Dagblaðið Vísir - DV - 28.12.2013, Blaðsíða 6

6 Fréttir Áramótablað 28. desember 2013
Nýr stjórnarformaður
FME er umsvifamikill
n Tengist fimm eignarhaldsfélögum n Hætti snögglega hjá Straumi
É
g hætti hjá Straumi af því mig
langaði að fara í önnur verk­
efni, meðal annars tók ég að
mér stjórnarformennsku í
Fjarðarlaxi […] Ég var búinn
að vera í fyrirtækjaráðgjöf í tólf ár,“
segir Halla Sigrún Hjartardóttir, fjár­
festir og nýskipaður stjórnarformað­
ur Fjármálaeftirlitsins, aðspurð um
ástæður þess að hún lét af störfum
hjá fjárfestingarbankanum Straumi
í október síðastliðnum. Fjarðarlax er
laxeldisfyrirtæki á Tálknafirði.
Greint var frá skipun Höllu Sig­
rúnar í starf stjórnarmanns Fjár­
málaeftirlitsins þann 21. desem­
ber síðastliðinn og var það Bjarni
Benediktsson fjármálaráðherra sem
skipaði hana í starfið.
Lífseigar sögur
Síðustu mánuði hafa gengið sögur
um ástæður starfsloka Höllu Sig­
rúnar hjá Straumi en hún hafði starf­
að þar í tvö ár. Þar áður hafði hún
unnið hjá Íslandsbanka frá 2002 til
2011. Sögursagnirnar sem um ræð­
ir tengjast meðal annars olíufé­
laginu Skeljungi og einu af dótturfé­
lögum þess, P/F Magni í Færeyjum,
sem var í eigu olíufélagsins að ríf­
lega 33 prósenta leyti. Stærsti hlut­
hafi Magns var eignarhaldsfélagið
Hedda ehf. sem keypti hlutinn af
fjárfestingarfélagi Pálma Haralds­
sonar, Fons ehf., en það félag átti
tæplega 67 prósent í Skeljungi.
Sögusagnirnar ganga út á að Halla
Sigrún hafi átt hlut í umræddu olíu­
félagi í Færeyjum.
P/F Magn var selt til sjóðsstýr­
ingarfyrirtækisins Stefnis ásamt
öðrum eignum Skeljungs fyrr í
þessum mánuði. Eigendur Skelj­
ungs voru hjónin Guðmundur Örn
Þórðarson og Svanhildur Nanna
Vigfúsdóttir en áætlaður hagnað­
ur þeirra af viðskiptunum hleypur á
milljörðum króna.
Ber af sér Skeljung
Halla Sigrún segir aðspurð að hún
eigi ekkert í Skeljungi eða félögum
sem tengjast olíufélaginu. „Ég vil
ekki tjá mig um fjárfestingar mínar
í fjölmiðlum […] Ég hef ekki átt nein
viðskipti við Skeljung umfram það
að kaupa bensín.“ Hún neitar því
að komið hafi upp trúnaðarbrestur
á milli hennar og Straums áður en
hún lét af störfum hjá bankanum.
„Nei, alls ekki.“ Halla Sigrún segist
kannast við þessa „leiðinlegu kjafta­
sögu“ en segir að hún vilji ekki ræða
málið í fjölmiðlum.
Í samtali við DV neitar Birna
Káradóttir, yfirlögfræðingur
Straums, því að starfslok Höllu Sig­
rúnar í bankanum hafi borið að
með óeðlilegum hætti.
Hættu í bankanum
Tveir af fyrrverandi starfsmönnum
Íslandsbanka hættu hjá bankanum
árið 2009 í kjölfar sölu meirihluta
hlutafjár í Skeljungi til þeirra Svan­
hildar Nönnu og Guðmundar. Þetta
voru þeir Einar Örn Ólafsson, nú­
verandi forstjóri Skeljungs, og
Kári Þór Guðjónsson, núverandi
stjórnar formaður Fjarðarlax. Halla
Sigrún starfaði hjá Íslandsbanka á
þessum tíma, líkt og áður segir.
Auk stjórnarsetunnar í Fjarðar­
laxi tengist Halla Sigrún fjórum öðr­
um eignarhaldsfélögum sem stofn­
andi, stjórnarmaður eða varamaður
í stjórn. Þau heita N100 ehf., B10
ehf., Ísþór ehf. og Brauns ehf.
Þurfa að greina frá hagsmunum
Ákveðnar reglur gilda um störf
stjórnarmanna í Fjármála­
eftirlitinu og koma þær fram í sér­
stöku skjali á vef stofnunarinn­
ar. Orðrétt segir í þeim: „Um hæfi
stjórnarmanns gildir 6. gr. laga nr.
87/1998 og ákvæði stjórnsýslu­
laga nr. 37/1993. Stjórnarmaður
skal í hvívetna gæta að hæfi sínu
við umfjöllun einstakra mála.
