Dagblaðið Vísir - DV - 17.08.2012, Blaðsíða 35
35Helgarblað 17.–19. ágúst 2012
C
ayetano Santos Godino
fæddist í Búenos Aíres
í Argentínu 31. október
1896, einn átta bræðra.
Foreldrar hans, Fiore
Godino og Lucia Ruffo, voru
bæði áfengissjúklingar. Hafði
faðirinn fengið sárasótt áður en
Santos kom undir og segir sagan
að Santos hafi fyrir vikið glímt
við veruleg heilsufarsleg vanda-
mál í bernsku. Hann fékk síðar
viðurnefnið eyrnastóri dvergur-
inn, „petiso orejudo“.
Strax á unga aldri dundaði
Santos sér við að drepa ketti og
fugla auk þess sem hann hafði
mikla ánægju af því að leika
sér með eld. Hann þótti ofbeld-
ishneigður og hafði takmark-
aðan áhuga á menntun, fyrir
vikið þvældist hann úr einum
skóla í annan. Sjö ára að aldri
gekk Santos í skrokk á tveggja
ára dreng, Miguel de Paoli, og
henti honum síðan ofan í skurð.
Nærstaddur embættismaður
varð vitni að þessu, kom litla
drengnum til bjargar og fór með
drengina báða á lögreglustöð.
Mæður þeirra sóttu þá nokkrum
klukkustundum síðar.
Ári síðar barði Santos Önu
Neri, nágrannastúlku, með
grjóti. Lögreglumaður nokk-
ur skakkaði leikinn, en sökum
ungs aldurs komst Santos hjá
því að sæta refsingu fyrir athæf-
ið.
Þegar Santos var tíu ára
komust foreldrar Santos að því
að hann stundaði sjálfsfróun
af miklum móð. Það þótti ekki
góð latína á þeim tíma og seg-
ir sagan að foreldrar hans hafi í
ráðaleysi haft samband við lög-
regluna og Santos hafi þurft
að dvelja í grjótinu um tveggja
mánaða skeið.
Leikur að eldi
Þann 17. janúar 1912 kveikti
Santos í vöruhúsi við Corri-
entes-stræti í Búenos Aíres.
Löngu síðar þegar lögreglan
handtók hann sagði hann: „Ég
hef gaman af því að sjá slökkvi-
liðsmenn að störfum. Það er
gaman að sjá hvernig slökkvi-
liðsmennirnir detta í eldhafið.“
Síðar þann sama mánuð
fannst lík þrettán ára drengs,
Arturos Laurona, í yfirgefnu húsi
og síðar kom í ljós að Santos bar
ábyrgð á dauða hans. Nokkrum
mánuðum síðar, 7. mars, bar
Santos eld að kjól fimm ára
stúlku, Reynu Vainikoff, sem lést
nokkrum dögum síðar af sárum
sínum.
Síðla septembermánaðar
1912 kveikti Santos í járnbraut-
arstöð, en skemmdir af völdum
eldsins voru litlar. Í nóvember,
þann 8., reyndi hann að kyrkja
átta ára dreng, Roberto Russo.
Santos var handtekinn og ákærð-
ur fyrir morðtilraun en fékk að
ganga laus þar til réttað yrði í máli
hans. Síðar átti eftir að koma í ljós
að það var ekki góð ákvörðun því
16. nóvember gekk hann í skrokk
á stúlku nokkurri, Carmen Ghitt-
oni, en það varð henni til bjargar
að nærstaddur lögreglumaður
skarst í leikinn og fjórum dög-
um síðar gerði hann tilraun
til að nema tveggja ára stúlku,
Carolinu Neolener, á brott. Ör-
væntingargrátur stúlkunnar vakti
athygli nágranna sem komu
henni til bjargar. Skömmu síðar
bar hann eld að tveimur stórum
skýlum en tjón varð lítið.
Nagli í höfuð
Þann 3. desember 1912 sá
Santos hvar drengur einn, Jesu-
aldo Giordano, var einn að
leik fyrir framan heimili sitt.
Hann gaf Jesualdo nokkra sæl-
gætismola og með loforðum
um meiri sætindi tókst honum
að narra hann með sér inn í hús
eitt. Inn komnir reyndi Santos
árangurslaust að kyrkja hann
með belti sínu. Þegar það gekk
ekki skar hann beltið í tvennt
og batt með því hendur Jesu-
aldos og fætur. Síðan gekk hann
í skrokk á drengnum.
Þegar þar var komið sögu
íhugaði Santos að berja Jesu-
aldo í höfuðið með hamri sem
hann fann í húsinu en fékk aðra
hugmynd.
Santos yfirgaf húsið í leit að
nagla og hitti föður Jesualdos
sem var að leita að syni sínum.
Santos sagðist enga hugmynd
hafa um hvar drengurinn væri
en hélt áfram leit sinni að nagla
og hafði erindi sem erfiði og
sneri aftur til hússins.
Santos rak naglann inn í
höfuð Jesualdos og faldi síð-
an líkið. Faðir Jesualdos fann
líkið skömmu síðar. Santos lét
sig ekki vanta í líkvökuna, síðar
sama dag og sagt er að hann hafi
þreifað á höfði líksins þar sem
hann hafði rekið naglann inn.
Daginn eftir morðið var
Santos handtekinn og játaði alla
sína glæpi.
Úrskurðaður ósakhæfur
Þann 4. janúar 1913 var Santos
vistaður á betrunarhæli og
reyndi þar að bana nokkrum
vistmönnum. Læknar úr-
skurðuðu hann ósakhæfan
og urðu lyktir málsins þær að
dómari dæmdi hann til áfram-
haldandi vistar á betrunarhæl-
inu. Þeim úrskurði var áfrýj-
að og 12. nóvember 1915 var
Santos færður í venjulegt fang-
elsi. Cayetano Santos Godino
var dæmdur fyrir morð á fjórum
börnum, sjö morðtilraunir og
fjölda íkveikja.
Þann 28. mars 1923 var
Santos færður í Ushuaia-fang-
elsið, en erfitt er að kenna
gömlum hundi að sitja, eins
og sagt er, og árið 1933 dvaldi
hann um langt skeið á sjúkra-
húsi fangelsisins vegna bar-
smíða sem hann sætti af hálfu
samfanga eftir að hann drap tvo
ketti þeirra.
Frá 1935 glímdi Santos við
stöðugt heilsuleysi og fékk engar
heimsóknir þaðan í frá allt til
þess er hann geispaði golunni,
við grunsamlegar kringum-
stæður, þann 15. nóvember
1944. n
EYRNASTÓRI
DVERGURINN
morð Andrei Romanovich Chikatilo er einn skæðasti fjöldamorðingi allra tíma en hann fæddist
í Úkraínu gömlu Sovétríkjanna. Kallaður Slátrarinn frá Rostov eða rauði „ripperinn“. Hann var árið 1992
dæmdur fyrir morð á 52 konum og börnum. Hann var tekinn af lífið árið 1994 og játaði alls 56 morð en
var sóttur til saka fyrir 53 þeirra. Morðin voru framin á árunum 1978 til 1990.
n Myrti fjögur börn n Reyndi að myrða sjö til viðbótar
Santos Godino Gekk ekki heill til skógar andlega allt frá barnsaldri.
52