vefmiðlun rekur að minnsta
kosti átta aðra vefmiðla á Íslandi.
Miðlarnir eru eins fjölbreyttir og
þeir eru margir, en þeirra á meðal
er vefurinn Leikjanet sem er vin-
sæll á meðal barna og unglinga og
vefurinn Sax sem er sagður vera
upplýsingavefur um sjávarútveg,
en þar auglýsa fjölmörg sjávar-
útvegsfyrirtæki. Þá heldur fyrir-
tækið einnig úti Evrópuvaktinni
undir ritstjórn Björns Bjarnason-
ar og Styrmis Gunnarssonar. Þess
má geta að Friðbjörn Orri Ketils-
son er einnig skráður sem vefstjóri
rnh.is, vefs  Rannsóknarseturs um
nýsköpun og hagvöxt,  sem undir-
býr stórsókn Sjálfstæðismanna í
Háskóla Íslands, fyrirlestraröð þar
sem hægrisinnaðir hugsuðir utan
úr heimi munu stíga á stokk.
jonbjarki@dv.is
6 Fréttir 10.–12. ágúst 2012 Helgarblað
Hægt að Hemja
Huang nubo
E
f ég á að draga ályktanir af þess-
um lauslegu athugunum mín-
um þá sýnist mér að ríkið hafi
afskaplega víðtækar heimildir
til að setja kínverska skáldinu
skorður, segir Sigurður Líndal, pró-
fessor emeritus í lögum, um það hvort
lagalega sé hægt að búa þannig um
hnútana að Huang Nubo geti ekki
gengið á auðlindir lands Grímsstaða á
Fjöllum – fái hann landið á leigu. Sig-
urður nefnir máli sínu til stuðnings að
í lögum um nýtingu auðlinda í jörðu,
skipulagslögum, náttúruverndarlög-
um, ábúðarlögum, vatnalögum og víð-
ar sé að finna ítarleg skilyrði sem Nubo
þyrfti að fara eftir hefði hann í hyggju
að nýta sér þau verðmæti sem landið
hefur að geyma – til dæmis vatn og
jarðhita.
Siglingar um Norðurhöf
Eins og fram hefur komið segist Huang
Nubo vilja leigja Grímsstaðalandið
til að reisa þar lúxus-hótel, hestabú-
garð og golfvöll. Fram hafa komið efa-
semdir um að þau áform séu trúverð-
ug. Mikið hefur verið ritað og rætt um
hvað hann ætli sér í reynd að gera við
landið en minna um hitt – hvað hann
getur gert. Því hefur til dæmis verið
haldið á lofti að væntanleg viðskipti
Nubos sé liður í áætlun kínverskra
stjórnvalda að tryggja sér aukinn rétt
til siglinga um Norðurhöf. Sigurður
Líndal segist ekki sjá tengsl milli sigl-
inganna og þessara viðskipta. „Ég sé
nú ekki alveg tengsl þarna á milli. Þau
eru þá allavega ofar mínum skilningi
og einungis á færi guðfræðinga að fást
við það.“ Sigurður segir þó að annað
myndi gilda ef hann eignaðist land
að sjó. „Ef hann keypti Langanesið og
Þistilfjörðinn þá væri hann orðinn viss
hagsmunaaðili – með hafnargerð og
annað.“
Veðsetning
Því hefur einnig verið haldið fram, að
Nubo hyggist nota Grímsstaðalandið
sem hagstætt veðandlag til tryggingar
lánum sínum. Sigurður telur að hægt
sé að koma í veg fyrir það. „Leigusali
getur að sjálfsögðu haft ástæðu til þess
að banna veðsetningu á leigusamn-
ingi – og getur gert það. Landeigend-
um er ekkert endilega sama hver það
er sem fer með yfirráð landsins í krafti
leigusamnings. Sumum þætti hugs-
anlega verra að fá banka í Peking sem
leigutaka,“ segir Sigurður en bætir þó
við að veðhafi öðlist ekki betri rétt en
veðsalinn átti, komi til þess að ganga
þurfi að landinu til fullnustu skulda.
Því þyrfti bankinn í Peking að beygja
sig undir nákvæmlega sömu skilyrði
og Huang Nubo. „Ef veðhafinn hirð-
ir veðið þá er hann bundinn af sömu
skilyrðum og veðsalinn.“
Má ekki mismuna gróflega
Auk ofangreindra laga nefnir Sigurð-
ur ákvæði 6. kapítúla Jónsbókar, sem
enn hefur lagagildi. Þar segir: „Ef fisk-
veiðr fylgir leigulandi eða fuglveiðr eða
eggver, ok á leigumaðr þat allt, nema
frá sé skilt í kaupi þeira, ok svá ef þar
rekr fiska eða fugla, sela, háskerðinga
ok hnísur … Nú rekr hval á fjöru þar,
þá skal hann festa hval sem hann eigi,
ok hafa af sex vættir, hálft hvárt spik
ok rengi, ef hvalr er tvítugr eða lengri
eins kyns. Þó er hann skyldr at festa
at skemmri sé. En ef hann bergr verr
hval … en nú er tínt, þá … ábyrgist
(hann) skaða þann allan er eigandi
fær af hans órækt.“ Í ákvæðinu er gert
ráð fyrir að leigusali geti undanskilið
nefndar auðlindir jarðarinnar. Sigurð-
ur tekur fram að þau atriði sem nefnd
eru í ákvæðinu séu ekki tæmandi talin,
heldur sé um að ræða svokallaða auð-
kennatalningu. Það þýðir að ákvæð-
ið nær yfir fleiri auðlindir en nefnd
eru í texta þess. „Ég nefni þetta með
þeim fyrirvara að önnur sérlög hafi
ekki breytt þessari reglu, sem þarna er
lögfest. En þarna er kannski að finna
grunnregluna sem nær yfir það tilvik
sem hér er til umræðu,“ segir Sigurður.
