Dagblaðið Vísir - DV - 28.02.2014, Blaðsíða 8

Helgarblað 28. febrúar 20148 Fréttir
Faðirinn grunaður um stórfellda líkamsárás
Aðalmeðferð í „shaken baby“-máli fer fram um miðjan mars
B
úið er að skipa meðdómend-
ur í svokölluðu „shaken ba-
by“-máli“ og málið verður
tekið til aðalmeðferðar um
miðjan mars, rétt tæpu ári eftir að
barnið, þá fimm mánaða gamalt,
lést af völdum áverka á heila. Fað-
ir barnsins, Scott James Carcary,
hefur verið ákærður fyrir stórfellda
líkamsárás í garð barnsins. Búist er
við því að aðalmeðferðin taki tvo
daga.
Samkvæmt heimildum DV var
móðir barnsins ekki grunuð um að
hafa komið nærri áverkum barns-
ins og var aðeins faðirinn ákærð-
ur í málinu. Hann hafði verið einn
með barninu heima og er grunaður
um að bera einn ábyrgð á áverkum
þess. Barnið bar einkenni þess sem
nefnt er „shaken baby syndrome,“
sem eru áverkar sem koma fram
eftir harkalegan hristing eða högg á
höfði ungs barns.
Í ákæru segir að maðurinn hafi
„hrist dóttur sína sem þá var 5
mánaða, svo harkalega að stúlkan
hlaut mikla innanbastblæðingu
í hægra heilahveli, mikinn heila-
bjúg með útflöttum heilafellingum,
bráða taugasímaáverka í heila, inn-
anbastblæðingu í kringum sjón-
taug í hægra auga, miklar blæð-
ingar í sjónhimnu hægra auga
og að nokkru leyti í vinstra auga,
blæðingu inn á hjartahimnu við
hjartaoddinn, mar í handarkrikum,
á upphandleggjum, baki, vinstri
vanga, vinstra eyra, hnakka, vinstra
læri og hægri kálfa, en stúlkan lést
nokkrum klukkustundum síðar af
völdum áverkanna.“
Í „shaken baby“-málum ber
barn sjaldnast útvortis áverka en
þeir koma þess í stað fram á heila og
í taugakerfi sem blæðingar í heila,
eða sem heilabjúgur og blæðingar
í lithimnu augans. Í sumum tilfell-
um koma fram einkenni eins og
slappleiki eða pirringur, uppköst og
jafnvel meðvitundarleysi. Á vefn-
um doktor.is er greint frá því hvern-
ig slíkir áverkar geta komið fram.
„Þegar barnið er tekið upp á útlim-
um eða haldið um brjóstkassa og
það hrist svo kröftug lega að höfuð
þess skellur fram og aftur til skipt-
is hvað eftir annað, skellur heil-
inn innan á veggi höfuðkúpunnar,
æðar og himnur rofna og bjúgur og
bólga myndast í heilanum,“ segir
þar. n
astasigrun@dv.is
Hristingur „Shaken baby syndrome“ eru
áverkar sem koma fram eftir harkalegan
hristing eða högg á höfði ungs barns.
Mynd 2006 Getty IMaGes
Hefur ekki hitt
dóttur sína í tvö ár
svavar Þór einarsson á í forræðisdeilum við rúmenska barnsmóður sína
S
vavar Þór Einarsson
hefur ekki hitt fimm ára
dóttur sína, Christinu Sæ-
unni, í hartnær tvö ár en
barnsmóðir hans er rúm-
ensk og hefur hún neitað honum
að umgangast Sæunni. Christina
Sæunn býr nú hjá ömmu sinni í
rúmensku þorpi. Svavar hefur far-
ið fram á fullt forræði en málið fer
fyrir dómara í Rúmeníu á næstu
vikum. Vinir og vandamenn hans
hafa sett af stað söfnun fyrir hann
þar sem umtalsverður kostnaður
hlýst af deilunum.
Gefur enga ástæðu
„Þetta er búið að vera rosalega
erfitt. Til að byrja með var það
þannig að við vorum búin að sam-
þykkja að hafa þetta eins og hjá
eðlilegu fólki, vera með fimm-
tíu fimmtíu forræði. Svo þegar ég
er á leiðinni út í ágúst fyrir tveim-
ur árum þá fæ ég skilaboð um að
ég geti ekki komið og tekið hana
núna. Ég átti flug tólf tímum
seinna út; búinn að eyða helling
af peningum í þetta, flugmiða og
annað. Út frá því fór þetta af stað.
Hún gaf mér ekki neina ástæðu
fyrir þessu. Þetta hefur meira far-
ið í gegnum lögfræðinga en okk-
ur sjálf,“ segir Svavar í samtali við
DV. Hann segir að deilurnar hafi
verið honum erfiðar jafnt andlega,
líkam lega og fjárhagslega.
Býr ekki með móður sinni
„Lögfræðingarnir eru vongóðir
því krakkinn er ekki einu sinni hjá
móður sinni, hún er hjá ömmu
sinni. Móðir hennar er annars
staðar að vinna. Þau eru ekki í
sama bæ,“ segir Svavar. Hann seg-
ist ekki vita af hverju svo sé en tel-
ur líklegt að betri vinnu sé að finna
í öðrum bæjum en heimabænum.
Hann fer fram á fullt forræði yfir
Christinu Sæunni en væri þó til-
búinn að sætta sig við sameigin-
legt forræði. „Það er allt skoðandi,
það sem skiptir mestu máli er það
sem kemur barninu fyrir bestu.
