Dagblaðið Vísir - DV - 17.08.2012, Blaðsíða 21

Erlent 21Helgarblað 17.–19. ágúst 2012
Á
þriðja tug manna sitja í
fundarsal á lögmannastofu
í Brooklyn í New York. All-
ir hafa þeir verið handtekn-
ir fyrir vændiskaup og af-
brot tengd vændi. Og þeir eru þarna
samankomnir því þeir eru að reyna
að forðast að sitja inni fyrir brot
sín. En þetta er ekki skrifstofa verj-
enda þeirra, þetta er skrifstofa sak-
sóknaraembættis Brooklyn í New
York. Og þeir eru þarna til að sitja
eins konar endurmenntunarnám-
skeið fyrir vændiskaupendur á veg-
um lögregluyfirvalda þar sem þeir
eru fræddir um hættur þess að kaupa
vændi og afleiðingar gjörða sinna.
Virðingarverkefnið
Mennirnir voru allir gripnir glóð-
volgir við að reyna að kaupa vændi á
götum New York-borgar af lögreglu-
konum dulbúnum sem vændiskon-
um. Og hugmyndafræðin á bak við
námskeiðið er að kenna þeim lexíu
fremur en að senda þá rakleitt í fang-
elsi.
„Afbrotin sem þið voru handtekn-
ir fyrir myndu alla jafna leiða til refs-
ingar, og sú refsing er fangelsisvist.
Og næst þegar þið verðið handtekn-
ir fyrir vændiskaup verður fangelsis-
vist það eina sem ykkur stendur til
boða,“ segir aðstoðarumdæmissak-
sóknarinn Grace Brainard á nám-
skeiðinu sem fréttamenn CNN fengu
að sitja og greint er frá í fréttaskýr-
ingaþættinum Freedom Project.
Á þessu endurhæfingarnám-
skeiði, sem kölluð eru „Johns
School“, er mönnunum kennt um
hættur og viðurlög vegna vændis og
mansals. Þetta átak er þó ekki nýtt af
nálinni. Það hefur verið í gangi síð-
astliðin tíu ár undir nafninu Project
Respect, eða Virðingarverkefnið.
Auðveld lausn í stað fangelsis
Þessir vændiskaupendur eiga það
sameiginlegt að vera allir með hreint
sakavottorð og stendur þeim því til
boða að sækja þetta þriggja tíma
námskeið, sem þeir greiða 300 dali
fyrir, og sleppa þar með við fangelsis-
dóm.
Rhonnie Jaus, yfirmaður kynferð-
isbrotadeildar lögreglunnar, segir
að á námskeiðinu sé reynt að auka
meðvitund þeirra og upplýsa þá
um alvarleika vændis og mansals.
Þeir séu fræddir um hættur tengd-
ar vændi, bæði fyrir þá og konurnar
sem þeir kaupa.
Er höfðað til samvisku mannanna
með ýmsum hætti. Jaus bendir þeim
meðal annars á að þeir kunni að telja
sig vera að eiga mök við fullorðna
manneskju, en það sé síður en svo
alltaf þannig. „Þetta gæti verið fórn-
arlamb mansals, barn frá Kína eða
Suður-Ameríku. Afleiðingar þessa
glæps eru ótalmargar.“ Saksóknarinn
Brainard bætir við að flestar stúlkur
leiðist út í vændi á aldrinum 11 til 14
ára. „Þær voru börn þegar þær leidd-
ust út í þetta líferni,“ segir hún.
Annar hluti námskeiðsins snýr að
reynslusögum. Rosetta Menifee, fyrr-
verandi vændiskona sem smitaðist
af HIV, heldur fyrirlestur um harmi
þrungna reynslu sína af undirheimum
vændis og mansals á götum New York.
„Auðvitað er markmiðið að þeir
geri þetta ekki aftur. En raunveruleik-
inn er sá að margir þeirra munu þó
gera það. Svo markmiðið er í raun
að útskýra fyrir þeim afleiðingar og
hætturnar sem tengjast ákvörðun-
um þeirra og útskýra mismunandi
sjónarhorn. Með von um að þeir
taki betri ákvarðanir,“ segir Menifee í
samtali við CNN.
