Dagblaðið Vísir - DV - 17.08.2012, Blaðsíða 12

Mistök að afhenda mynddiska
n Lögreglunni ekki treystandi segir lögmaður
F
yrirtaka í máli Barkar Birgis-
sonar, Annþórs Kristjáns Karls-
sonar og ellefu annarra karl-
manna fór fram í Héraðsdómi
Reykjaness klukkan 11 á fimmtudag.
Þeir eru meðal annars ákærðir fyrir
sérstaklega hættulegar líkamsárásir,
ólögmæta nauðung, frelsissviptingu
og tilraunir til fjárkúgunar og hafa
allir lýst sig saklausa af ákæruefnum.
Enginn þeirra mætti í dómsal.
Vilhjálmur Hans Vilhjálmsson,
verjandi tveggja sakborninga í mál-
inu krafðist svara frá saksóknara
hvers vegna aðeins vissir sakborn-
ingar hefðu fengið afhenta hljóð-
og mynddiska af yfirheyrslum lög-
reglunnar. Hann vildi meina að
saksóknari hefði með því mismun-
að verjendum í málinu, en verjandi
Barkar Birgissonar hafði fengið diska
frá Berki sem hafði fengið þá hjá lög-
reglunni. Saksóknari svaraði að það
hefðu verið mistök að afhenda Berki
diskana og að hann væri búinn að
óska eftir að fá þá til baka. Um er að
ræða 31 disk sem sýna skýrslutökur
lögreglu á vitnum, sakborningum og
brotaþolum. Vilhjálmur sagði mikil-
vægt að fá diskana því ekki væri hægt
að treysta á að lögreglan væri hlut-
laus. „Lögreglunni er einfaldlega
ekki treystandi fyrir þessu. Það er
ekki flóknara en það,“ sagði Vilhjálm-
ur Hans. Guðmundur St. Ragnars-
son, verjandi Annþórs, tók undir
þessi orð.
Verjendur bentu á að það væri
tímafrekt að fara yfir diskana og því
þyrftu þeir að fá þá afhenta sem allra
fyrst. Í lok fyrirtökunnar sagði dóm-
arinn: „Ég verð sjötíu ára á næsta ári
og ef þetta á að ganga svona þá verð
ég ekki byrjaður á málinu.“
Stefnt er á að næsta þinghald í
málinu verði 21. september.
hanna@dv.is
12 Fréttir 17.–19. ágúst 2012 Helgarblað
Móseldalurinn er ægifagur, haustlitirnir skarta sínu fegursta og vínuppskerutíminn
er hafinn. Flogið verður til Frankfurt og gist í 5 nætur hjá vínbændum í Leiwen við
ána Mósel. Þaðan verður farið í áhugaverðar skoðunarferðir, t.d. til Bernkastel og
Cochem, sem þykir einn fallegasti bærinn við ána. Þá verður komið til Idar-Oberstein
sem frægur er fyrir skartgripagerð, mjög skemmtilegt eðalsteinasafn og ekki má
gleyma hellakirkjunni frægu sem er byggð inni í kletti. Einnig verður komið til elstu
borgar Þýskalands, Trier, sem hefur að geyma miklar fornminjar frá tímum Rómverja.
Margt skemmtilegt verður á döfinni þessa daga, t.d. ratleikur þar sem leitað verður
að gómsætum Móselvínum. Á leið til Wiesbaden þar sem gist verður á vel staðsettu
miðbæjarhóteli síðustu 2 næturnar, verður komið við í Rüdesheim, einum vinsælasta
ferðamannabæ við ána Rín. Flogið heim frá Frankfurt.
Fararstjórar: Georg Kári Hilmarsson & Agnar Guðnason
Verð: 147.250 kr. á mann í tvíbýli Örfá sæti laus!