Varðandi nýtingu vatns á svæðinu
segir Sigurður: „Þar gilda vatnalögin.
Samkvæmt þeim fylgja vatnsréttindi
landareign til heimilisbrúks og iðnað-
ar og til ýmiskonar venjulegra nota.“
Sigurður bendir einnig á að leyfi ráð-
herra þurfi til að koma ætli menn sér
að ráðast í stórfellda vatnstöku. Að-
spurður hvort íslensk lög komi þannig
í veg fyrir það að Nubo geti geng-
ið á vatnsforða svæðisins þannig að
hann ylli spjöllum segir Sigurður: „Þar
myndu vafalaust náttúruverndarlög
koma til skjalanna. Svo má hann
ekki spilla vatnsbólum annarra, sam-
kvæmt íslenskum lögum. Mér sýnist
vatnalögin og önnur lög skorða þetta
út og suður. Svo er margt í þessu háð
leyfi ráðherra.“
Auk löggjafarinnar segir Sigurð-
ur að leigusalinn geti bætt við skil-
yrðum. „En þau skilyrði þurfa auðvit-
að að vera málefnaleg. Það má ekki
mismuna mönnum gróflega – stjórn-
sýslulögin myndu náttúrulega taka á
því.“ Sigurður segir niðurstöðu sína
vera eftirfarandi: „Niðurstaða mín í
þessu máli er því sú, að þarna sé hægt
að setja Huang Nubo víðtækar skorð-
ur og takmarkanir – með því skilyrði
að þær séu málefnalegar, sanngjarnar
og eðlilegar.“
n DV fer yfir lagalegu hlið Nubo-málsins ásamt Sigurði Líndal
Baldur Eiríksson
blaðamaður skrifar baldure@dv.is
„Sumum þætti
hugsanlega verra
að fá banka í Peking sem
leigutaka.
Erfitt að stela auðlindum
Huang Nubo gæti þurft að láta
sér nægja að byggja upp hótel,
hestabúgarð og golfvöll.
Sigurður Líndal Telur að hægt sé að
skorða skáldið.
Útgefandi AMX Vefmiðlun ehf. rek-
ur að lágmarki níu vefmiðla á Íslandi.
Skattlögð
í útlöndum
Allar tekjur og eignir Dorritar
Moussaieff eru skattlagðar erlend-
is. Athygli vakti að Dorrit greiddi
ekki auðlegðarskatt, en hún borgar
því ekki íslenskan skatt af eignum
sínum. Eignir fjölskyldu Dorritar
eru metnar á tugmilljarða og voru
eignir fjölskyldunnar meðal annars
taldar upp á lista Time um auð-
ugustu einstaklinga heims. Bæði
forseti Íslands og maki hans greiða
skatta og gjöld af tekjum sínum.
Hjón eru lögum samkvæmt sam-
sköttuð þar sem auðlegðarskattur
er aðeins lagður á hreinar eignir
umfram 100 milljónir er hægt að
draga þá ályktun að eignir þeirra
hérlendis nái ekki þeim auð.
Ásmundur Einar
selur fyrirtækið
Ásmundur Einar Daðason, þing-
maður Framsóknarflokksins, og
faðir hans Daði Einarsson hafa selt
fyrirtækið Jón Bóndi, sem sérhæfir
sig í innflutningi og sölu á rekstrar-
vörum fyrir bændur og aðra dýra-
eigendur. Bændablaðið greinir frá.
Feðgarnir stofnuðu fyrirtækið, sem
áður hét Ísbú-búrekstrarvörur og
starfræktu það á Lambeyrum, þar
sem þeir eru búsettir. Starfstöð
Jóns Bónda hefur undanfarið ver-
ið í Reykjavík. Ásmundur titlar sig
bónda á Lambeyrum í Dalasýslu.
Þar stunda þeir sauðfjár- og geita-
rækt á stórbýli.
Leiðrétting
Af umfjöllun miðvikudagsblaðs DV
um Þjóðhátíð í Eyjum mátti ráða
að söngvarinn Hreimur Örn Heim-
isson hefði mætt seint á tónleika
sína og þeim verið frestað af þeim
sökum. Þetta er ekki rétt enda er
Hreimur annálaður fyrir stundvísi.
Hann mætti klukkutíma fyrr en
hann þurfti og seinkaði tónleikun-
um af öðrum ástæðum. Beðist er
velvirðingar á þessu.