Dagblaðið Vísir - DV - 10.08.2012, Side 27
Viðtal 27Helgarblað 10.–12. ágúst 2012
Ennþá að læra á
móðurhlutverkið
bara. Svo set ég eitthvað geggj-
að gott og sexí lag á og dansa fyrir
framan spegil. Þá líður mér eins og
ég sé sexí og það gefur mér öryggi.
Sexí gefur öryggi!“
Ekki hægt að kaupa hjartað
Vala segist aldrei hafa þurft að
kvarta yfir því að fá ekki athygli frá
hinu kyninu. Hvorki fyrir né eft-
ir aðgerð. Tvö sambanda hennar
hafa verið nokkuð opinber en það
var við æskuástina Baldvin Vigfús-
son og svo hinn moldríka danska
kaupsýslumanninn Nikolaj Voll.
Hann rekur farsælt hugbúnaðarfyr-
irtæki og sparaði engu til þegar kom
að því að kaupa gjafir handa Völu.
Vala sagði meðal annars frá gjafa-
flóði Nikolaj í DV en hann gaf Völu
BMW-bifreið, tölvur, skartgripi og
hvað sem hana langaði í. En Vala
segir peninga ekki geta keypt ást.
„Með honum leið mér eins og
ég væri einhver fylgihlutur en pen-
ingarnir hans gátu ekki keypt hjarta
mitt. Nikolaj vildi að ég væri bara
einhver fín og flott húsfrú en það
er ekki ég. Jú, jú ég get alveg verið
snobbuð og allt það en ég þarf líka
að geta verið svolítið fríkuð og haft
læti,“ segir Vala um stormasamt sam-
bandið með Nikolaj.
Eins og auglýsing
Stuttu eftir sambandsslitin við Niko-
laj kynntist hún Eyjólfi. Þau hittust
á bensínstöð og Vala segir að þetta
hafi bara verið eins og klassísk N1
auglýsing. „Ég var að taka bensín og
hann var að kaupa sér pylsu. Við höf-
um meira að segja gert það að vana
að einu sinni í mánuði förum við og
fáum okkur eina pylsu saman.“
Vala segir sig og Eyjólf hafa
smollið eins og flís við rass. „Ég og
Eyjólfur erum alveg eins karakter-
ar, algjörir sálufélagar. Hann hugsar
eitthvað og ég segi það stuttu síðar
og öfugt. Við erum rosalega sam-
rýmd. Hann hefur aldrei pælt neitt
í því að ég sé búin að fara í kynleið-
réttingu. Hann hafði gert sér hug-
mynd um hvernig ég væri en svo
þegar hann kynntist mér sagði hann
að ég hefði verið allt öðruvísi en
hann hélt.“
Eyjólfur passar vel upp á kon-
una sína og Vala segir að hún hafi
fengið algjöran frið fyrir karlpeningi
landsins eftir að þau byrjuðu saman:
„Eyjólfur hefur algerlega séð um það
að halda öllum í burtu. Eyjólfur hef-
ur gert þeim öllum ljóst að ég er hans
kona.“
Hreiðra um sig
Aðspurð um hvað sé framund-
an segir Vala að hún sé farin að
skoða erlenda skóla þar sem hún
geti lært hönnun. „Mig langar
að hanna eitthvað í framtíðinni,
fara á hönnunarbraut og mig langar
ótrúlega að hanna skólínu eða
kynæsandi undirföt. Svo langar
mig að klára hárgreiðsluna en
ég var byrjuð að læra hana. En
annars vorum við að kaupa okkur
hús saman ég og Eyjólfur og ég
er á fullu þessa dagana að koma
okkur fyrir.“ n Framhald á næstu opnu
M
Y
N
D
IR
E
Y
Þ
Ó
R
Á
R
N
A
S
O
N
Hvað er að vera trans?
Að vera trans manneskja er það þegar einstaklingur er ekki sáttur við líkamlegt kyn
sitt og upplifir sig sem annað kyn. Undir hugtakið transfólk falla klæðskiptingar
sem fara í öfugt kynjahlutverk tímabundið, klæða sig til dæmis sem gagnstætt kyn.
Einnig fólk sem er transsexual og lætur breyta kyni sínu til frambúðar og svo þeir
sem eru „gender variant“ eða kynferðisfrábrugðnir en það merkir að upplifun á eigin
kyni passar ekki við viðmið samfélagsins af kynjahlutverkum. Það getur þó líka átt
við þá sem láta breyta kyni sínu með skurðaðgerð.
Ferlið
Einstaklingur sem upplifir sig ósáttan í eigin líkama og vill láta breyta líkamlegu
kyni sínu fer af stað í ákveðið ferli. Fyrsta skrefið er að fara í viðtal hjá lækni. Þar er
einstaklingurinn greindur og metið hvort um að ræða mikið ósætti við eigin líkama.
Komi það í ljós þá er næsta skref að lifa sem manneskja af gagnstæðu kyni í heilt
ár. Þá breytir manneskjan um nafn líka. Fljótlega áttar einstaklingurinn sig á því
hvort þetta sé það sem hann vill og hvort hann upplifi sig á réttum stað í gagnstæðu
kynhlutverki. Sé það upplifunin þá byrjar sá hinn sami yfirleitt í hormónaferð og er í
framhaldi af því sótt um kynleiðréttingaraðgerð.
(Upplýsingar fengnar úr pistli eftir Óttar Guðmundsson sem birtist 20.11.2011 á
Deiglunni).
Trans Ísland
Félag transfólks á Íslandi var stofnað árið 2007 og heitir Trans Ísland. Upplýst
markmið félagsins eru meðal annars að skapa transgender-fólki og aðstandendum
þess menningarlegan vettvang, stuðla að auknum skilningi og vinna að laga- og
réttarbótum á málefnum þess, auk þess að auka fræðslu til fagfólks. Allir sem
skilgreina sig sem transgender geta orðið félagsmenn.