Manni heyrist á lögfræðingunum
að góðar líkur séu á því að ég fái
fullt forræði. Rökin fyrir því miðast
aðallega við það að hún er ekki að
sinna barninu sjálf heldur er það
hjá ömmu sinni. Þá ætti hún alveg
eins að geta verið hjá föður sínum
eins og ömmu sinni,“ segir Svavar.
Vinir safna fyrir svavar
Svavar segir að deilunum fylgi
mikil kostnaður meðal annars
vegna lögfræðinga. Hann segir að
lögfræðikostnaðurinn einn og sér
nemi rúmum tveimur milljónum
króna. Svavar er ekki sterkefnaður,
starfar sem verslunarstjóri Video-
markaðarins í Hamraborg. Því hafi
málið reynst honum þungur baggi.
Vinir og vandamenn Svavars hafa
sett af stað söfnun á Facebook fyrir
hann sem nefnist Hjálpum Svav-
ari að fá Christinu Sæunni heim.
Svavar segir að sá stuðningur hafi
skipt sköpum fyrir sig.
Hans Aðalsteinn Gunnars-
son, vinur Svavars Þór og einn að-
standenda söfnunarinnar, segist
við DV líta á það sem skyldu sína
að aðstoða vin sinn. „Ég veit hvað
þetta tekur á hann Svavar, sem er
einn minn besti vinur og langar
mig því að reyna að hjálpa honum,
kostnaðurinn við lögfræðiaðstoð-
ina er gríðarlegur og er ekki fyrir
einn mann að standa undir.“ Hann
hefur því stofnað söfnunarreikning
fyrir Svavar. „Margt smátt gerir eitt
stórt. Svavar er sá sem væri fyrsti
maðurinn til að aðstoða mig ef ég
væri í sömu aðstöðu og tel ég þetta
því skyldu mína,“ segir Hans. n
Hjálmar Friðriksson
hjalmar@dv.is
„Þetta er
búið að vera
rosalega erfitt
svavar og Christina Hann segir
að forræðisdeilurnar við rúmenska
barnsmóður sína hafi reynst sér
gífurlega erfiðar. Svavar hefur ekki
hitt dóttur sína í nærri tvö ár.
Sjö prósenta
atvinnuleysi
Í janúar síðastliðnum voru að
jafnaði 181.700 manns á vinnu-
markaði. Af þeim voru 169.300
starfandi og 12.300 án vinnu og
í atvinnuleit. Atvinnuþátttaka
mældist 79,3 prósent, hlutfall
starfandi 73,9 prósent og at-
vinnuleysi var 6,8 prósent. Þetta
kemur fram í frétt á vef Hagstofu
Íslands. Þar kemur fram að at-
vinnuþátttaka hafi aukist um 0,7
prósentustig frá janúar 2013 til
janúar 2014. Hlutfall atvinnu-
lausra hafi þó aukist á sama
tíma um eitt prósentustig.
Væntingar
fólks glæðast
Væntingavísitala Gallup hækkaði
um tæp átta stig milli janúar og
febrúar. Mælist vísitalan nú 85,9
stig. Ef vísitalan er hundrað eru
jafn margir svartsýnir og bjartsýn-
ir. Staðan nú er því sú að fleiri eru
svartsýnir en bjartsýnir.
Greining Íslandsbanka fjallar
um málið á vef sínum. Þar kem-
ur fram að þetta gildi vísitölunn-
ar, 85,9, sé það hæsta frá því í
júní í fyrra. Í sama mánuði árið
2013 mældist hún 80,7 stig. „Er
hér um jákvæða þróun að ræða,
en þó er enn nokkuð í land með
að hægt sé að segja að íslenskir
neytendur geti talist bjartsýnir á
ástandið í efnahags- og atvinnu-
málum þjóðarinnar …,“ segir á
vef Greiningar.
Allar undirvísitölur væntinga-
vísitölunnar hækkuðu á milli
mælinga í janúar og febrúar, að
efnahagslífinu undanskildu. Sú
vísitala lækkaði um tæp sex stig á
milli mánaða. Mest hækkaði mat
neytenda á atvinnuástandinu, eða
um tæp 15 stig. Þá er nokkuð mik-
il hækkun á vísitölunni sem mælir
væntingar neytenda til ástandsins
í efnahags- og atvinnumálum eftir
sex mánuði.
Loks er þess getið að væntinga-
vísitalan hafi lækkað talsvert hjá
þeim tekjulægstu, þeim svarend-
um sem hafa tekjur undir 250
þúsundum á mánuði, og þeim
tekjuhæstu, svarendum sem hafa
tekjur upp á að minnsta kosti
550 þúsund krónur á mánuði.
Væntingar þeirra sem eru í milli-
tekjuhópunum glæðast hins vegar
talsvert sem útskýrir hækkunina
milli janúar og febrúar.
Mikil aukning
Greiðslukortavelta erlendra
ferðamanna hér á landi í janú-
ar nam 4,8 milljörðum króna.
Þetta er 26,5 prósenta aukn-
ing frá sama mánuði árið
2013. Í janúar í fyrra var þessi
veltuaukning 56 prósent frá
sama mánuði árið þar áður.
Þetta kemur fram í tölum sem
Rannsóknarsetur verslunar-
innar birti á fimmtudag.