Dagblaðið Vísir - DV - 03.12.2013, Blaðsíða 3

Vikublað 3.–5. desember 2013 Fréttir 3
Óvissa með fjármögnun
R
étt fyrir kosningarnar í vor
vissi Sigmundur Davíð Gunn­
laugsson ekki hvernig hann
ætti að efna 240 milljarða
króna kosningaloforð Fram­
sóknarflokksins. Þetta var ljóst út frá
nokkrum viðtölum við hann.
Í viðtali við Fréttatímann kom
þetta berlega í ljós þar sem hann end­
aði á að spyrja retórískrar spurningar
um hvort ekki mætti færa „rök fyrir“
því að nýta mæti peninga vogunar­
sjóðanna með því láta þá greiða upp
húsnæðislán íslenskra heimila: „Vog­
unarsjóðirnir vissu að aðstæður gerðu
það að verkum að ekki væri hægt að
hleypa þeim úr landi með allt þetta
fjármagn og því væru til staðar höft.
Þeim mátti því vera ljóst að það þyrfti
að ganga til samninga um niðurfær­
slu. Má því ekki nýta það svigrúm
sem þar skapast til að koma til móts
við heimilin sem færa má rök fyrir að
hafi í raun fjármagnað þá með því að
taka á sig tapið af hruninu með verð­
tryggingu?“
Bankaskattur á bak við
80 milljarða
Nú er liðið meira en hálft ár frá kosn­
ingunum í vor og efndirnar, nákvæm­
lega hvernig Framsóknarflokkurinn
ætlar að efna þetta loforð liggur ekki
fyrir þrátt fyrir að búið sé að kynna
tillögur um skuldaniðurfellingarnar.
Upphæðin sem áður var 240 millj­
arðar króna, og átti að vera fjármögn­
uð af kröfuhöfum föllnu bankanna,
er nú komin niður í 150 milljarða og
á að fjármagna 70 milljarða af henni
með skattleysi séreignarsparnaðar
sem nýtast á við uppgreiðslu húsnæð­
isskulda. 80 milljarðar eiga að koma
með því að hækka bankaskatt á fjár­
málafyrirtæki í slitameðferð.
Um hækkunina á bankaskattinum
sagði Bjarni Benediktsson fjármála­
ráðherra á blaðamannafundinum í
Hörpu á laugardaginn að undanþág­
ur frá skattgreiðslum sem fjármála­
fyrirtæki í slitameðferð hefðu haft
myndu vera afnumdar og að nota
ætti þessa peninga til að lækka skuld­
irnar. „Með því móti munu áhrifin af
þeim aðgerðum sem eru kynntar hér
til sögunnar á ríkissjóð verða engin,“
sagði Bjarni.
Lítt sýnilegur skattur
Athygli vekur að engin umfjöllun
er um bankaskattinn í glærukynn­
ingunni sem kynnt var í Hörpu á
laugardaginn. Ekki er minnst einu
orði á að bankaskatturinn eigi að fjár­
magna 80 milljarða af skuldaniður­
fellingunni. Hið sama á við um um­
fjöllun á vef forsætisráðuneytisins
um skuldatillögurnar þar sem birt eru
svör við spurningum um fjármögnun­
ina en þar stendur orðrétt: „Ríkissjóð­
ur mun afla sér aukinna tekna á næstu
4 árum til að standa straum af aukn­
um ríkisútgjöldum af þessum aðgerð­
um. Aðgerðirnar verða þannig hvorki
fjármagnaðar með auknum lántök­
um ríkissjóðs né með veitingu ríkis­
ábyrgða.“
Í svarinu kemur hvorki fram að
fjármögnunin eigi að eiga sér stað
með bankaskatti né að sækja eigi féð
til þrotabúa hinna föllnu banka.
Ekki á verksviði nefndarinnar
Í samtali við DV segir Jóhannes Þór
Skúlason, aðstoðarmaður Sigmundar
Davíðs, að hópurinn sem vann
útfærsl una á skuldaniðurfellingun­
um hafi ekki unnið með hugmynd­
irnar um „hvernig hlutirnir voru fjár­
magnaðir“ og að glærukynning sem
kynnt var um skuldaniðurfellingarnar
á laugardaginn hafi verið byggð á
vinnu þeirrar nefndar. „Það var svo
bara rætt í samráði við ríkisstjórn og
niðurstaða fengin í samráði við fjár­
málaráðherra.“
Hið sama má segja um svarið við
spurningunni um fjármögnunina á
niðurfærslunni sem taka ætti frá kröf­
uhöfum. „Það hefur komið beint fram
hjá fjármálaráðherra hvernig menn
ætla að afla sér tekna. Þannig að það
gæti ekki verið skýrara. […] Þessi svör
eru unnin út frá skýrslu nefndarinn­
ar fyrst og fremst. Það getur vel verið
að þessi svör verði uppfærð í vikunni,
það er verið að taka við fleiri spurn­
ingum sem fólk hefur,“ segir Jóhannes.
