Dagblaðið Vísir - DV - 24.01.2014, Qupperneq 12
Helgarblað 24.–27. janúar 201412 Fréttir
M
unnlegur málflutningur
í Stokkseyrarmálinu svo-
kallaða fór fram síðast-
liðinn þriðjudag. Málið
hefur vakið mikla athygli í
fjölmiðlum og lýsingar fórnarlamba
og vitna bera þess merki að ofbeld-
ismennirnir hafi verið mjög grófir og
lítið haldið aftur af sér. Sjálfir bera þeir
við minnisleysi eða halda því fram að
þeir hafi ekki tekið þátt í frelsissvipt-
ingu og pyntingum.
Alls eru fimm ákærðir í málinu,
þeir Stefán Logi Sívarsson, Stefán
Blackburn, Davíð Freyr Magnússon,
Hinrik Geir Helgason og Gísli Þór
Gunnarsson. Fórnarlömbin í mál-
inu eru tveir menn, og hér eftir fá þeir
dulnöfnin Árni og Gunnar.
Ástarkynni uppspretta árásar
Samkvæmt málflutningi vararíkissak-
sóknara, Helga Magnúsar Gunnars-
sonar, vann Árni það eitt sér til saka
að hafa annaðhvort sagt Stefáni Loga
of seint frá ástarsambandi Gunnars
og barnsmóður Stefáns Loga, eða þá
að hafa kynnt Gunnar fyrir konunni
í samkvæmi. Árni, var að mati sak-
sóknara sviptur frelsi sínu rétt eins og
Gunnar, en farið var sérstaklega heim
til Gunnars og hann sóttur.
Þaðan var farið með hann í íbúð-
ina í Breiðholti, þar sem honum var
misþyrmt. Samkvæmt vitnisburði
Árna var Gunnar barinn þar til óbóta
af þeim Stefáni Loga og Blackburn,
áður en þeir voru báðir fluttir í íbúð
í Hafnarfirði. Sjálfur sagði Gunnar
fyrir dómi að þar hefði ofbeldið og
pyntingarnar ekki hafist af alvöru fyrr
en Stefán Logi kom. Eftir dágóðan
tíma var ákveðið að fara með Gunnar
til Stokkseyrar. Þar var hann bundinn
við burðarbita í kjallara íbúðarhús-
næðis, keflaður og klæddur í svart-
an ruslapoka og skilinn eftir. Húsráð-
andinn á Stokkseyri ákvað þó fljótlega
að veita manninum frelsi, en þó ekki
fyrr en hann hafði fengið leyfi hjá
árásarmanninum.
Þá var Stefán Logi einnig ákærð-
ur fyrir að hafa ráðist á barnsmóður
sína og fyrir að hafa ekið undir áhrif-
um fíkniefna, en hann játaði síðast-
nefndu brotin á sig.
„Fíkniefna og sterageðveiki”
„Hann er stórhættulegur umhverfi
sínu og á sér engar málsbætur,“ sagði
Helgi Magnús í ræðu sinni og bætti
því við að aðeins tilviljun ráði því
hvenær einhver muni falla fyrir hans
hendi, hvort sem það verður hann
sjálfur eða einhver annar.
Að hans mati var það augljóst að
þeir nafnar, Stefán Logi og Black-
burn hefðu haft sig langmest frammi
í pyntingum á þeim Árna og Gunnari.
Faðir Stefáns Loga, bar vitni fyrir
dómi og lýsti ástandinu á mönnun-
um á þann veginn að þetta hefði ver-
ið gert í „fíkniefna- og sterageðveiki.“
Helga Magnúsi fannst það lýsa at-
burðarásinni vel, sem hefði verið
furðuleg og erfið að útskýra.
