Fréttatíminn - 10.10.2014, Blaðsíða 18

4.990.000 kr.
Kia Carens EX
Árgerð 3/2014, ekinn 8 þús. km,
dísil, 1.685 cc, 136 hö, sjálfskiptur,
7 manna, eyðsla 6,0 l/100 km.
3.590.000 kr.
Kia cee’d EX
Árgerð 3/2014, ekinn 7 þús. km,
dísil, 1.582 cc, 128 hö, beinskiptur,
eyðsla 4,3 l/100 km.
6.190.000 kr.4.990.000 kr.
Kia Sorento ClassicKia Sportage EX
Árgerð 7/2013, ekinn 36 þús. km, dísil,
2.199 cc, 198 hö, sjálfskiptur,
fjór hjóladrifinn, eyðsla 6,7 l/100 km.
Árgerð 6/2013, ekinn 33 þús. km,
dísil, 1.995 cc, 136 hö, beinskiptur,
fjór hjóladrifinn, eyðsla 5,7 l/100 km.
2.790.000 kr.
Kia Cee’d SW LX
Árgerð 4/2013, ekinn 65 þús. km,
dísil, 1.396 cc, 90 hö, beinskiptur,
eyðsla 4,4 l/100 km.
*Á
by
rg
ð
er
í
7
ár
f
rá
s
kr
án
in
ga
rd
eg
i b
if
re
ið
ar
Afborgun aðeins 42.000 kr. á mánuði m.v. 279.000 kr.
útborgun og 90% bílalán frá Lykli í 84 mánuði. 9,15%
vextir, 10,87% árleg hlutfallstala kostnaðar og lán til
84 mánaða. Nánar á lykill.is
Útbo
rgun
aðe
ins:
279.
000
kr.
Notaðir
ÁR
EFTIR AF
ÁBYRGÐ
ÁR
EFTIR AF
ÁBYRGÐ
Notaðir
ÁR
EFTIR AF
ÁBYRGÐ
Notaðir
ÁR
EFTIR AF
ÁBYRGÐ
Notaðir
ÁR
EFTIR AF
ÁBYRGÐ
Notaðir
Allt að 7 ára
ábyrgð fylgir
notuðum Kia*Ábyrgð fylgir!
NOTAÐIR BÍLAR
www.notadir.is
Kletthálsi 2
110 Reykjavík
590 2160
Opnunartímar:
Virka daga 10–18
Laugardaga 12–16
ur þegar við tókum atriði þar sem Hannes
er í víkingasveitarþjálfuninni, að reyna að
drulla sér í gegnum hana, þá eiga þeir að
fara ofan í fiskikar og sitja í köldu vatninu og
borða hrátt lambshjarta. Ég spurði sísvona
hvað við ætluðum að nota í tökunni og fékk
það svar að við ætluðum að nota hrátt lambs-
hjarta. Já ókei, hugsaði maður með sér,“
segir hann og hlær að minningunni.
Darri segir að Gunnar Nelson hafi kíkt í
heimsókn á tökustaðinn og hann hafi um-
svifalaust gripið eitt hjarta, bitið í það og sagt
að þetta væri ekkert mál. Þá hafi hann ekki
getað komið sér undan.
„Það var gaman að gera þetta allt í alvör-
unni, að vera ekkert að þykjast. Og ég var
mjög ánægður þegar ég lauk við tökuna og
hafði borðað hrátt egg og lambshjarta í eftir-
rétt. Alveg þangað til leikstjórinn kom til mín
og spurði hvort ég væri ekki til í að gera þetta
einu sinni enn.“
Fékk hjálp frá frægum bróður sínum
Mér skilst að þú verðir ekki viðstaddur frum-
sýninguna. Hefurðu séð myndina?
„Nei, því miður leyfðu kringumstæður
það ekki. Og ég er ekki búinn að sjá alla
myndina. Ég hef séð stiklur og búta þegar
ég þurfti að taka upp hljóð eftir á. Þetta lítur
rosa vel út. Það er ótrúlega súrt að ég komist
ekki heim til að halda upp á þetta með þeim
öllum.“
Fyrri myndin var grjóthörð og þessi virðist
á sömu nótum miðað við stiklurnar. Varstu
alveg tilbúinn fyrir þetta hlutverk?
„Jájá, hann Hannes er ekki alveg jafn grjót-
harður og hann heldur. Ég er svo heppinn að
bróðir minn er í löggunni og ég gat leitað til
hans. Hann er reyndar orðinn frægur, sjálfur
Ingó hjólabrettalögga! Hann er fær smiður og
er búinn að taka lyftingaaðstöðuna hjá lögg-
unni í gegn. Ég fékk að lyfta með löggunum
þar þegar ég var að undirbúa mig fyrir hlut-
verkið.“
Darri segist hafa haft gaman af fyrri
Borgríkis-myndinni. Hún hafi verið eins og
útlenskur krimmi sem gerðist á Íslandi. „Það
verður gaman að sjá hvort fólk tengir við
þessa mynd. Ég hef þegar séð athugasemdir
við að Hannes sé að vinna fyrir innra eftirlit
lögreglunnar í myndinni, en það er ekkert
innra eftirlit lögreglu á Íslandi. Það getur
verið mjög gaman að lesa þessi kommenta-
kerfi á fjölmiðlunum. Það er oft fyndnara en
fréttin sjálf.“
Strax annað barn á leiðinni
Darri er kvæntur Michelle Datuin, sálfræð-
ingi og ljósmyndara. Þau eignuðust sitt fyrsta
barn sumarið 2013, soninn Nolan Darra
Ingolfsson. Hvernig kanntu við þig í pabba-
hlutverkinu?
