Dagblaðið Vísir - DV - 11.10.2013, Blaðsíða 20

Skíðaparadís situr á hakanum
n Norður-Kóreumenn ætla að efla ferðamannageirann svo um munar
T
il stóð að opna nýja og stór-
glæsilega skíðaparadís í
Norður- Kóreu á fimmtudag, en
enn sem komið er bólar ekkert
á opnunarhátíðinni sem búið var að
boða. Frá þessu greinir breska ríkis-
útvarpið BBC.
Skíðasvæðið átti að verða allt hið
glæsilegasta með svigbrautum, sleða-
brautum og mjög fullkomnum skíða-
lyftum. Búið er að byggja tvær hótel-
byggingar sem enn standa þó auðar.
Í frétt BBC kemur fram að talið sé
að aðeins um 5.500 manns í Norður-
Kóreu stundi skíði en íbúar landsins
eru alls um tuttugu milljónir.
Framkvæmdirnar fara fram í Masik
Pass sem er í austurhluta Norður-
Kóreu. Undanfarna tíu mánuði hafa
verkamenn unnið hörðum höndum
við að ljúka framkvæmdinni, en til
stóð að hægt yrði að vígja skíðasvæð-
ið á fimmtudag á 68 ára afmæli norð-
urkóreska Verkamannaflokksins.
Markmiðið með byggingunni var að
sýna Norður-Kóreu sem siðmenntað
land í augum annarra ríkja. Rign-
ingar og erfiðar aðstæður hafa gert
það að verkum að framkvæmdir hafa
tafist.
Í umfjöllun BBC kemur fram
að verkefnið hafi verið hálfgert
gæluverk efni einræðisherrans, Kim
Jong-un, sem kynntist skíðamennsku
á námsárum sínum í Sviss. Þá von-
ast yfirvöld í Norður-Kóreu til þess
að skíðasvæðið verði til þess að
ungt og efnilegt skíðafólk fái áhuga
á íþróttinni og þannig aukist líkur á
verðlaunum á vetrarólympíuleikum.
Einnig er vonast til þess að hægt
verði að opna landið fyrir erlendum
ferðamönnum sem myndu þá nýta
sér skíðasvæðið í Masik Pass og skila
auknum tekjum í þjóðarbúið. „Þetta
mun hafa mikil áhrif á efnahaginn.
Við erum að reyna að fjölga ferða-
mönnum og skíði eru eitt af því sem
íbúar þróaðra ríkja hafa gaman af.
Heimamenn munu einnig geta nýtt
sér svæðið,“ sagði Ri Ki, hagfræðingur
hjá norðurkóreskum stjórnvöldum, í
samtali við AP fyrir skemmstu. n
einar@dv.is
að búa í gámum
n Gert til að mæta aukinni eftirspurn og hækkandi húsnæðisverði
Þ
ó svo að húsnæðisverð fari
hækkandi í fjölmörgum
stórborgum Evrópu er ekki
þar með sagt að ómögulegt
sé að finna viðunandi bú-
setukosti á góðu verði. Í Lundúnum,
höfuðborg Englands, rís senn
nýtt hverfi sem verður með litlum
stúdíó íbúðum. Þetta væri ekki í frá-
sögur færandi nema fyrir þær sak-
ir að íbúðirnar eru í litlum gámum
sem búið er að innrétta með öllum
nútímaþægindum. Um er að ræða
venjulega flutningagáma frá Kína
sem síðan eru innréttaðir í Bret-
landi.
60 þúsund á mánuði
Borgaryfirvöld í Lundúnum veittu
nýlega leyfi fyrir byggingu tveggja
gámaþyrpinga í Waltham Forest í
norðausturhluta borgarinnar. Leyfið
var veitt YMCA-samtökunum, betur
þekktum á Íslandi undir nafninu
KFUM, og er hægt að fá gámana
leigða fyrir 300 pund á mánuði, eða
tæpar 60 þúsund krónur. Gámarnir,
sem ganga undir nafninu mYPads,
kosta tæpar fjórar milljónir króna
en markmiðið með byggingu gáma-
þyrpingarinnar er að gera ungu
fólki kleift að búa við sómasamlegar
aðstæður á viðráðanlegu verði.
„Frábær hugmynd“
„Hugmyndin að geta búið á þínu
eigin heimili fyrir 15 þúsund krónur
á viku, á stað þar sem þú þarft ekki
að deila baðherbergi með öðrum,
er frábær,“ segir Louise Stephenson,
þrítug kona, sem stefnir á að leigja
gám í nýja hverfinu þegar það verð-
ur tilbúið. Hún segir að það sé erfitt
fyrir ungt fólk – sem jafnvel er ný-
komið úr skóla eða með lágar tekjur
– að finna búsetukost sem hentar.
Ekki nóg með það heldur sé dýrt að
lifa í dag og það sé ekki sjálfgefið að
allir geti leigt sér íbúð, keypt í mat-
inn og ferðast á milli staða.
