Dagblaðið Vísir - DV - 17.08.2012, Blaðsíða 8
Sprengjuhótun var gabb
n Gríðarlegur viðbúnaður á Keflavíkurflugvelli
M
ikill viðbúnaður var á
Keflavíkurflugvelli á
fimmtudagsmorgun þegar
Airbus-farþegaþota rúss-
neska flugfélagsins Aeroflot var
skyndilega lent á Keflavíkurflug-
velli á leið sinni frá New York
til Moskvu. Var það gert vegna
sprengjuhótunar sem hafði borist
og fóru allar viðbragðsáætlanir í
gang. Allir 253 farþegar vélarinn-
ar voru fluttir frá borði og biðu þeir
milli vonar og ótta í Flugstöð Leifs
Eiríkssonar á meðan sprengjuleit
fór fram.
Flugfélaginu rússneska hafði
borist símtal frá ónafngreindum
aðila sem tjáði starfsmanni fé-
lagsins að sprengja væri um borð.
Samkvæmt rússneskum fjölmiðl-
um mun viðkomandi hafa sagt
fimm ferðatöskur fullar af sprengi-
efni vera í vélinni og að þær ættu að
springa við lendingu í Moskvu.
Sprengjuleit sérsveitarinn-
ar og Landhelgisgæslunnar lauk
um klukkan þrjú á fimmtudag, en
engin sprengja fannst í flugvélinni.
Sprengjusérfræðingar notuðust við
hunda og vélmenni við leitina.
Víðir Reynisson, hjá ríkislög-
reglustjóra, sagði í samtali við DV
eftir að hættan var liðin hjá að far-
þegaþota frá Aeroflot væri vænt-
anleg til landsins að sækja þá far-
þega sem voru í flugvélinni. Þessi
umfangsmikla sprengjuhótun sem
vakti mikinn óhug og ótta reyndist
því ljótt gabb sem vissulega er litið
alvarlegum augum og verður án
nokkurs vafa rannsakað í fram-
haldinu.
8 Fréttir 17.–19. ágúst 2012 Helgarblað
Sími 412 2500 - sala@murbudin.is - www.murbudin.is
– Afslátt eða gott verð?
Á góðu verði í eldhúsið
Kletthálsi Reykjavík
Reykjanesbæ
Akureyri
Húsavík
Vestmannaeyjum
Töfrasproti – Blandari
2.690,-
Kaffivél með Thermo hitakönnu
10-12 bolla, 900w
2.990,-
Djús/ávaxtablandari
með glerkönnu
3.990,-
Blandari og matvinnsluvél
4.990,-
Kæra Umboðs-
mann skuldara
Hagsmunasamtök heimilanna
hafa kært synjum Umboðs-
manns skuldara um að veita
samtökunum aðgengi að sam-
ráðsgögnum Umboðsmanns
við fjármálafyrirtæki, talsmann
neytenda og Neytendastofu.
Frá þessu er greint á vef Hags-
munasamtakanna. Þar segir að
hagsmunasamtökin hafi í febr-
úar beint erindi til Samkeppn-
iseftirlitsins þar sem aðkomu
Samtaka fjármálafyrirtækja að
úrvinnslu stjórnvalda á mál-
efnum neytenda var mótmælt.
365 í sókn
Þrjár nýjar sjónvarpsstöðvar hafa
bæst í safnið hjá fjölmiðlafyrir-
tækinu 365. Útsendingar hófust á
stöðvunum Stöð 2 Krakkar, Stöð
2 Gull og endurvakin Popp tíví á
fimmtudag. Í tilkynningu frá fé-
laginu kemur fram að stöðvarnar
fylgi frítt með áskrift að Stöð 2.
„Stöð 2 Krakkar er fyrsta ís-
lenska sjónvarpsstöðin sem sendir
út talsett eða textað barnaefni alla
daga vikunnar, frá morgni til síð-
degis.“ Þá kemur fram að Popp tíví
verði með breyttu sniði frá því sem
áður var.
Embættismenn
í hæfnismat
„Skipuð hefur verið hæfnisnefnd
sem mun vera ráðherra til ráðgjaf-
ar við val á þeim embættismönn-
um ráðuneytanna þriggja sem
sækjast eftir embættum hjá hinu
nýja ráðuneyti,“ segir í tilkynningu
efnahags- og viðskiptaráðuneytis-
ins vegna stofnunar nýs atvinnu-
vega- og nýsköpunarráðuneytis
sem Steingrímur J. Sigfússon verð-
ur yfir. Formlega verður nýja ráðu-
neytið stofnað 4. september við
sameiningu sjávarútvegs- og land-
búnaðarráðuneytis, iðnaðarráðu-
neytis og hluta efnahags- og við-
skiptaráðuneytis.
