Fréttatíminn - 10.10.2014, Blaðsíða 86
— 10 — 10. október 2014
Runólfur kjörinn framtíðarforseti
Evrópusamtaka lyflækna
Göngugreining
Pantaðu
tíma
í síma
5173900
Orkhúsinu / Suðurlandsbraut 34 / 517 3900
Vandamál sem göngugreining Flexor getur
hjálpað til við að leysa eru til dæmis:
• þreytuverkir og pirringur í fótum
• verkir í hnjám
• sársauki eða eymsli í hælum
(hælspori, „plantar fasciitis“ o.fl.)
• beinhimnubólga
• óþægindi eða verkir í baki
og/eða mjöðmum
• verkir í tábergi og/eða iljum
• hásinavandamál
• óþægindi í ökklum
• þreytu- og álagsverkir
hjá börnum og unglingum
SVÆÐAMEÐFERÐ
SNERTING · SKYNJUN · ÞEKKING
VIÐBRAGÐSMEÐFERÐ
Svæðameðferð til sjálfsstyrkingar
og slökunar fyrir þig og þína
36 kennslustunda námskeið sem hefst:
n Á Akureyri 20. október,
upplýsingar gefur Katrín í síma 8957333
n Í Reykjavík 24. október,
upplýsingar gefur Gréta í síma 8937314
Námskeiðið er metið inn í heildarnám í
Svæða og viðbragðsmeðferðaskóla Íslands
Skráning á www.nudd.is
Nuddskóli Reykjavíkur
Svæða- og viðbragðsmeðferðaskóli Íslands
Japanskur „vöðvagalli“
aðstoðar við erfiðisvinnu
Hiroshi Kobayashi hjá Tokyo University
of Science hefur hannað svokallaðan
„vöðvagalla“ (e. muscle suit) til aðstoðar
við að lyfta þungum hlutum. Markhópur-
inn er fyrst og fremst einstaklingar sem
glíma við hreyfivandamál og svo þeir
sem eru gjarnir á að fá bakvandamál við
vinnu sína eins og verkamenn og starfs-
fólk á hjúkrunar- og elliheimilum. Einnig
á gallinn að gera öldruðum kleift að lifa
sjálfstæðu lífi. Þetta kemur fram í frétt á
vef breska blaðsins Guardian.
Gallinn virkar þannig að notandinn
„klæðir“ sig í hann og festir hann við
lærin og efri líkama. Lofti er síðan
pumpað í gallann sem auðveldar not-
andanum svo um munar að lyfta þung-
um hlutum. Gallinn hindrar ekki nein-
ar hreyfingar og því getur notandinn
hreyft sig frjálslega um í honum.
Tilgangurinn með gallanum er meðal
annars sá að koma til móts við mikla
fjölgun aldraðra í Japan en mörgum fjöl-
skyldum í Japan reynist það um megn
að sjá um aldraða fjölskyldumeðlimi.
Gallinn hjálpar öldruðum að lifa sjálf-
stætt lengur og hjálpar auk þess starfs-
fólki hjúkrunar- og elliheimila við að
aðstoða vistmenn heimilanna.
Kobayashi hefur unnið að frumgerð
gallans í meira en áratug. Gallinn er
unninn í samstarfi við fyrirtækið Ki-
kuchi Seisakusho en Kobayashi áætlar
að gallinn verði mögulega kominn í al-
menna notkun meðal aldraðra og fatl-
aðra við lok þessa áratugar.
Tveir tíu kílóa pokar af grjónum verða
eins og lítill poki af sykri í „vöðvagall-
anum“.
Runólfur Pálsson, yfirlæknir
nýrnalækninga á Land-
spítalanum og prófessor í
lyflæknisfræði (nýrnalæknis-
fræði) við læknadeild Háskóla
Íslands, var á dögunum
kjörinn framtíðarforseti Evr-
ópusamtaka lyflækna (Euro-
pean Federation of Internal
Medicine). Þetta kemur fram
á vef Landspítalans.
Hann mun sitja sem forseti í fram-
kvæmdastjórn samtakanna
næstu tvö árin og taka svo við
sem forseti. Kjörið fór fram
á fundi Evrópusamtakanna í
Tartu í Eistlandi 27. september
síðastliðinn.
Evrópusamtök lyflækna er
samband félaga lyflækna í
Evrópulöndum. Félag íslenskra
lyflækna á aðild að samtökun-
um en Runólfur hefur verið formaður
þess frá árinu 2001.