Verkefni sem virðist virka
Af lýsingum fréttaskýringar CNN að
dæma er þó talsvert af hræðsluáróðri
á námskeiðinu og sitt gæti hverjum
sýnst um aðferðafræðina. Mennirn-
ir eru til að mynda varaðir við að
vændiskonurnar geti verið smitaðar
af kynsjúkdómum. Þeir fá glærusýn-
ingu af litrófi slíkra sjúkdóma frá
heilbrigðisstarfsmanni. Lögreglu-
maður kemur og varar þá við að
vændiskonurnar geti hreinlega ver-
ið viðskiptavinum sínum hættulegar.
„Sumar eru truflaðar, vanstilltar til-
finningalega og margar nota fíkni-
efni. Margar vændiskonur geta var-
ið sig og margar þeirra hafa gert það.“
Hér mætti segja að verið væri að
gera vændiskonurnar, sem oftar en
ekki eru álitnar fórnarlömbin í þess-
um aðstæðum, að illmenninu með
slíkum boðskap. En þessar aðferðir
virðast virka.
CNN ræðir við nemanda á nám-
skeiðinu sem fær gælunafnið Skeet-
er í umfjölluninni. Hann segir að
„jóna“-skólinn hafi veitt honum mik-
ilvæga innsýn í myrkraheim vændis
og mansals. „Margar eiga við vímu-
efnavanda að stríða, sumar vinna
fyrir melludólg. Mér líður ekki vel
með að vita að með því að greiða
peninga fyrir vændi eigi ég þátt í að
halda manneskju í þrældómi.“
Eftir áratugastarfsemi getur Virð-
ingar verkefnið í Brooklyn einnig
státað af því að aðeins 26 nemendur
hafa verið handteknir aftur við sömu
iðju. 26 af 3 þúsund mönnum sem
gefinn hefur verið kostur á að sækja
námskeiðið. Það er ásættanlegur ár-
angur að mati Rhonnie Jaus. n
Vændiskaupendur
fá annað tækifæri
n Fá að sækja þriggja tíma námskeið og sleppa við fangelsi
Sigurður Mikael Jónsson
blaðamaður skrifar mikael@dv.is
Gengu í gildru Mennirnir sem sækja
skólann í Brooklyn hafa allir verið gripnir
af dulbúnum lögreglukonum við að kaupa
vændi. Séu þeir með hreint sakavottorð
eiga þeir möguleika á endurmenntun.
Mynd ReuteRs
„Jónar“ á skólabekk Vændiskaupendur greiða 300 dali, sitja undir fyrirlestrum í þrjá
tíma og losna við að fara í fangelsi. Mynd skJáskot Af Cnn
Romney á eignir
á Cayman-eyjum
Skattskýrsla bandaríska for-
setaframbjóðandans Mitt
Romney hefur hlotið mikla
athygli. Í henni kemur fram
að Romn ey á mikið af eign-
um utan Bandaríkjanna, þar
á meðal er ein verðmætasta
eign hans á Caymaneyjum í
Vestur-Karíbahafi. Þar af leið-
andi sleppur hann við að borga
töluverðan skatt þar sem eignir
á Caymaneyjum eru ekki skatt-
skyldar í Bandaríkjunum. „Að
mínu mati er skattskýrslan mín
smáatriði miðað við vandamál-
in sem bandaríska þjóðin glímir
við,“ sagði Romney.
Bæjarstjóri rænir
stórmarkaði
Juan Gordillo, bæjarstjóri í Mar-
inaleda á Spáni, er nú orðinn
hetja bæjarbúa Marinaleda.
Ástæðan ku vera sú að hann
hefur verið fremstur í flokki
fjölda fólks sem hefur brotist
inn í stórmarkaði og stolið það-
an matvörum í miklu magni.
Gordillo og félagar gefa fátæk-
um fjölskyldum sem hafa farið
hvað verst út úr bankahruninu
matvörurnar.
Sjö manns hafa verið hand-
teknir vegna þjófnaðanna.
Gordillo nýtur aftur á móti frið-
helgi þar sem hann er bæjar-
stjóri.
Þú velur
og draumasófinn þinn er klár
GERÐ (yfir 90 mismunandi útfærslur)
STÆRÐ (engin takmörk)
ÁKLÆÐI (yfir 2000 tegundir)
Sófinn þinn útfærður eftir þínum óskum
H Ú S G Ö G N
Patti verslun | Dugguvogi 2, 104 Reykjavík
Sími: 557 9510 | Vefsíða: www.patti.is
Verslun okkar er opin:
Virka daga kl. 9-18
Laugardaga kl. 11-16
Sunnudaga lokað
BaselTorino
Verð áður 270.900 kr
Dallas 2+Tunga
Aðeins 189.900 kr
BonnLyon