Dagblaðið Vísir - DV - 03.12.2013, Blaðsíða 4

Vikublað 3.–5. desember 20134 Fréttir
Bílstólar dýrir
hérlendis
Í tólf tilvikum af sextán voru
barnabílstólar dýrastir hér á
landi í samanburði við Dan­
mörk, Svíþjóð og Þýskaland.
Þetta kemur fram í niður­
stöðum könnunar sem Neyt­
endasamtökin gerðu á verði
barnabílstóla. Á vef Neytenda­
samtakanna kemur fram að
tollar skýri ekki þennan verð­
mun þar sem ekki sé lagður
tollur á barnabílstóla né held­
ur vörugjöld. Mestur verð­
munur var á bílstól af gerðinni
Cybex Sirona. Þegar könnunin
var gerð, í lok októbermánað­
ar, kostaði stóllinn 132.990 hér
á landi. Til samanburðar kost­
aði hann 76.589 í Danmörku og
73.639. Er verðmunurinn því
allt að 45 prósentum.
Læknanemar
góðir sendi-
herrar
Gunnar Bragi Sveinsson utan­
ríkisráðherra fundaði á mánu­
dag með með Zsolt Németh,
aðstoðarutanríkisráðherra
Ungverjalands. Á fundinum var
ákveðið að setja á fót vinnu­
hóp milli þjóðanna til að auka
á frekara samstarf tengdu jarð­
varma. Stefna yfirvöld þar í
landi á að minnka orkuþörf
sína og auka hlut umhverfis­
vænna orkugjafa á næstu árum.
Németh sagði íslenska
læknanema vera bestu sendi­
herra Ungverjalands á Ís­
landi til kynningar á landinu
og menningu þess. Um 160
manns af ungverskum uppruna
búa á Íslandi en rúmlega 100
Íslendingar í Ungverjalandi,
flestir af þeim í læknisfræði­
námi í Debrecen.
Hafði glímt við
geðræna kvilla
n Lést eftir skotbardaga í Árbæ n „Skelfilegur atburður“
K
arlmaður á sextugsaldri lést
eftir skotbardaga við lög­
reglu og sérsveit ríkislög­
reglustjóra á mánudags­
morgun. Þetta er í fyrsta sinn
sem einhver deyr í aðgerðum lög­
reglunnar á Íslandi. Gríðarlegur við­
búnaður var í Árbæ á mánudag þar
sem allt tiltækt lið lögreglu og sér­
sveitar ríkislögreglustóra kom að að­
gerðum. Klukkan hálf átta á mánu­
dagsmorgun tilkynnti lögregla að
hætta væri liðin hjá. Aðstandandi
mannsins segir í samtali við DV að
hann hafi glímt við erfið andleg veik­
indi og að aðstandendur séu ánægð­
ir með að manninum hafi ekki tekist
að slasa neinn alvarlega.
Rýmdu blokkina
Það var klukkan þrjú aðfaranótt
mánudags sem nágrannar tilkynntu
um hvelli og hávaða frá íbúð í Hraun­
bæ 20 í Árbæ. Þegar lögreglu bar að
garði var reynt að hafa samband við
manninn, en hún fékk þó engin svör.
Sérsveitarmenn voru einnig kallaðir
til og fóru þá inn í íbúðina. Þá skaut
maðurinn á sérsveitarmennina og
hæfði einn þeirra í hlífðarskjöld. Sér­
sveitarmaðurinn féll þá við og datt
niður stiga að sögn lögreglu.
Við þetta færðu lögreglumenn sig
frá íbúðinni, en hófu að rýma blokk­
ina og koma íbúum í öruggt skjól.
Íbúarnir dvöldu í Árbæjarkirkju fram
eftir morgni. Þá reyndi lögregla að
hafa aftur samband við manninn, án
árangurs.
Skaut á lögreglumenn
Þegar þær aðgerðir mistókust var
ákveðið að reyna að yfirbuga mann­
inn með beitingu gasvopna. Það var
klukkan sex á mánudagsmorgun, en
maðurinn hóf þá að skjóta á lögreglu
út um glugga íbúðarinnar. Sam­
kvæmt verklagsreglum þarf að sækja
menn sem ekki koma út úr gasmett­
uðu rými og fóru því sérsveitarmenn
aftur inn í íbúðina. Maðurinn skaut
aftur á lögregluna og í þetta sinn
hæfði hann einn sérsveitarmann í
höfuðið. Hann er með sár í andliti og
á hönd. Meiðsli lögreglumannanna
eru ekki alvarleg og forðaði hlífðar­
búnaður þeim frá alvarlegum skaða.
„Þeirra búnaður og þjálfun kom í veg
fyrir að ekki fór verr,“ sagði Stefán Ei­
ríksson lögreglustjóri um málið á
blaðamannafundi á mánudag.
Beittu skotvopnum
Það var þá sem ákvörðun var tek­
in um að beita skotvopnum gegn
manninum, yfirbuga hann og særa.
Þegar maðurinn lá eftir var honum
strax veitt fyrsta hjálp og sjúkraflutn­
ingamenn kallaðir til. Hann var svo
fluttur á slysadeild og var úrskurð­
aður látinn á mánudagsmorgun. Á
blaðamannafundi á mánudag kom
fram að ríkislögreglustjóri, Haraldur
Johannessen, og lögreglustjórinn á
höfuðborgarsvæðinu, Stefán Eiríks­
son, hafi verið sammála um að mikil
hætta hefði skapast í Hraunbæ þessa
nótt. „Það er ekkert sem bendir til
annars en að sérsveitarmennirn­
ir hafi staðið að málum eins og vera
ber,“ sagði Haraldur.