Runólfur
Pálsson.
Mynd/landspitali.is
LýðhEiLsa afnám EinkaLEyfis Ríkisins á áfEngissöLu
Landlæknir varar við
áfengi í matvörubúðum
Landlæknir varar við afleiðinum
þess að heimila sölu áfengis í
matvörubúðum líkt og ráðgert
er með nýju frumvarpi sem lagt
verður fyrir Alþingi á haustþingi.
Þvert á það sem fram kemur í
greinargerð með frumvarpinu
segir landlæknir að alþjóðlegar
rannsóknir bendi til þess að
afnám einkasölu á áfengi muni
leiða til aukinnar heildarneyslu.
Sigr íður Dögg AuðunSDót tir
g eir Gunnlaugsson land-læknir segir að alþjóðlegar rannsóknir bendi til þess að afnám einkasölu á áfengi
muni leiða til aukinnar heildarneyslu,
þvert á það sem fram kemur í greinar-
gerð með frumvarpi sem lagt verður
fyrir Alþingi á haustþingi. Enn fremur
sýna rannsóknir að samhliða aukinni
áfengisneyslu aukist samfélagslegur
kostnaður vegna áfengistengdra vanda-
mála, að sögn Geirs. Verði það að lögum
verður verslunum heimilt að selja allar
tegundir áfengis að ýmsum skilyrðum
uppfylltum.
Í pistli sem landlæknir birtir á vef
embættisins er vísað í ýmsar rannsókn-
ir sem nýtast við stefnumótun í áfeng-
ismálum. Í þeim kemur meðal annars
fram að áfengi getur valdið líkamlegum,
andlegum og félagslegum skaða vegna
eituráhrifa á líkamann, vímu og fíknar.
Meginskýringin á samfélagslegu tjóni
af völdum áfengis er vegna vímunnar
sem hefur í för með sér ofbeldi, um-
ferðarslys og önnur slys.
Samkvæmt skýrslunni Global status
report on alcohol and health frá Alþjóða-
heilbrigðismálastofnuninni mátti á ár-
inu 2012 rekja 5,9% dauðsfalla í heim-
inum til áfengis. Hlutfallið er hæst, eða
13,3%, í Evrópu þar sem áfengisneysla
er einnig mest. Á sama hátt má rekja um
5% af sjúkdómabyrði og slysa á heims-
vísu til áfengisneyslu, segir í pistlinum.
Samkvæmt skýrslunni er einnig
sterkt samband milli óhóflegrar áfengis-
neyslu og ofbeldis af ýmsum toga, svo
sem heimilisofbeldi, vanrækslu barna,
nauðgana og ofbeldis meðal ungmenna.
Þá eru ótalin þau áhrif sem áfengis-
neysla hefur á aðra en þann sem þess
neytir og samfélagið í heild. Í Að-
gerðaáætlun Alþjóðaheilbrigðismála-
stofnunarinnar kemur meðal annars
fram að þessi áhrif eru ekki minni en
vegna óbeinna reykinga og mun meiri
en vegna notkunar ólöglegra vímuefna.
„Aukið aðgengi að áfengi, sem leiðir
til aukinnar áfengisneyslu, er því lík-
legt til að auka tíðni ofbeldis og ann-
arra samfélagslegra vandamála sem
geta tvöfaldað samfélagslegan kostnað
vegna áfengisneyslu,“ segir Geir. „Því
verður að skoða heildarmyndina áður
en einkasala ríkisins á áfengi er afnum-
in, ekki síst í ljósi þess að Alþingi er nú
einnig með til skoðunar frumvarp um
aðgerðir til að draga úr heimilisofbeldi.“
Sterkur vísindalegur grunnur er fyrir
virkum aðgerðum til að draga úr skað-
legum áhrifum áfengisneyslu. „Stýring
á aðgengi að áfengi er árangursrík leið
til að takmarka áfengisneyslu og um
leið mjög virk forvarnaraðgerð,“ bendir
hann á. „Niðurstöður rannsókna benda
eindregið til þess að einkasala ríkisins
á áfengi dragi úr neyslu og tjóni sem af
henni hlýst og ef einkasölunni er aflétt
aukist heildarneysla áfengis,“ segir Geir
ennfremur.
„Sú breyting á löggjöf um aðgengi og
verð á áfengi sem nú er til umfjöllunar á
Alþingi getur því haft umtalsverðar af-
leiðingar fyrir líf og heilsu einstaklinga
og lýðheilsu hér á landi,“ segir Geir.