Dagblaðið Vísir - DV - 27.08.2008, Blaðsíða 14

Miðvikudagur 27. Ágúst 200814 Heilsa og líkamsrækt
„CrossFit er líkamsræktarkerfi
sem hefur verið í þróun í allavega
tíu ár í Bandaríkjunum. Það gengur
út á að þjálfa líkamann sem heild og
nota náttúrulegar hagnýtar hreyfing-
ar með því að vinna með til dæmis
lóð, stangir, þunga bolta og fleira og
í rauninni blanda því saman með til-
viljanakenndum hætti í gríðarlega
árangursríkum og kröftugum æfing-
um,“ segir Leifur Geir Hafsteinsson
framkvæmdastjóri CrossFit Ísland
og lektor við viðskiptadeild Háskól-
ans í Reykjavík. En auk þess er Leif-
ur með doktorspróf í vinnusálfræði
með áherslu á markmiðasetningu og
hvatningu sem hann segist að sjálf-
sögðu munu nýta sér á námskeið-
unum til að aðstoða fólk með mark-
miðasetningu í líkamsræktini og
jafnvel utan hennar sé þess óskað.
Cross Fit verður nú í fyrsta skipti
kennt á Íslandi, í haust í Sporthúsinu
í Kópavogi, en Leifur fór til Banda-
ríkjanna í byrjun ágústmánaðar til
að fá þjálfararéttindi í CrossFit. „Ég
hef sjálfur verið lengi í líkamsrækt
og kennt bæði spinning, þrekhringi
og þrekþjálfun og tvisvar tekið þátt
í Þrekmeistaranum með góðum ár-
angri. Svo hef ég undanfarið hálft
árið verið að stúdera CrossFit mik-
ið og æft eftir því. Ég fór svo út til
Bandaríkjanna um verslunarmanna-
helgina til að ná mér í þjálfararétt-
indin,“ segir Leifur og bætir við: „Í
mínum huga er þetta langflottasta
líkamsræktin sem í boði er í dag og
mig langaði til að bjóða uppá hana á
Íslandi.“
Besta leiðin felst í að nota stóru
vöðvana sem mest
„Í rauninni er þetta andstæðan við
þá hugsun að búta líkamann niður og
þjálfa bútana hvern í sínu lagi. Þú ger-
ir ekki afmarkaða æfingu fyrir fætur
og afmarkaða æfingu fyrir framhand-
leggi og upphandleggi. Heldur eru æf-
ingarnar sem við erum að vinna með
flóknar í þeim skilningi að þær reyna
á fleiri en einn vöðvahóp og þú þarft
að vinna með fleiri en ein liðamót,“ út-
skýrir Leifur.
Þegar líkaminn er þjálfaður á þenn-
an hátt lærir maður ósjálfrátt að nota
rétta líkamsbeitingu að sögn Leifs. „Ef
þú þarft að færa til þungan hlut þá eru
til góðar og slæmar leiðir til að gera
það. Besta leiðin felst alltaf í því að nota
stóru vöðvana sem mest, til að taka
áttatíu til níutíu prósent af byrðinni
en ýta svo bara á eftir með litlu vöðv-
unum. Með því að gera þannig æfingar
af miklum ákafa þá bæði kemst mað-
ur í brjálæðislega gott form en um leið
þegar þessar æfingar eru gerðar undir
svo miklu álagi á maður engra kosta
völ nema nota rétta tækni. Því ef þú
gerir það ekki þá hreinlega geturðu
ekki gert æfingarnar.“
Allir geta stundað CrossFit
Leifur segir að allir geti tekið þátt í
CrossFit. „Það væri þá ekki nema bara
ef þú ert nýkominn úr til dæmis kross-
bandauppskurði á hné. En æfingarn-
ar eru þannig að hægt er að laga þær
að hverjum og einum svo allir sem
eru svona sæmilega heilbrigðir geta
stundað CrossFit. Þar sem þú ert allt-
af að nota stóru vöðvana styrkist bak-
ið, kviðurinn og mjaðmirnar og allt
stoðkerfi líkamans svo hratt að þetta
er mjög gott til dæmis fyrir fólk sem
situr mikið við vinnu sína. Vöðvarnir
verða miklu sterkari og styðja betur við
beinagrindina svo þú ert síður líklegur
til að þróa með þér einhver heilsufars-
vandamál.“
Sjálfur leggur Leifur mikla áherslu á
að hér sé um líkamsrækt til heilbrigðis
og vellíðunar að ræða. „Auðvitað á fólk
eftir að grennast og líta betur út, vöðvar
stækka og slíkt en það er ekki aðal til-
gangurinn með þessu. Tilgangurinn
er að fólk upplifi aukið heilbrigði. Það
er þess vegna sem ég vil kenna þetta.
Ég vil að fólk fari sátt af námskeiðinu
með breytta sýn á líkamann, sjálft sig
og heilbrigði.“ krista@dv.is
kínversk hugræn teigjuleikfimi · taichi · kung fu
einkatímar · hóptímar
S k e i f u n n i 3 j · S í m i 5 5 3 8 2 8 2 · w w w . h e i l s u d r e k i n n . i s
LeiFur Geir kennir CrossFit
í sporthúsinu í vetur
„CrossFit gengur út á það að þjálfa
líkamann sem heild og nota
náttúrulegar, hagnýtar hreyfingar.“
CrossFit verður í boði í fyrsta skipti á Íslandi hjá Sporthúsinu í vetur.
Framkvæmdastjóri CrossFit Ísland, Leifur Geir, segir þessa tegund af
líkamsrækt ganga út á það að þjálfa líkamann sem heild með náttúru-
legum og hagnýtum hreyfingum.
Líkamsrækt til heil-
brigðis og vellíðunar