Erfitt að finna íbúðir
„Það verður eflaust skrýtin tilfinn-
ing fyrir marga að segja að þeir búi
í flutningagámum,“ segir Louise
sem verið hefur í félagsskap YMCA
lengi. Hún segir að gámarnir séu
nokkuð fullkomnir og engum verði
of heitt í þeim eða of kalt nú þegar
vetur er að ganga í garð.
Talsmaður YMCA í Bretlandi
segir að ákveðið hafi verið að ráð-
ast í framkvæmdina vegna þess hve
ungt fólk á í miklum erfiðleikum
með að finna sér viðunandi búsetu-
úrræði. „Ungt fólk sem er nýkom-
ið út á vinnumarkaðinn á oft erfitt
með að finna íbúð á góðu verði í
austurhluta borgarinnar. Þetta er
raunhæf lausn fyrir ungt fólk og ætti
að gera því kleift að leggja fyrir áður
en það flytur í stærri eign,“ segir
talsmaðurinn.
Frábær viðbrögð
Þyrpingin sem senn rís í Waltham
Forest er enn sem komið er einung-
is hugsuð fyrir unga meðlimi YMCA.
Framkvæmdastjóri samtakanna,
Timothy Pain, segir að samtökin
séu tilbúin að leigja eða aðstoða við
uppbyggingu annarra sambærilegra
gámaþyrpinga í borginni svo lengi
sem það sé gert í velgjörðarskyni –
ekki gróðaskyni. „Við erum hrærð
yfir viðbrögðunum sem við höfum
fengið,“ segir hann.
Í síðasta mánuði var greint frá
því að byggja þyrfti 800 þúsund ný
heimili fyrir árið 2021 til að halda í
við aukna eftirspurn eftir húsnæði í
borginni. n
Nokkuð rúmgott Það verður seint sagt að lúxusinn sé allsráðandi. Nægjusamir ættu þó
að geta búið í gámunum án þess að skammast sín.
Einar Þór Sigurðsson
blaðamaður skrifar einar@dv.is
Fínt útsýni Louise
Stephensen sést hér
í flutningagámi sem
búið er að innrétta
sem íbúð.
„Hugmyndin að
geta búið á þínu
eigin heimili fyrir 15 þús-
und krónur á viku, á stað
þar sem þú þarft ekki að
deila baðherbergi með
öðrum, er frábær.
Smokkar
fyrir gæludýr
Ný vefsíða hefur verið sett á lagg-
irnar þar sem smokkar eru til sölu.
Það væri svo sem ekki í frásögur
færandi nema fyrir þá staðreynd
að um er að ræða smokka fyrir
gæludýr; hunda og ketti. Vefslóðin
er petcondoms.org. Á vefsíðunni
er einnig að finna leiðbeiningar
um það hvernig best er að bera sig
að þegar smokki er komið fyrir á
heimilisfressinu.
En ekki er allt sem sýnist. Þegar
notendur smella á smokkinn til
að kaupa kemur í ljós að allt er í
plati. Dýraverndunarsamtök í San
Francisco standa fyrir uppátækinu
og benda á, þegar reynt er að
kaupa smokkana, að eina leiðin til
að koma í veg fyrir fjölgun hunda
og katta sé að gelda dýrin.
Braut gegn
nemendum
Stærðfræðikennari í Bretlandi var
á miðvikudag dæmdur í tveggja og
hálfs árs fangelsi fyrir kynferðis-
brot. Maðurinn, Neil Mason, bauð
ungum skólastúlkum greiðslu
gegn því að þær sendu honum
myndir af þeim berbrjósta. Þá
sendi hann nektarmyndir af sjálf-
um sér til sextán ára stúlku. Þegar
dómari kvað upp dóm sinn í mál-
inu sagði hann að Mason hefði
misnotað traust nemenda sinna og
kallað yfir sig mikla skömm. Brotin
voru framin á tólf mánaða tímabili
og játaði Mason sök í málinu.
Glæpakóngur
lést úr
krabbameini
Einn alræmdasti glæpamaður
Ástralíu, Mark „Chopper“ Read,
lést í vikunni af völdum lifrar-
krabbameins, 58 ára. Mark var
23 ár bak við lás og slá, en hann
var dæmdur fyrir mannrán og
fólskulegar líkamsárásir. Þó svo
að hann hefði haldið því fram
að hann hefði um ævina drep-
ið nítján manns var hann aldrei
dæmdur fyrir morð.
Eftir að honum var sleppt úr
fangelsi gerðist Mark glæparit-
höfundur. Árið 2000 kom út bíó-
myndin Chopper með Eric Bana
í aðalhlutverki, en myndin var að
hluta til byggð á sögu Marks.
Tómar byggingar Hótel-
byggingar sem búið er að reisa
standa tómar – enn sem komið
er allavega.
20 Fréttir 11.–13. október 2013 Helgarblað
Ungu fólki boðið