Dagblaðið Vísir - DV - 03.12.2013, Blaðsíða 20
Vikublað 3.–5. desember 2013
Útgáfufélag: DV ehf. • Stjórnarformaður: Þorsteinn Guðnason • Ritstjóri: Reynir Traustason • Aðstoðarritstjóri: Ingibjörg Dögg Kjartansdóttir
Ritstjórnarfulltrúi: Ingi Freyr Vilhjálmsson • Umsjónarmaður helgarblaðs og innblaðs: Kristjana Guðbrandsdóttir • Framkvæmdastjóri og vefstjóri
DV.is: Jón Trausti Reynisson • Sölu- og markaðsstjóri: Heiða B. Heiðarsdóttir • Umbrot: DV ehf. • Prentun: Landsprent • Dreifing: Árvakur
Heimilisfang
Tryggvagötu 11
Hafnarhvoli, 2. hæð
101 Reykjavík
FRéttASkot
512 70 70FR jál S t, ó Háð DAg b l Að DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AðAlnÚmeR
RitStjóRn
áSkRiFtARSími
AUglýSingAR
Sandkorn
20 Umræða
Erum að fara á leynifund í
LÍÚ, segi þér síðar
Ég þarf að sætta mig við það að þurfa
að gjalda þess að vera dóttir föður míns
Þú ert óþverri
Nýtt vikublað DV
Gunnar Bragi Sveinsson í sms-skeyti til Vigdísar Hauksdóttur. – DV.is Edda Sif Pálsdóttir um uppsögn sína á RÚV. – Facebook Páll Magnússon við Helga Seljan. – Vísir
V
ikublað DV sem kemur fyrir
augu lesenda í dag er sam-
einað blað þeirra tveggja sem
áður komu út á mánudög-
um og miðvikudögum. Í stað tveggja
24 síðna blaða fær lesandinn eitt
stórt blað. Á sama tíma er stórauk-
in þjónusta á DV.is og meðal annars
settur upp sérstakur vefur sem þjón-
ar Suðurnesjum. Árangur af rekstri
hans ræður því hve hratt verður farið
í að koma upp sérhæfðri fréttaþjón-
ustu í öðrum landshlutum. Sú að-
gerð að sameina tvö blöð nú er í hag-
ræðingarskyni. Aðgerðin felur ekki í
sér samdrátt á ritstjórn. Framleiðsla
verður aukin og munu þess sjást
merki í blaðinu og á vefnum.
Útgefendur DV gripu til þess ráðs
fyrir fjórum árum að fækka tölu-
blöðum úr fimm á viku í þrjú. Sam-
hliða var lögð áhersla á að halda úti
öflugri fréttaþjónustu á DV.is. Tap-
rekstur hefur plagað félagið. Með
auknu hlutafé og gríðarlegu átaki í
hagræðingu í rekstri hefur tekist að
snúa við rekstrinum. Vonir standa til
að jafnvægi sé þar að nást.
Útgáfa DV, Dagblaðsins og Vísis,
er sú elsta á landinu. Árið 1910 stofn-
aði Einar Gunnarsson dagblaðið Vísi
í Reykjavík. Á 113 árum hefur útgáf-
an haldið velli í mismunandi formi.
Árið 1981 sameinuðust Vísir og Dag-
blaðið undir merkinu DV. Þá hófst
mikill blómatími í rekstrinum. Yfir
60 prósent þjóðarinnar lásu hið nýja
DV þegar best lét. Um aldamótin tók
að halla undan fæti. Síðustu árin
hefur fjölmiðillinn þurft að heyja
harða baráttu fyrir lífi sínu.
Í dag geta velunnarar DV fagnað
því að lesendur miðilsins hafa aldrei
verið fleiri. Um 340 þúsund notend-
ur heimsóttu vefinn í þar síðustu
viku þegar enn eitt metið var slegið.
Aðeins mbl.is er stærri ef litið er til
lesturs frétta. Á aðeins fjórum árum
hefur tekist að snúa gæfuhjóli DV í
þessa veru.
Það er engin leið að átta sig á því
hve mörg ár þessi þróun sem felur í
sér undanhald hefðbundinna dag-
blaða á pappír mun taka. Það er þó
alveg ljóst að teningunum er kastað.
Dagblöðin verða aldrei eins og áður.
Þeirra hlutverk hefur breyst í það
að bjóða upp á efni sem liggur nær
því sem tímarit hafa fjallað um.
Morgunblaðið á pappír verður aldrei
aftur inni á nánast hverju heimili.
DV á pappír mun ekki ná til 60 pró-
senta þjóðarinnar. Þess í stað náum
við til enn fleiri í gegnum vefinn.