Krefst sex ára fangelsisvistar
Helgi Magnús sagði einnig að það hefði
verið mikið verk að púsla atburða-
rásinni saman samkvæmt frásögnum
vitna og öðrum gögnum málsins. Þá
sagði hann einnig að augljóslega hafi
verið reynt að þagga niður í vitnum,
sem sjáist meðal annars á því að fram-
burður hafi breyst frá því sem kom
fram við skýrslu tökur hjá lögreglu.
Hann krefst þess að Stefán Logi
verði dæmdur til fangelsisvistar í sex
ár og að Stefán Blackburn fái fimm og
hálfs árs dóm.
Ný kynslóð ribbalda
Lýsingar réttargæslumanna þeirra
Árna og Gunnars, á högum þeirra
eftir árásina voru ekki góðar. Gunnar
hefur verið í sálfræðimeðferð og flutti
út á land þar sem honum finnst hann
ekki öruggur í höfuðborginni. Það
hafi slitið tengsl hans við fjölskyldu
sína. „Það var mikil mildi, í raun hrein
tilviljun, að hann hafi ekki dáið,“ sagði
réttargæslumaðurinn og bætti því að
afleiðingarnar væru varanlegar, bæði
líkamlegar og andlegar.
Maðurinn fer fram á fimm millj-
ónir í miskabætur, auk þess að fá
lækniskostnað og vinnutap greitt.
Árni hefur verið á meðferðarheim-
ili frá því í haust þar sem hann glímir
meðal annars við afleiðingar árásar-
innar en hann gerir sömu miskabóta-
kröfu og Gunnar. „Einhverjum gæti
þótt krafan há, en það erfitt að finna
sambærilegt mál. Árásin er með þvi
allra grófasta sem þekkist og komin er
fram ný kynslóð ribbalda sem svífast
einskis,“ sagði réttargæslumaður Árna.
Ranglega dæmdur fyrr á árinu
Verjendur þeirra Stefáns Loga og
Blackburn sögðu báðir að skjól-
stæðingar þeirra hefðu ekki kom-
ið nálægt frelsissviptingu og pynting-
um. Saksóknari hefði ekki getað bent
á að þeir hefðu nokkuð komið þar ná-
lægt. Verjandi Stefáns Loga, Vilhjálm-
ur Hans Vilhjálmsson, sagði að Stef-
án hefði ranglega verið dæmdur fyrir
kynferðisafbrot í janúar á síðasta ári og
í kjölfarið hafið mikla fíkniefnaneyslu.
Hann hefði verið í neyslu umrætt
kvöld og nótt, auk þess að hafa orðið
fyrir líkamsárás rúmlega mánuði áður.
„Ég fylgdist með því hvernig
neysla hans jókst dag frá degi, það
bætti svo ekki úr skák að hann varð
fyrir líkamsárás í maí og hann var því
vægt til orða tekið ekki í góðu formi,“
sagði Vilhjálmur í ræðu sinni. „Eftir
að þessum túr Stefáns lauk og hann
hóf að afplána gæsluvarðhald hef-
ur hann hætt neyslu, er á svokölluð-
um AA gangi í fangelsinu,“ sagði Vil-
hjálmur jafnframt.
Taldi Vilhjálmur að hæfileg lengd
fangelsisdóms væri á milli eins til
fjögurra ára, vegna þeirra brota sem
hann játaði á sig.
Árni aldrei sviptur frelsi?
Vilhjálmur sagði það ósannað að
Gunnar hefði verið fluttur í Hafnar-
fjörð að undirlagi Stefáns Loga, það-
an sem hann var færður til Stokks-
eyrar. Stefán hafi aðeins stoppað stutt
í íbúðarhúsnæðinu í Hafnarfirði og
að við læknisskoðun hefðu engin
ummerki fundist um að hann hefði
kveikt í kynfærum Gunnars, líkt og
saksóknari héldi fram. Þá styðji frá-
sögn Árna þessar fullyrðingar Vil-
hjálms, en hann sagði að ekki hefði
verið kveikt í neinum.
Vilhjálmur sagði einnig að Árni
hefði aldrei verið sviptur sínu frelsi.
