Dagblaðið Vísir - DV - 15.08.2012, Blaðsíða 10
Skuldarar í StórSókn
10 Fréttir 15. ágúst 2012 Miðvikudagur
n Gunnar og Gylfi í BYGG reisa hundruð íbúða í Kópavogi og Garðabæ n Skilja eftir sig eitt stærsta gjaldþrot Íslandssögunnar
M
aður fer nú svona rólega
af stað,“ segir Gylfi Héð-
insson múrarameistari í
samtali við DV. Byggingar-
félag Gunnars og Gylfa,
BYGG, er í stórsókn en fyrirtækið
áformar nú að reisa alls um 400
íbúða byggingar í Lundi í Kópavogi
sem og 150 íbúðir í Sjálandshverf-
inu í Garðabæ, alls 550 íbúðir. Hluta
framkvæmdanna er nú þegar lokið
en hluti þeirra er á byrjunarstigi.
Eigendur fyrirtækisins, Gunnar
Þorláksson byggingarmeistari og
Gylfi Héðinsson múrarameistari,
skilja eftir sig eitthvert stærsta gjald-
þrot Íslandssögunnar. Um það bil
hundrað milljarðar króna hafa verið
afskrifaðir af skuldum fyrirtækjanets
þeirra. Lætur nærri að sú upphæð
jafnist á við að hverjum einasta Ís-
lendingi yrðu greidd lágmarkslaun
VR í einn mánuð.
„Við höfum gengið frá öllum okk-
ar málum,“ segir Gylfi og bætir við
að endurskipulagningu fyrirtækja
þeirra sé lokið. Fjallað var um sókn
Gunnars og Gylfa á forsíðu Viðskipta-
blaðs Morgunblaðsins í síðustu viku,
en þar voru eigendur félagsins sagð-
ir vera „komnir á flug“ og á fleygiferð
í uppbyggingu. Viðskiptafélagarnir
munu nýlega hafa aukið hlutafé fé-
lagsins um 100 milljónir en þeir
sögðust í samtali við Morgunblað-
ið hafa tröllatrú á staðsetningunum.
BYGG var einn af stærstu hluthöf-
unum í Glitni fyrir hrun bankanna,
í gegnum Saxbygg, en í kjölfar efna-
hagshrunsins varð markaðsvirði
eignarhluta þeirra að engu.
Eitt stærsta gjaldþrot
Íslandssögunnar
Eins og DV fjallaði um í nóvember í
fyrra skilja þeir Gunnar og Gylfi eft-
ir sig eitthvert stærsta gjaldþrot Ís-
landssögunnar. Heildarskuldir
eignarhaldsfélaga sem tengjast verk-
takafyrirtæki þeirra, BYGG ehf, og
Saxhóli, fjárfestingarfélagi Nóatúns-
fjölskyldunnar, í stóru viðskipta-
bönkunum þremur nema um 130
milljörðum króna. Áætlaðar endur-
heimtur bankanna af þessum skuld-
um nema ekki meira en 30 millj-
örðum króna, gróflega áætlað. Því
er um að ræða afskriftir upp á ekki
minna en 100 milljarða króna í fyr-
irtækjaneti þeirra. Aðspurður hvort
ekki skjóti skökku við að fyrirtæki
sem hafi fengið milljarða afskrift-
ir standi í slíkum stórræðum seg-
ir Gylfi svo ekki vera: „Nei, það eru
bara ákveðin félög sem stofnuðu til
þessara skulda á sínum tíma. Þetta
voru bara viðskipti.“ Gylfi bendir á
að skuldirnar hafi dreifst á mörg fé-
lög. „Menn voru auðvitað hluthafar
í hinum og þessum félögum, í bönk-
um og öðru.“
Eigendur BYGGs og Saxhóls
Úr skýrslu rannsóknarnefndar Alþingis
„Hlutabréfaeign Bygg Invest ehf. 1. janúar 2007 er um 1 milljarður kr.
og er öll í Glitni. Á tímabilinu fær Bygg Invest ehf. lánsheimildir hjá
Landsbanka Íslands hf. að fjárhæð 5,7 milljarðar kr. til kaupa á
hlutabréfum í bönkunum. Keypt hlutabréf á tímabilinu nema
6,4 milljörðum kr. Seld hlutabréf eru að fjárhæð 0,5 milljarðar
kr. Keypt hlutabréf umfram seld nema tæplega 6 milljörðum kr.
