Dagblaðið Vísir - DV - 14.08.2013, Blaðsíða 10

L
ögreglan á Vopnafirði rann-
sakar nú meint ærumeiðandi
ummæli Emils Thoraren-
sen í garð lögreglumanns-
ins Þórs Þórðarsonar, sem
hann kallar Ofur-Þór. Ummælin lét
Emil falla í opnu bréfi sem hann
birti á Facebook-vegg sínum og stíl-
að var á Inger L. Jónsdóttur, sýslu-
mann á Eskifirði. Þar segir hann
Inger leiksopp undirmanna sinna
og beinir spjótum sínum sérstaklega
að nefndum Ofur-Þór. Emil kallar
Þór uppáhaldslögreglumann sýslu-
mannsins og sakar Inger um að bera
– ítrekað og óverðskuldað – af hon-
um blak. „Hann (Þór Þórðarson, sem
þú réðst hingað til starfa og hefur
haldið verndarvæng yfir) er þekktur
fyrir sitt einelti í garð almennra borg-
ara eftir að hann gekk í lögregluna,“
segir meðal annars í bréfinu. Auk
þess fullyrðir hann að Þór sé „einkar
illa þokkaður lögregluþjónn“, „galla-
gripur“, „einstrengingslegur“ og að
hann muni halda áfram „einelti, í
garð samborgara sinna, þegar hann
hefur stöðu til þess“ enda „hefur
hann ekki vit á öðru meðan hann
kemst upp með það og yfirmenn
hans halda hlífiskildi yfir honum.“
Inger vildi ekki tjá sig um málið,
þar eð hún léti sig mál ritsóða engu
varða. Ljóst er af viðbrögðum lög-
reglunnar að um mikið vandræða-
mál er að ræða.
Þögn lögreglu
Emil og Þór eru búsettir á Eskifirði,
en sökum vanhæfis lögreglunnar
á staðnum var lögreglumaður frá
Vopnafirði fengin til að annast
skýrslu töku á hinum meinta rit-
sóða. Á milli þessara tveggja kaup-
staða eru 179 kílómetrar. Blaða-
maður reyndi ítrekað, í marga daga,
að ná tali af einhverjum hjá lög-
reglunni á Vopnafirði sem gæti tjáð
sig um rannsóknina en án árangur.
Þá hringdi hann í lögreglustjórann á
Seyðisfirði, undir hvern lögreglan á
Vopnafirði heyrir, og náði tali af stað-
gengli hans, Birnu Kristínu Einars-
dóttur. „Við tjáum okkur ekkert um
nein mál,“ sagði Birna upphaflega en
hringdi síðar aftur í blaðamann til að
staðfesta að málið væri til rannsókn-
ar en að hún vildi að öðru leyti ekki
tjá sig um málið.
Lögreglumaðurinn kærði
Í 234. gr.-240. gr. almennra hegn-
ingarlaga er tilfinningum manna og
sálarlífi veitt refsivernd, nánar tiltekið
ærukennd þeirra. Yfirleitt fara menn,
sem telja á æru sinni brotið, í einka-
mál við þann sem ærumeiðinguna
hafði uppi, og fá dæmdar skaðabæt-
ur ef að stefnan er á rökum reist. Sér-
stakar reglur gilda um brot gegn opin-
berum starfsmönnum. „Ef móðgunin
eða aðdróttunin varðar að einhverju
leyti það starf hans, þá skal slíkt brot
sæta ákæru eftir kröfum hans.“ Ljóst
er því að lögreglumaðurinn hefur
gert slíka kröfu því að lögregluemb-
ættið á Seyðisfirði hefur nú sett málið
á oddinn. Aðspurð hvers vegna emb-
ættið hafi ákveðið að senda mann frá
Vopnafirði alla leið til Eskifjarðar til
að rannsaka Facebook-færslu manns
sem sakamál segir Birna: „Ég hef ekk-
ert meira um þetta mál að segja. Lög-
reglumaður frá okkur rannsakar bara
málið.“
Biðst ekki afsökunar á
sannleikanum
Emil segist hafa verið kallaður til
skýrslutöku þann 6. ágúst síðast-
liðinn og að lögreglumaður frá
Vopnafirði hafi séð um yfirheyrsluna.
