Dagblaðið Vísir - DV - 28.12.2013, Blaðsíða 14
14 Fréttir Áramótablað 28. desember 2013
Þetta gerist árið 2014
n Sveitarstjórnarkosningar n EM í handbolta og HM í fótbolta n Dæmt í Al-Thani málinu
n Janúar
EM í handbolta
Íslenska karlalandsliðið í
handknattleik mætir
á Evrópumeistara-
mótið í handbolta
sem haldið verð-
ur í Danmörku
dagana 12. til 26.
janúar. Óhætt er að
segja að Aron Krist-
jánsson landsliðsþjálf-
ari og lærisveinar hans eigi nokk-
uð erfitt verkefni fyrir höndum en
Ísland lenti í B-riðli ásamt ríkjandi
heimsmeisturum Spánverja, Norð-
mönnum og Ungverjum. Fyrsti leik-
ur Íslands verður gegn Norðmönn-
um í Álaborg þann 12. janúar.
n Janúar
Nýr útvarps-
stjóri ráðinn
Líkt og kunnugt er sagði Páll Magn-
ússon af sér sem útvarpsstjóri RÚV
um miðjan desember í kjölfar blóð-
ugs niðurskurðar hjá stofnuninni,
en Páll taldi sig ekki lengur njóta
nægilegs trausts. Staðan var aug-
lýst skömmu síðar en umsóknar-
frestur rennur út 6. janúar 2014 og
verður gengið frá ráðningu nýs út-
varpsstjóra fyrir lok fyrsta mánað-
ar nýs árs.
n Febrúar
Vetrar-
ólympíuleikarnir
Vetrarólympíuleikarnir verða
haldnir í Sochi í Rússlandi, dagana
7. til 23. febrúar. Þetta er í 22. sinn
sem leikarnir fara fram en fyrsta
sinn sem þeir eru haldnir í Rúss-
landi. Undirbúningur fyrir leikana
hefur verið í fullum gangi allt síð-
astliðið ár og var Ólympíueldur-
inn kveiktur í Ólympíu í Grikklandi
í lok september á þessu ári. Hann
hefur verið á ferðalagi um Rússland
síðan og meðal annars komið við
á norðurpólnum en Íslendingur-
inn Steingrímur Jónsson var einn
hinna ellefu kyndilbera.
n Maí
Sveitarstjórnar-
kosningar
Sveitarstjórnarkosningar verða
haldnar þann 31. maí næstkom-
andi og lýkur þar með fyrsta og síð-
asta kjörtímabili Besta flokksins.
Í október síðastliðnum tilkynnti
Jón Gnarr, borgarstjóri Reykja-
víkur, að hann hygðist ekki bjóða
sig fram í komandi kosningum og
mun Besti flokkurinn ekki bjóða
fram í borginni yfir höfuð. Þess í
stað munu þeir meðlimir Besta
flokksins sem gefa kost á sér ganga
yfir í Bjarta framtíð. Nú þegar er
flokksvali Sjálfstæðisflokksins og
Bjartrar framtíðar lokið og hafa for-
ystumenn Framsóknarflokksins auk
þess verið kynntir til sögunnar.
n Maí
Eurovision
Ísland tekur þátt í
eftirlætissöngva-
keppni lands-
manna,
Söngvakeppni
evrópskra sjón-
varpsstöðva, í
27. sinn. Keppnin
fer fram í Kaup-
mannahöfn í Dan-
mörku, dagana 6., 8. og 10. maí og
hafa 35 þjóðir boðað þátttöku sína
að þessu sinni. Framlag Íslands
í keppninni hefur enn ekki verið
valið en forkeppnin verður haldin
í janúar og febrúar líkt og undan-
farin ár. Mun þá koma í ljós hver
fetar í fótspor Eyþórs Inga og fleiri
Eurovision-fara og stígur á svið fyrir
hönd þjóðarinnar í Kaupmanna-
höfn.
