Dagblaðið Vísir - DV - 15.08.2012, Blaðsíða 2

2 Fréttir 15. ágúst 2012 Miðvikudagur
R
ússneskur skipstjóri flutn­
ingaskipsins Axels flúði
með það úr Akureyrarhöfn
að kvöldi dags þann 28. júlí
síðastliðinn. Líklegt þykir
að hann hafi verið undir þrýstingi
frá eiganda skipsins. Skipið hafði
verið kyrrsett í höfninni af sýslu­
mannsembættinu á Akureyri, en
kyrrsetningin var gerð að beiðni
skiptastjóra félaganna Dregg ehf. og
Dregg Shipping ehf. Félögin, sem nú
eru gjaldþrota, voru í eigu Ara Axels
Jónssonar, athafnamanns á Akur­
eyri. Þau héldu utan um rekstur
flutningaskipsins áður en hann var
færður yfir á annað félag í Færeyj­
um í vor.
Að því er DV kemst næst er Ari
ennþá eigandi skipsins í gegnum fé­
lagið í Færeyjum, en heimildarmað­
ur DV segir flóttann frá Akureyri
benda til þess að verið sé að reyna
að koma eignum undan. Málið hef­
ur verið kært til efnahagsbrotadeild­
ar ríkislögreglustjóra sem fer með
rannsókn málsins. Ekki náðist í Ara
Axel Jónsson við vinnslu þessarar
fréttar en svo virðist sem hann sé
horfinn, rétt eins og skipið: „Heyrðu,
hann bara finnst ekki hér á staðn­
um,“ sagði eiginkona hans í samtali
við DV þegar reynt var að hafa upp
á honum.
Axel varð Saga
Flutningaskipið hefur síðustu viku
hringsólað löturhægt við strendur
Noregs, en þann 9. ágúst skipti það
um nafn og heitir nú Saga. Heim­
ildarmenn DV eiga erfitt með að sjá
hvernig skip getur skipt þannig um
ham úti á miðju ballarhafi. Sam­
kvæmt nafnabreytingunni verð­
ur það því nýtt skip sem leggur að
bryggju á næsta viðkomustað – það
verður ekki flutningaskipið Axel
sem braut gegn kyrrsetningarúr­
skurði lögregluyfirvalda á Íslandi,
heldur flutningaskipið Saga, með
hreinan skjöld.
Málið er þó ekki svo einfalt enda
auðvelt að rekja slíka nafnbreytingu
og því er ljóst að flóttinn frá Akur­
eyri mun hafa eftirmála þegar skipið
kemur að bryggju í næstu höfn. Sam­
kvæmt vefsíðunni marinetraffic.com
var skipið nærri Álasundi í Noregi í
gær en ekki fást upplýsingar um það
hvort skipið hafi komið að landi, og
þá hvort skipstjórinn hafi verið yfir­
heyrður við komuna. Heimildir DV
herma að allar líkur séu á því, enda
sé það alvarlegt mál þegar brotið er
með þessum hætti gegn kyrrsetn­
ingu.
Heimildir DV herma að flutn­
ingaskipið Axel hafi legið við bryggju
í Akur eyrarhöfn frá því á vormánuð­
um en eins og fyrr segir hafa félögin
sem héldu utan um skipið, Dregg ehf.
og Dregg Shipping ehf., verið tekin
til gjaldþrotameðferðar. Það var svo
ekki fyrr en eftir að skiptastjóri hafði
fengið skipið kyrrsett sem það hélt úr
höfn, en í fyrstu var óljóst hvort það
stefndi til Færeyja eða Noregs. Sam­
kvæmt upplýsingum sem fram koma
á vef Dregg Shipping liggja aðal­
siglingarleiðir fyrirtækisins á milli
Balkanskaga og Íslands, með við­
komu í öðrum Evrópuríkjum.
Hjá efnahagsbrotadeild
Málið hefur vakið furðu þeirra sem
DV ræddi við en fáir virðast skilja
hvað vakir fyrir eigendunum. Hjá
efnahagsbrotadeild ríkislögreglu­
stjóra fengust þær upplýsingar að
málið væri til rannsóknar þar. Heim­
ildir DV herma að verið sé að skoða
hvort kröfuhafar Dreggjar ehf. og
Dreggjar Shipping ehf. eigi lögmæta
kröfu í flutningaskipið Axel, sem nú
ber heitið Saga, eða hvort eigenda­
skiptin, og eignatilfærslan yfir á fé­
lagið í Færeyjum, geti staðið. Þá
herma heimildir blaðsins að vafi leiki
á hvort raunveruleg peningaviðskipti
hafi átt sér stað með skipið eða hvort
það hafi einfaldlega verið fært yfir í
eigu annars félags.
