Dagblaðið Vísir - DV - 31.08.2012, Blaðsíða 54

38 31. ágúst–2. september 2012 Helgarblað
létu lífið þegar Woo Bum-Kon, fyrrverandi lögreglumaður, missti stjórn á skapi sínu. Sagan segir
að hann hafi rifist við kærustu sína þann 26. apríl 1982 eftir að hún vakti hann með því að drepa flugu á
bringu hans. Hann yfirgaf hús sitt í skyndi, fór á barinn og drakk sig fullan. Kom heim um kvöldmatarleytið og
barði kærustuna og rústaði heimilið áður en hann tók með sér vopn og handsprengjur að heiman í drápshug. 57
Ó
hætt er að segja að Jody
Dobrowsky, 24 ára aðstoðar­
fram kvæmdastjóri í Lund­
únum í Bretlandi, hafi verið á
röngum stað á röngum tíma
um miðnæturbil 14. október 2005.
Jody fæddist í Stroud í Gloucester­
skíri á Englandi 27. júlí 1981. Hann
stundaði nám við Wales­háskóla og
flutti til Lundúna árið 2001.
Í Lundúnum fékk Jody starf sem
skemmtanastjóri hjá Battersea
Jongleurs/Bar Risa­klúbbnum, sem
er flaggskip vel þekktrar skemmti­
staðakeðju. Nokkrum vikum fyr­
ir 14. október hafði honum boðist
staða aðstoðarframkvæmdastjóra
Camden Lock­útibús keðjunnar.
Um miðnætti þennan örlaga­
ríka dag var Jody banað með högg­
um og spörkum tveggja manna
sem ályktuðu að Jody væri hommi.
Líkskoðun leiddi í ljós að mikl­
ar bólgur voru á heila Jodys, nefið
var brotið og miklir áverkar á hálsi,
hrygg og í klofi hans. Andlit Jodys
var svo illa farið að ættingjar hans
gátu ekki borið kennsl á hann og
fingraför voru notuð til að staðfesta
að um hann væri að ræða.
Svipuð árás hálfum mánuði fyrr
Árásarmennirnir, Thomas Pickford
og Scott Walker, höfðu gengið í skrokk
á samkynhneigðum karlmanni hálf­
um mánuði fyrr. Reyndar var Scott
Walker í „leyfi“ úr fangelsi vegna hót­
ana sem móður hans höfðu borist,
en leyfið hafði runnið út daginn fyrir
morðið á Jody, en var ekki útrunnið
þegar þeir kumpánar réðust á áður­
nefndan homma tveimur vikum fyrr.
Thomas Pickford og Scott Walker
voru handteknir um viku eftir morðið
á Jody og játuðu tvímenningarnir,
þann 12. maí 2006, sig seka um
morð ið á honum. Fengu báðir lífs­
tíðardóm þann 16. júní og var gert að
afplána í það minnsta 28 ár. Dómur­
inn markaði vatnaskil í Bretlandi því
beitt var lagaheimild sem gerði kleift
að dæma Thomas og Scott til þyngri
refsingar á grundvelli þess að meint
kynhneigð fórnarlambsins var hvat­
inn að baki glæpnum.
Hvers manns hugljúfi
Í viðtali við The Times sagði dyra­
vörður skemmtistaðarins sem Jody
starfaði hjá: „Ef þú hefðir hitt þenn­
an herramann, þá hefðir þú kom­
ist að því að hann var ungur maður
sem aldrei mælti styggðaryrði í garð
nokkurs manns, ekki einu sinni
fyllibyttanna sem hingað komu inn
af götunni. Þannig var hann: vænn,
indæll náungi.“
Í yfirlýsingu sem foreldrar Jodys
sendu frá sér eftir að dómur hafði
verið kveðinn upp var honum lýst
sem „vel gefnum, skemmtilegum,
duglegum og fallegum manni“.
Það er ýmislegt á huldu um síð­
ustu stundir Jodys, en vitað er að
hann hafði heimsótt vini sína í
Clapham, en þar hafði Jody unnið
áður en hann fékk stöðuhækkun.
Hann fór frá vinum sínum í kring­
um korter yfir tíu og þegar hann
átti eftir um tíu mínútna gang að
Clapham Common­garðinum varð
hann á vegi Thomas og Scotts.
Þekktur hommastaður
Thomas og Scott höfðu eytt kvöldinu
í drykkju og síðan ráfað um Clap­
ham Common. Dómarinn í málinu,
Brian Barker, sagði að þeir hefðu
farið þangað í þeim eina tilgangi að
áreita samkynhneigða karlmenn.
