Dagblaðið Vísir - DV - 27.08.2012, Blaðsíða 16

Sandkorn
E
inn af stóru draumum jafnað-
armanna og sósíalista á Íslandi
hefur verið að hrein vinstristjórn
kæmist til valda. Sá draumur
rættist árið 2009 þegar minni-
hlutastjórn Jóhönnu Sigurðardóttur
tók við af hrunstjórn Geirs H. Haarde.
Stjórnin starfaði undir verndarvæng
Framsóknarflokksins sem stofnaði í
raun til hennar og varði vantrausti.
Í framhaldi af minnihlutastjórninni
unnu Samfylking og Vinstri grænir stór-
sigur í alþingiskosningum og fengu
hreinan meirihluta. Alvöru vinstristjórn
var komin til valda undir húrrahróp-
um þeirra sem trúðu því að hugsjónir
þeirra fengju brautargengi. Nýtt Ísland
virtist vera í sjónmáli.
Raunin hefur orðið allt önnur. Hug-
sjónirnar hafa vikið og ríkisstjórnin hef-
ur glímt við innbyrðis ósætti frá fyrsta
degi. Þrátt fyrir viljann og stefnuyfirlýs-
inguna um að illræmdu kvótakerfi yrði
bylt hafa efndir orðið sáralitlar. Kerfið
er í meginatriðum það sama þótt daga-
kerfi hafi verið smíðað utan um það og
hóflegt veiðigjald tekið upp. Allar stærri
kerfisbreytingar hafa beðið skipbrot á
skerjum ósættis og óeiningar.
Eitt helsta slagorð ríkisstjórnarflokk-
anna var að slegið yrði upp skjaldborg
um heimilin. Skuldarar áttu að fá leið-
réttingar á stökkbreyttum lánum sínum.
Hluti fólks hefur fengið leiðréttingar en
það er langur vegur frá því að skjald-
borgin hafi risið. Aftur á móti hafa
bankarnir, þar á meðal ríkisbankinn,
verið duglegir við að afskrifa lán hákarl-
anna í atvinnulífinu. Þar fara milljarð-
ar niður um ræsi afskriftanna á með-
an meðaljóninn er fastur á þrælaklafa
bankans.
Vinstristjórnin var með þá stefnu að
þjóðin fengi að greiða atkvæði um aðild
að Evrópusambandinu. Það hefur dreg-
ist vegna átaka og ólgu innan Vinstri
grænna. Nú vilja sumir þeirra ganga
þvert á loforð og stjórnarsáttmála með
því að láta fara fram þjóðaratkvæða-
greiðslu um það hvort halda eigi við-
ræðum áfram. Það á sem sagt að freista
þess að taka af fólki þann rétt að segja
nei eða já við Evrópusambandinu.
Draumurinn um vinstristjórn sem
myndi siðvæða Ísland hefur að hluta
til brugðist. Það væri ósanngjarnt að
halda því fram að það sé vegna fláræð-
is foringjanna Jóhönnu og Steingríms
J. Sigfússonar. Þau vildu örugglega
standa við stóru loforðin. Vandinn er sá
að þau gátu það ekki vegna innbyrðis
deilna, sérstaklega í VG. Afleiðingin er
sú að ríkisstjórnin hefur á sér yfirbragð
mistaka og getuleysis. Það er á ábyrgð
sundrungaraflanna að svikulir stjórn-
arflokkarnir haltra til næstu kosninga.
Ferill þeirra er varðaður sviknum lof-
orðum og það eru sáralitlar líkur á að
vinstristjórnin vonda haldi meirihluta
sínum.
Óþarfi að auglýsa
n Þrátt fyrir yfirlýstan vilja
til siðvæðingar hafa stjórn-
arflokkarnir verið lítið fyr-
ir að auglýsa störf eða
leggja lykkju á leið sína við
mannaráðningar. Elva Björk
Sverrisdóttir, fyrrverandi
blaðamaður, var ráðin fjöl-
miðlafulltrúi fjármálaráðu-
neytisins án auglýsingar.
Ráðningin er þó tímabundin
eða á meðan Rósa Björk Brynj-
ólfsdóttir er í fæðingaror-
lofi. Oddný Harðardóttir fjár-
málaráðherra er væntanlega
ábyrg.
Ímyndað fylgi
n Það kom sem þruma úr
heiðskíru lofti þegar Lilja
Mósesdóttir tilkynnti að hún
myndi axla
ábyrgð af
„fylgistapi“,
sem að vísu
er ímynd-
að, og hætta
sem formað-
ur Samstöðu.