Þeir fjölmiðlar sem skynja takt
tímans munu fóta sig á nýjum tím-
um. Þeir þurfa að umbreytast og að-
lagast þeim veruleika að fréttaþjón-
usta á pappír fellur ekki að hraða
nútímans. Snjallsímarnir og spjald-
tölvurnar sjá um að skúbba fréttum
sem áður voru sagðar sem nýmæli
daginn eftir. Prentuð orð á pappír
lifa áfram en undir allt öðrum for-
merkjum. Fréttamiðlar á borð við
DV þurfa að finna hið gullna jafn-
vægi milli vefútgáfunnar og þess
sem gefið er út á pappír. Hefð-
bundnar sjónvarpsstöðvar glíma við
sama vanda. Netið er að ýta til hlið-
ar tímasettu sjónvarpsefni. Fólk sest
ekki lengur fyrir framan sjónvarpið
til þess að horfa á fréttir klukkan 19.
Fréttirnar streyma jafnóðum í sím-
ana og tölvurnar. Og þeir sem vilja
horfa á sjónvarpsþætti og bíómynd-
ir geta gert það án milligöngu sjón-
varpsstöðva.
Komandi ár verða umbrotatímar
fyrir alla fjölmiðla. Þróunin er hröð
og óljóst er hvar jafnvægið er að
finna. Kyrrstaða er ekki í boði. n
Páll valtur
Staða Páls Magnússonar útvarps-
stjóra er afar veik eftir að hann
náðist á myndband, trylltur af
reiði, þar sem hann kallaði Helga
Seljan óþverra. Helgi tók árás
yfir manns sín af rósemi en nefndi
að hann væri barnalegur. Páll
baðst síðan afsökunar í hálfkær-
ingi og mætti í Kastljós þar sem
annar undirmaður hans, Sigmar
Guðmundsson, spurði spurn-
inga.
Leynifundur og náttúra
Upplýsingaleki Vodafone kem-
ur hvað verst við Gunnar Braga
Sveinsson, núver-
andi utanríkisráð-
herra, sem sýn-
ir ákveðna takta
í skilaboðum
sínum til þing-
flokks síns. Meðal
annars vill hann
„alls ekki að náttúruverndin
komist að“. Þá upplýsti hann í
öðrum skilaboðum að hann væri
á leið á leynifund til LÍÚ. Nú segir
ráðherrann það hafa verið grín.
Framhjáhald sms
Alvarlegri hlið á leka Vodafone
snýr að einkamálum fólks sem
sumt hvert hefur eitthvað að fela
gagnvart maka eða fjölskyldu.
Fjölmiðlar hafa lítt snert á þeim
málum en að baki hinum upp-
ljóstruðu sms-skilaboðum hafa
þegar orðið fjölskylduharm leikir
þar sem fólk hefur komist að
ótryggð maka sinna í gegnum leit
í skilaboðum.
Aðsvif Bubba
Tónlistarmaðurinn Bubbi
Morthens var í stórviðtali við
Fréttablaðið um
síðustu helgi.
Tilefnið var það
helst að hann
hafði fengið aðsvif
heima hjá sér við
Meðalfellsvatn og
var fluttur með
sjúkrabíl til Reykjavíkur. Allt fór
þó vel að lokum. Greining lækna
leiddi í ljós að í lagi væri með
kónginn sem er með jólaplötu á
markaðnum.
Bæjarstjóradraumur
Lítið hefur farið fyrir Svavari Hall-
dórssyni, fyrrverandi fréttamanni
Ríkisútvarpsins, síðan hann hætti
til að styðja konu sína, Þóru Arn-
órsdóttur, í for-
setaslagnum.
Svavar dundaði
sér við að skrifa
hamborgarabók
á skrifstofu sinni í
Hafnarfirði. Þóra
sneri aftur í Kast-
ljósið eftir að hafa lotið í gras fyrir
Ólafi Ragnari Grímssyni í kosn-
ingunum. Vefurinn eirikurjons-
son.is segir frá því að Svavar
stefni nú í bæjarstjórn Hafnar-
fjarðar undir merki Sjálfstæðis-
flokksins. Sjálfsagt vill hann verða
bæjarstjóri.
Reynir Traustason
rt@dv.is
Leiðari „Kyrr-
staða er
ekki í boði
Mynd SiGTRyGGuR ARi
Ríkisútvarpið á betra skilið
A
lmenningur hefur brugðist
hart við fréttum af fjöldaupp-
sögnum á Ríkisútvarpinu og
ljóst að fólki er ekki sama um
þessa stofnun sem hefur gríðarmikil-
vægu hlutverki að gegna fyrir samfé-
lagið allt. Almannaútvarp er grund-
vallarstoð í lýðræðislegu samfélagi,
til að tryggja upplýsta umræðu, til að
tryggja að öll sjónarmið heyrist, til
að sinna menningu og mannlífi um
landið allt og tryggja fréttaflutning á
öllum tímum.
Síðastliðið vor samþykkti Alþingi
Íslendinga ný lög um Ríkisútvarpið.