Þar útskýrði Emil mál sitt og sagðist
ekki ætla að biðjast afsökunar. „Nei,
nei, nei, það kom ekki til mála og
kemur ekki til mála. Að biðjast afsök-
unar á einhverju sem er satt? Ef ég
væri að fara með rangt mál þá væri
það ekkert mál,“ segir Emil sem var
með lögfræðing með við skýrslutök-
una. „Hún gekk annars bara vel. Ég
var með Gísla Auðbergsson lögmann
með mér. Honum fannst ólíklegt að
það yrði eitthvert framhald af þessu
máli. Það verður væntanlega bara
látið niður falla.“
Sem dæmi um meinta eineltistil-
burði Þórs nefnir Emil eftirfarandi:
„Ég var einhvern tíma á leið frá Norð-
firði til Eskifjarðar og var rétt ókom-
inn þegar ég mætti lögreglubíl. Þar sá
ég að Þór var við stýrið. Fimm mínút-
um síðar, þegar ég er að dóla í róleg-
heitum heim til mín, kemur allt í einu
hvítur bíll á nokkuð miklum hraða
og keyrir í veg fyrir mig. Út úr hon-
um stígur maður sem kynnir sig sem
rannsóknarlögreglumann og tjáir
mér að tilkynning hafi borist um að
ég æki ölvaður. Hann bað mig um að
blása, sem ég gerði, og niðurstaðan
var 0,0 prósenta áfengismagn í blóð-
inu. Þegar ég er að fara út úr lögreglu-
bílnum og í bílinn minn þá kemur
merktur lögreglubíll í sömu erinda-
gjörðum og lögreglumennirnir þar
vilja að ég blási. Svo þegar við erum
á leiðinni heim þá mætum við þriðja
lögreglubílnum sem stoppaði mig
líka,“ segir Emil sem er viss um að Þór
hafi tilkynnt um ölvunaraksturinn.
Þetta er ekki eina dæmið sem Emil
nefnir, en hann segir Þór leggi sig og
aðra í einelti með sambærilegum til-
burðum og lýst er að ofan.
Sjaldgæft
Lögmaður Emils segist ekki vera
komin með öll gögn málsins í hend-
urnar en umbjóðandi hans muni
vafalaust meðal annars bera fyrir sig
meginreglu refsiréttar um refsileysi
sannra ummæla (l. exeptio veritatis).
„Eitthvað af þessu er þess eðlis að á
hana mun reyna,“ segir Gísli og bæt-
ir við að óvenjulegt sé að móðgun í
garð lögreglumanns endi með um-
fangsmikilli lögreglurannsókn. „Jú,
ég held að þetta sé mjög sjaldgæft.
Horfandi á söguna þá held ég að það
þurfi nú ansi mikið til þess að sak-
sóknari gefi út ákæru í málinu.“ n
10 Fréttir 14. ágúst 2013 Miðvikudagur
„Bitnar harðast
á þeim sem
hafa það verst“
Ríkisstjórnin ætlar ekki að
framlengja bráðabirgðaákvæði
fyrri ríkisstjórnar um vaxta-
bótaauka fyrir þá sem standa
illa fyrr en í fjárlagavinnunni
á næsta ári. Þetta kom fram í
viðtali við Bjarna Benedikts-
son fjármálaráðherra á RÚV
fyrr í vikunni. Að óbreyttu mun
því hámarksfjárhæð vaxtabóta
lækka um helming á næsta ári
og mun það bitna verst á tekju-
lágu fólki sem glímir við veru-
legan skuldavanda. Þeir sem
sótt hafa um fyrirframgreiðslu
vaxtabóta finna þegar fyrir
lækkuninni.
BSRB skorar á ríkisstjórnina
að framlengja bráðabirgða-
ákvæðið og grípa til aðgerða
sem allra fyrst. „Þetta bitnar
harðast á þeim sem hafa það
verst,“ segir Ágúst Bogason,
upplýsingafulltrúi sambands-
ins í samtali við DV. Elín Björg
Jónsdóttir, formaður BSRB, vakti
athygli á málinu í sjónvarps-
fréttum RÚV á mánudaginn og
vísaði meðal annars til kosn-
ingaloforða Framsóknarflokks-
ins og Sjálfstæðisflokksins.
Óhætt er að fullyrða að flokk-
arnir hafi ekki síst hlotið góða
kosningu vegna djarfra loforða
um kjarabætur fyrir skuldug
heimili. Var haft eftir Elínu að
afleitt væri að nota ekki þau úr-
ræði sem þegar væru til staðar
fyrir skuldug heimili í ljósi þess
að ekkert bólar enn á almenn-
um skuldaniðurfellingum fyrir
heimilin. Stöð 2 greindi frá því
sama kvöld að sérfræðingahóp-
ur um skuldavanda heimilanna
hefði ekki enn hafið störf.
