Dagblaðið Vísir - DV - 26.08.2008, Blaðsíða 10
Þriðjudagur 26. ágúst 200810 Fréttir
„Það verður rigning að mestu út vikuna
og um helgina. Þó verður frekar milt
veður en það er ekki að sjá að kuldakast
sé á leiðinni,“ segir Þorsteinn V. Jónsson,
veðurfræðingur hjá Veðurstofu Íslands,
spurður hvort sumarið sé á enda.
Tíðarfarið það sem af er sumri
minnir um margt á veðurfarið í fyrra.
Þá var einmuna blíða fram eftir sumri
þar til síðasta vikan í ágúst rann upp. Þá
rigndi eldi og brennisteini langt fram
eftir hausti. Þorsteinn segir ekkert líta
út fyrir að sú verði raunin nú. „Það er
rétt að það rigndi mikið í fyrra. Það er
þó ekkert sem bendir til þess að það
muni rigna jafnmikið og þá. Það er lægð
að þvælast í kringum landið núna og
henni fylgir sú úrkoma sem við höfum
fundið fyrir núna. Við sjáum eitthvað
inn í september en það er ekki annað
að sjá en að það verði hlýtt áfram,“ segir
Þorsteinn.
Berjaspretta hefur verið með besta
móti í sumar. Þorsteinn hvetur fólk til
að drífa sig í berjamó áður en fyrsta
frostið kemur. Hann segir að stund-
um geti komið næturfrost í lok ágúst
og september og því sé um að gera að
drífa sig meðan enn er hlýtt. Hann seg-
ir þó að algengast sé að það frysti ekki
fyrr en í október eða nóvember. „Það
er ekkert frost í kortunum, nema helst
á hálendinu, en það borgar sig varla
að bíða lengi með að tína berin,“ seg-
ir hann.
SUMARIÐ ER
EKKI BÚIÐ
BALDUR GUÐMUNDSSON
blaðamaður skrifar baldur@dv.is
„Við sjáum eitthvað inn í
september en það er ekki
annað að sjá en að það verði
hlýtt áfram.“
Veðurfræðingur segir ekkert benda til álíka vætu nú og í fyrrahaust. Næstu vikuna
heldur rigningin þó áfram. Þorsteinn V. Jónsson veðurfræðingur hvetur fólk til að
drífa sig í berjamó áður en næturfrost lætur á sér kræla.
InnlendarFréttIr
ritstjorn@dv.is
Guðni reiður
bönkunum...
Á fjölmennum fundi í
Borgarnesi í gærkvöldi lýsti
Guðni Ágústsson, formaður
Framsóknarflokksins, þeirri
skoðun sinni að skipta þyrfti
upp íslenskum bönkum og
fjármálastofnunum. Hann
sagði fjármálastofnanir hafa
farið offari á undanförn-
um árum og tryggja þyrfti
hlutdeild þeirra í viðskipt-
um þannig að þær létu ekki
stjórnast af fjárfestingabrölti.
„Hví gerðu hvorki Fjármála-
eftirlitið né Seðlabankinn at-
hugasemdir við 105 prósenta
íbúðalán bankanna sem voru
í raun aðför að Íbúðalána-
sjóði?“ spurði Guðni.
...og Geir og
Ingibjörgu
Þá sagðist Guðni kunna
þeim Geir H. Haarde og Ingi-
björgu Sólrúnu Gísladótt-
ur litlar þakkir fyrir að hafa
lagt landbúnaðarráðuneytið
niður og vitnaði í Einar Odd
Kristjánsson. Guðni sagði
Ingibjörgu og Geir hafa farið
austur á Þingvöll þar sem
þau stungu landbúnaðar-
ráðuneytinu ofan í skúffu.
Hann sagði þetta ófyrirgef-
anleg skemmdarverk á þessu
mikilvæga ráðuneyti. „Einar
Oddur Kristjánsson, vinur
minn heitinn, sagði: „Vertu
rólegur, við munum snúa
þessu í sumar.“ Ég sakna Ein-
ars Odds.“
Regnhlífar á Laugavegi Mikið
hefur rignt á landinu síðustu daga.