Dagblaðið Vísir - DV - 03.12.2013, Blaðsíða 24

Vikublað 3.–5. desember 201324 Neytendur
Þetta er besta
pakkapítsan
n DV smakkaði sex frosnar pakkapítsur n Eldaðar í pítsuofni Hornsins
P
Pakkapítsur þykja ekki alltaf
merkilegur matur. Þær hafa
það orð á sér að vera ókræsi-
legar og að standast sjaldan
væntingar. Í ljósi þessa ákvað
DV að skera úr um sannleiksgildi
þessara fullyrðinga og prófaði sex
ólíkar pakkapítsur frá þremur fram-
leiðendum. Markmiðið var að gera
áreiðanlega tilraun við bestu aðstæð-
ur og fá vana pítsugerðarmenn til
þess að skera úr um bragðgæðin.
Veitingahúsið Hornið tók vel í
bón DV um að framkvæma prófið
og sjá um dómgæslu. Pítsugerðar-
maðurinn Siggi sá um baksturinn en
veitingamennirnir og feðgarnir Hlyn-
ur Sölvi Jakobsson og Jakob Magnús-
son sáu um smökkun og aðra gild-
isdóma. Jakob hefur góða reynslu af
pítsubakstri en hann opnaði Hornið
árið 1979 og á næsta ári mun Hornið
fagna 35 ára afmæli.
Lélegt úrval
Úrvalið af pakkapítsum á Íslandi er
ekkert sérstaklega gott. Pítsur frá
fyrirtækinu Dr. Oetker eru ráðandi
í flestum búðum en að auki má sjá
pítsur frá framleiðendum sem eru
minna áberandi. Dr. Oetker-pítsur
eru framleiddar í Þýskalandi og flutt-
ar hingað til lands frosnar. Í þessari
tilraun voru keyptar tvær mismun-
andi pítsur frá Dr. Oetker og þrjár frá
Italpizza sem er ítalskt fyrirtæki sem
Bakkavör keypti árið 2008. Að auki
voru prófaðar smápítsur frá Chicago
Town, sem fást nokkuð víða. Þegar
pítsupakkarnir voru opnaðir kom í
ljóst að þær litu allar sæmilega vel út.
Áleggið var á sínum stað og dreifðist í
eðlilegu hlutfalli yfir pítsurnar. Sam-
dóma álit dómaranna var að þetta
hafi litið ágætlega út.
Óvæntur gestadómari
Svo kom að sjálfu prófinu. Siggi tók
fram spaðann og raðaði pítsunum
í ofninn. Ofninn var heitari en þær
220 gráður sem gefnar eru upp á
umbúðunum, en í ljósi þess að um-
sjónarmenn tilraunarinnar voru fag-
menn fram í fingurgóma og ofninn af
bestu gerð, var látið vaða og treyst á
innsæi og reynslu pítsumeistaranna.
Reyndar fóru leikar svo að gestadóm-
ari mætti til leiks og tók virkan þátt í
dómgæslunni en það var athafna-
maðurinn Daddi Guðbergsson.
Eftir skoðun voru pítsurnar metn-
ar tilbúnar eftir um það bil 10 mín-
útna bakstur. Þær fóru beint á disk og
það verður að viðurkennast að þær
litu býsna girnilega út.
Spínatpítsan best
Niðurstöðurnar voru afgerandi. Allir
voru sammála um að spínatpítsa frá
Dr. Oetker væri best. Hún leit girnilega
út og óhætt að segja að ljósmyndin á
umbúðunum hafi gefið góða mynd
af innihaldinu. Jakob og Hlynur voru
sammála um að sú pítsa væri meira
en boðleg. „Hún er mjög góð,“ sagði
Hlynur og bætti við: „Með smáveg-
is olíu, salti og pipar yrði hún jafnvel
betri.“ Spínatpítsan fær 4,5 stjörnur.
Pítsan í öðru til þriðja sæti var
Pizza Tradizionale frá Dr. Oetker en
samdóma álit dómaranna var á þá
leið að hún væri ágæt. Jafnvel góð.
Hún leit vel út og bragðaðist ágæt-
lega. „Svolítið bragðlaus,“ sagði einn.
Annar bætti við að „dósasveppirn-
ir kæmu upp um hana“. Niðurstað-
an var samt að þetta væri ágæt pítsa.