Mynd Sigtryggur Ari
Baldur Eiríksson
blaðamaður skrifar baldure@dv.is
Kærður
fyrir að
móðga
lögreglu
n Emil Thorarensen sakaði lögreglumann um einelti og sætir lögreglurannsókn
Skoðana- og tjáningarfrelsið og rétturinn
til frjálsrar sannfæringar er verndaður af
73. gr. stjórnarskrárinnar. Stjórnskipuleg
vernd tjáningarfrelsisins var víkkuð út
með stjórnarskrárbreytingunum árið
1995, og var það meðal annars látið ná til
allra tjáningarhátta. Þá treysti lögfesting
Mannréttindasáttmála Evrópu árið 1994
þennan rétt enn frekar. Á seinni hluta ní-
unda áratugarins og í upphafi þess tíunda
gengu nokkrir stefnumarkandi dómar um
áhrif tjáningarfrelsisákvæðis Mann-
réttindasáttmála Evrópu í meiðyrðamál-
um sem tengdust gagnrýni á stjórnvöld,
stofnanir samfélagsins og alla þá aðila
sem hafa ríkisvald með hendi. Meðal
helstu fordæma Mannréttindadómstóls
Evrópu á þessu sviði er dómur í máli Þor-
geirs Þorgeirssonar gegn Íslandi. Þorgeir
var sakfelldur af Hæstarétti Íslands fyrir
brot á þágildandi hegningarlagaákvæði
um æruvernd opinberra starfsmanna.
Þorgeir hafði skrifað blaðagrein þar fram
kom beitt ádeila á starfshætti lög-
reglunnar í Reykjavík, en þar komu fram
ásakanir um lögregluofbeldi og skoraði
Þorgeir á dómsmálaráðherra að taka
á vandamálinu. Hæstiréttur komst að
þeirri niðurstöðu að í ummælum Þorgeirs
fælust ærumeiðandi aðdróttanir sem
beindust að starfsmönnum í lögregluliði
Reykjavík og brytu þær gegn nefndu
hegningarlagaákvæði. Þorgeir kærði
málið til Mannréttindadómstóls Evrópu,
sem dæmdi Þorgeiri í vil. Dómstóllinn
tók undir sjónarmið Þorgeirs um að
tilgangur með blaðaskrifum hans hefði
verið að hvetja dómsmálaráðherra til að
rannsaka kvartanir um ofbeldi af hálfu
lögreglu. Í dóminum kom fram að þótt
Þorgeir hefði kveðið mjög fast að orði, og
beint beittum spjótum að lögreglunni og
lögreglumönnum þá hafi sú takmörkun á
tjáningarfrelsi sem lögð var á Þorgeir með
dómi Hæstaréttar ekki verið nauðsynleg
í lýðfrjálsu þjóðfélagi. Mannréttinda-
dómstóllinn dæmdi Þorgeiri 530 þúsund
krónur úr ríkissjóði vegna kostnaðar hans
við rekstur málsins.
Þorgeir Þorgeirsson gegn Íslandi
Þorgeir Þorgeirsson Var dæmdur
fyrir ærumeiðandi ummæli en vann mál-
ið fyrir Mannréttindadómstóli Evrópu.
Mynd: SkákSAMBAndið
Emil thorarensen Emil segist ekki
biðjast afsökunar á ummælum sínum.
Þór Þórðarson Lögreglumaðurinn er
ósáttur við ummæli Emils og óskaði eftir
lögreglurannsókn. Emil segir ummælin
sönn.
inger L. Jónsdóttir Tjáir sig ekki um
ritsóða.Mývatn í hættu
Hætta er á að arsenmengun frá
Kröfluvirkjun og Bjarnarflags-
stöð berist í Mývatn. Þetta kem-
ur fram í drögum að stöðu-
skýrslu fyrir vatnasvæði Íslands
sem Umhverfisstofnun vinn-
ur að. Þar er varað við því
að affallsvatn frá fyrrnefndri
virkjun lendi í lindum Mývatns
og vatninu sjálfu. Fréttastofa
RÚV greindi frá þessu á þriðju-
daginn og fram kom að í af-
fallsvatninu væru efni á borð
við arsen, ál og kvikasilfur sem
eru skaðleg lífríkinu. Von er á
sendinefnd frá Ramsar-skrif-
stofunni í næstu viku sem mun
meta hver áhrifin gætu orðið af
fyrirhuguðum framkvæmdum
í Bjarnarflagi. Virkjunarkostur-
inn er í nýtingarflokki og stefnir
ríkisstjórnin að því að reisa þar
jarðvarmavirkjun.