Dagblaðið Vísir - DV - 28.12.2013, Blaðsíða 8

Áramótablað 28. desember 20138 Fréttir
Verkafólk semur
um kjararýrnun
Formaður ASÍ, Gylfi Arnbjörnsson, fær þrefalt meiri hækkun en almennur verkamaður
K
jarasamningurinn sem
aðildarsamtök Alþýðu­
sambands Íslands, ASÍ,
undirrituðu við Sam­
tök atvinnulífsins fyrir jól
hefur vakið hörð viðbrögð. Sam­
kvæmt kjarasamningnum skulu
laun hækka um 2,8 prósent þann
1. janúar, þó að lágmarki átta þús­
und krónur á mánuði fyrir dagvinnu
miðað við fullt starf.
Samkvæmt nýjum tölum mælist
verðbólga hér á landi nú 4,2 prósent.
Ef reiknað er með því að hún verði
á svipuðu róli á samningstímanum
þýðir það að ASÍ hefur samið um 1,4
prósenta kjararýrnun til handa fé­
lagsmönnum sínum. Daði Ingólfs­
son, einn af stofnendum SANS ­
Samtaka um nýja stjórnarskrá og
fyrrverandi formaður Stjórnarskrár­
félagsins, benti á þetta í harðorðum
pistli á DV.is í síðustu viku.
Fimm félög innan Starfsgreina­
sambands Íslands ákváðu að skrifa
ekki undir kjarasamning sambands­
ins. Það eru Drífandi í Vestmanna­
eyjum, Báran á Selfossi, Verkalýðs­
félag Grindavíkur, Verkalýðsfélag
Akraness og Framsýn á Húsavík.
Þá stendur Verkalýðsfélag Þórs­
hafnar við bakið á þessum félögum
en í yfir lýsingu frá félaginu segir að
kjarasamningurinn sé ekki boðleg­
ur verkafólki á lágmarkslaunum.
Gylfi Arnbjörnsson, forseti ASÍ, hef­
ur gert lítið úr gagnrýni talsmanna
þessara félaga og bent á að þeir séu
einungis í forystu fyrir fimm prósent
félagsmanna ASÍ.
Laun forseta ASÍ hækka mikið
Arnar Hjaltalín, formaður verka­
lýðsfélagsins Drífanda í Vestmanna­
eyjum, er gagnrýninn á samn­
inginn í samtali við DV: „Þetta er til
skammar. Við erum mjög óánægð.“
Vilhjálmur Birgisson, formaður
verkalýðsfélags Akraness, tekur í
sama streng: „Það er ekki hægt að
bjóða fólki upp á þessi laun.“ Árni
St. Jónsson, formaður Stéttarfélags
í almannaþjónustu, SFR, segir ekki
inni í myndinni að SFR taki samn­
ing ASÍ hráan upp: „Það kemur ekki
til greina.“
Á meðal þess sem viðmælendur
DV gagnrýna er hvernig tekjulægsti
hópurinn fer út úr samningnum.
Sem dæmi má nefna að mánaðar­
tekjur einstaklings sem er með 230
þúsund krónur hækka einungis um
átta þúsund krónur. Á sama tíma
hækka mánaðartekjur Gylfa Arn­
björnssonar, forseta ASÍ, um 33.600
krónur, fara úr 1.200.000 krónum í
1.233.600 krónur. Þá nefna viðmæl­
endur blaðsins einnig að þeir tekju­
lágu græði ekkert á skattalækkun­
um ríkisstjórnarinnar á meðan þeir
tekjuhærri muni finna fyrir lækkun.
Atvinnurekendur hlæja
Kjarasamningur ASÍ við Samtök at­
vinnulífsins er til tólf mánaða og
er svokallaður aðfarasamningur. Á
heimasíðu ASÍ segir að næstu tólf
mánuðir verði nýttir til að undirbúa
gerð langtímasamnings. Eins og fyrr
segir munu laun hækka um 2,8 pró­
sent en aldrei um minna en átta
þúsund krónur. Þá munu laun und­
ir 230 þúsund krónum á mánuði
hækka aukalega um 1.750 krónur.
Lágmarkstekjur fyrir fullt starf
munu vera 214 þúsund fyrir starfs­
menn 18 ára og eldri sem starfað
hafa fjóra mánuði samfellt hjá sama
fyrirtæki. Sé tekið tillit til verðbólgu
má reikna með kjararýrnun.
Viðmælendur DV eru afar óá­
nægðir með samninginn. „Verkafólk
og láglaunafólk í umönnunarstétt­
um fær bara ekkert út úr þessu á
meðan milljón króna maðurinn fær
28 þúsund króna launahækkun,“
segir Arnar Hjaltalín hjá Drífanda.
