Dagblaðið Vísir - DV - 28.02.2014, Síða 14

Helgarblað 28. febrúar 201414 Fréttir Nærmynd
Þ
órólfur er mjög mikill
áhrifamaður hjá þeim.
Það er eitthvað sem allir
vita,“ segir þingmaður úr
stjórnar andstöðunni að­
spurður um stöðu Þórólfs Gísla­
sonar, kaupfélagsstjóra í Kaupfé­
lagi Skagfirðinga, sem valdamanns
í Framsóknarflokknum. Kaupfé­
lag Skagfirðinga er eitt öflugasta
fyrir tæki landsins og stundar með­
al annars rekstur á sviði fiskveiða,
framleiðslu á landbúnaðarvörum
og stundar smásölu í héraði.
Í fréttaati liðinnar viku um þá
ákvörðun ríkisstjórnarinnar að slíta
aðildarviðræðum við Evrópusam­
bandið hefur nafn Þórólfs Gísla­
sonar ekki mikið komið upp í um­
ræðunni. Þórólfur er hins vegar
einn áhrifamesti maðurinn á bak
við tjöldin í Framsóknarflokknum
og hefur verið um árabil. Þórólfur
sat meðal annars lengi í miðstjórn
flokksins. Tengsl hans og Gunnars
Braga Sveinssonar utanríkisráð­
herra eru náin enda var ráðherr­
ann starfsmaður Kaupfélagsins
og sveitar stjórnarmaður í Skaga­
firði áður en hann settist á þing.
Norðvesturkjördæmi, Skagafjörð­
urinn þar á meðal, er sögulega eitt
sterkasta vígi Framsóknarflokksins
í landinu og Þórólfur er valdamesti
maður flokksins í héraðinu.
Stórveldi Þórólfs
Þórólfur lúrir því undir yfirborðinu
rétt eins og frændi hans, Davíð
Oddsson, gerir á hinum vængnum í
ríkisstjórninni. Báðir eru þeir stæk­
ir andstæðingar Evrópusambands­
ins og líklega valdamestu mennirn­
ir í flokkunum tveimur. Erfitt er að
tengja atburði liðinna daga á Al­
þingi ekki við þessa tvo kafbáta í
íslenskum stjórnmálum en hags­
munir þeirra mætast meðal annars
í Morgunblaðinu þar sem Kaupfé­
lagið á tæplega 10 prósenta hlut.
Þórólfur er, ásamt frænda
sínum í Hádegismóum, einn
valdamesti maður landsins.
Munurinn á honum og öðrum
valdamiklum mönnum í við­
skiptalífinu, eins og til dæmis
Þorsteini Má Baldvinssyni,
forstjóra Samherja, er að
Kaupfélag Skagfirðinga er
í miklu fjölbreyttari rekstri
í héraði en akureyska út­
gerðarfélagið. Kaupfélag
Skagfirðinga er stærsti at­
vinnurekandinn á svæð­
inu, rekur stærstu mat­
vörubúðina og er með
mikil pólitísk ítök í gegn­
um Framsóknarflokkinn.
Þessi staða leiðir til þess
að Skagfirðingar þora
margir hverjir ekki að
gagnrýna kaupfélagið og
umsvif þess. „Menn fyrir
norðan þora varla að tjá
sig. Þarna er rekið ótrú­
legt starf. Kaupfélagið
ræður öllu, það rekur
Skagafjörðinn. Eiginlega
er ekkert undanskilið.“
Þessu til stuðnings má benda á
að auk fiskveiða, kjötvinnslu og sölu
á matvöru þá á kaupfélagið flutn­
ingafyrirtækið Vörumiðlun sem sér
um vöruflutninga til og frá Sauðár­
króki og eins héraðsblaðið Feyki
sem er eini skagfirski fjölmiðillinn.
Því er það ekki langt frá sannleik­
anum þegar sagt er að kaupfélagið
„ráði öllu“ i Skagafirði.
Enginn getur tekið það af Þórólfi
að hann hefur byggt upp stórveldi í
íslensku viðskiptalífi enda gefa all­
ir viðmælendur DV kaupfélags­
stjóranum það að hann sé góður
rekstrarmaður. „Þetta eru snyrtileg­
ir rekstrarmenn. Þeir hugsa vel um
reksturinn og hverja rekstrarein­
ingu. Þeir eru ólíkir mörgum kaup­
félagsmönnum frá því í gamla daga
að því leytinu til. Þetta má segja
þeim til hróss,“ segir einn af við­
mælendum DV úr viðskiptalífinu.
„Óskipt andúð“
Einn af heimildarmönnum DV úr
Skagafirði, sem ekki vill láta nafn
síns getið, segir að Þórólfur hafi haft
Evrópusambandið „á heilanum“
um árabil og að hann hafi
„óskipta andúð á Evrópu­
sambandinu“.
„Þórólfur
og
kaupfélagið þrífast á póli­
tískri fyrirgreiðslu, póli­
tískum afskiptum, kerfi
sem ekki byggir á frjálsri
samkeppni eða röskun
á högun. Hann vill út­
deilingu á hinum ýmsu
gæðum: Óbreytt sjávar­
útvegskerfi, óbreytt
landbúnaðarkerfi, enga
samkeppni í mjólk eða
ostum, hann rekur eitt
stærsta sláturhús á Ís­
landi og er með þriðjung
af sláturhúsamarkaðnum.
Þórólfur vill almennt séð
hafa óbreytt kerfi og í skjóli
fákeppninnar fá að víla og
díla. Og ef þú sérð þetta ekki
endurspeglast með miklum
hætti í stefnu Framsóknar­
flokksins þá veit ég ekki hvað.
Þórólfur hefur alltaf litið á Evrópu­
sambandið sem stórhættulegt fyrir­
bæri.“
Þegar spurt er hvernig Þórólfur
getur tengst þeirri umræðu um slit
á aðildarviðræðum við Evrópusam­
bandið er svarið á þá leið að tengsl
hans og Gunnars Braga Sveinssonar
auðveldi aðgengi hans að utanríkis­
stefnu Íslendinga. Íbúi í Skagafirði
sem starfað hefur í sveitarstjórnar­
málum í héraðinu og þekkir til
Gunnars Braga segist sannfærður
um náin tengsl ráðherrans og kaup­
félagsstjórans. „Ég er alveg sann­
færður um að þeir séu mjög nánir.
Einfaldlega vegna þess að
Gunnar Bragi hefði
aldrei farið inn
í pólitík
Valdamaðurinn
n Þórólfur Gíslason stýrir stórveldi í Skagafirði
Ingi Freyr Vilhjálmsson
ingi@dv.is „Hans
mottó
í lífinu er að
vera einn
„Þetta er
hegðunar-
mynstur eins og
hjá olígarka