Tradizionale-pítsan fær 3,5 stjörnur.
Í sama sæti var pítsa með salami
frá Italpizza. Hún var steinbökuð eins
og hinar og botninn á henni var satt
best að segja ansi girnilegur. Hún
fékk nánast alveg sömu einkunn og
Pizza Tradizonale og það var satt best
að segja erfitt að gera greinarmun á
þessum tveimur. Í stuttu máli stóðst
þessi pítsa væntingar. Pizza Salami frá
Italpizza fær 3,5 stjörnur.
Í fjórða sæti var Hawaii-pítsa frá
Italpizza. „Mér finnst hún ekki góð,“
sagði Jakob en kláraði samt bitann
sinn íhugull. Hlynur sagði þá pítsu
vera frekar þurra og bætti við að það
„væri erfitt að redda þessu“. Daddi tók
enn dýpra í árinni og minntist á Al
Capone og einhverja hroðalega glæpi
sem sá þrjótur framdi. Hinu er ekki
að neita að útlit Hawaii-pítsunnar var
eins og lofað var á umbúðunum. Hún
var girnileg en ekki alveg nógu góð.
Hawaii-pítsan fær 2,5 stjörnur.
Fast á hæla henni kom Pizza
Calzone (sem er samanbrotin pítsa)
og ólíkt hinum pítsunum leit hún ekk-
ert sérstaklega vel út þegar hún kom
út úr ofninum. Hún gerði það reynd-
ar ekki heldur á umbúðunum þannig
að óhætt er að segja að það hafi ver-
ið staðið við það sem var lofað. Pizza
Calzone var ekki meira en ágæt.
Dómararnir prófuðu litla bita og síð-
an ekki söguna meir. „Krakkar gætu
verið hrifnir af þessu,“ sagði Hlynur.
„Þetta er skrýtið,“ sagði Jakob og bætti
við: „Hálfmánar eru öðruvísi.“ Pizza
Calzone fær líka 2,5 stjörnur en tapar
fyrir Hawaii á útlitinu.
Í síðasta sæti voru tvær smápítsur
frá Chicago Town. „Deep Dish-full of
taste from brim to base“ stóð á um-
búðunum. Þessar smápítsur voru
þaktar smáum pepperónísneiðum
og það verður að segjast eins og er að
þær brögðuðust ekkert sérstaklega vel.
Daddi sagðist þekkja þessar pítsur því
krakkarnir hans bæðu oft um svona.
Jakob var nokkuð hugsi þegar hann
kvað upp dóm sinn. „Þetta eru ekk-
ert pítsur – þetta eru einhverjar bök-
ur.“ Það eru orð að sönnu. Það var ekki
mikið pítsubragð af þessum smápíts-
um og allir dómararnir voru sammála
um að fullyrðingin „full of taste from
brim to base“ væri full brött. Smá-
pítsurnar frá Chicago town fá 2 stjörn-
ur.
Niðurstaða
Það er ljóst að pakkapítsurnar komu
betur út en búist hafði verið við.
Spínatpítsan var t.d. mjög góð. Hinar
sem á eftir komu voru ágætar. Smá-
pítsurnar frá Chicago Town féllu
dómurunum ekki í geð. Pakkapítsur
geta verið ágætar þegar tíminn er
naumur og með smávegis kryddi,
parmesanosti eða olíu má bragðbæta
þær svo um munar. n
1 Pizza Tradizionale (Spinaci)
Framleiðandi: Dr. Oetker
Verð í Nóatúni: 669 kr.
2–3 Pizza Tradizionale (Speciale)
Framleiðandi: Dr. Oetker
Verð í Nóatúni: 669 kr.
Teitur Atlason
ritstjorn@dv.is
4 Hawaii
Framleiðandi: Italpizza
Verð í Nóatúni: 569 kr.
5 Pizza Calzone
Framleiðandi: Italpizza
Verð í Nóatúni: 569 kr.
6 Pizza pepperoni
Framleiðandi: Chicago Town
Verð í Nóatúni: 549 kr.
„Hún er mjög góð.
Með smávegis
olíu, salti og pipar yrði
hún jafnvel betri.
2–3 Salami
Framleiðandi: Italpizza
Verð í Nóatúni: 569 kr.