Hafði lengi glímt við veikindi
Aðstandandi mannsins sem DV
ræddi við segir að hann hafi glímt
við erfið veikindi. Byssumaðurinn
var ókvæntur og barnlaus, fæddur
á Akureyri árið 1954. „Hann hafði
átt við geðræn vandamál að stríða
lengi,“ segir viðmælandi DV og tekur
fram að ættingjar séu mjög fegnir að
honum hafi ekki tekist að slasa neinn
lögreglumann alvarlega. Að sögn að­
standandans hafði maðurinn ekki
fengið þá þjónustu sem hann hafi
þurft á að halda vegna veikinda
sinna og ekki hafi verið komið nægj­
anlega til móts við hans þarfir. „Þetta
er skelfilegur atburður,“ segir að­
standandinn. „Samúð okkar er hjá
þessum lögregluþjónum og við biðj­
um fyrir þeim.“
Hefur áður verið ákærður
Árið 1986 var maðurinn ákærður í
Noregi fyrir tilraun til manndráps,
meðferð eiturlyfja, innbrot og þjófn­
að í Ósló. Maðurinn sat í gæsluvarð­
haldi í nokkurn tíma vegna málsins.
Hann hafði þá verið handtekinn í
október 1985 við innbrot. Þegar lög­
reglumenn höfðu afskipti af honum,
dró hann upp skammbyssu og beindi
henni að lögregluþjóni. Skamm­
byssan var tekin af honum og hann
var settur í gæsluvarðhald. Búist var
við því að maðurinn yrði dæmdur til
þungrar refsingar, en eftir að dómur
féll kom maðurinn hingað til lands.
Aðstandandi mannsins staðfestir
þetta og segir að hann hafi í kjölfar­
ið verið sendur til Íslands en enginn
hafi tekið á móti honum við komuna
til landsins. Hann hafi verið frjáls
maður þrátt fyrir alvarleika brotsins
í Noregi á sínum tíma. Að öðru leyti
vildi hann ekki tjá sig frekar um mál­
ið enda stendur rannsókn þess yfir.
Notuðu skotvopn
Lögregla hleypti af skotvopnum í að­
gerðinni, en það mun vera í fyrsta
sinn sem slíkt er gert. Þá er þetta í
fyrsta sinn sem einstaklingur deyr í
slíkri aðgerð.
Lögregla notaði 9 millimetra skot­
vopn, hríðskotabyssur og skamm­
byssur í aðgerðunum á mánudags­
morgun. Á blaðamannafundi í
hádeginu á mánudag kom fram að
sérsveitarmenn hefðu mannað svo­
kallaða sjónpósta í nágrenni íbúðar­
innar. Þeir voru vonaðir rifflum með
sterkum sjónaukum.
Ekki er gefið upp að svo stöddu
hversu mörgum skotum var hleypt
af í aðgerðinni en það er meðal þess
sem farið verður yfir í rannsókn ríkis­
saksóknara og vettvangsrannsókn.
Samkvæmt reglum lögreglunn­
ar hafa þau vopn sem notuð voru í
aðgerðunum á mánudag verið tek­
in til hliðar og sérsveitarmenn hafa
fengið ný vopn. Þeir lögreglumenn
sem þess óska munu fá áfallahjálp
og sálfræðiaðstoð vegna atburða
mánudagsins. „Lögreglan harmar
þennan atburð og vill koma inni­
legum samúðarkveðjum til ættingja
mannsins,“ sagði Haraldur og bætti
við: „Hugur okkar er hjá ættingjum
mannsins.“ n
Skothvellir um nótt
Aðgerðir lögreglu hófust
klukkan þrjú um nóttina.
MyNdiR SigtRygguR ARi
„Samúð okkar
er hjá þessum
lögregluþjónum og
við biðjum fyrir þeim
Sprungnar rúður Hér má sjá ummerki eftir skot og gassprengju lögreglunnar.
„Hvað er
að gerast?“
Nágrannar fylgdust með
„Það var blóðpollur þarna fyrir utan,“
sagði íbúi í Hraunbænum í samtali við
DV.is á mánudag. Nágrannar mannsins í
sömu blokk voru fluttir í Árbæjarkirkju, en
í nærliggjandi blokkum fylgdust margir
hverjir með aðgerðum lögreglunnar.
DV ræddi við nokkra nágranna manns-
ins sem sögðust hafa orðið varir við skotin
en ekki vitað neitt um hvað væri í gangi.
Einn nágranni segist hafa beðið uppi í rúmi
eftir að heyra sjö fréttir í útvarpi og þannig
fengið upplýsingar um hvað var að gerast
fyrir utan gluggann hjá sér. „Þetta var
greinilegt. Ég hugsaði bara með mér, hvað
er að gerast?“ segir einn íbúi.
Ung móðir með 7 vikna gamalt
barn sagði í samtali við DV að hún hafi
verið mjög hrædd á tímabili. „Barnið
var vakandi og á meðan heyrðum við
skothvellina, hvern á fætur öðrum. Ekki
færri en 50 skot.“
Ásta Sigrún Magnúsdóttir
astasigrun@dv.is