Lilja á að baki nokkra þrauta-
göngu með flokkinn. Fyrst
hætti Sigurður Þ. Ragnarsson
veðurfræðingur í fússi. Síðast
kvaddi Ásgerður Jóna Flosa-
dóttir, stjórnandi Fjölskyldu-
hjálparinnar, vegna þess að
Lilja og aðrir þingmenn út-
hlutuðu sér ókeypis lífsins
gæðum á borð við heilsu-
rækt og gleraugu. Nú virðast
endalokin blasa við.
Rjómi 365
n Rjóminn af karlpeningi
fréttaliðs 365 gerði í síðustu
viku góða ferð til London til
að kynna sér fjölmiðla. Sá
sem bar hitann og þung-
ann af ferðinni var Þorbjörn
Þórðarson fréttamaður Stöðv-
ar 2. Þorbjörn vakti athygli
í réttarhöldum landsdóms
yfir Geir H. Haarde vegna lat-
ínuþekkingar sinnar. Þá eru
margir hrifnir af klæðnaði
hans en Þorbjörn hefur með-
al annars sýnt þjóðinni inn í
fataskáp sinn í fjölmiðli. Víst
er að hann getur kennt Bret-
um eitt og annað þegar litið
er til fágaðrar framkomu og
tungumála.
Rauðskjár Páls
n Sú skoðun virðist nokkuð
almenn, sérstaklega meðal
sjálfstæðismanna, að Óðinn
Jónsson fréttastjóri Ríkisút-
varpsins og Páll Magnússon
útvarpsstjóri gangi leynt og
ljóst erinda Samfylkingar í
fréttaflutningi. Það er reynd-
ar gömul saga og ný að RÚV
sé talið hallt undir ráðandi
stjórnmálaafl. Þannig þóttu
ráðamenn Sjálfstæðisflokks-
ins njóta sérstakrar náðar
ríkisfjölmiðilsins á með-
an flokkurinn var við völd.
Þannig var Davíð Oddssyni
á sínum tíma hlíft við því
að sent yrði út myndskeið
þar sem hann hraunaði yfir
Ara Sigvaldason, þáverandi
fréttamann. Var Ríkisútvarp-
ið þá gjarnan kallað Bláskjár.
Nú er þetta spurning um
Rauðskjá.
Þetta er frekar
mikið sjokk
Ég sveiflaðist
eins og pendúll
Sigurjón Sighvats um andlát Tony Scott. – DV Edda Jónsdóttir markþjálfi leitaði sér hjálpar. – DV
Vond vinstristjórn
I
ngi Kristmanns 11 ára, hefur það
ekki gott í skólanum sínum. Hann
fylgir ekki jafnöldrum sínum í
þroska og hefur verið greindur með
þroskahömlun. Hann er mikið einn,
á ekki vini og hann finnur sig ekki til-
heyra neinum.
Í grunnskólalögum segir að foreldr-
ar geti sótt um í sérskóla eða sérdeild
fyrir barn sem ekki nýtur sín í almenna
skólanum. Það eru reyndar engar
starfsdeildir starfræktar fyrir börn
eins og Inga en það er einn sérskóli á
landinu fyrir börn með þroskahömlun,
Klettaskóli.
Í Klettaskóla er samfélag barna
sem eru á svipuðu róli og Ingi. Þar
myndi hann, án efa, finna sig og eign-
ast vini og félaga en samfélag við jafn-
ingja er afar mikilvægt fyrir sjálfsmynd
og þroska barna. Foreldrar Inga sóttu
um skólavist fyrir hann síðastliðið vor.
Umsókn Inga var hafnað á grund-
velli inntökuskilyrða sem sett voru
árið 2008. Samkvæmt þeim eru
það einungis foreldrar SUMRA
þroskaheftra barna sem geta sótt um
í sérskóla fyrir börn sín það er barna
sem hafa greindarvísitölu undir 50 eða
hafa viðbótarfatlanir.
Í lögum um grunnskóla segir að
foreldrar geti kært ákvörðun skólayf-
irvalda varðandi skólagöngu barna
sinna til menntamálaráðherra. For-
eldrar Inga lögðu fram kæru til ráð-
herra í maí og nú rétt fyrir skólabyrjun
sendir ráðherra þeim greinargerð frá
borgarlögmanni sem þeim er boðið
að svara. Ingi þurfti því að fara í gamla
skólann sinn meðan við hin sungum
við skólasetningu Klettaskóla skóla-
sönginn þar sem segir: „Klettaskóli –
segir þú ert velkominn!“
Í baráttu starfshóps fyrir rétti barna
til að ganga í sérskóla hefur meðal
annars verið reynt að leita svara við
spurningunni: hvers vegna mega börn
með þroskahömlun ekki ganga í sér-
skóla. Svör hafa verið fá og rýr, ýmist
háfleyg, almenn, yfirlætisfull eða bein-
línis fáránleg. Til dæmis að börn eins
og Ingi megi ekki ganga í sérskóla af
því „þau hafa rétt á að ganga í almenn-
an skóla“ og að ófötluð börn hafi svo
gott af því að umgangast börn eins og
Inga. Líðan og velferð Inga vegur þá
létt (eiginlega ekki neitt) á móti hugs-
anlegum lærdómi sem skólafélagar
hans geta dregið af kynnum við hann.