Skiptastjóri félaganna, Sigmund­
ur Guðmundsson, sagðist lítið geta
tjáð sig um málið að svo stöddu,
en hann fundar með kröfuhöfum á
næstu dögum. Ljóst er af þeim gögn­
um sem DV hefur undir höndum að
flutningaskipið var ekki skráð í eigu
Dreggjar ehf. eða Dreggjar Shipping
ehf. þegar það sigldi úr höfn frá Ak­
ureyri þann 28. júlí. Eigendaskiptin
og nafnbreytingarnar, allt eru þetta
atriði sem eru til athugunar hjá efna­
hagsbrotadeildinni.
Refsivert athæfi
Hjá embætti sýslumannsins á Akur­
eyri fengust þær upplýsingar að um
refsivert athæfi væri að ræða. Hvort
Ari Axel Jónsson verði dreginn fyr­
ir dómstóla hér á landi sem eigandi
skipsins, eða skipstjórinn einn verði
látinn svara til saka, er ekki ljóst að
svo stöddu. Strangar alþjóðlegar
reglur gilda um skip sem komið hef­
ur verið undan kyrrsetningu með
þessum hætti. Þannig er skipstjóri
á slíku skipi iðulega handtekinn af
eftirlitssveitum við komuna í næstu
höfn og yfirheyrður.
Heimildir DV herma að þetta sé
einmitt líklegasta ástæðan fyrir því
hvers vegna skipið hefur hringsólað
við strendur Noregs í að verða hálf­
an mánuð. Hvað dró skipið nálægt
höfn í Álasundi í gær, þriðjudag, er
óljóst en einn viðmælandi blaðsins
taldi mögulegt að það væri einfald­
lega olíuleysi.
Hjá Akureyrarhöfn fengust þær
upplýsingar að það væri ekki í verka­
hring hafnarstarfsmanna að fylgjast
með því að kyrrsett skip sigldu ekki
úr höfn. Þannig er ljóst að skipstjór­
inn mætti lítilli mótspyrnu þegar
hann sigldi flutningaskipinu Axel
úr höfn þann 28. júlí síðastliðinn.
DV hefur ekki fengið upplýsingar
um hversu margir eru í áhöfn skips­
ins að svo stöddu.
Skipti um nafn
úti á ballarhafi
n Efnahagsbrotadeild rannsakar dularfullt flutningaskip sem hringsólar við Noreg
„Heyrðu,
hann
bara finnst ekki
hér á staðnum
Jón Bjarki Magnússon
blaðamaður skrifar jonbjarki@dv.is
Eigandinn horfinn
Ekki næst í Ara Axel
Jónsson, eiganda
flutningaskipsins Axels,
en eiginkona hans fann
hann ekki þegar hún
leitaði hans.
Smyglaði e-pill-
um innvortis
Héraðsdómur Reykjaness dæmdi
á þriðjudag Mareme Laye Diop í
tveggja og hálfs árs fangelsi fyrir
stórfellt fíkniefnasmygl en hann
var gripinn í maí síðastliðnum.
Diop, sem var að koma frá Berlín í
Þýskalandi smyglaði rúmlega 402
grömmum af MDMA­dufti inn­
vortis en úr slíku magni er unnt
að framleiða 5.478 e­pillur með 79
prósenta styrkleika MDMA­efnis­
ins. Diop játaði skýlaust brot sitt.
Auk refsingarinnar var honum
gert að greiða 603 þúsund krónur í
sakarkostnað.
Lenti milli
vélar og veggs
Betur fór en á horfðist á sunnu­
daginn þegar barn klemmdist á
milli dráttarvélar og húsveggs á
Hvolsvelli. Samkvæmt upplýs­
ingum frá lögreglunni þar missti
barnið meðvitund um stund
við slysið. Er talin mikil mildi að
barnið hafi sloppið án teljandi
meiðsla miðað við aðstæður að
sögn lögreglu.
Ferðamaður
týndur í þoku
Á laugardag var lögreglunni á
Hvolsvelli tilkynnt um erlendan
ferðamann sem farið var að ótt­
ast um. Sá hafði farið frá skálan­
um við Strút en ekki skilað sér til
baka. Mikil þoka var á svæðinu
og skyggni slæmt. Blessunarlega
reyndist ferðamaðurinn í síma­
sambandi og á slóð sem hann var
beðinn um að halda sig á. Björg­
unarsveitir voru ræstar út en þok­
an reyndist niðdimm á svæðinu
svo ákveðið var að kveikja á for­
gangsljósum og hljóðmerkjum
í von um að maðurinn heyrði í
þeim. Eftir nokkra stund heyrði
maðurinn merki sveitarinnar og
fannst skömmu síðar heill á húfi
og við góða heilsu.
Álasund
9. ágúst
11. ágúst
13. ágúst
12. ágúst
14. ágúst
10. ágúst
Á þvælingi
við Noreg