Innifalið: Flug, skattar, gisting hjá vínbændum og á hóteli í Wiesbaden, hálft fæði,
allar skoðunarferðir með rútu, vínsmökkun og íslensk fararstjórn.
www.baendaferdir.is
Sp
ör
e
hf
.
s: 570 2790
A L L I R G E T A B Ó K A Ð S I G Í B Æ N D A F E R Ð I R
28. september - 5. október
Travel Agency
Authorised by
Icelandic Tourist Board
Vínbændur & kastalar
Haust 5
Hálft fæði og allar skoðunarferðir innifaldar
F
élagið Inn Fjárfesting í eigu
auð konunnar Ingunnar Wer-
n ers dóttur skuldar nú rúm-
lega 5,2 milljónir króna í dag-
sektir vegna seinagangs við
framkvæmdir á húsinu Esjubergi í
Þingholtsstræti 29. Húsið, sem áður
var talið eitt af fallegustu húsum
borgarinnar, er komið í mikla niður-
níðslu eftir að félag Ingunnar festi
kaup á því árið 2007.
Að sögn byggingarfulltrúa Reykja-
víkurborgar segist Ingunn hafa full-
an hug á að nota fjármuni sína til að
koma Esjubergi í viðunandi ástand
en ekki til að borga dagsektir.
Tvennt í stöðunni
Reykjavíkurborg hóf í nóvember í
fyrra að sekta Ingunni Wernersdóttur
um 25 þúsund krónur dag hvern fyrir
að hafa Esjuberg í niðurníðslu. Dag-
sektirnar eru nú í innheimtu. Þegar
DV leitaði svara hjá Harra Orms-
syni, lögfræðingi og byggingarfull-
trúa Reykjavíkurborgar, um hver
framtíð Esjubergs yrði sagði hann
tvennt koma til greina: „Ef Ingunn
vill halda Esjubergi verður hún að
hefja framkvæmdir innan ákveðins
tímaramma ellegar tekur Reykja-
víkurborg húsið af henni þegar dag-
sektirnar verða orðnar mjög háar.
Þá ber Reykjavíkurborg skylda til að
ráðast í framkvæmdir og gera húsið
upp.“ Spurður hversu háar dagsekt-
irnar þyrftu að verða til að Reykja-
víkurborg fengi húsið í sínar hend-
ur kvaðst hann ekki vita það. Aðrir
starfsmenn Reykjavíkurborgar sem
DV fékk samband við kváðust heldur
ekki vita það. 
Háar dagsektir hvatning
„Esjuberg er í hræðilegu ásigkomulagi
og lýti á umhverfinu eins og það er í
dag,“ segir Hjálmar Sveinsson, vara-
formaður skipulagsráðs Reykjavíkur-
borgar. Hann segir dagsektir eina tæki
Reykjavíkurborgar til að fá eiganda til
að hefja framkvæmdir hið snarasta.
„Dagsektirnar skila miklu því þær
hvetja eigendur húsa í niðurníðslu
til að gera upp húsin. Við höfum séð
að þær bera árangur,“ segir Hjálmar.
Spurður hvort hann haldi að dagsektir
hafi reynst Ingunni hvatning til að gera
upp Esjuberg svarar hann játandi.
Ingunn vill semja
„Ingunn hefur í langan tíma haft
áform um að koma Esjubergi í gott
ástand en eins og margir vita hefur
ekkert orðið úr þeim áformum,“ segir
Harri. Þess vegna hefur Reykjavíkur-
borg hafið að beita Ingunni dagsekt-
um.  „Linda Bentsdóttir, lögfræðing-
ur Ingunnar Wernersdóttur, hafði
samband við mig í síðasta mánuði og
tjáði mér að Ingunn hefði áhuga á að
leggja peninga í framkvæmdir til að
koma Esjubergi í betra ástand. Hún
sagði samt að engir peningar væru
til í félagi Ingunnar (Inn Fjárfestingu,
innsk. blm.) sem er skráð fyrir Esju-
bergi. Ingunn hefði samt sem áður
persónulega fullan hug á að setja
peningana í að koma Esjubergi í
gott ástand en ekki í dagsektir,“ segir
Harri og að þannig hafi Ingunn vilj-
að endursemja um dagsektir eða fá
niðurfellingu.