„Atvinnurekendurnir eru farnir að
hlæja að samningunum. Þeir gera
einfaldlega grín að okkur.“ Hann
tekur dæmi af fólki sem starfi í fisk­
vinnslu við afar bág kjör á sama
tíma og sjávarútvegsfyrirtæki hafi
skilað miklum arði að undanförnu:
„Sjávarútvegurinn getur greitt
miklu meira.“
„Fólk vill þetta ekki“
Arnar segir að samningurinn verði
kynntur fyrir félagsmönnum eftir
áramót. Hann segir þó að skilaboðin
hafi nú þegar verið mjög skýr: „Fólk
segir það vera lítillækkandi að taka
við þessu. Það sætti sig frekar við að
fá enga hækkun en þessa smán. Fólk
vill þetta ekki.“ Hann segist eiga von
á því að samningurinn verði felldur.
„Þá þurfum við að fara í aðgerðir
til þess að knýja á um nýjan samn­
ing.“ Arnar segist verða var við minni
andstöðu við launahækkunum á
meðal forsvarsmanna fyrirtækja en
innan ASÍ.
„Mig langar að finna einhvern
einstakling sem treystir sér til að lifa á
dagvinnulaunum upp á 214 þúsund
krónur eins og lágmarkslaunin verða
núna,“ segir Vilhjálmur Birgisson,
formaður verkalýðsfélags Akraness,
og bætir við: „Það er bara ekki hægt,
það liggur fyrir að lágmarkslaun á Ís­
landi eru nú þegar langt undir öllum
framfærsluviðmiðum hins opinbera.“
Samningurinn felldur
Verkalýðsfélag Akraness hefur neitað
að skrifa undir samninginn og mun
á næstunni bera hann undir félags­
menn. Vilhjálmur býst allt eins við
því að félagsmenn muni fella samn­
inginn. Hann segist einnig harma
það að skattabreytingar ríkisstjórnar­
innar muni ekki gagnast þeim tekju­
lægstu. Þá veltir hann því upp hvers
vegna ekki var samið um fasta krón­
utöluhækkun í stað þeirra flötu pró­
sentuhækkunar sem varð ofan á.
Þannig hefði verið hægt að hækka
lægstu launin án þess þau yllu verð­
bólgu.
Vilhjálmur tekur í sama streng og
Arnar varðandi útgerðarfyrirtækin
sem hann segir vel aflögufær. „Út­
gerðarfyrirtækin hafa verið að skila
allt að áttatíu milljörðum króna í
hagnað á undanförnum árum. Hví
í ósköpunum má ekki lagfæra laun
fiskvinnslufólks þannig að eftir verði
tekið? Við erum ekki að tala um at­
vinnugrein sem er að lepja dauðann
úr skel, svo mikið er víst.“ n
„Atvinnurekend-
urnir eru farnir að
hlæja að samningunum.
Þeir gera einfaldlega grín
að okkur.
Jón Bjarki Magnússon
jonbjarki@dv.is
Ekki hægt Vilhjálmur Birgisson,
formaður verkalýðsfélags Akraness,
segir ekki hægt að lifa á þeim launum
sem verið var að semja um.
Vísar gagnrýni á bug Gylfi Arnbjörnsson, forseti ASÍ, hefur vísað gagnrýni á kjara­
samninginn á bug. Mynd SiGtryGGur Ari „Það er ekki hægt
að bjóða fólki upp
á þessi laun.
Landsbréf fær
viðurkenningu
Rannsóknarmiðstöð um
stjórnarhætti við Háskóla Ís­
lands hefur ákveðið að Lands­
bréf hf. fái viðurkenningu
sem fyrirmyndarfyrirtæki í
góðum stjórnarháttum. Kem­
ur ákvörðunin í kjölfar ítar­
legrar úttektar á stjórnarhátt­
um Landsbréfa sem unnin var
af lögmannsstofunni Lex ehf.
Úttektin er unnin á vegum Við­
skiptaráðs Íslands, Samtaka
atvinnulífsins, Nasdaq OMX
Iceland hf. og Rannsóknarmið­
stöðvar um stjórnarhætti við
Háskóla Íslands sem hafa tek­
ið höndum saman um að efla
eftirfylgni íslenskra fyrirtækja
hvað varðar góða stjórnarhætti.
Landsbréf er dótturfyrirtæki
Landsbankans.
Lions gefa
spjaldtölvur
Um miðjan desember færði Sig­
urður H. Engilbertsson, formað­
ur Lionsklúbbs Seltjarnarness,
fyrir hönd félaga sinna í klúbbn­
um, Leikskóla Seltjarnarness
þrjár spjaldtölvur frá Apple að
gjöf. Soffía Guðmundsdótt­
ir leikskólastjóri veitti gjöfinni
viðtöku. Af því tilefni komu
börnin saman í sal skólans og
elstu börnin sungu nokkur jóla­
lög við undirleik Sesselju Krist­
jánsdóttur, söngkonu og starfs­
manns leikskólans. Þetta er
ekki í fyrsta skipti sem Leikskóli
Seltjarnarness fær stuðning frá
Lionsmönnum því á síðasta
ári færðu þeir skólanum tvær
spjaldtölvur að gjöf.