Þau voru afrakstur mikillar vinnu
þar sem leitast var við að skilgreina
almannaþjónustuhlutverk útvarps-
ins. Ætlunin var enn fremur að breyta
stjórnarfyrirkomulagi stofnunarinn-
ar þannig að valnefnd, tilnefnd af Al-
þingi, samtökum listamanna og há-
skólasamfélaginu, gerði tillögu til
ráðherra að stjórn sem fengi skýrara
en víðtækara hlutverk en áður. Síðast
en ekki síst voru lagðar til takmark-
anir á þátttöku Ríkisútvarpsins á aug-
lýsingamarkaði en í staðinn rynni út-
varpsgjaldið, sem allir greiða, óskert
til útvarpsins.
„Ekki maklegt“ hjá útvarpsstjóra
Sú hugsun var ekki ný af nálinni.
Þegar útvarpsgjaldið var tekið upp
með lögum frá 2007 var það mark-
aður tekjustofn og átti að renna
óskert til Ríkisútvarpsins. Því var
svo kippt úr sambandi í hruninu
haustið 2008. Það var metnaðarmál
mitt þegar ég lagði fram frumvarp
um Ríkisútvarpið að þessari mörkun
yrði að nýju komið á þannig að tekj-
ur útvarpsins yrðu fyrirsjáanlegar og
fyrirkomulagið væri gagnsætt.
Því miður hefur nýr stjórnar-
meirihluti hlutað þessi nýju lög í
sundur. Meðal fyrstu verka nýrrar
ríkisstjórnar var að hlaupa til baka í
gamalt fyrirkomulag í stjórnarskipun
þar sem flokkarnir á Alþingi tilnefna
í stjórn. Í fjárlagafrumvarpi fyrir árið
2014 er gert ráð fyrir að ákvæðinu
um mörkun útvarpsgjaldsins verði
frestað til 2016 en það verði um leið
lækkað þannig að tekjur RÚV aukist
ekki að sama skapi. Og síðasta útspil
ríkisstjórnarinnar er að boða tillögur
um að teknar verði til baka að hluta
þær takmarkanir sem settar voru á
öflun auglýsingatekna.
Útvarpsstjóri talar í þessu sam-
hengi um verk síðustu þriggja ríkis-
stjórna. Það er ekki maklegt þegar
haft er í huga að stjórn Vinstri
grænna og Samfylkingar jók eigið fé
Ríkisútvarpsins um meira en hálf-
an milljarð til að styrkja stöðu þess
og vann að þeim nýju lögum sem
gerðu ráð fyrir mörkuðum tekju-
stofni Ríkis útvarpsins og naut þar
stuðnings hluta stjórnarandstöð-
unnar, meðal annars þingmanna úr
Framsóknarflokki. Áform síðustu
ríkisstjórnar gerðu ráð fyrir að nettó-
tekjur RÚV árið 2014 myndu aukast
um 524 milljónir króna á verðlagi
nóv. 2013 en þess í stað munu þær
lækka um 314 milljónir. Það þýð-
ir að niðurstaðan fyrir RÚV er 838
milljónum verri en áform fyrri ríkis-
stjórnar gerðu ráð fyrir.
„Afleiðingarnar blasa við“
Það er hins vegar val þeirrar ríkis-
stjórnar sem nú situr að draga al-
mennt úr tekjuöflun ríkisins en keyra
í staðinn harða niðurskurðarpólitík.
Afleiðingarnar blasa nú við –
fjöldauppsagnir á starfsmönnum
Ríkisútvarpsins þar sem til að mynda
er sagt upp helmingi fastráðinna
starfsmanna Rásar 1 sem er þó að
flestra dómi hryggsúlan í almanna-
þjónustu Ríkisútvarpsins. Erfitt er að
sjá Ríkisútvarpið sinna lögbundnu
hlutverki sínu – hvort sem það er á
Rás 1, Rás 2, sem hefur gert íslenskri
tónlist gríðarlegt gagn, eða Sjónvarp-
inu þar sem hefur mátt sjá aukningu
í íslensku efni á sviði umræðu, fróð-
leiks og menningar. Það er dapurlegt
að sjá þetta nokkrum dögum eftir að
dagskrárgerðarkonan Jórunn Sig-
urðardóttir hlaut verðlaun Jónasar
Hallgrímssonar og Kastljósið hlaut
verðlaun Barnaheilla fyrir umræðu
sína um ofbeldi gegn börnum.
Það er þó hægt að breyta þessari
stefnu ef raunverulegur vilji er til að
efla almannaútvarpið. Það er hægt
að ákveða að útvarpsgjaldið renni
óskert til stofnunarinnar. Það er
hægt að endurskoða þessar ráðstaf-
anir og tryggja að allar ráðstafanir
í fjárhagsáætlun rími sem best við
lögbundið hlutverk stofnunarinnar.
Eins og annað snýst þetta um for-
gangsröðun. n
„Það er hægt
að ákveða
að útvarpsgjaldið
renni óskert til
stofnunarinnar
Katrín Jakobsdóttir
þingmaður
Kjallari