„Ég elska þetta hlutverk. Þetta er náttúr-
lega mun meiri sálfræðileg breyting fyrir
konuna. Hún er nú með brjóstin og hann
hangir utan á henni daginn út og inn. En
þetta breytir auðvitað lífi manns og áherslum
í lífinu. Ég hef sagt við vini mína að ég gæti
verið að gera ýmislegt annað ef ég hefði ekki
eignast barn en ekkert væri jafn merkilegt.
Ég gæti til dæmis verið blindfullur í Las
Vegas en það myndi engu skila,“ segir Darri
sem er svo ánægður með pabbahlutverkið að
annað barn er á leiðinni.
„Já, númer tvö er á leiðinni í febrúar. Við
vildum ekki að strákurinn yrði einkabarn
og á morgun komumst við að því hvort hann
eignast bróður eða systur. Ég ætlaði að reyna
að sitja á mér og fá ekki að vita að vita kynið
en ég held að ég verði að fá að vita það.“
Eitt og hálft ár verður á milli systkinanna
og því má búast við að líf og fjör verði á
heimilinu í framtíðinni. „Brósi sagði við mig
að þetta verði „hell“ í eitt til þrjú ár og rosaleg
vinna. En eftir það geti þau haft ofan af fyrir
hvort öðru og skemmt hvort öðru. Ég ætla að
vona að það standist.“
Kominn til að vera í Los Angeles
Hann segir að það sé dýrt að ala upp krakka
í Los Angeles og það hafi verið smá sjokk
þegar hann fór að skoða leikskóla. „Við vild-
um finna einhvern góðan og fundum einn
sem er í göngufæri frá húsinu mínu. Það
þekkist nú bara varla í þessari borg. Þetta
er rosalega frjáls skóli, það er bara talað
við krakkana og þeir eru aldrei skammaðir.
Og það eru dýr þarna. Hann kostar bara
1.200 dollara á mánuði sem er næstum 150
þúsund kall! Þannig að nú er ég á fullu í
prufum og segi ekki nei við mörgu,“ segir
hann hlæjandi.
Talandi um að velja og hafna. Darri segir
að það sé mikilvægt að marka rétta stefnu
í vali á hlutverkum til þess að festast ekki
þar sem hann vill ekki vera. „Ég prófaði að
vera aukaleikari í tvö skipti þegar ég var ný-
kominn hingað út en fann að það drap í mér
sálina. Það var ótrúlegt lið sem var í þeim
bransa. Ég ákvað að fara frekar að vinna á
veitingahúsi.“
Nú þegar hann hefur starfað í Los
Angeles um árabil berast enn misgóð til-
boð. „Mér var boðinn árs samningur við
sápuóperuna Young and the Restless. Það
hefði þýtt að maður væri í tökum frá morgni
til kvölds alla daga. LeAnn, kona sem ég
vinn með, sagði að ég væri ekki fara í neina
andskotans sápu. Það var gott að heyra
það frá henni og vita þar með að hún ætlar
sér stærri hluti með mig. Ég veit að ég er í
góðum höndum. Það er gott að minna sig á
af hverju maður kom hingað. Þó svo maður
sé kominn með fjölskyldu er ekki hægt að
slá af kröfunum.“
Darri segist vera kominn á sinn stað.
Hann sér fyrir sér að vera í Los Angeles um
ókomna tíð. „Þetta er lífið mitt hérna. Hér
líður mér vel. Ég sakna náttúrlega vina og
fjölskyldu á Íslandi og að halda jól. Núna er
ég á þeim stað að ég þarf að hamra járnið
meðan það er heitt og vinna eins mögulega
mikið og ég get. Svo getur maður vonandi
slakað á eftir nokkur ár og ferðast og notið
lífsins.“
Höskuldur Daði Magnússon
hdm@frettatiminn.is
 Fæddur
árið 1979
og ólst upp
í Garðabæ
og
Reykjavík.
 Heitir
fullu nafni
Snævar
Darri
Ingólfsson.
 Flutti
til Los
Angeles
2009 og
keypti sér
Mustang.
 Keyrði út
skyndibita
og var
þjónn á bar
á Sunset
Strip til að
byrja með.
 Hefur leikið
í sjónvarps-
þáttunum
Last Resort
og Dexter.
 Leikur eitt
aðalhlut-
verkanna
í Borgríki
2 sem
frumsýnd
verður í
næstu viku.
 Kvæntur
Michelle
Datuin.
Eiga soninn
Nolan og
annað barn
er væntan-
legt.
Hver er DArri ingóLFSSon?
Darri Ingólfsson hefur verið búsettur í Los Angeles síðustu fimm ár. Hann hefur smám saman unnið sig upp metorða-
stigann og eftir að hann landaði hlutverki í Dexter í fyrra er hann farinn að keppa um stór hlutverk í sjónvarpsþáttum.
18 viðtal Helgin 10.-12. október 2014