Dagblaðið Vísir - DV - 03.12.2013, Blaðsíða 11

Vikublað 3.–5. desember 2013 Fréttir 11
6 Magnús Örn Scheving 49 ára
Eignir: 536 milljónir kr.
n Íþróttakappann og athafna­
manninn Magnús Örn Schev­
ing þekkja flestir sem sjálfan
Íþróttaálfinn í Latabæ.
Magnús er hugmyndasmiður
Latabæjar auk þess að vera
framkvæmdastjóri og einn
stofnenda LazyTown Enter­
tainment en Latabæjar ævintýrið
sló í gegn á heimsvísu og hefur átt
mikilli velgengni að fagna víða um heim. Má því ætla að
rekja megi auð Magnúsar að mestu leyti til þess. Maki
Magnúsar er Ragnheiður Pétursdóttir Melsteð og eru
eignir þeirra rúmar 536 milljónir króna.
7 Hildur Guðmundsdóttir 70 ára
Eignir: 444 milljónir kr.
n Hildur er ekkja Ólafs Baldurs Ólafssonar sem lést árið
1999. Ólafur var framkvæmdastjóri hjá útgerðarfyrir­
tækinu Miðnesi hf. í Sandgerði um árabil, allt þar til
fyrirtækið var sameinað Haraldi Böðvarssyni hf. Hann
sat jafnframt í stjórnum fjölda annarra fyrirtækja og
félaga. Faðir Ólafs var Ólafur Jónsson útgerðarmaður.
8 Jón Halldórsson 67 ára
Eignir: 437 milljónir kr.
n Hjónin Jón Halldórsson og Ingigerður Jónsdóttir eru
meðal efnaðasta fólks Seltjarnarnesbæjar en eignir
þeirra nema rúmum 436 milljónum króna. Jón er hæsta­
réttarlögmaður og rekur lögmannsstofuna Lögmenn
Jóns Halldórssonar en Ingigerður er hjúkrunarfræðingur.
Jón hefur verið meðal stærstu hluthafa lyfjafyrir­
tækisins Omega Pharma sem lengi vel var þekkt fyrir
framleiðslu á vítamínum og heilsuvörum en framleiðsla
samheitalyfja hefur verið umfangsmesti hluti starfsemi
fyrirtækisins undanfarin ár.
9 Guðrún Sveinsdóttir 69 ára
og Jón B. Stefánsson 71 árs
Eignir: 379 milljónir kr.
n Guðrún er af
Engeyjarætt, dóttir
Sveins Benediktssonar
útgerðarmanns. Jón
eiginmaður hennar er
byggingarverkfræðingur.
10 Kristín Jóhannesdóttir 50 ára
Eignir: 377 milljónir kr.
n Kristín er dóttir Jóhannesar
Jónssonar heitins, gjarna
kenndur við Bónus. Ætla má
að auð hennar megi að nær
öllu leyti rekja til ættar­
veldisins. Hún sat meðal
annars í stjórn Baugs og átti
í fjárfestingarfélaginu Gaumi,
höfði Baugsveldisins, sem fór í
þrot nýverið.
11 Steingrímur Bjarni Erlingsson 43 ára
Eignir: 372 milljónir kr.
n Steingrímur Bjarni er aðaleig­
andi Fáfnis Offshore. Hann rak
áður umfangsmikla útgerð í
Kanada. Samkvæmt heimild­
um DV seldi Steingrímur hlut
sinn í útgerðarfyrirtækinu
Bjarnari árið 2011. Mun hann
hafa innleyst nokkur hundruð
milljóna króna hagnað í þeim
viðskiptum. Maki Steingríms Bjarna
er Kristín Jónína Gísladóttir.
12 Ágúst Einarsson 61 árs
Eignir: 365 milljónir kr.
n Ágúst er útgerðarmaður og
menntaður hagfræðingur. Hann
var þingmaður Þjóðvaka á tíunda
áratugnum og var meðal annars
framkvæmdastjóri Hraðfrystistöðv­
arinnar í Reykjavík hf. Ágúst hefur setið í stjórn ýmissa
útgerðarfyrirtækja svo sem Jökla hf. og Faxamarkaðar­
ins. Maki Ágústs er Kolbrún Ingólfsdóttir.
13 Jón Gunnar Jónsson 25 ára
Eignir: 352 milljónir kr.
n Jón Gunnar er sennilega með
yngstu auðmönnum Íslands
en hann starfar hjá GAMMA
og er nemi í fjármálaverk­
fræði. Ólíklegt telst þó að
rekja megi auð hans til eigin
verka og starfa. Jón Gunnar
er sonur Jóns Halldórssonar
sem er hér ofar á lista.
