Dagblaðið Vísir - DV - 27.08.2008, Blaðsíða 4
Miðvikudagur 27. Ágúst 20084 Fréttir
InnlendarFréttIr
ritstjorn@dv.is
Lásu 45
þúsund síður
Nýverið var haldin Húllum-
hæ-hátíð á Bókasafni Akraness
í tilefni af því að Sumarlestrin-
um í ár er lokið. Sumarlesturinn
er fyrir börn á aldrinum 6-10
ára en í ár skráðu 80 börn sig til
leiks. Þau 59 börn sem skiluðu
lesblöðum reyndust hafa lesið
826 bækur, eða 45.325 blaðsíður,
á tímabilinu frá 1. júní til 14. ág-
úst. Þessi góða þátttaka sýnir sig
einnig í auknum útlánum í júlí-
mánuði hjá safninu en þau hafa
sjaldan verið jafnmikil eða 5.025
bindi. Til samanburðar voru
útlán í júlímánuði á síðasta ári
4.140 bindi. Þetta kemur fram á
skessuhorn.is.
Torgið orðið
grátt á ný
Ráðhústorgið á Akureyri,
sem var þökulagt í skjóli næt-
ur fyrir verslunarmannahelgi,
er orðið grátt á ný. Þökurnar
voru fjarlægðar af torginu.
Það var Sigurður Guðmunds-
son verslunarmaður í göngu-
götunni sem stóð fyrir fram-
kvæmdinni, þar sem hann
vildi grænni bæ.
Þökurnar voru lagðar án
leyfis bæjaryfirvalda en þar á
bæ var ákveðið að þær fengju
að vera á torginu fam yfir
verslunarmannahelgi.
Laxveiði
gengur vel
Ekkert lát er á laxveiðinni,
verulega hefur rignt síðustu daga
og ennþá eru kröftugar göngur
í laxveiðiárnar. „Það gengu 50
laxar í gegnum teljarann í nótt
og núna hafa farið 600 fiskar
í gegnum hann,“ segir Trausti
Bjarnason á bænum Á á Skarðs-
strönd í samtali við Skessu-
horn, en yfirleitt eru ekki svona
kröftugar göngur á þessum tíma
árs. Krossá hefur gefið 270 laxa.
Fyrsta hollið með maðkinn í
Langá á Mýrum fékk 190 laxa
og það er sama hvar er stungið
niður fæti, alls staðar er góður
gangur í veiðinni. Haukadalsá í
Dölum er komin með 655 laxa og
áin er full af fiski.
Strætókort
fyrir útvalda
Breytingar á reglum um
nemakort hafa komið illa
við kauninn á framhalds- og
háskólanemum sem eiga
lögheimili fyrir utan höfuð-
borgarsvæðið. Síðasta vetur
bauð borgin öllum háskóla-
og framhaldsskólanemum
upp á ókeypis strætókort en
í ár er annað uppi á teningn-
um. Nemar með lögheim-
ili á landsbyggðinni verða
að breyta lögheimilinu til að
fá kortið en um leið minnka
möguleikar háskólastúdenta
á stúdentaíbúð. Nemar með
lögheimili í Reykjavík, Kópa-
vogi, Álftanesi og Hafnarfirði
fá kortið frítt. Garðbæingar
þurfa að greiða 3.100 krónur
fyrir veturinn.
LAUGAVEGUR
HVERFISGATA
SKÓLAVÖRÐUSTÍGUR
LÆ
K
JA
RG
AT
A
SÆBRAUT
HandboLtaHetjurnar
HyLLtar í kvöLd
Boðað hefur verið til
fjöldasamkomu við
Arnarhól til heiðurs
landsliðshetjunum í
handbolta. Eftir athöfn-
ina mun forsetinn
bjóða landsliðsmönn-
um að Bessastöðum þar
sem þeir verða sæmdir
fálkaorðunni fyrir
ótrúlegt afrek á Ólymp-
íuleikunum í Kína.
Þorgerður Katrín
Gunnarsdóttir
menntamálaráðherra
fagnar þeirri ákvörðun
forsetans en finnst að
fleiri sem að liðinu
standa ættu að hljóta
viðurkenninguna.
Strákarnir okkar eru komnir til
landsins eftir ótrúlegt afrek á Ól-
ympíuleikunum í Peking í Kína. Þar
unnu þeir til silfurverðlauna, þeirra
fyrstu síðan Vilhjálmur Einarsson
varð annar á Ólympíuleikunum
árið 1956. Á leið sinni í úrslitaleik-
inn lögðu þeir hverja stórþjóðina
af fætur annarri að velli. Þeirra á
meðal voru Spánverjar, Þjóðverjar,
Rússar og Pólverjar.
