Dagblaðið Vísir - DV - 17.08.2012, Blaðsíða 4
Veifaði seðlabúnti í Kringlunni
n Veist að öryggisstjóra verslunarmiðstöðvar
Þ
að varð uppi fótur og fit í
Kringlunni um miðjan dag á
fimmtudag þegar karlmað-
ur í annarlegu ástandi veittist
með ofbeldi að öryggisstjóra versl-
unarmiðstöðvarinnar. Sjónarvottur
að atburðinum lýsti uppákomunni í
samtali við DV sem svo að maðurinn
hefði veist fyrirvaralaust að öryggis-
stjóranum og hlaut sá síðarnefndi
minni háttar áverka í árásinni. Mað-
urinn dró síðan upp seðlabúnt sem
hann sagði vera 250 þúsund krónur
í reiðufé. Hrópaði hann upp fyrir sig
að búntið fengi hver sá sem væri „til í
að stúta manninum“.
Fjölmargir gestir Kringlunnar
sem vitni urðu að árásinni voru að
vonum slegnir og hópuðust í kring-
um lætin. Blessunarlega komu ör-
yggisverðir Kringlunnar öryggis-
stjóranum fljótt til aðstoðar auk þess
sem lögreglan var kölluð til og var
árásarmaðurinn vellauðugi yfirbug-
aður á staðnum.
Í samtali við DV á fimmtu-
dag sagði Sigurjón Ernir Þórsson,
framkvæmdastjóri Kringlunnar,
að öryggisstjórinn hefði ekki þekkt
manninn sem veittist að honum.
Árásarmaðurinn hefði hins vegar
talið sig eiga eitthvað sökótt við
starfsmanninn.
Sem fyrr segir var talsvert af fólki
í Kringlunni á þeim tíma sem árásin
átti sér stað og segir Sigurjón að skilj-
anlega hafi einhverjum verið tals-
vert brugðið. „Það koma um 5 millj-
ónir manna í Kringluna á ári hverju
og má alltaf búast við að eitthvað geti
komið upp.“
Árásarmaðurinn var sem fyrr
segir handtekinn og færður í fanga-
geymslu lögreglunnar á höfuð-
borgarsvæðinu.
hanna@dv.is
4 Fréttir 17.–19. ágúst 2012 Helgarblað
Árás í Kringlunni Maður, með kvartmillj-
ón í seðlum á sér, veittist að öryggisstjóra
Kringlunnar á fimmtudag.
E
kki aðeins er Icelandair að
bjóða miklu verr heldur líka
á skjön við útboðslýsinguna,“
segir Skarphéðinn Berg
Steinarsson, forstjóri Iceland
Express, um nýfallinn úrskurð
kærunefndar útboðsmála þess efn-
is að Ríkiskaup, stofnun sem heyrir
undir fjármálaráðuneytið, hafi brotið
lög um opinber innkaup með því að
semja bæði við Icelandair og Iceland
Express í útboði um flugsæti til og
frá Íslandi sem fram fór í mars árið
2011. Fram kemur í úrskurðinum að
af þeim 100 stigum sem
voru í boði samkvæmt
valforsendum útboðs-
gagna hafi tilboð Iceland
Express fengið 92,96 stig
en tilboð Icelandair
53,57 stig. Einnig
kemur fram í
úrskurðinum
að verðtilboð
Iceland Express hafi verið
mun lægra en tilboð Icelandair.
Ríkisstarfsmenn sólgnir
í vildarpunkta
Þegar rammasamningur er gerð-
ur við tvö fyrirtæki eða fleiri, ráða
starfsmenn stjórnsýslunnar, eða
eftir atvikum yfirmenn þeirra, við
hvaða fyrirtæki er verslað. Starfs-
menn stjórnsýslunnar fá vildar-
punkta Icelandair til persónulegra
nota fljúgi þeir með Icelandair en
Iceland Express býður ekki upp á
slík fríðindi. Ríkisstofnanir hafa átt í
sáralitlum viðskipum við Iceland Ex-
press, á grundvelli téðs samnings við
fyrirtækið og kosið í ríkum mæli að
eiga í viðskiptum við Icelandair að
sögn forsvarsmanna Iceland Express.