Vinnuhópurinn, sem var und­
ir stjórn Sigurðar Hannessonar, kom
því ekki að því að útleggja fjármögn­
unina á skuldaniðurfellingunum
með peningum þrotabúa bankanna.
Sú ákvörðun að nota bankaskattinn
til að greiða niður milljarðana átta­
tíu var því pólitísk en ekki á verksviði
nefndarinnar.
Nefnd Sigurðar kom því ekki með
beinum hætti að því að ákveða fjár­
mögnunina á 80 milljarða skulda­
niðurfærslunni. Maðurinn sem ríkis­
stjórnin flaggaði hvað mest út af
tillögunum kom ekki að því að vinna
og ákveða mikilvægasta þátt þeirra:
Fjármögnunina á 80 milljörðunum
sem eru í raun einu peningarnir í
leiðréttingunni sem ekki koma frá
skuldurunum sjálfum.
Vill ekki tilgreina dagsetningu
Jóhannes Þór bendir á upplýsingafull­
trúa ríkisstjórnar, Sigurð Má Jónsson,
eða fjármálaráðherra, þegar hann
er spurður að því hvenær samráðið
á milli nefndarinnar og ríkisstjórn­
arinnar um bankaskattinn sem fjár­
mögnunaraðferð hafi komið fram. „Ég
hef svo sem ekkert um það að segja
nákvæmlega hvenær. Þetta er unnið
svona í samhengi.“
Þegar Jóhannes Þór er spurður
hvort þetta hafi verið fyrir tveimur vik­
um, viku eða fjórum dögum og hvort
hann viti í reynd hvenær samráðið
átti sér stað segir hann: „Ég veit svarið
svona nokkurn veginn en ekki þannig
að ég geti gefið þér nákvæma tíma­
setningu. Er þetta eitthvert stórmál
þegar niðurstaðan liggur fyrir?“
Bjarni Benediktsson fjármálaráð­
herra sagði á Alþingi á miðvikudaginn
að ekki væri hægt að tala um tillög­
ur sérfræðingahópsins þar sem þær
lægju ekki fyrir á þeim tíma. „Og ég
bíð enn eftir því að sérfræðingahópur­
inn skili þá endanlega af sér þannig
að við getum tekið þá umræðu á ein­
hverjum vitrænum grundvelli.“ Miðað
við þetta svar Bjarna var honum ekki
fullkunnugt um niðurstöðu nefndar­
innar á þessum tíma.
Sigurður Már segist ekki geta full­
yrt hvenær sú ákvörðun hafi verið tek­
in að nota bankaskattinn til að greiða
80 milljarðana. Af einhverjum ástæð­
um er ekki minnst á þennan skatt í
gögnum um tillögurnar og þar af leið­
andi er ólíklegt að búið hafi verið að
ákveða þetta þegar þessi gögn voru
samin.
Tengslin á milli tillagna nefnd­
ar Sigurðar og þeirra ákvörðunar að
leggja á aukinn bankaskatt til að fjár­
magna þær virðast því vera á reiki.
Bankaskattur þrefaldaður
Í fjárlagafrumvarpi ríkisstjórnarinnar
sem kynnt var í október síðastliðinn
var greint frá álagningu sérstaks
bankaskatts á fjármálafyrirtæki í slita­
meðferð upp á 11,3 milljarða króna.
Þrefalda á bankaskattinn á ársgrund­
velli til að safna 80 milljörðunum úr
þrotabúum föllnu bankanna. Þegar
fjárlagafrumvarpið var kynnt í haust
var ekki talað um frekari bankaskatt til
að fjármagna skuldaniðurfærslurnar.
Alveg ljóst er því að þessi lending á
fjármögnunarleiðinni er ekki margra
mánaða gömul.
Leita hugsanlega réttar síns
Nær öruggt má telja að kröfuhafar
föllnu bankanna, Glitnis og Kaup­
þings, muni leita réttar síns og stefna
ríkinu ef hugsanlegar samningavið­
ræður við íslenska ríkið skila ekki
ásættanlegri niðurstöðu og ef rík­
ið innheimtir þennan bankaskatt
úr búunum gegn vilja þeirra. Þetta
herma heimildir DV um þrotabú
Glitnis. Kröfuhöfunum hefur hins
vegar gengið erfiðlega að ná eyrum
íslenskra stjórnvalda og eru viðræður
þeirra á milli ekki komnar á það stig
að hægt sé að segja að ríkið og kröf­
uhafarnir sitji að samningaborðinu.
