Dagblaðið Vísir - DV - 25.07.2011, Síða 4

4 | Fréttir 25. júlí 2011 Mánudagur
Hlaupasokkar
• Minnka verki og þyngsl í kálfum
• Minni hætta á blöðrumyndun
• Draga úr bjúgsöfnun
Stórhöfða 25 • Sími 569 3100 • eirberg.is
Í sumar er opið virka daga frá kl. 9 -18
„Dóttir mín og frænka hennar fóru út
í eyna í gær, laugardag, og komu að
þessu. Þeim var virkilega brugðið og
tóku þetta nærri sér,“ segir Ívar Snorri
Halldórsson íbúi á Blönduósi. Í ánni
Blöndu, við tjaldsvæðið í bæjarjaðr-
inum, er brú yfir í litla en fallega ey
sem heitir Hrútey. Þar verpir árlega
nokkur fjöldi heiðagæsa.
Í Hrútey blasti við stúlkunum
ófögur sjón. Búið var að eyðileggja
mikinn fjölda gæsareggja sem komin
hafa verið að því að klekjast út. Þeim
hafði verið kastað í skilti, á bekk og í
aðra hluti í eynni. Eins og myndirn-
ar bera með sér liggja dauðir ungar
og eggjaskurn úti um allt. „Þeir hafa
safna saman svona 50 til 70 eggj-
um,“ áætlar Ívar sem segist ekki skilja
hvernig nokkur manneskja geti haft
ánægju af svona verknaði.
Ívar Snorri vill að eynni verði
framvegis lokað á meðan gæsir liggja
á eggjum.
DV hafði samband við lögregluna
á Blönduósi sem hafði nýlega heyrt
af skemmdarverkunum en henni
hafði ekki borist tilkynning um mál-
ið fyrr, þó ummerkin beri með sér
að nokkrir dagar séu liðnir frá því
að eggin voru eyðilögð. Í eðlilegu
árferði væri nokkuð um liðið frá því
gæsir unguðu út eggjum sínum. Kalt
vor og sumar gerðu það hins vegar
að verkum að varp misfórst í stórum
stíl. Sumar fuglategundir reyna að
verpa aftur og á það að líkindum við
um heiðagæsirnar í Hrútey.
Skemmdarverk Dauðir ungar og brotin
egg eru út um allt í Hrútey. LjóSMynd: dagbjört
Henný ívarSdóttir og guðrún inga HeLgadóttir
Skemmdarvargar í Hrútey við Blönduós tíndu undan gæsum:
Eyðilögðu unguð egg
Þrettán þúsund
vilja leiðréttingu
Nærri þrettán þúsund manns hafa
ritað nafn sitt við kröfur Hagsmuna-
samtaka heimilanna um réttlátar
leiðréttingar á stökkbreyttum lánum
heimilanna og afnám verðtrygging-
ar. Samtökin hafa lengi barist fyrir
leiðréttingum á húsnæðislánum
heimilanna, sem hækkuðu afar hratt
í verðbólgunni eftir efnahagshrun-
ið. Fram kemur á síðunni, þar sem
setja má nafn sitt, að hafi stjórnvöld
ekki orðið við kröfunni fyrir 1. janúar
2012 jafngildi undirskriftirnar kröfu
um þjóðaratkvæðagreiðslu. Þeir
sem hafa áhuga á að skrifa undir eða
kynna sér nánar kröfur samtakanna
geta gert það á vefnum undirskrift.
heimilin.is.
Skattablað
DV á morgun
Á morgun, þriðjudag, kemur út
skattablað DV þar sem birtar
verða tekjur ríflega þrjú þúsund
Íslendinga. Blaðið verður stút-
fullt af greiningum og úttektum
tengdum þeim upplýsingum.
Fyrir vikið kemur ekkert blað út á
miðvikudag. Helgarblað DV kem-
ur svo út á föstudaginn, venju
samkvæmt.
Leiðrétting
Mynd af leiði Rögnvaldar Finnboga-
sonar birtist með viðtali við Guðjón
Skarphéðinsson, sóknarprest í Staða-
staðarsókn, í blaði DV 22. júlí síðast-
liðinn. Myndin af leiðinu tengdist
efni viðtalsins á engan hátt og biðst
DV velvirðingar á mistökunum.
Sturla Böðvarsson, fyrrverandi sam-
gönguráðherra, er annar ritstjóra
verksins Ísland, atvinnulíf og menn-
ing, en fyrirtæki, samtök og stofnanir
geta greitt fyrir umfjöllun í bóka-
flokknum. Samkvæmt verðskrá sem
finna má á vefsíðu útgáfufélagsins,
sagaz.is, kostar einnar síðu umfjöll-
un 189 þúsund krónur sjái viðskipta-
vinirnir sjálfir um ritun textans en
meira ef útgáfufélagið sér um texta-
skrifin.
