Dagblaðið Vísir - DV - 02.12.2011, Síða 18
18 Fréttir 2.–4. desember 2011 Helgarblað
BÍLALIND.IS
Bílasala Funahöfða 1 110 Rvk. Sími: 580-8900
Við seljum bílinn þinn meðan þú slappar af. Mikil sala!
Vilt þú selja bílinn þinn?
Settu hann á skrá hjá okkur frítt!
Við seljum bílinn þinn meðan þú slappar af. Mikil sala!
Vilt þú selja bílinn þinn?
Settu hann á skrá hjá okkur frítt!
Hetja vill hjálpa
veikum börnum
Ú
ti kyngir kyngir niður snjó. Úti
um allt má sjá krakka renna
sér á sleðum og fólk í amstri
dagsins sem farið er að huga
að jólum. Inni á Barnaspít-
ala Hringsins er allt hljótt, fyrir utan
tvo litla stráka í læknasloppum sem
hlaupa til blaðamanns og segjast
vera á leið á stofugang.
Í sjúkrastofu innst inni á löngum
gangi liggur Nikola Dudko, þrettán
ára stelpa. Nikola er með hvítblæði.
Til að fá að fara inn í herbergi til
hennar þarf fyrst að klæða sig í hlífð-
arslopp, þvo sér vandlega um hend-
ur og sótthreinsa, því hún hefur eng-
ar varnir til að verjast bakteríum.
Gaman í fótbolta
Inni í myrkri stofu liggur Nikola. Hún
lagðist inn í gær vegna mikilla verkja.
Henni líður ekki vel. Faðir hennar sit-
ur við hlið hennar og frammi á gangi
leika systkini hennar, Michal, fimm
ára, og Oliwia, þriggja ára, undir vök-
ulum augum móður þeirra.
Nikola greindist með hvítblæði
fyrir rúmu hálfu ári. Þá var hún nem-
andi í sjöunda bekk í grunnskólan-
um á Þórshöfn og æfði fótbolta með
Ungmennafélagi Langnesinga. „Ég
var í marki,“ segir hún lágum rómi
þegar blaðamaður spyr hana hvaða
stöðu hún spilar. Aðspurð hvort
henni finnist gaman í fótbolta kinkar
hún kolli og brosir.
Þarf að gangast undir
mergskipti
Nikola flutti til Þórshafnar með móð-
ur sinni og litla bróður frá Póllandi
fyrir fjórum árum en faðir hennar,
Kristofer, hafði flutt ári á undan. Eftir
að hún veiktist hefur fjölskyldan búið
tímabundið í íbúð á vegum krabba-
meinssjúkra barna og foreldrarnir
neyðst til að hætta að vinna.
Lyfjameðferðin gengur ekki vel
og Nikola þarf að fara til Svíþjóðar
í blóðmergskipti. Hún er þó enn of
veik til þess að gangast undir slíka
aðgerð og einnig á eftir að finna
réttan merggjafa. Hún verður minnst
í þrjá mánuði úti þegar þar að kemur
og foreldrar hennar og systkini fara
með.
Ætlar að verða hjúkrunar-
fræðingur
Nikola er mjög veik og á erfitt með
að tala. Blaðamaður spyr hana út
í mynd af íslenska kvennalands-
liðinu í fótbolta sem hangir á vegg
fyrir framan rúmið hennar og bros
myndast á andliti hennar þegar
hún segist vera mikill aðdáandi
þess. Þegar hún er orðin stór ætlar
hún að verða hjúkrunarfræðingur.
„Mig langar að hjálpa veikum börn-
um,“ segir hún og segir hjúkrunar-
fræðingana á deildinni vera mjög
góða.
Samfélagið á Þórshöfn stendur
þétt við bakið á Nikolu og eftir að
hún veiktist tóku nokkrir einstak-
lingar á Þórshöfn sig saman og
skipulögðu happadrætti til styrkt-
ar fjölskyldunni. Miðar voru seld-
ir frá Bakkafirði til Kópaskers og
tókst svo vel upp að um um 650.000
krónur söfnuðust í styrktarsjóð
handa fjölskyldunni. Hilma Stein-
arsdóttir, kennari í grunnskólanum
á Þórshöfn, er ein af þeim sem stóð
fyrir happadrættinu en hún kenndi
Nik olu í grunnskólanum. „Nikola
er alveg ótrúlega dugleg og seig.
Ég dáist að henni,“ segir Hilma og
bendir á að enn standi söfnun yfir
ef fólk vill létta undir með Nikolu og
fjölskyldu hennar.
Styrktarreikningurinn er 1129-05-
2913. Kt. 021076-4309
Hanna Ólafsdóttir
blaðamaður skrifar hanna@dv.is
n Greindist með hvítblæði tólf ára gömul n Enn of veik til að gangast undir
beinmergsskipti n Elskar fótbolta og langar að verða hjúkrunarfræðingur„Lyfjameðferðin
gengur ekki vel og
Nikola þarf að fara til Sví-
þjóðar í blóðmergsskipti.
Hetja Nikola með systkinum sínum. Það birti
yfir andliti Nikolu þegar Michal, fimm ára og
Oliwia þriggja ára, fengu að skríða upp í rúm til
hennar fyrir myndatökuna. Mynd SiGtryGGur Ari