Dagblaðið Vísir - DV - 13.08.2012, Blaðsíða 22

22 Menning 13. ágúst 2012 Mánudagur
Upplifðu tónlistarlega standpínu
n Hljómsveitin Urban Lumber kemur sér á kortið
V
ið smullum bara
saman. Þeir hringdu
í mig og báðu mig að
koma á æfingu með
sér og ég smellpassaði inn í
þetta hjá þeim. Það löbbuðu
allir út með tónlistarlega
standpínu eftir þessa fyrstu
æfingu,“ segir Björg Ólöf Þrá-
insdóttir hlæjandi en hún er
söngkona hljómsveitarinnar
Urban Lumber sem var stofn-
uð í mars á þessu ári.
Lag sveitarinnar, Tease
your mind, hefur verið spilað
töluvert á Rás 2 undanfarið og
komst nýlega inn á vinsælda-
listar stöðvarinnar.
Björg segir fleiri lög vænt-
anleg frá sveitinni og stefna
þau á að gefa út plötu á næsta
ári. „Við eigum fjögur full-
kláruð lög og nokkur sem eru
ekki alveg tilbúin,“ segir hún
og tekur fram að þau séu á
fullu að semja nýtt efni.
Hljómsveitarmeðlimir
koma úr ólíkum áttum en ná
vel saman á tónlistarsviðinu.
„Við komum öll úr ólíkum átt-
um en náum mjög vel saman
og þetta hefur gengið alveg
ótrúlega vel hjá okkur.“
Þau hafa spilað á nokkrum
stöðum og stefna á að spila
enn meira. „Það er allt í
vinnslu hjá okkur, við erum
að koma okkur á kortið, en
við höfum spilað á Dillon og
Hressó meðal annars,“ seg-
ir Björg. Tónlistinni lýsir hún
sem svipaðri og þekkist hjá
hljómsveitinni Portishead.
„Það hljómar svipað því að
einhverju leyti. Annars erum
við ekkert búin að setja okkur
í neinn kassa hvað það varð-
ar. Það er svo margt að gerast
og þetta er alltaf að mótast hjá
okkur. Við erum bara á fullu
að semja og ætlum að reyna
að spila sem mest,“ segir Björg
að lokum. Hægt er að kynnast
hljómsveitinni betur á Face-
book-síðu undir nafni sveit-
arinnar.
viktoria@dv.is
Frægur
dómari á
RIFF
Geoffrey Gilmore, stjórn-
andi Tribeca-kvikmyndahá-
tíðarinnar, verður formað-
ur dómnefndar á RIFF í
haust. Áður en hann gekk til
liðs við Tribeca stýrði hann
Sundance-kvikmyndahá-
tíðinni í 19 ár. Tólf mynd-
ir hvaðanæva að úr heim-
inum munu í haust keppa
um Gullna lundann, aðal-
verðlaun RIFF. Það verð-
ur í höndum Gilmores auk
tveggja annarra að kom-
ast að því hver verðskuldar
verðlaunin eftirsóttu. Hátíð-
in fer fram dagana 27. sept-
ember til 7. október og þetta
er í níunda sinn sem hún er
haldin.
Eivør með
nýja plötu
Færeyska söngkonan Ei-
vør Pálsdóttir sendir frá
sér plötu þann 21. ágúst
næstkomandi. Af því tilefni
ætlar söngkonan að fara í
tónleikaferð, fyrst um Ís-
land og svo Danmörku. Út-
gáfutónleikar plötunnar
verða haldnir í Silfurbergs-
sal Hörpu þann 31. ágúst
næstkomandi. Þar mun Ei-
vør frumflytja nýju lögin af
plötunni ásamt hljómsveit.
Miðasala á tónleikana hefst
klukkan 12 á hádegi, þriðju-
daginn 14. ágúst en hægt er
að nálgast miða á midi.is og
harpa.is.
Kúmentínsla
í Viðey
Hin árlega kúmentínsla í
Viðey fer fram þriðjudagur-
inn 14. ágúst. Tínslan hefur
verið vinsæl undanfarin ár
en þá mætir fólk með skæri
og poka og sækir sér kúmen
fyrir veturinn. Viðeyjarkúm-
enið ku vera gætt einstökum
gæðum, það mun vera fín-
gerðara en venjulegt kúmen,
bragðmeira og sætara, að
sögn kúmenfróðra. Að-
stoð verður á staðnum fyrir
þá sem ekki hafa áður týnt
kúmen. Hefst klukkan 19:15
og stendur til 22.
Á tónleikum Hér sést
sveitin á tónleikum á Dillon
um verslunarmannahelgina.