Við fall bankanna átti Bygg Invest ehf. því mestöll hlutabréf sín
ennþá eins og fram kemur hér að framan.
Í júlí 2007 fær Bygg Invest ehf. samþykkt eingreiðslulán hjá Lands-
banka Íslands að fjárhæð 4,5 milljarðar kr. Lánið er til 5 ára. Andvirði
lánsins á að nýta til að gera upp framvirkan samning í Glitnisbréfum hjá Glitni, framvirk-
an samning hjá Landsbankanum vegna FL Group og til að fjármagna Boreas Capital Fund
(Landsvaki). Ákvörðun um lánveitinguna er tekin á fundi lánanefndar Landsbankans í
júlí 2007. Í október 2007 fær Bygg Invest ehf. kúlulán hjá Landsbanka Íslands að fjárhæð
1,2 milljarðar kr. Lánið er til 2 ára. Lánið er veitt til kaupa Bygg Invest ehf. á hlutabréfum í
Landsbankanum að markaðsvirði 1,5 milljarðar kr. Ákvörðun um lánveitinguna er tekin af
lánanefnd Landsbankans.“
Tapaði 9,7 milljörðum á Glitni
Í gegnum Saxbygg, sem er í sameiginlegri eigu Saxhóls og BYGG,
var félagið skráð sem fimmti stærsti hluthafinn í Glitni, en var í
raun þriðji stærsti hluthafinn þar sem félög í eigu Stoða skipa
þrjú efstu sæti listans. Eignarhlutur Saxbyggs nemur fimm
prósentum í Glitni. Markaðsvirði eignarhlutarins nam tæpum 11,7
milljörðum fyrir helgi en eftir umrót undanfarinna daga er mark-
aðsvirði eignarhlutar Saxbyggs nú metinn á rúma 3,4 milljarða.
Þar munar heilum 8,3 milljörðum króna. Þá átti Bygg Invest, annað
fyrirtæki í eigu BYGG, 0,88 prósenta hlut í Glitni hvers markaðsvirði
nam rúmum tveimur milljörðum fyrir helgi en stendur nú í 609 milljónum króna. Þar
munar tæpum 1,4 milljörðum króna. Ljóst er að BYGG tapaði gríðarlega á yfirtöku ríkisins
á 75 prósenta hlut í bankanum, líkt og aðrir fjárfestar og menn eru reiðir.
Sundlaug og koníaksstofa
Gunnar Þorláksson býr í stórglæsilegu húsi að Hólmaþingi 9 í Kópavogi,
en byggingarkostnaður hússins var um 250 til 300 milljónir króna,
samkvæmt heimildum DV. Blaðið fjallaði um málið fyrir um ári en þar
kom meðal annars fram að samkvæmt fasteignamati er brunabóta-
matið á húsinu 136.050.000 krónur.
Húsið er teiknað af Rýma arkitektum og er um 500 fermetrar. Í turni
hússins er 25 fermetra koníaksstofa með kamínu. Eldhúsið er um 40
fermetrar og 25 metra sundlaug er á neðstu hæðinni. Við sundlaugina
er glerveggur sem má opna á góðviðrisdögum. Hvergi er til sparað og er allt útlit og
innréttingar hússins sérhannað á glæsilegan hátt. Lóðin við húsið er einnig afar stór og
glæsileg með útsýni yfir Elliðavatn.
Boðsferð með Bjarna og bankamönnum
Í rannsóknarskýrslu Alþingis kemur fram að Gunnar og Gylfi hafi þegið
tveggja daga golfferð til Skotlands í boði Glitnis dagana 20.–22.
september árið 2007. Farið var með einkaþotu en á meðal þeirra sem
þáðu boðið var Bjarni Benediktsson, formaður Sjálfstæðisflokksins.