Mikill viðbúnaður Sprengjuhótun sem
barst vegna Airbus-vélar Aeroflot-flugfé-
lagsins rússneska reyndist gabb. Mynd WiKipedia
Þ
etta er það ógeðslegasta sem
ég hef á ævinni séð. Það er
engin leið til að lýsa því, lykt-
in var svo viðurstyggileg,“
segir rútubílstjóri sem var
boðin gisting í gámnum bakvið gisti-
heimilið sem DV fjallaði um á mið-
vikudaginn. Þá var sögð saga Þóru
Bjarkar Kristjánsdóttur og fjölskyldu
hennar sem höfðu pantað sér her-
bergi á gistiheimilinu Klausturhofi.
Þegar á staðinn var komið kom í
ljós að herbergið var tvíbókað og þau
látin sofa í illa lyktandi gámi bakvið
húsið og fengu engan afslátt af her-
bergisverðinu en þau höfðu borg-
að það fyrirfram. Gámnum lýstu
þau sem viðbjóðslegum og það kom
þeim á óvart að leyfilegt væri að selja
gistingu í gámnum. Þegar DV fór að
grennslast fyrir um málið kom í ljós
að svo reyndist ekki vera, gistihúsið
hafði ekki leyfi fyrir honum.
Fúkkalykt af verstu gerð
Rútubílstjórinn hafði sam-
band við DV í kjölfar frétt-
arinnar þar sem hann hafði
sjálfur lent í því að hafa átt
að gista í gámnum. Hann hafi
neitað því vegna þess hversu
léleg aðstaðan var.
„Ég ek með ferðamenn út
á land og í samningum okkar
segir að við eigum að fá sömu
gistingu og þeir. Ég hef ver-
ið bílstjóri í mörg ár og sofið
á alls konar stöðum, ég þori
að fullyrða að ég hafi sofið
í nánast öllum fjallakofum lands-
ins en aldrei hef ég lent í neinu jafn
ógeðslegu og þessum gámi.“ Hann
neitaði að sofa í honum. „Ég fór bara
út í bíl og svaf þar í uppréttri stöðu
alla nóttina. Af tvennu illu valdi ég
það. Ég er ábyggilega eini maður-
inn í hópnum sem þarf almenni-
legan svefn enda þurfti ég að keyra
400 kílómetra daginn eftir,“ seg-
ir hann og tekur fram að lyktin
hafi verið hrikaleg. „Þetta var svona
fúkka-myglulykt af verstu gerð og ég
sá bara fram á að ef ég myndi gista
þarna þá myndi ég þurfa að fara
með allt í þurrhreinsun daginn eft-
ir, pokann minn og allt. Það voru
svartir myglusveppir þarna upp
um alla veggi. Þetta toppaði allt
sem ég hef áður séð,“ segir hann og
segir eiganda gistiheimilisins
hafa verið hissa á því að hann
hafi ekki viljað vera þarna því
þarna hafi aðrir rútubílstjór-
ar gist í vikunni áður en þetta
var. „Ég kalla ekki allt ömmu
mína í þessum efnum en ég
var alveg froðufellandi þegar
ég kom þarna.“
Hafði ekki leyfi
Þegar DV hafði samband
við Heilbrigðiseftirlit Suður-
lands til að athuga hvort leyfi-
legt væri að selja gistingu í
gámnum var farið á staðinn
og gámurinn tekinn út. Sam-
kvæmt heilbrigðisfulltrúa sem
fór á svæðið var ekki leyfi fyrir
gámnum og ljóst að eigandinn
hafði ekki leyfi til þess að selja
gistingu í honum. Það hafi ým-
islegt vantað upp á til þess að
uppfylla þau skilyrði. Til dæm-
is umsögn byggingar-, eldvarnar-
og heilbrigðiseftirlits. Eiganda gisti-
heimilisins er ekki heimilt að selja
gistingu í gámnum en Heilbrigðis-
eftirlitinu var ekki kunnugt um til-
veru gámsins. Eigandinn þarf því
nú að uppfylla þau skilyrði sem sett
eru fram, vilji hann leigja gáminn út
sem gistiaðstöðu. n
Ekki leyfi fyrir
gistigáminum
„Aldrei hef ég
lent í neinu
jafn ógeðslegu og
þessum gámi.
Viktoría Hermannsdóttir
blaðamaður skrifar viktoria@dv.is
n Rútubílstjóri aldrei lent í öðru eins n Heilbrigðiseftirlitið lokaði gáminum
Gámurinn Hér sést gámurinn sem
talað er um. Rútubílstjórinn segist
aldrei hafa séð neitt jafn ógeðslegt
en komið er í ljós að ekki var leyfi til
að selja gistingu í honum.
Viðbjóðslegt Þóra Björk og fjölskylda sögðu sögu sína í miðvikudagsblaði DV. Þau pöntuðu herbergi á gistiheimilinu en það var tvíbókað og þau þurftu að sofa í gámnum. Þeim var ekki gefinn afsláttur.