n Júní
HM í knattspyrnu
Þann 12. júní hefst Heimsmeist-
aramótið í knattspyrnu, sem
haldið verður í Brasilíu, og lýkur
því mánuði síðar. Líkt og alþjóð
veit var íslenska karlalandsliðið í
knattspyrnu afar ná-
lægt því að tryggja
sér í fyrsta sinn
sæti á mótinu,
en með sáru
tapi gegn Kró-
ötum í nóv-
ember síðast-
liðnum varð
sá draumur að
engu. Knattspyrnu- á-
hugamenn geta engu að síður glaðst
enda um einn stærsta íþróttavið-
burð heims að ræða þar sem flestar
af skærustu stjörnum knattspyrnu-
heimsins munu leika listir sínar.
n Mitt ár
Dæmt í Al-Thani
málinu
Líkt og kunnugt er féll dómur í hinu
svokallaða Al-Thani máli þann 12.
desember síðastliðinn og hlutu all-
ir sakborningar fangelsisdóma á
bilinu þrjú til fimm ára. Málið er eitt
stærsta efnahagsbrotamál sem kom-
ið hefur upp hérlendis og var það til
rannsóknar í hátt í þrjú ár. Sakborn-
ingarnir voru ákærðir fyrir markaðs-
misnotkun og umboðssvik og eru
dómarnir yfir þeim Sigurði Einars-
syni og Hreiðari Má Sigurðssyni þeir
þyngstu sem fallið hafa í efnahags-
brotamáli hér á landi. Dómunum
hefur nú verið áfrýjað til Hæstaréttar
sem mun að öllum líkindum dæma í
málinu um mitt komandi ár.
n September
Skotar kjósa
um sjálfstæði
Þann 18. september verður haldin
þjóðaratkvæðagreiðsla þar sem
Skotar munu kjósa um hvort þeir
vilji slíta sig frá Bretlandi og verða
sjálfstætt ríki. Skotar hafa um
langt skeið barist fyrir sjálfstæði
en í mars á þessu ári var lagt fram
frumvarp um þjóðaratkvæða-
greiðsluna og nú hefur loks náðst
samkomulag um dagsetningu og
framkvæmd hennar.
n Janúar – desember
Sérstakur
saksóknari
Embætti sérstaks saksóknara, sem
stofnað var í kjölfar efnahagshruns-
ins árið 2008, mun ljúka við rann-
sókn margra mála á komandi ári
auk þess sem dómar munu falla í
nokkrum mikilvægum málum. Má
þar nefna, auk fyrrnefnds Al-Thani
máls, hið svokallaða Stím-mál, mál-
ið á hendur Hannesi Smárasyni og
stóru markaðsmisnotkunarmálin á
hendur Glitni, Kaupþingi og Lands-
bankanum. n
Hörn Heiðarsdóttir
horn@dv.is
Síðasta dag ársins munu Bandaríkin og Bretland
formlega draga síðustu hersveitir sínar heim frá
Afganistan. Mun það marka endalok 13 ára af-
skipta þjóðanna af stríðinu í Afganistan, en afskipt-
in hófust í kjölfar árásarinnar á Tvíburaturnana í
New York þann 11. september 2001. Nákvæmar töl-
ur um mannfall liggja ekki fyrir en talið er að um
15 þúsund hermenn hafi fallið og hátt í 19 þúsund
óbreyttir borgarar það sem af er stríðinu.
Bandaríkin og Bretland afturkalla herinn frá Afganistan
n Desember
Fleiri þjóðir eru í svipuðum hug-
leiðingum og Skotar en þann 9.
nóvember fer fram þjóðaratkvæða-
greiðsla í Katalóníu þar sem íbúar
spænska sjálfstjórnarhéraðsins munu
kjósa um hvort þeir vilji öðlast sjálf-
stæði frá Spáni. Katalóníubúar telja
nú rúmar 7,5 milljónir og af skoðana-
könnunum að dæma eru þeir klofnir
til helminga í afstöðu sinni til sjálf-
stæðis. Mikil andstaða er þó vegna
þessa annars staðar á Spáni og hefur
spænska ríkisstjórnin til að mynda
heitið því að gera allt sem í hennar
valdi stendur til að koma í veg fyrir að
atkvæðagreiðslan verði haldin.
n Nóvember
Katalónar kjósa um sjálfstæði