Þá voru með í för fyrrverandi forstjórar Olíufélagsins, forstjóri N1,
forstjóri Kjalars í eigu Ólafs Ólafssonar, sem og nokkrir stjórnendur
hjá Glitni, þeirra helstur Einar Örn Ólafsson, þá framkvæmdastjóri
fyrirtækjasviðs Glitnis en nú forstjóri Skeljungs. Einar Örn er einn
nánasti stuðningsmaður Bjarna Benediktssonar og annaðist bókhald
stuðningsmannafélags hans vegna prófkjörs í aðdraganda þingkosning-
anna árið 2007.
Jón Bjarki Magnússon
blaðamaður skrifar jonbjarki@dv.is
„Þetta voru
bara viðskipti
Stórskuldugir verktakar
Eigendur Byggs, þeir Gylfi Héð-
insson og Gunnar Þorláksson,
voru stórskuldugir eftir góðærið,
en fengu tugi milljarða afskrif-
aða og eru nú í stórsókn.
Eyjalögga í
óskilamunum
Lögreglan í Vestmannaeyjum
hafði það að mestu leyti náðugt
um helgina eftir eril Þjóðhátíðar
enda ekki ólíklegt að þreyta sitji í
bæjarbúum eftir skemmtanahald í
kringum hana. Síðasta vika fór þó
í að svara mýmörgum fyrirspurn-
um gesta hátíðarinnar sem tapað
höfðu hinum ýmsu smáhlutum en
nokkuð var um óskilamuni eftir
hátíðina. Segir í tilkynningu lög-
reglu að flestir munirnir rati aftur
til eigenda sinna.
Hnífur stakkst
í fót starfsmanns
Þau eru margvísleg verkefnin sem
berast inn á borð lögreglu. Stund-
um eru það seinheppnir borgar-
ar sem verða fyrir því að slasa sig
og nokkur slík mál komu upp hjá
lögreglunni á Selfossi í síðustu
viku. Í tilkynningu lögreglu seg-
ir frá konu sem lenti með fingur
í hekkklippum og hlaut stóran
skurð. Var konan flutt á slysavakt á
heilsugæslunni á Selfossi þar sem
saumuð voru nokkur spor í fingur
hennar. Þá slasaðist maður á höfði
og braut tönn þegar hann datt á
andlitið á tjaldsvæðinu í Miðdal.
Annar slasaðist við vinnu sína á
Hótel Selfossi þegar hann missti
tak á hníf með þeim afleiðing-
um að hann stakkst í gegnum skó
hans og í fótinn. Var gert að sár-
um hans.
„Fæ sömu
kjör í Iceland
og aðrir“
Ólafur Arnarson, ritstjóri vefs-
ins Tímaríms, hafnar því að hafa
hlotið greiðslu eða vildarkjör fyrir
jákvæða umfjöllun um verslun-
ina Iceland eða tengda aðila. Á
vefnum er birt jákvætt viðtal við
Malcolm Walker, sem er eigandi
Iceland-keðjunnar í Bretlandi. Í
kjölfarið varpar Ómar R. Valdi-
marsson, sem fjallað hefur um
Ísland fyrir bandarísku frétta-
veituna Bloomberg, fram eftirfar-
andi spurningu til Ólafs: „Færð
þú eða einhver á þínum vegum
greitt fyrir þessi skrif frá Iceland
eða einhverjum sem þeim tengist,
beint eða óbeint, með pening-
um eða vildarkjörum eða öðru?“
Í kjölfar þessa upphófust langar
samræður þar sem Ólafur skaut
sér lengi undan að svara spurn-
ingunni. Að lokum sagði hann þó:
„Ég fæ sömu kjör í Iceland og aðrir
viðskiptavinir sem þar versla. Að-
dróttanir þínar eru ósmekklegar
og ærumeiðandi.“