DV hefur heimildir fyrir því að kröf­
uhafar Glitnis vilji að minnsta kosti
leita allra leiða til að leysa málið utan
dómstóla.
Málið er því hið snúnasta og veltur
niðurstaða í reynd á samningavið­
ræðunum á milli íslenska ríkisins
og kröfuhafanna. Ef kröfuhafarnir
fara hins vegar í mál gæti það leitt til
þess að íslenska ríkið verði dæmt til
að greiða búunum til baka þá tugi
milljóna króna sem teknir voru upp í
skuldir. Á meðan, þar til annað kem­
ur í ljós, má segja að ríkisstjórnin hafi
fengið byr í seglin í bili og þar til annað
kemur í ljós – þetta annað skilið sem
veðmál um að stjórnin muni komast
upp með að leggja bankaskattinn á
þrotabúin. n

FAGLEG RÁÐGJÖF OG
FRÍ LEGU GREINING
Komdu í heimsókn, prófaðu legugreininguna, og fáðu
faglega ráðgjöf um val á heilsu dýnum, án skuldbindinga!
20-
50%
AFS
LÁT
TU
R AF
ÖLL
UM
HE
ILS
UR
ÚM
UM
RúmGott · Smiðjuvegi 2 (við hliðina á Bónus) · Kópavogi · Sími 544 2121
Opið virka daga frá kl. 10-18 og laugardaga kl. 11-16 · www.rumgott.is
SÉRHÆFUM OKKUR Í SMÍÐI Á HEILSURÚMUM
20-50% afsláttur
af öllum heilsurúmum
Að vakna endurnærð/ur
eftir góðan svefn er ein
besta stund dagsins
Jólatilboð
Sérfræðingar í heilsurúmum
12 mánaða vaxtalaus VISA / EURO greiðsludrei ng*
* Einungis er greitt 3,5 % lántökugjald.
CLASSIC - rafstillanlegt
Einbreið heilsurúm á verði frá 190.049,-
Tvíbreið heilsurúm á verði frá 346.995,-
DRAUMEY
Einbreið heilsurúm á verði frá 70.224,-
Tvíbreið heilsurúm á verði frá 129.360,-
ROYAL - rafstillanlegt
Einbreið heilsurúm á verði frá 302.391,-
Tvíbreið heilsurúm á verði frá 566.991,-
Ítölsk hönnun - hágæða sófasett
Kyn
ning
arv
erð
FAGLEG RÁÐGJÖF OG
FRÍ LEGU GREINING
Komdu í heimsókn, prófaðu legugreininguna, og fáðu
faglega ráðgjöf um val á heilsu dýnum, án skuldbindinga!
20-
50%
AFS
LÁT
TU
R AF
ÖLL
UM
HE
ILS
UR
ÚM
UM
RúmGott · Smiðjuvegi 2 (við hliðina á Bónus) · Kópavogi · Sími 544 2121
Opið virka daga frá kl. 10-18 og laugardaga kl. 11-16 · www.rumgott.is
SÉRHÆFUM OKKUR Í SMÍÐI Á HEILSURÚMUM
20-50% afsláttur
af öllum heilsurúmum
Að vakna endurnærð/ur
eftir góðan svefn er ein
besta stund dagsins
Jólatilboð
Sérfræðingar í heilsurúmum
12 mánaða vaxtalaus VISA / EURO greiðsludrei ng*
* Einungis er greitt 3,5 % lántökugjald.
CLASSIC - rafstillanlegt
Einbreið heilsurúm á verði frá 190.049,-
Tvíbreið heilsurúm á verði frá 346.995,-
DRAUMEY
Einbreið heilsurúm á verði frá 70.224,-
Tvíbreið heilsurúm á verði frá 129.360,-
ROYAL - rafstillanlegt
Einbreið heilsurúm á verði frá 302.391,-
Tvíbreið heilsurúm á verði frá 566.991,-
Ítölsk hönnun - hágæða sófasett
Kyn
ning
arv
erð
n Ekkert talað um bankaskatt og kröfuhafa í gögnum nefndar Sigurðar Hannessonar„Ég hef svo sem
ekkert um það
að segja nákvæmlega
hvenær.
Ingi Freyr Vilhjálmsson
ingi@dv.is
Fjármögnunin óljós Fjármögnun-
in á 80 milljarða skuldaniðurfærslu
ríkisstjórnarinnar er óljós og er
bankaskattur ekki nefndur í gögnun-
um um málið. Mynd SIgtryggur ArI