Jody Dobrowski varð á vegi
þeirra og þeir drógu sjálfkrafa þá
ályktun að hann væri samkyn­
hneigður því hommar héldu mikið
til í Clapham Common­garðinum
og hann var vel þekktur sem slíkur.
Að sögn lögreglu féllu í fyrstu
einhver orð á milli Jodys og tví­
menninganna, en síðan hóf Thom­
as að berja Jody og síðan lagði
Scott honum lið. Vitni sem ætlaði
að skakka leikinn var varað við því
með orðunum: „Okkur er illa við
homma og þess vegna getum við
drepið hann ef okkur sýnist svo.“
Síðan héldu þeir barsmíðun­
um áfram, hve lengi er ekki á
hreinu, og hrópuðu svívirðingar í
garð samkynhneigðra karlmanna á
meðan. Áverkarnir voru svo alvar­
legir og miklir að ekki var hægt
að úrskurða hve mörg höggin og
spörkin hefðu verið og lögreglu­
þjónn sem kom á vettvang sagði
að Jody hefði verið „blóðug kássa“.
Jody Dobrowski lést af áverkum
sínum á sjúkrahúsi. n
var
Barinn
til Bana
n Jody Dobrowski varð á vegi hommahatara n Á röngum stað á röngum tíma
Fórnarlambið
Fordómar og for-
heimska urðu Jody
Dobrowski að bana.
Ódæðismennirnir – Scott og Thomas Var í nöp við samkynhneigða karlmenn og því fór sem fór.
Vettvangurinn Clapham-Common er vel þekktur hommastaður.
M
ichelle Martin, fyrrverandi
eiginkona belgíska barna­
níðingsins og morðingjans
Marcs Dutroux, var í vik­
unni flutt í klaustur í þorpi í suður­
hluta landsins í fylgd 30 lögreglu­
manna.
Hún hafði þá setið af sér 16 ár
af 30 ára fangelsisdómi sem hún
fékk fyrir aðild að ódæðisverkum
Dutroux. Martin, sem er 52 ára, var
fundin samsek um morð og nauðg­
anir á ungum skólastúlkum í Belgíu.
Hópur fréttamanna var við
klaustrið en lögregla hélt fjölda
þorpsbúa sem mættur voru til
að mótmæla í fjarlægð, henni til
verndar.
Héraðsdómur heimilaði fyrir
mánuði að Martin fengi reynslu­
lausn gegn því að dveljast í klaustr­
inu. Aðstandendur fórnarlamba
Dutroux áfrýjuðu en yfirréttur stað­
festi niðurstöðu héraðsdóms í gær.
Martin gerist ekki nunna heldur
vinnur hún í klaustrinu. Hún fær
að fara út fyrir klausturveggina en
með skilyrðum þó og hefur það fyr­
irkomulag vakið hörð mótmæli í
Belgíu.
Eiginmaður hennar Dutroux
rændi og nauðgaði sex stúlkum
og myrti fjórar þeirra. Tvær, þær
Julie og Melissa, voru aðeins 8 ára
gamlar og þær voru sveltar í hel.
Michelle hefði auðveldlega getað
komið þeim til aðstoðar.
Málið vakti mikinn óhug á sín­
um tíma þegar upp komst um
glæpi þeirra á tíunda áratugnum.
Michelle giftist manni sínum 1983
og átti þrjú börn frá fyrra hjóna­
bandi. Hún var grunnskólakennari
og var sjálf komin á sakaskrá um
1980 fyrir mannrán. Hún er af
mörgum talin hafa hvatt eiginmann
sinn til dáða.
Send í
klaustur
Michelle Martin Samsek um
ódæðisverk.
Glæpakvendi í
kynlífsmyndbandi
Amy Fisher, sem sagði frá stormasömu sambandi sínu við hinn kvænta
Joey Buttafuoco, skotárás á
konu hans, Mary Jo og dvöl
sína í fangelsinu í bókinni If
I Knew Then, er aftur kom­
in fram í sviðsljósið. Fisher
skaut Jo í andlitið árið 1997 en
þær stöllur hafa grafið stríðs­
öxina og mættu saman í viðtöl í
Enter tainment Tonight og The
Insider. Nú hefur fyrrverandi
eiginmaður Amy gefið út kyn­
lífsmyndband af þeim saman.