Bændasamtökin eru á meðal
þeirra samtaka sem greitt hafa fyrir
umfjöllun í bókaflokknum en sam-
tökin greiddu á annað hundrað þús-
und krónur fyrir umfjöllunina. Þá
hefur Þór Saari, þingmaður Hreyf-
ingarinnar, sagt frá því, eins og kom-
ið hefur fram í DV, að Hreyfingunni
hafi verið boðið að vera með í bók-
inni gegn gjaldi. Sagði Þór að sér
fyndust slík vinnubrögð vera dæmi
um ósiðlegt brask og að Hreyfingin
hefði hafnað tilboðinu. Ásamt því
að vera einn ritstjóra ásamt Árna
Emilssyni hefur Sturla einnig sinnt
hlutverki sölumanns útgáfunnar,
þar sem hann kynnir verkefnið fyrir
stjórnum fyrirtækja og félagasam-
taka.
ekki sagnfræði
Hjá Bændasamtökunum fengust
þær upplýsingar að stjórn samtak-
anna hefði tekið ákvörðun um að
vera með í verkefninu eftir fund með
Sturlu. Samtökin greiddu lágmarks-
upphæð fyrir umfjöllun en hún er
189 þúsund krónur. Á verðlista út-
gáfunnar kemur fram að hægt sé að
greiða 289 þúsund krónur fyrir tvær
síður, 449 þúsund krónur fyrir fjórar
síður og 569 þúsund krónur fyrir sex
síður. Sérstaklega er tekið fram að
verðin séu gefin upp án virðisauka-
skatts. Þá er einnig tekið fram að ef
útgáfan eigi að rita textann fyrir við-
skiptavininn, kosti hver síða 20 þús-
und krónur aukalega.
Heimildarmaður blaðsins sem
hefur kynnt sér verkið segir ekki um
eiginlega sagnfræði að ræða enda
sé hvergi getið heimilda. Þetta sé
einhvers konar kynningarrit fyrir þá
sem greiða fyrir kynninguna. Verk-
ið er sett fram sem samtímaheimild
um fyrirtæki og stofnanir. Árið 2000
kom út sams konar verk í nokkrum
bindum en þá var fjallað um tíunda
áratug 20. aldar. Verkið sem nú er í
vinnslu tekur á fyrsta áratug 21. ald-
ar og er því eins konar framhald á
fyrra verki. Heimildir DV herma að
þá, rétt eins og nú, hafi fyrirtækjum
og félagasamtökum verið boðið að
greiða fyrir umfjöllun.
Þúsundir fyrirtækja
Á vefsíðu útgáfunnar segir með-
al annars að upplýsingagildi verks-
ins sé ótvírætt fyrir samtímann og
að varðveislugildið sé ómetanlegt
fyrir framtíðina. Þá segir að verkið
sé tvíþætt. „Annars vegar ritverk í
nokkrum bindum með upplýsing-
um um meginfyrirtæki, félög, stofn-
anir og samtök á landinu. Hins veg-
ar er um að ræða upplýsingaveitu á
netinu, netgátt, sem hefur að geyma
sama meginefni og ritverkið en veit-
ir auk þess upplýsingar um starfsemi
þúsunda annarra fyrirtækja, félaga,
stofnana og samtaka.“ Á vefsíðunni
fæst ekki séð að hin svokallaða upp-
lýsingaveita sé tilbúin.
Heimildir DV herma að verkefnið
muni skila þónokkrum hagnaði til
þeirra sem standa að því enda greiða
viðskiptavinir háar fjárhæðir fyrir að
fá að vera með. Þá skiptir litlu hvort
verkið selst vel eður ei enda segir á
vefsíðunni að „þúsundir fyrirtækja,
félaga, stofnana og samtaka“ eigi að-
ild að ritverkinu. Sagaz ehf. er skráð
á Bæjarlind ehf. en þar eru skráðir
14 starfsmenn, þeirra á meðal Sturla
Böðvarsson og Árni Emilsson.
ósiðlegt brask
Eftirfarandi segir um verkið á vefsíðu
útgáfunnar: „Í ritverkinu verða yfir-
litsgreinar sérfróðra manna um sögu
og menningu, land, þjóð og tungu,
trúarlíf, stjórnkerfi ríkis og sveitar-
félaga, skóla og menntamál, heil-
brigðismál, sjávarútveg og vistkerfi
hafsins, landbúnað, iðnað, orkumál,
útflutning, umhverfisvernd, land-
græðslu, skógrækt og samgöngur,
flugmál, veðurfar og loftslag, húsa-
gerð, ferðaiðnað, bókmenntir, tón-
list, leiklist, og íslenska kvikmynda-
gerð. Einnig verða upplýsingar um
stofnanir ríkis og sveitarfélaga auk
greina um almenn atvinnufyrirtæki,
félög, stofnanir og samtök flokkuð
eftir atvinnugreinaflokkun.“
Þór Saari hefur lýst því í DV þegar
hann hitti Sturlu eftir að hinn síðar-
nefndi þrábað hann um fund vegna
bókarinnar. „Til þess að vera með
í því þá þurftum við að borga fyrir
það,“ sagði Þór við DV fyrir helgi.
„Mér finnst þetta bara ósiðlegt brask.
Að bjóða mönnum að kaupa um-
fjöllun um eitthvað sem þeir kalla
sögulegar heimildir,“ sagði Þór með-
al annars.
Bændur keyptu
umfjöllun Sturlu
ritstjóri og sölumaður Sturla Böðvarsson, fyrrverandi samgönguráðherra, hefur kynnt
verkið fyrir stjórnum fyrirtækja og félagasamtaka, en til þess að fá umfjöllun þarf að greiða
háar upphæðir.
n bændasamtökin borguðu fyrir umfjöllun í verki um atvinnulíf og menningu samtímans
n Fyrirtæki og samtök þurfa að greiða háar upphæðir fyrir umfjöllun „Á verðlista útgáf-
unnar kemur fram
að hægt sé að greiða 289
þúsund krónur fyrir tvær
síður, 449 þúsund krónur
fyrir fjórar síður og 569
þúsund krónur fyrir sex
síður.
Jón Bjarki Magnússon
blaðamaður skrifar jonbjarki@dv.is