Dagblaðið Vísir - DV - 29.08.2012, Blaðsíða 10

10 Fréttir 29. ágúst 2012 Miðvikudagur
É
g held að almenna reglan í ís-
lensku samfélagi hafi verið
sú að fólki hafi verið treyst en
ég held að það sé búið,“ seg-
ir Einar Haugen hjá Capacent
ráðningum um það hvort fólk þurfi
að sýna fram á þá menntun sem það
segist hafa þegar það sækir um störf.
DV fjallaði á dögunum um Kristin
Ólason, fyrrverandi stundakennara
við Háskóla Íslands og rektor í Skál-
holti. Upp komst að Kristinn hefði
logið til um að hann hefði doktors-
gráðu. Við nánari eftirgrennslan kom
í ljós að hann hafði stundað nám við
skólann sem hann sagðist vera með
doktorspróf frá en aldrei klárað nám-
ið. Þegar hann kom aftur heim til Ís-
lands sagðist hann þó hafa klárað
námið og var honum trúað. Með
gráðuna að vopni þáði hann tæp-
lega þriggja milljóna króna styrk
frá Rannís/nýsköpunarsjóði náms-
manna og skráði meðal annars rit-
gerð sína í sérstakt doktorsritgerða-
safn Landsbókasafns Íslands, án
þess þó að skila nokkurn tímann inn
ritgerðinni. Það hefur vakið athygli
hversu léttilega Kristinn komst upp
með að blekkja Háskóla Íslands,
Landsbókasafn, Rannís og Þjóðkirkj-
una.
Sigmundur Davíð fjórsaga
Þegar DV kannaði málið reyndist það
líka vera raunin að ekki er hefð fyrir
því að fólk sé látið koma með sönnun
fyrir því hver menntun þess er held-
ur sé orðum þess yfirleitt treyst. Fleiri
Íslendingar hafa orðið uppvísir að
því að segja rangt til um menntun
sína. Til að mynda fjallaði Frétta-
tíminn í apríl í fyrra um það að Sig-
mundur Davíð Gunnlaugsson, for-
maður Framsóknarflokksins, hefði
orðið fjórsaga um menntun sína.
Í viðtali við Morgunblaðið sagðist
hann vera búinn að skrifa doktors-
ritgerð sína í skipulagshagfræði en
eiga bara eftir að verja hana við Ox-
ford-háskóla. Á vef Alþingis væri sagt
að að hann hefði lokið framhalds-
námi í hagfræði og stjórnmálafræði
við Oxford-háskóla. Á tengslanetsíð-
unni Linked-in væri hann skráður
sem „independent Architecture and
Planning Professional“ sem hefði
menntað sig í Oxford-háskóla á árun-
um 1995 til 2007. Og á Facebook-síðu
sinni hefði hann svo titlað sig sem
skipulagshagfræðing. Sigmundur tók
þessum skrifum illa og svaraði þeim
á þann hátt að honum hefði ekki gef-
ist tími til að ljúka við doktorsnámið.
Gísli Marteinn og
stjórnmálafræðin
Sigmundur er ekki eini stjórnmála-
maðurinn þar sem menntun hefur
ekki verið alveg á tæru. Gísli Mart-
einn Baldursson var gagnrýndur
árið 2005 fyrir að hafa sagt rangt frá
menntun sinni í bókinni Íslensk-
ir samtíðarmenn. Í bókinni stóð
að hann væri með BA-próf í stjórn-
málafræði sem hann reyndist svo
ekki hafa, en Gísli nam þó stjórn-
málafræði við HÍ en kláraði aldrei
námið. Þegar upp komst um málið
var Gísli gagnrýndur fyrir að svara
ekki símtölum fjölmiðlafólks sem
vildi fá útskýringar á málinu. Í við-
tali við DV sagði hann: „Ég varð hissa
enda aldrei ætlunin önnur en sú að
segja sannleikann. Ég var á síðustu
metrunum að klára stjórnmálafræði-
prófið en lauk því ekki vegna anna.
Það stóð aldrei annað til en að ljúka
prófinu og ég geri það væntanlega
síðar.“ Gísli stóð við orð sín og lauk
náminu.
Sönnunarbyrði á
ábyrgð umsækjenda
Þeir sem DV hefur rætt við segja óal-
gengt að slíkt komi upp en þó séu
vissulega dæmi um það. Dæmin séu
líklega fleiri en vitað er um vegna
þess hversu lítil áhersla sé á að sann-
reyna að fólk hafi þá menntun sem
það segist hafa.