Einstakt afrek
Athöfn til heiðurs ólympíuförun-
um hefst á Skólavörðuholti klukk-
an sex í dag en að henni standa
menntamálaráðuneytið, Reykjavík-
urborg og ÍSÍ. Þaðan verður þeim
ekið í opinni rútu um Skólavörðu-
stíg, Bankastræti og að Arnarhóli,
þar sem þeir verða hylltir af þjóð-
inni, en árangri landsliðsins hefur
verið lýst sem mesta íþróttaafreki í
sögu þjóðarinnar. Aldrei fyrr hefur
jafnlítil þjóð unnið til verðlauna í
hópíþrótt á ólympíuleikum.
Fagnar ákvörðun forsetans
Ólafur Ragnar Grímsson, for-
seti Íslands, hefur tilkynnt að hann
muni veita handboltalandslið-
inu fálkaorðuna á Bessastöðum í
kjölfarið. Þorgerður Katrín Gunn-
arsdóttir menntamálaráðherra er
ánægð með Ólaf Ragnar. „Ég er
afar stolt af þessu framtaki forset-
ans að veita hetjunum okkar fálka-
orðu og styð hann eindregið í því,“
segir hún en bætir þó við að henni
finnist að hann hefði mátt veita
fleirum viðurkenningu. „Auðvit-
að skara íþróttamennirnir fram úr
en þeir hefðu ekki getað gert þetta
nema þeir hefðu haft þann sterka
bakhjarl sem allur hópurin er,“ seg-
ir Þorgerður og nefnir þjálfarat-
eymið, Ingibjörgu Ragnarsdóttur
sjúkraþjálfara og Brynjólf Jónsson
lækni, sem hafi veitt liðsmönnum
ómetanlegan stuðning. „Það má
alls ekki taka þessu sem gagnrýni
á forsetann. Ég er miklu frekar stolt
af því að hann skuli taka þetta skref.
Það sýnir að hann er stór, eða jafn-
vel stórastur,“ segir Þorgerður bros-
andi og vísar í þekkt ummæli Dor-
ritar Moussaieff forsetafrúar. „Ég
hefði samt viljað að menn ígrund-
uðu hvort það væri ekki allur hóp-
urinn sem hefði átt að fá þetta,“ seg-
ir hún.
Borgarstjóri og forseti
Svanhildur Konráðsdóttir,
sviðsstjóri menningar- og ferða-
málasviðs Reykjavíkurborgar, sagði
í samtali við DV í gær að endan-
leg dagskrá hefði ekki verið ákveð-
in. Hún yrði ákveðin fyrir hádegi í
dag og ekki lægi fyrir hverjir myndu
ávarpa samkomuna. „Það er ver-
ið að fínpússa dagskrána enda er
í mörg horn að líta með þennan
stutta fyrirvara. Það leggjast allir á
eitt til að hægt verði að gera þetta
á sem glæsilegastan hátt,“ seg-
ir hún en Hanna Birna Kristjáns-
dóttir borgarstjóri og Ólafur Ragn-
ar Grímsson forseti verða bæði á
staðnum.
Allir að mæta
Ríkisstjórnin tilkynnti í gær að
í kjölfar frækilegs árangurs lands-
liðsins á Ólympíuleikunum í Pek-
ing hefði hún ákveðið styrkja
Handknattleikssamband Íslands
um fimmtíu milljónir króna en
kostnaður vegna þátttöku Íslands á
Ólympíuleikunum hleypur á mörg-
um milljónum.
Allir Íslendingar eru hvattir til að
mæta á morgun og sýna ólympíu-
förunum okkar þakklæti og hlýhug
vegna árangurs þeirra á leikunum.
Þeim sem ætla að taka þátt er þó
bent á að mæta tímanlega, nýta sér
almenningssamgöngur og leggja
bílum sínum í hæfilegri fjarlægð
frá samkomustaðnum til að greiða
fyrir umferð. Athöfninni mun ljúka
upp úr klukkan sjö.
BALDUR GUÐMUNDSSON
blaðamaður skrifar baldur@dv.is
„ég hefði samt viljað að
menn ígrunduðu hvort það
væri ekki allur hópurinn sem
hefði átt að fá þetta.“
Afrek í Peking strákarnir okkar
fá fálkaorðuna fyrir árangur sinn.
Leiðin um miðbæinn Hér
má sjá þá leið sem farin verður
í miðbænum í kvöld.
INGÓLFSSTRÆTI