„Ég bíð eftir tillögum frá lög-
fræðingi Ingunnar um endurbæt-
ur á Esjubergi og vona auðvitað að
Ingunn framkvæmi þær. Dagsektirn-
ar tikka ennþá og hún er ekki búin
að borga krónu,“ segir Harri og bæt-
ir við að hefji hún framkvæmdir við
húsið og komi því í viðunandi horf
þurfi hún ekki að borga dagsektirnar.
Reykjavíkurborg hefur enn ekki gefið
Ingunni tímaramma um hvenær hún
verði að hefja framkvæmdirnar.
Vill gera vel og myndarlega
Ekki náðist í Ingunni Wernersdóttur
við vinnslu fréttarinnar. Þrátt fyrir
að lögfræðingur hennar segi að ekki
séu til peningar í Inn Fjárfestingu
sem á Esjuberg var Ingunn meðal
hæstu skattgreiðenda á Íslandi á síð-
asta ári en hún greiddi rúmlega 60
milljónir í skatt. Í viðtali við Frétta-
blaðið árið 2007 sagði hún í sam-
bandi við fasteignakaup sín að hún
vildi gera allt svo vel og myndarlega:
„Þannig er ég bara,“ sagði hún á því
herrans ári.
n Ingunn ekki greitt krónu n Vill nota peningana í að gera Esjuberg upp
auðkona vill
sleppa við
dagsektir
Elín Ingimundardóttir
blaðamaður skrifar elin@dv.is
Úr Fréttir Dag-
blað árið 1918
„Fegurst húsið í Reykjavík er án alls
efa Esjuberg Ól. Johnson's konsúls við
Þingholtsstræti, er hann keypti hálfbygt
af Obenhaupt stórkaupm. Ganga nú
Reykvíkingar í hópum þangað og horfa
á þessa hvítu höll, með mjallhvítum súl-
um og svölum, er svo er að sjá sem reist
væri úr marmara eða mjallsteini. Verður
þar fagurt um að litast, er laufprúðir
viðir, blómrunnar og bergfléttur vaxa
þar umhverfis og vefjast og hallast að
hvítum múrunum.“
Draugahús Eftir að Ingunn festi kaup á
húsinu er það komið í mikla niðurníðslu.
Hefur hug á að
gera Esjuberg upp
Lögfræðingur Ingunnar
Wernersdóttur hefur
sagt að Ingunn vilji
persónulega leggja
pening í framkvæmdir.
770 þúsund
pakkar til
Sómalíu
Á síðasta ári söfnuðust á Íslandi 57
milljónir króna sem fóru til hjálp-
ar í Sómalíu. Þar hefur ríkt gríðar-
leg hungursneyð. Peningarnir
voru notaðir til þess að senda 770
þúsund pakka af vítamínbættu
hnetusmjöri til 20 þúsund barna.
Börnin sem búa í sunnanverðri
Sómalíu, hafa þjáðst af alvar-
legum næringarskorti. Síðar var
einnig sent skjólefni, hreinlætis-
pakkar og eldunaráhöld til aðstoð-
ar um 30 þúsund flóttamönnum
norðar í landinu. Þetta kom fram
í grein sem Þórir Guðmundsson
skrifaði og birtist í Fréttablaðinu á
fimmtudag.
Breytingar á
Landeyjarhöfn
Fyrirhugaðar eru breytingar á
Landeyjarhöfn, þaðan sem Herj-
ólfur siglir. Til stendur að gera
um 20 metra langan viðlegukant
innst í norðurenda hafnarinnar.
Kanturinn er hugsaður fyrir dýpk-
unarskip. Þá er einnig gert ráð
fyrir steyptum rampi norðan við
ferjubryggju hafnarinnar. Hann
er hugsaður til að sjósetja smærri
báta. Siglingastofnun hefur ósk-
að eftir breytingum á gildandi
deiliskipulagi.