Skarphéðinn er ekki í vafa um hvað
réði úrslitum í ákvörðun Ríkiskaupa.
„Það sem ræður þessu náttúru-
lega er þetta ótrúlega vildarpunkta-
kerfi sem er farið að ráða kaupum út
um allt samfélagið – alveg stórhættu-
legt kerfi. Það er með hreinum ólík-
indum að ríkið sé að borga umtals-
vert hærra fargjald fyrir starfsmenn
ríkisins og að starfsmennirnir njóti
þess svo persónulega með því að fá
vildarpunkta,“ segir Skarphéðinn og
bætir við:
„Það er gríðarlegur þrýstingur
frá ríkisstarfsmönnum að þeir njóti
þessara fríðinda sem felst í vildar-
punktunum; það er bara engin
spurning. Það er verið að bera á þá fé.
Vildarpunktakerfið gengur út á það
að bera á fólk fé. Ef ég myndi fara til
hvers og eins af þeim sem kaupa flug-
farseðla hjá okkur og afhenda brúnt
umslag með 7000 krónum í; það teldi
fólk hið mesta svínarí og óviðeig-
andi með öllu. En það er allt í lagi ef
það heitir Vildarpunktar; en munur-
inn er samt enginn. Þetta er afsláttur
á farmiðakaupum sem er greidd-
ur til starfsmanna stjórnsýslunn-
ar persónulega en ekki til þess sem
kaupir farseðlana,“ sem í þessu tilfelli
er ríkið, að sögn Skarphéðins.
1.000 milljónir
Skarphéðinn lítur málið mjög alvar-
legum augum enda hafi Iceland Ex-
press tapað miklum fjármunum
vegna þessarar ólögmætu ákvörðun-
ar Ríkiskaupa. „Ríkið er stærsti kaup-
andinn af farseðlum frá landinu. Um-
fang þessara viðskipta er frá 800 til
1.000 milljóna á ári. Við gerðum
ríkinu mjög hagstætt tilboð sem
var í fullu samræmi við útboðsgögn-
in. Svo komumst við að því eftir mikla
eftirgangssemi að keppinauturinn
hafði ekki uppfyllt útboðsskilmálana
– en það var samt samið við hann.
Verðin hjá honum voru umtalsvert
hærri.“
Faglegt mat
„Öll útboð fara í gegnum mig,“ segir
Guðmundur Hannesson, forstöðu-
maður ráðgjafarsviðs Ríkiskaupa,
sem hafði yfirumsjón með útboð-
inu fyrir hönd stofnunarinnar. Að-
spurður hvers vegna Ríkiskaup hafi
ákveðið að gera samning við bæði
fyrirtækin þrátt fyrir augljósa yfir-
burði Iceland Express, miðað við
gefnar valforsendur segir Guðmund-
ur: „Þetta er bara faglegt mat. Ríkis-
kaup áskilur sér rétt til að semja við
fleiri en einn aðila. Við teljum gott
að starfsmenn hafi kost á því að velja
á milli tveggja eða fleiri aðila í stað
þess að eitt fyrirtæki fái öll viðskipt-
in.“ Hann telur þó að ákvörðunin
líti einkennilega út „þegar henni er
stillt upp á þennan hátt“. Í úrskurði
kærunefndarinnar er sérstaklega tek-
ið fram að kaupendum í opinberum
innkaupum sé ekki veitt svigrúm til
þess að taka hagkvæmasta tilboði en
um leið öðru mun óhagstæðara
tilboði og gera rammasamning
við báða bjóðendur.