Hann hefði í sífellu talað á þann hátt
að hann gæti yfirgefið svæðið. Þannig
hafi hann setið í stofunni í íbúðar-
húsnæðinu í Hafnarfirði ásamt föður
Stefáns Loga, en sá síðarnefndi sagði
fyrir dómi að hann hefði margbeðið
Árna um að yfirgefa húsnæðið þar
sem hann væri of „góður“ einstak-
lingur til að vera í þessum félagsskap.
Fór ekki til Stokkseyrar
Verjandi Stefáns Blackburn, Stefán
Karl Kristjánsson, segir að sam-
kvæmt símagögnum hafi Stefán
Blackburn hvorki tekið þátt í líkams-
árás og frelsissviptingu í Breiðholti né
hafi hann farið til Stokkseyrar. Síma-
gögn sýni að Stefán hafi verið í bíln-
um sem fór til Stokkseyrar en líklegt
sé að hann hafi hins vegar farið til
Selfoss þar sem móðir hans býr. Sam-
kvæmt gögnum tengdist sími hans
ekki því mastri sem þjónustar Stokks-
eyri heldur því sem þjónar Selfossi.
Sími Davíðs Freys, sem húsráð-
andinn á Stokkseyri þekkti og bar
kennsl á, tengdist hins vegar mastrinu
á Stokkseyri. Áður hafði Davíð Freyr
viðurkennt að það hafi verið hans
hugmynd að fara til Stokkseyrar með
Gunnar. Taldi Stefán Karl að hæfileg
refsing Stefáns Blackburn yrði tíu til
tólf mánaða, en líkt og Stefán Logi ját-
aði hann á sig umferðarlagabrot og að
hafa ekið undir áhrifum fíkniefna.
Segja erfitt að sjá nákvæmar sakir
Saksóknari fjallaði lítið um mál þeirra
Davíðs, Hinriks og Gísla, en þeirra
þáttur í málinu virðist einkennast
af því að þeir hafi haldið uppi ógn
með því að vera á staðnum á meðan
meintar frelsissviptingar áttu sér stað.
Saksóknari krafðist 3–4 ára dóma
yfir þre menningunum, en verjend-
ur þeirra kvörtuðu yfir því að erfitt
væri að sjá út frá kærum hvað þeir
hefðu nákvæmlega átt að hafa gert
af sér. Í kærunni er hvergi minnst á
samverknað og spurði einni dómara
Helga Magnús sérstaklega út í þetta.
Svarið var á þá leið að það réðist af
atvikum málsins hvort um slíkt hefði
verið að ræða og að hann teldi ekki að
sérstaklega þyrfti að taka það fram.
Ítarlega hefur verið sagt frá at-
burðarásinni eins og henni var lýst í
dómsal, bæði í DV og á vefnum DV.
is. Á vefnum hafa allar fréttirnar ver-
ið tengdar saman í einu fréttamáli,
og ef leitað er á síðunni með leitar-
orðinu „Stokkseyrarmál“ koma þær
allar upp. n
vill 6 ára fangelsi
Stokkseyrarmálið:
n Saksóknari krefst þungrar refsingar yfir Stefán Loga og Stefáni Blackburn
Rögnvaldur Már Helgason
rognvaldur@dv.is
„Hann er stórhættu-
legur umhverfi sínu
og á sér engar málsbætur.
Stefán Blackburn Verjandi hans segir að samkvæmt símagögnum hafi hann ekki tekið þátt
í meintri frelsissviptingu í Breiðholti. Þá hafi hann ekki farið til Stokkseyrar með fórnarlambið.
Stefán Logi
Sívarsson
Neitar að hafa
komið nálægt
pyntingum og
frelsissvipt-
ingu í Stokks-
eyrarmálinu.
MyNdiR SigtRygguR ARi
„Ég fylgdist með
því hvernig neysla
hans jókst dag frá degi