„Byrja nýtt líf
vildi ég helst“
n Ljóðasamkeppni útigangsmanna haldin í fyrsta sinn
L
jóðin eru ótrúlega flott
og þau sýna svo vel
þennan heim sem þeir
lifa í,“ segir Alma Rut
Lindudóttir um ljóða-
samkeppni fyrir útigangs-
menn, sem hún í félagi við
aðra hélt á dögunum. Keppn-
in var haldin á barnum Monte
Carlo á Laugavegi og fjöl-
margir tóku þátt. Verðlaunað
var fyrir fimm efstu sætin.
„Ég er búin að berjast mik-
ið fyrir því að fá nýtt útiskýli
og ljóðasamkeppnin var hluti
af því,“ segir hún.
Berst í nafni góðs vinar
Alma hefur verið ötul við að
tala máli útigangsfólks en
hún segist heyja sína baráttu
í nafni góðs vinar síns sem
lést fyrr á þessu ári. Hann hét
Loftur og var útigangs-
maður. Síðan þá hefur
Alma látið sig málefni
útigangsmanna varða
og barist fyrir betri að-
búnaði fyrir menn
götunnar. Og baráttan
er ekki búin.
Nú stefnir hún á
að gefa út ljóðabók til
styrktar skýlinu. „Ég er
núna að gera ljóðabók
og með mér í því ver-
kefni eru þær Hrafn-
hildur Jóhannesdótt-
ir, Tinna Óðinsdóttir,
Margrét Margeirsdóttir
og Þórunn Brandsdótt-
ir,“ segir hún en þær
þekkja flestar vel til
útigangsmanna, hver
á sinn hátt. „Tinna er
ástin hans Lofts, þau
voru saman í mörg ár,
Margrét er dóttir Mar-
geirs sem á Monakó
og Monte Carlo og
hún þekkir vel til mála
útigangsmanna,“ segir hún en
auk þess stendur fjölskylda
Lofts með þeim að þessu.
Hreinskilið vinningsljóð
Verðlaunaafhending í ljóða-
keppninni fór fram þann
2. ágúst síðastliðinn. Alma
segir mörg falleg ljóð hafa
borist í keppnina og þau
lýsi vel því lífi sem útigangs-
menn lifa. Vinningshafinn
var Haukur Guðmunds-
son sem lengi hefur
barist við Bakkus en er
nú edrú. Ljóðið er afar
hreinskilið og nær vel
yfir þann heim sem þræl-
ar Bakkusar glíma við.
„Hann er edrú í dag og
hefur verið það síðan í
júní en hefur lengi barist
við Bakkus. Ljóðið heit-
ir Eitur líf og var samið á
Litla-Hrauni,“ segir Alma.
Stefnt er á að ljóðabók-
in komi út í byrjun hausts.
„Bókin fer í prentun í
ágúst. Hún verður kafla-
skipt og í henni er að finna
ljóð eftir Tinnu, unnustu
Lofts, Svenna, vin Lofts, og
svo fleiri útigangsmenn. All-
ur ágóði af sölu bókarinnar
verður notaður til að gera að-
stöðu útigangsmanna betri.
Ég mun hafa allt uppi á yfir-
borðinu í hvað peningarnir
verða notaðir svo fólk sjái
það svart á hvítu að allt fer í
þetta málefni.“ viktoria@dv.is
DV birtir hér vinningsljóðið
Eitur líf
Í hamingju gleymsku mig þyrsti,
ég dópaði eins og mig lysti.
Þetta allt átt‘að vera svo töff,
ég þræll nú er orðinn það er ei blöff.
Nei hamingjan ei fyrir eiturlyf er föl,
bara ranghugmyndir og eilíf kvöl.
Var dauðinn nú talin hin eina lausn,
hann átti að koma af mikilli rausn.
Enn í neyð minni kalla mig vantar svo styrk,ég vona að björgin berist sem fyrst.
Á þessu lífi ég bara nú kvelst
og byrja nýtt líf vildi ég helst.
Fyrir nýju lífi ég bara nú berst,
ef allt þetta hefði nú alls ekki gerst.
Ég frelsinu hefði þá alls ekki týnt
og frjáls maður væri og hefði það fínt.
Haukur Guðmundsson.
Samið á Litla-Hrauni
Sigurvegarinn Haukur
Guðmundsson vann ljóða-
samkeppnina með ljóði sínu
Eitur líf. Hér sést Alma Rut
afhenda honum verðlaunin.
Semja um raunveruleikann Alma Rut segir útigangsmennina semja um
þann napra veruleika sem líf þeirra oft er. Hún vill bæta aðstæður útigangs-
manna og ljóðakeppnin var liður í því,