Enginn þrýstingur
Inntur svara við því hvort Ríkiskaup
hafi, eins og Skarphéðinn heldur
fram, látið undan þrýstingi starfs-
manna stjórnsýslunnar og valið það
fyrirtæki sem veitir vildarpunkta hlær
Guðmundur dátt og segir að hlát-
urskastinu loknu: „Hann var nú einu
sinni starfsmaður stjórnsýslunnar og
ætti að þekkja vel til. Ég hugsa að það
hafi margt breyst í stjórnsýslunni frá
því að Steinar Berg hætti að vinna þar
sko. Þetta hefur engin áhrif á okkur;
við látum aldrei undan þrýstingi frá
neinum. Það er fráleitt að halda því
fram – það er ekki til í dæminu. Þessi
stofnun væri dauðadæmd ef við vær-
um að því.“
Upphæð skaðabóta á huldu
Í úrskurði kærunefndarinnar kem-
ur fram að verulegu hafi munað á til-
boði Iceland Express og Icelandair og
að fyrrnefnt fyrirtæki eigi rétt á skaða-
bótum vegna þessarar ólögmætu
ákvörðunar. Ekki er ljóst hversu háar
þær verða.
Auk þess er Ríkiskaupum gert
að greiða Iceland Express 400.000
krónur í málskostnað. Vegna laga-
tæknilegra atriða var hvorki hægt að
fella úr gildi samning Ríkiskaupa og
Icelandair né að framkvæma útboð-
ið að nýju.
Sakar Ríkiskaup um
vildarpunktasvínarí
n Samið við Icelandair þrátt fyrir óhagstætt tilboð n Iceland Express fær bætur
Varð af viðskiptum Skarp-
héðinn Berg er forstjóri Iceland
Express. mynd PREssPHotos.biz
Baldur Eiríksson
blaðamaður skrifar baldure@dv.is
Ríkisstarfsmenn fá
vildarpunkta Tilboð
Icelandair var mun óhagstæðara
en flugfélagið býður ríkis-
starfsmönnum vildarpunkta til
persónulegra nota.
Margbraut lögin
Um miðnætti á miðvikudag hafði
lögreglu afskipti af ökumanni og
farþega á bifhjóli. Bifhjólið var
án skráningarnúmera, farþeg-
inn hjálmlaus og var ökumaður
ekki með ökuskírteini meðferðis.
Við nánari athugun reyndist hjól-
ið vera stolið. Þá var ökumaður
með fartölvu meðferðis sem lagt
var hald á þar sem grunur leik-
ur á að hún sé einnig stolin. Far-
þeginn var 16 ára og því barna-
verndaryfirvöld látin vita og hann
fluttur heim. Ökumaðurinn var
hins vegar laus eftir skýrslutöku á
vettvangi.
Hávaðalæti
um miðja nótt
Klukkan hálf tvö aðfaranótt
fimmtudags var kvartað undan
hávaða í miðborginni. Þar hafði
stór hópur fólks safnast saman
á almenningssvæði eftir lokun
skemmtistaða með tilheyrandi
skvaldri og höfðu einhverjir með
sér hljóðfæri. Fólki var bent á að
þetta skapaði ónæði á þessum
tíma sólarhrings og hélt það leiðar
sinnar að beiðni lögreglu.
Stal matvælum
Miklar annir voru hjá lög-
reglunni á höfuðborgarsvæðinu
aðfaranótt fimmtudags og á
miðvikudagskvöldið. Um kvöld-
matarleytið stöðvaði lögregla
ökumann í miðborginni grun-
aðan um akstur undir áhrifum
áfengis og/eða vímuefna. Sá
grunur reyndist á rökum reistur.
Á sama tíma var tilkynnt
um þjófnað úr verslun í Aust-
urborginni. Þar hafði aðili tek-
ið sér matvæli fyrir nokkur þús-
und án þess að borga fyrir. Hann
var einnig laus eftir skýrslu-
töku. Rétt fyrir miðnætti var ök-
umaður stöðvaður í Hafnarfirði
við hefðbundið eftirlit lögreglu.
Sá reyndist vera undir áhrifum
fíkniefna sem og að vera með
slík efni í fórum sínum.