Dagblaðið Vísir - DV - 27.08.2008, Blaðsíða 6

Miðvikudagur 27. Ágúst 20086 Fréttir
InnlendarFréttIr
ritstjorn@dv.is
Heyrði ekki
ræðu Guðna
Borgarnesræða Guðna Ág-
ústssonar, formanns Fram-
sóknarflokksins, vakti mikla
athygli en þar gagnrýndi hann
ríkisstjórnina harðlega fyrir að-
gerðaleysi í efnahagsmálum.
Lagði hann þar meðal annars
til að sett yrðu lög til að skipta
upp viðskipta- og fjárfestinga-
bönkum enda fælist mikil hætta
í stærð bankakerfisins. Stærð-
ina hefðu bankarnir nýtt sér til
atlögu að Íbúðalánasjóði með
lánum á hagstæðari vöxtum en
sjóðurinn gat boðið.
Þegar Árni M. Mathiesen fjár-
málaráðherra var í gær spurð-
ur um viðbrögð við gagnrýni
Guðna í ræðunni sagði hann
einfaldlega: „Ég hef ekki heyrt
hana,“ og neitaði þar með að tjá
sig um hana.
Þorsteinn Kragh
enn í haldi
Þorsteinn Kragh hefur setið í
gæsluvarðhaldi í tæpa tvo mán-
uði en engar yfirheyrslur fara
fram þessa dagana vegna máls-
ins. Þorsteinn er grunaður um
aðild að stórfelldu hasssmygli
með Norrænu. Upp komst um
málið í byrjun sumars þeg-
ar aldraður Hollendingur kom
með Norrænu á húsbíl. Í bílnum
reyndust vera tæp 200 kíló af
hassi og kíló af hvoru, kanna-
bisefnum og kókaíni. Þorsteinn
var handtekinn mánuði eftir að
fíkniefnin fundust og hefur setið
í haldi lögreglunnar síðan þá.
Hann hefur ekki játað.
Handboltamót í
Hafnarfirði
Hafnarfjarðarbær hefur
ákveðið að halda alþjóðlegt stór-
mót í handbolta í tilefni þess að
bærinn er hundrað ára gam-
all. Það gera bæjaryfirvöld með
liðsinni handboltarisanna FH
og Hauka sem hingað til hafa
eldað grátt silfur. Danska liðinu
Nordsjælland hefur verið boðið,
sem og Val úr Reykjavík. Mótið
hefst 28. ágúst og verður leikið
í íþróttahúsinu við Strandgötu.
Aðgangur er ókeypis.
Skólabörn í
hættu
Börn í Þingholtunum og í
Vesturbænum hafa átt erfitt
með að ganga á gangstéttum
í skólann vegna fjölda bíla
sem borgarbúar leggja upp á
þær. Kolbrún Jónatansdóttir,
framkvæmdastjóri Bílastæða-
sjóðs, segir að hart verði tekið
á þess háttar brotum á næst-
unni. Börn sem neyðast til að
ganga út á götu eru í hættu og
því eru foreldrar hvattir til að
ganga í skólann með börnun-
um. Á næstunni munu stöðu-
verðir sérstaklega fylgjast með
Bárugötu, Ránargötu, Óðins-
götu og Þórsgötu.
„Já, ég get staðfest það að hún er
farin úr höfninni,“ segir Jón Garð-
ar Bjarnason, aðstoðarvarðstjóri
hjá lögreglunni á Höfn. Skútan Ely
var í raun og veru skútan Elysee frá
Hollandi eins og DV hafði sagt frá.
Skútunni var stolið í september síð-
astliðnum þar ytra og seld í hend-
ur Jónasar Árna Lúðvíkssonar, sem
hélt að löglega hefði verið staðið að
viðskiptunum.
Skútan var kyrrsett á Höfn eft-
ir að grunur kviknaði um að skút-
an Ely væri í raun Elysee. Hollenska
tryggingafélagið hafði fengið fyrir-
tækið Dextton, sem sérhæfir sig í að
finna stolnar skútur, með sér í lið til
að hafa uppi á skútunni. „Við höf-
um vitað af henni á Íslandi í marga
mánuði. Þegar við létum hollensku
lögregluna fá allar upplýsingar kom
hins vegar upp eitthvert leyndar-
dómsfullt dæmi frá Europol. Þeir
sýndu skútunni mikinn áhuga,“ seg-
ir Menno den Drijver hjá Dextton.
Nóg er að gera hjá Drijver og félög-
um í að finna stolnar skútur en hann
segir hvern einasta dag ársins vera
skipulagðan hjá sér.