Telji forstjóri eða stjórnarmaður
að fundarmaður sé vanhæfur til
þess að taka þátt í umfjöllun máls
er þeim heimilt að krefjast þess að
hann víki sæti áður en efni máls­
ins er kynnt. Bóka skal í fundar­
gerð að hlutaðeigandi hafi vikið
sæti. Málsgögn eru ekki afhent til
stjórnarmanns vegna máls sem
hann telst vanhæfur til að taka
ákvörðun um.“
Til að fylgja þessari reglu þá
þurfa stjórnarmenn FME að gera
grein fyrir öllum fjárhagslegum og
persónulegum hagsmunum sín­
um og ættingja sinna þegar þeir
taka sæti í stjórninni. Þetta er gert
til að forðast mögulega hagsmuna­
árekstra. Nýr stjórnarformaður
FME þarf því líka að gera slíkt þó
ekki vilji hann ræða um þessi við­
skipti sín í fjölmiðlum. n
„Nei, alls
ekki.
Ingi Freyr Vilhjálmsson
ingi@dv.is
Umsvifamikil Halla Sigrún Hjartardóttir er umsvifamikil í viðskipta­lífinu en hún var nýlega skipuð stjórnarformaður FME.
Skýrar reglur
Skýrar reglur gilda
um hæfi stjórnar­
manna FME og
hugsanlega hags­
munaárekstra.
Hefur þú
séð bílinn?
Lögreglan á höfuðborgarsvæðinu
lýsir eftir svartri BMW 5 523I­
bifreið með skráningarnúmer­
ið DL­239. Bílnum var stolið frá
Austurbergi í Reykjavík um síð­
ustu helgi.
Lögreglan óskar eftir því að
þeir sem geta gefið upplýsingar
um hvar bíllinn er niðurkom­
inn hafi samband við lögregluna
í síma 444­1000. Þá geta þeir
einnig komið á framfæri upplýs­
ingum í tölvupósti á netfangið
abending@lrh.is eða í einkaskila­
boðum á Facebook­síðu lög­
reglunnar.
Flugeldasala mikilvæg tekjulind:
„Það er enginn
launakostnaður“
„Þegar fólk kaupir flugelda þá er
það að styrkja sveitina og björg­
unarstarfið í sínu byggðarlagi.
Eins og er oft sagt þegar þú ert
að velja þinn flugeldasala þarf að
hafa í huga hvað hann geri fyrir
þig. Það verður mikið meira eftir
í samfélagsþjónustu og auknu
öryggi ef fjármunirnir fara í þá
átt,“ segir Gunnar Stefánsson hjá
Slysavarnafélaginu Landsbjörg í
samtali við DV.
Hann segir flugeldasölu um
áramótin hafa gífurlega þýðingu
fyrir björgunarsveitirnar og með
þeim sé rekstur félaganna tryggð­
ur. „Sala okkar virkar þannig að
félagið er í raun bara heildsalinn
og svo eru það einingarnar sem
selja. Allur hagnaðurinn verður
eftir hjá hverri einingu fyrir sig,
þannig að hver eining er sjálfstæð
fjárhagslega,“ segir hann.
Björgunarsveitirnar hafa feng­
ið tugi útkalla vegna óveðursins
sem staðið hefur yfir um land allt
um jólin. Gunnar hvetur að lok­
um alla til að kaupa flugelda hjá
sölustöðum Landsbjargar. „Það
sem kemur inn fer beint í rekstur
og uppbyggingu björgunarsveit­
anna og þjálfun á mannskapnum.
Það er enginn launakostnaður
eða slíkt. Við gefum alla okkar
vinnu og þannig kemur hagnað­
urinn,“ segir Gunnar.
Upplýsingagjöf skert um áramót
Breytingar á birtingu dóma er mjög umdeild
U
mdeildar breytingar er varða
birtingu dóma á vefnum dom­
stolar.is, vef íslenskra héraðs­
dómstóla, taka gildi nú um
áramót. Þá verða nöfn þeirra sem
dæmdir eru ekki endilega birt á vefn­
um í þeim dómum sem verða birtir. Þá
verða einnig færri dómar sem birtast á
vef dómstólanna og lengri tími líður á
milli þess sem dómur er kveðinn upp
og hann birtur. Þetta þrengir veru­
lega að upplýsingagjöf til almennings.
Öll nöfn verða afmáð úr einkamál­
um, nöfn annarra en ákærðu verða
tekin úr sakadómum. Reglurnar áttu
að taka gildi í haust, en innleiðingu
þeirra var frestað enda taldi Héraðs­
dómur Reykjavíkur, stærsti héraðs­
dómstóll landsins, sér ekki vera fært
að afmá öll nöfn og persónugreinan­
leg einkenni út úr dómum.
Til þess þyrfti mannskap sem
dómstóllinn hefði ekki úr að spila.
Þetta breytist um áramótin og þá
verður dómstóllinn að fara eftir nýj­
um reglum. Áður hefur komið fram
að dómstjóri hans sé ekki hrifinn af
breytingunum. Slíkt hið sama má
segja um fjölda lögmanna og Blaða­
mannafélag Íslands sem telur veru­
lega þrengt að upplýsingagjöf með
þessum hætti. Að auki birtast dómar
héraðsdómstóla í dómum Hæsta­
réttar og því er óljóst hverju þessu
breyting skilar. Með nýjum reglum
verður ekki samræmi milli dómstig­
anna, ekki frekar en er nú. Til dæm­
is gæti dómur sem fellur í héraði og
birtist ekki á vef héraðsdómstólanna,
birst á vef Hæstaréttar í dómsúrskurð­
um, en í þeim birtast alltaf dómar frá
báðum stigum. Þar gætu því verið birt
nöfn sem voru afmáð í héraði. n
astasigrun@dv.is