Dagblaðið Vísir - DV - 27.08.2012, Blaðsíða 19

Ókeypis ofurfæða
Neytendur 19Mánudagur 27. ágúst 2012
bætir við að berjaspretta hafi almennt
aukist með hlýnandi veðurfari hér á
landi og það til muna.
Frysta eða þurrka
Nýtínd ber eru gómsæt og bragðmeiri
ef þau eru borðuð við stofuhita held-
ur en ef þau eru köld. Vilji berjaunn-
endur geyma þau til seinni tíma eru til
ýmis ráð við því. Ein leiðin er að frysta
þau heil. Þá er gott að setja einfalt lag
af berjum á smjörpappír og frysta í
smástund en með því kemur þú í veg
fyrir að berin festist saman. Síðan eru
þau sett í poka og þá er gott ráð að
skipta þeim niður í hæfilega skammta
til að hægt sé að ná sér í einn og einn
poka í allan vetur.
Þorvaldur segir að þegar hann
frysti ber finnist honum best að setja
þau í safapressu og frysta safann án
þess að bæta sykri út í. „Ég vil ekki
eyðileggja vöruna með sykri eins og
var gert áður fyrr.“ Hann segist einnig
hafa prófað að þurrka berin en þá set-
ur hann þau í ofnskúffu og dreifir úr
þeim. Ofninn stillir hann á 50 gráð-
ur og hefur berin í honum í nokkra
klukkutíma. „Þetta er hið fínasta
snakk og einnig er hægt að nota þetta
í salat en hollustan helst í berjunum.“
Bláberin má nota á ýmsa vegu
eins og flestir þekkja en vinsælast
er að sulta eða safta berin en einnig
eru þau notuð í bakstur og í sósur og
búst. n
Ofurfæða
Að fara í berjamó er góð fjölskyldusamvera og þá er um að gera að hvetja börnin til að tína
beint upp í sig eins og þau lystir en börn á Íslandi borða almennt of lítið af ávöxtum. Það sem
gerir berin svo holl er að þau eru auðug af vítamínum, steinefnum, trefjaefnum og öðrum
hollustuefnum. Á vef Landlæknisembættisins segir að þau séu sérlega rík af C-vítamíni
en auk þess er talsvert af E-vítamíni í þeim. Bæði vítamínin séu andoxunarefni sem
hindri myndun skaðlegra sindurefna í frumum líkamans. Sindurefnin eru talin
tengjast hrörnun og því að ákveðnir sjúkdómar þróist í líkamanum og nefndir
eru sjúkdómar svo sem krabbamein, æðakölkun og ský á auga. Auk þess er
rætt um bláa efnið í berjunum og sagt að það sé virkt andoxunarefni sem
talið sé ástæða fyrir hollustu þeirra.
Þá er einnig bent á að þeir sem þurfa að huga að þyngdinni geti
glaðst yfir því að það er óhætt að borða töluvert af berjunum því í 100
grömmum af bláberjum eru ekki nema um það bil 60 hitaeiningar. Í
sama magni séu 38 milligrömm af C-vítamíni sem eru tæplega 2/3
hlutar af ráðlögðum dagskammti og um 20 prósent af ráðlögðum
dagskammti af E-vítamíni.
Einnig er talið að bláberin séu mjög holl fyrir hjartað þar sem
þau vinna á slæma kólesterólinu og koma að góðum notum við
þvagfærasýkingu, bæta meltingu og hindra bakteríusýkingu.
Þetta kemur fram á heilsubot.is og þar segir einnig að talið sé
að efnið pterostilben sem er í berjunum geti dregið úr hættu á
ristilkrabbameini.
Bláberja búst Það er tilvalið að eiga ber í
frystinum og nota þau í búst í vetur.
Bláberjauppskriftir
Bláberjaostakaka
Botn
4 dl möndlur
3 dl döðlur
½ tsk. Himalaya salt
n Allt sett í matvinnsluvél og hrært
þangað til allt loðir vel saman. Sett í
sílikonform og pressað vel niður og þannig
búin til „skál“ upp á kantana.
Fylling
3 dl kasjúhnetur
2 dl kókosolía
1 dl vatn
1 dl sæta (hunang, kókossýróp, agave…)
1 tsk. vanilluduft
½ tsk. Himalaya salt
300 gr bláber
n Allt nema berin sett í matvinnsluvél og
blandað þar til fyllingin verður silkimjúk.
Bláberjunum svo blandað varlega saman
við og öllu hellt í botninn. Sett í frysti í að
minnsta kosti 8 tíma og tekið út um það
bil 1 til 2 tímum áður en borið er fram.
UppskriFt á Berjavinir.coM
aðalbláberjasaft
Hrat af 3 kg af bláberjum
2 ltr. vatn
750 gr sykur
Safi úr einni sítrónu
1 msk. vínsýra í hvern lítra
n Setjið hratið af berjunum í pott með 2
lítrum af vatni og látið sjóða í 15 mínútur.
Strengið grisju yfir ílát og hellið berjun-
um á hana. Mælið saftina og hellið henni
í pott. Bætið við sykri og sítrónusafa.
Látið sjóða í 5 mínútur. Takið pottinn af
hitanum og blandið vínsýru út í. Hellið
heitri saftinni á heitar og hreinar flöskur
og lokið strax.
UppskriFt á Berjavinir.coM
Í berjamó Þessi ofurfæða er stútfull af vítamínum og andox-
unarefnum.