Þá má Ingi ekki ganga í sérskóla vegna
stefnu um skóla án aðgreiningar.
Bent hefur verið á að það sé dýrara
að hafa fötluð börn í sérskóla en í al-
mennum skóla. Það er eflaust rétt á
meðan þjónusta við þroskaheft barn í
almenna skólanum kostar ekki meira
en það sem samsvarar launum ófag-
lærðs stuðningsfulltrúa.
Sem foreldri barns sem á undir högg
að sækja vegna fötlunar, þykir mér
engin þjónusta of dýr fyrir fötluð börn.
Fræðsluyfirvöldum ætti að vera
orðið nokkuð ljóst að foreldrar fatlaðra
barna eru ekki allir sama sinnis varð-
andi menntun og skólagöngu barna
sinna. Sumir foreldrar telja almenna
skólann betri kost fyrir fötluð börn sín,
aðrir telja að börnum sínum farnist
betur í sérskóla. Við sem veljum sér-
skólann erum fylgjandi rétti fatlaðra
barna til að ganga í almennan skóla
en við erum líka fylgjandi því að fötl-
uð börn hafi rétt á að ganga í sérskóla.
Við viljum að báðir valkostirnir séu í
boði. Hvað er eiginlega svona slæmt
við það? Jú, og nú kemur það ömurleg-
asta! Þeir sem með völdin fara trúa
því að á meðan sérskólinn sé í boði
geti skóli án aðgreiningar ekki gengið
upp! Ingi þarf því að ganga í almenn-
an skóla svo að skóli án aðgreiningar
virki. Ef skóli án aðgreiningar er ekki
að gera sig eins vel og vonir stóðu til,
getur verið að einhverju öðru sé um að
kenna en tilvist sérskólans? Og hvers á
Ingi að gjalda?
Þótt flestir sjái ranglætið í því að
neita barni eins og Inga um skólavist
í sérskóla, virðist það borin von að
fræðsluyfirvöld í Reykjavík sjái að sér.
Þar á bæ ríkir þröngsýn einstefna,
þvermóðska og pólitískur rétttrúnaður
sem hefur lítið pláss fyrir mannskiln-
ing og skynsemi.
Viðbrögð við kæru foreldra Inga
voru vonbrigði en góðu fréttirnar eru
þó þær að frá því að baráttan fyrir rétti
barna með þroskahömlun til að ganga
í sérskóla hófst, hafa sífellt fleiri lýst yfir
stuðningi við þetta réttlætismál og má
þar nefna Kennarasamband Íslands,
Umsjónarfélag einhverfra og Félag
áhugafólks um Downs-heilkennið auk
fjölda annarra, bæði lærðra og leikra.
Stefnan um skóla án aðgreiningar
á ekki að útiloka aðra valkosti eins og
sérskóla og fötluð börn eiga ekki að
vera fórnarkostnaður fyrir framgang
pólitískrar stefnu.
Vonandi beitir ráðherra sér fyrir því
að Ingi komist í Klettaskóla þar sem vin-
ir hans munu bjóða hann velkominn.
Höfundur er kennari, sálfræðingur
og foreldri barns með þroskahömlun.
Kjallari
Ásta Kristrún Ólafsdóttir
Útgáfufélag: DV ehf. Stjórnarformaður: Ólafur M. Magnússon Ritstjórar: Jón Trausti Reynisson (jontrausti@dv.is) og Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is)
Umsjón helgarblaðs: Ingibjörg Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri: Stefán T. Sigurðsson (sts@dv.is)
Sölu- og markaðsstjóri: Heiða B. Heiðarsdóttir (heida@dv.is) Hönnunarstjóri: Jón Ingi Stefánsson (joningi@dv.is) Umbrot: DV Prentun: Landsprent Dreifing: Árvakur DV á netinu: DV.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
16 27. ágúst 2012 Mánudagur
„Nýtt Ísland
virtist vera
í sjónmáli
Leiðari
Reynir Traustason
rt@dv.is
Þröngsýni
og þvermóðska