Drijver sagði enn fremur að að-
stæður yrðu metnar í framhaldinu,
hvort skútan yrði sett á sölu hér
á landi eða ekki. Það ætti eftir að
koma í ljós. Fróðir menn hafa sagt
að skútan fari varla á undir tuttugu
milljónum, verði hún sett á sölu
hér. „Við erum bara ánægðir með að
skútan er kominn til réttmætra eig-
enda,“ segir Jón Garðar.
benni@dv.is
Skútan Ely er komin í hendur réttra eigenda með hjálp sérfræðinga í stolnum skútum:
Ely var í raun stolin Elysee
Kom í september á síðasta ári skútan Ely hvarf frá Hollandi í september
síðastliðnum. skömmu síðar birtist hún hér við land. Hún er nú farin úr höfninni.
„Við ætluðum að fara Gullna
hringinn í dag en út af þessum
vandræðum gengur það ekki,“ seg-
ir Eric Nelson, en nokkuð brösug-
lega hefur gengið að fá aðstoð hér
á landi eftir að ósætti kom upp
milli hans og eiganda Fjörukráar-
innar um síðustu helgi. Eric segir
Jóhann hafa tekið sig hálstaki og
skellt sér í gólfið sem varð til þess
að hann missti meðvitund og fékk
skurð á hökuna eins og kom fram
í mánudagsblaði DV.
Hægfara réttarkerfi
„Þegar við komum á lögreglu-
stöðina hérna í miðbæ Reykja-
víkur áttum við ekki að geta gef-
ið skýrslu vegna þess að það var
bilun í tölvukerfinu. Á endanum
fengum við þó að gefa skýrslu og
lögðum fram formlega kæru á
hendur Jóhannesi Viðari Bjarna-
syni. Lögreglan sagði að þetta mál
færi örugglega fyrir dóm en það
myndi taka langan tíma því rétt-
arkerfið hérna væri hægfara,“ seg-
ir Eric.
Eric og Katherine voru ánægð
með vinnubrögð lögreglunnar og
telja mál þeirra standa sterkum
fótum. Þrátt fyrir það ætla þau
að halda áfram að vinna í mál-
inu og fórnuðu Gullna hringnum
fyrir það. „Við ákváðum að fórna
ferðinni fyrir málið. Það styttist í
heimferðina og þó við séum bæði
leið yfir því að brúðkaupsferðin sé
ónýt ganga málaferlin fyrir. Það er
erfitt að vinna svona hluti frá öðru
landi,“ segir hann.
Erfitt að fá aðstoð
Nokkuð brösuglega hefur geng-
ið að fá aðstoð við málið hérlend-
is en Alþjóðahús var lokað í gær
vegna flutninga og því gátu þau
ekki fengið aðstoð þaðan. Svip-
að var uppi á teningnum í banda-
ríska sendiráðinu þar sem erfitt
reyndist að fá aðstoð. „Sendiráð-
ið hefur ekki verið eins hjálplegt
og við vonuðumst til. Ég hringdi
þangað um helgina en þegar við
komum á mánudaginn vissi eng-
inn neitt og við fundum ekki fyrir
miklum áhuga á að hjálpa okkur.
Í framhaldinu höfðum við sam-
band við breska sendiráðið því
Katherine er breskur ríkisborgari.
Þeir hjálpuðu okkur að finna lög-
fræðing sem er að vinna í þessu
fyrir okkur,“ segir Eric.
Skilningsríkir vinnuveitendur
Eric vinnur hjá stóru netfyrirtæki
í Bandaríkjunum sem sér um nöfn
og tölur á netinu. Fyrirtækið brást
skjótt við vandræðum Pauls og hef-
ur verið mjög samvinnuþýtt. „Þeir
höfðu mikla samúð með að svona
skyldi fara fyrir brúðkaupsferðinni
okkar. Þeir eru að leita að tannlækni
til að skoða skemmdirnar sem urðu
á tönnunum við árásina og breyttu
brúðkaupsfríinu mínu í veikinda-
leyfi. Þeir sögðu mér að taka mér
allan þann tíma sem ég þarf og það
var ótrúlega mikils virði fyrir okkur
eins og staðan er í dag,“ segir Eric.
Eric Nelson hefur lagt fram opinbera kæru á hendur Jóhannesi Viðari Bjarnasyni,
eiganda Fjörukráarinnar, vegna áverka sem hann hlaut síðasta föstudagskvöld. Eric
og kona hans Katherine ætluðu að fara Gullna hringinn í dag en vegna málsins urðu
þau að hætta við. Þau eru sammála um að brúðkaupsferðin sé ónýt.
EyðilöGð
brúðKaupsfErð
lilJa guðmuNdSdóttir
blaðamaður skrifar lilja@dv.is
„Við ákváðum að fórna ferðinni fyrir málið.
Það styttist í heimferðina og þó við séum
bæði leið yfir því að brúðkaupsferðin sé
ónýt ganga málaferlin fyrir.“
Katherine og Eric Brúðkaups-
ferð þeirra fór í vaskinn eftir
örlagaríkt kvöld á Fjörukránni.
myNd Sigtryggur ari
tekinn hálstaki Eric segir Jóhann
hafa tekið sig hálstaki og skellt sér í
jörðina svo að sauma þurfti fimm spor
í hökuna.