14 Erlendur Magnússon 57 ára
Eignir: 327 milljónir kr.
n Erlendur er bankamaður sem
hefur starfað við ýmis fyrirtæki
í fjármálageiranum. Hann
hefur meðal annars starfað
sem framkvæmdastjóri
fyrirtækjasviðs Fjárfestingar­
bankans og stofnaði hann
Total Capital Partners, fjármála­
fyrirtæki í Bretlandi. Hann var og
framkvæmdastjóri hjá Glitni. Bárust fréttir af því nú í
september að sérstakur saksóknari hafi gefið út ákæru
á hendur honum fyrir innherjasvik meðan hann starfaði
hjá Glitni. Hann er sagður hafa nýtt sér innherjaupplýs­
ingar þegar hann seldi hlut Fjársjóðs ehf. í Glitni fyrir tíu
milljónir króna í mars 2008.
15 Oliver Robert Bremond 51 árs
og Þórunn Edda Anspach 49 ára
Eignir: 313 milljónir kr.
n Hjónin Oliver Robert og Þór­
unn Edda ráku og áttu verslun­
ina Kisuna fram til ársins 2011.
Auð þeirra má fyrst og fremst
rekja til franska sjónvarps­
framleiðslufyrirtækisins
Marathon sem Oliver stofnaði
og átti stærstan hlut í þar til
hann seldi það rétt eftir aldamót.
Árið 2011 bjuggu þau á Seltjarnarnesi en samkvæmt
þjóðskrá búa þau nú í Bandaríkjunum.
16 Einar Sigurðsson 58 ára
og Kristín Ingólfsdóttir 59 ára
Eignir: 326 milljónir kr.
n Einar er forstjóri
Mjólkursam­
sölunnar ehf. og
Auðhumlu svf.
Hann er með
meistaragráðu í
stjórnmálafræði og
starfaði lengi í fjölmiðl­
um, meðal annars sem fréttamaður hjá Ríkisútvarpinu,
og leiddi uppbyggingu útvarpsstöðvarinnar Bylgjunnar
á sínum tíma. Eiginkona Einars er Kristín Ingólfsdóttir
rektor Háskóla Íslands. Hún er með doktorspróf í lyfja­
fræði. Þau eru flutt af Seltjarnarnesi.
17 Sverrir Egill Bergmann 54 ára
og Margrét Pálsdóttir 54 ára
Eignir: 313 milljónir kr.
n Sverrir Egill stofnaði heildversl­
unina Bergdal ehf. og var fram­
kvæmdastjóri hennar um árabil
þar til Nathan & Olsen keypti
alla hluti í fyrirtækinu 2007. Í
dag er hann framkvæmdastjóri
Landstjarnar ehf. og er kona hans
Margrét skráð sem eigandi þess.
Kaup ríkislögreglustjóra á vörum af Landstjörn komust
í fréttir árið 2011 en ekki var leitað tilboða frá öðrum
fyrirtækjum fyrir kaupin. Sonur þeirra hjóna starfaði sem
lögreglumaður er viðskiptin áttu sér stað.
18 Ólafur Garðarsson 54 ára
Eignir: 295 milljónir kr.
n Ólafur er hæstaréttarlög­
maður sem hefur starfað um
árabil sjálfstætt en starfar
nú á Lögmannsstofu Reykja­
víkur. Auk þess hefur hann
verið umboðsmaður ýmissa
knattspyrnumanna. Hann
var starfsmaður slitastjórnar
Kaupþings og bárust fregnir af
því að árið 2010 hafi hann tekið sér 53
milljónir í árslaun. Maki Ólafs er Laufey Johannessen.
19 Júlíus Bjarnason 57 ára
Eignir: 292 milljónir kr.
n Júlíus er einn eigandi sem og
framkvæmdastjóri Stillingar sem
faðir hans Bjarni Ingimar Júlíusson
stofnaði árið 1960. Stilling er eitt
elsta varahlutafyrirtæki á Íslandi
í dag og hefur ávallt verið í eigu sömu
fjölskyldunnar. Maki Júlíusar er Ásta Pétursdóttir.
20 Erna Gísladóttir 45 ára
og Jón Þór Gunnarsson 46 ára
Eignir: 281 milljón kr.
n Erna er framkvæmdastjóri
bílaumboðsins B&L. Erna og Jón
Þór keyptu fyrirtækið í fyrra.
Fjölskylda Ernu stofnaði fyrir­
tækið á sínum tíma og rak það
um áratugaskeið með góðum
árangri. Fyrirtækið var svo selt
en Erna keypti það aftur.
Auðmenn Seltjarnarness