Einar hjá Capacent ráðningum
segir líklegt að fleiri biðji um stað-
festingar á gráðum nú í kjölfar um-
ræðunnar. „Það verður meira að gera
hjá háskólanum núna að prenta út
gráður. Það er auðvitað á ábyrgð um-
sækjanda að sanna það sem hann
hefur,“ segir hann og tekur fram að
misjafnt sé hvernig sé staðið að þessu
í ráðningarferlinu. „Það er allur gang-
ur á því. Oft er þetta bara athugað
þegar gengið er frá starfskjarasamn-
ingi og þess háttar. En það er mjög
misjafnt hvernig þetta er gert,“ segir
hann en segist ekki vita til þess að til-
vik um falskar gráður hafi komið upp
í ráðningarferli hjá fyrirtækinu. „Ég
ætla nú ekkert að fullyrða um það þar
sem einhvern tímann er langur tími
en ég man ekki til þess.“
Breyttar verklagsreglur í HÍ
Ljóst er að verklagsreglum í Háskóla
Íslands verður einnig breytt í kjöl-
far máls Kristins. „Við höfum ekki
gert kröfu um að stundakennarar
framvísi prófskírteinum. Þetta hef-
ur aldrei komið upp áður og það
er mjög óvenjulegt að þetta gerist,“
sagði Kristín Ingólfsdóttir, rektor
Háskóla Íslands, í samtali við DV
á dögunum. Hún sagði einnig að
verklagsreglur sem snéru að þessu
kæmu til með að breytast vegna
fyrrgreinds atviks. „Þetta hefur
orðið til þess að við munum krefja
stundakennara um sönnun þess að
þeir hafi þær gráður sem þeir segj-
ast hafa,“ sagði Kristín og Ástráð-
ur Eysteinsson, forseti hugvísinda-
sviðs Háskóla Íslands, tók í sama
streng: „Það verður farið í það fyrir
mánaðamót að fá prófskírteini frá
öllum stundakennurum sem ekki
hafa skilað þeim inn.“ n
„Almenna reglan
að fólki sé treyst“
n Erfitt að koma upp um falsgráður n Ekki tilefni til að treysta umsækjendum
Viktoría Hermannsdóttir
blaðamaður skrifar viktoria@dv.is
„Það verður meira
að gera hjá há-
skólanum núna að prenta
út gráður. Það er á ábyrgð
umsækjanda að sanna
það sem hann hefur.
Fölsk doktorsgráða Kristinn Ólason
þóttist vera með doktorsgráðu. MynD SkalHolt.iS
Fjórsaga Sigmundur Davíð varð fjórsaga
um menntun sína.
Engin Ba-gráða Ranglega var sagt frá því í bókinni Íslenskir samtíðarmenn að Gísli Marteinn væri með BA-gráðu í stjórnmálafræði.
Héraðsdómur Suðurlands:
Sendill
stal vörum
Fyrrverandi starfsmaður AH-
flutninga var dæmdur í Héraðs-
dómi Suðurlands í þriggja mán-
aða skilorðsbundið fangelsi og
þarf að greiða rúmlega hálfa
milljón króna í málskostnað og
sektir.
Maðurinn starfaði hjá AH-
flutningum þegar hann stal tveim-
ur DHL-hraðsendingum að verð-
mæti tæplega 200 þúsund krónur
í ágúst í fyrra. Honum var falið
að keyra út vörurnar sem hann
hnuplaði.
Hann var einnig dæmdur fyrir
fjöldann allan af hegningarlaga-
brotum, en hann fékk meðal
annars bifreið lánaða til reynslu-
aksturs í Reykjavík í ágúst í fyrra
og ók henni til Selfoss. Daginn eft-
ir gaf hann sig fram við lögreglu og
vísaði á bílinn.
Þá var hann dæmdur fyrir að
hafa tvisvar ekið próflaus undir
áhrifum amfetamíns, fyrir að
hafa stolið eldsneyti, álkerru frá
byggingarsvæði í Reykjavík og fyr-
ir að hafa ekið ítrekað of hratt og
einu sinni undir áhrifum áfengis.
Hann játaði brot sín skýlaust
fyrir dómi. Hann var því dæmd-
ur til að greiða rúmar 500 þúsund
krónur í sakarkostnað og sektir,
ásamt því að þurfa að sæta fang-
elsi skilorðsbundið í þrjá mánuði.
Þar að auki var hann sviptur öku-
réttindum í eitt ár og þrjá mánuði. 
Missti af strætó
og reiddist
Skemmdarverk á biðskýlum
strætós á höfuðborgarsvæðinu eru
ekki ný af nálinni og lögreglan er
stundum kölluð út vegna þessa.
Einu útkalli af því taginu var sinnt
á dögunum en þá var hringt í lög-
reglu vegna manns sem var sagð-
ur vera að rústa biðskýli við Miklu-
braut. Lögreglan var fljót á staðinn
og hitti þar fyrir tæplega þrítugan
karl en sá játaði að hafa unnið
skemmdir á tímatöflu, sem er á
staur við biðskýlið. Spurður um
athæfið sagði maðurinn að hann
hefði misst af strætó og því brugð-
ist svona við. Skemmdarvargurinn
bætti við að strætisvagninn, sem
hann ætlaði að ferðast með, hefði
verið á undan áætlun og það væru
óviðunandi vinnubrögð. Skýrsla
var gerð um málið en maðurinn,
sem notaði hjólabretti til að berja
á tímatöflunni, lofaði að borga
tjónið sem hann olli. 
Kletthálsi 7 - Reykjavík
Fuglavík 18 - Reykjanesbæ
Furuvöllum 15 - Akureyri
Pallettu
tjakkur
EP Pallettu-tjakkur
2 tonna lyftigeta
31.990,-