Dagblaðið Vísir - DV - 10.10.2008, Qupperneq 14

„Hann er svo sannarlega réttur mað-
ur á réttum stað á réttri stundu. Hann
er besti hagfræðingur sinnar kyn-
slóðar sem við Íslendingar eigum.
Það er takmarkalaust sem hægt er að
leggja á hann í vinnu. Ég treysti eng-
um betur til að stýra björgunarleið-
angri þjóðarinnar,“ segir Jón Baldvin
Hannibalsson, fyrrverandi utanríkis-
ráðherra, um vin sinn og fyrrverandi
ráðherra og samstarfsmann, Jón Sig-
urðsson. Jón stendur nú í ströngu
sem stjórnarformaður Fjármálaeftir-
litsins. Jón Baldvin hefur lýst því yfir
að hann vilji að Jón Sigurðsson verði
gerður að seðlabankastjóra í stað
Davíðs Oddssonar. „Auðvitað ætti
hann að vera seðlabankastjóri. Fjár-
málaeftirlitið á að vera inni í Seðla-
bankanum, eins og það var áður,“
segir hann.
Jón vinnur nú hörðum höndum
að því að koma rekstri bankanna
í fastar skorður og bjarga þeim úr
þeirri erfiðu stöðu sem upp er kom-
in.
Þóttist kunna allt
Fyrstu kynni Jóns Baldvins af
nafna sínum voru árið 1946. „Ég og
eldri bróðir Jóns, Þórir Sigurðsson
eðlisfræðingur, vorum eitt sinn kúa-
rektorar í Ögri við Ísafjarðardjúp.
Einn daginn þegar við vorum þar, sjö
ára gamlir, fengum við yngri bróður
Þóris, Jón, í fóstur,“ rifjar hann upp.
Honum er þessi tími í fersku minni.
„Það var mjög erfitt að hafa hemil á
Jóni. Þótt hann væri tveimur, þremur
árum yngri en við þóttist hann kunna
allt og geta allt til jafns við okkur.
Helst betur. Okkur fannst hann alla-
vega ekki bera næga virðingu fyrir sér
eldri og reyndari mönnum. Þetta lýs-
ir því ágætlega hvernig karakter Jón
Sigurðsson er,“ segir Jón Baldvin.
Fæddur og uppalinn á Ísafirði
Jón Sigurðsson fæddist á Ísafirði
17. apríl 1941. Hann var annar í röð
þriggja bræðra, sonur Kristínar Guð-
jónu Guðmundsdóttur húsmóður
og Sigurðar Guðmundssonar bak-
arameistara. Bræður hans eru Þórir,
eðlisfræðingur og háskólakennari,
fæddur 1939, og Guðmundur, sem
er læknir, fæddur 1942. Móðir þeirra
lést 49 ára að aldri, þegar Jón var tíu
ára, og faðir hans fimm árum síðar,
59 ára að aldri.
Jón er kvæntur Laufeyju Þor-
bjarnardóttur húsmóður en börn
þeirra eru Þorbjörn (f. 1961), Sigurð-
ur Þór (f. 1963), Anna Kristín (f. 1965)
og Rebekka (f. 1977).
Jón lauk stúdentsprófi frá MA
1960, fil. cand.-prófi í þjóðhagfræði
og tölfræði frá Stokkhólmsháskóla
1964 og M.Sc. Econ.-prófi í þjóðhag-
fræði frá London School of Econom-
ics 1967.
Ráðherra og bankastjóri
Það er óhætt að segja að Jón Sig-
urðsson hafi víða komið við á sín-
um ferli. Hann var hagfræðingur við
Efnahagsstofnun 1964 til 1967, deild-
arstjóri hagdeildar Efnahagsstofnun-
ar 1967 til 1970, hagrannsóknastjóri
1970 til 1971, forstöðumaður hag-
rannsóknadeildar Framkvæmda-
stofnunar ríkisins 1972 til 1974. Hann
var forstjóri Þjóðhagsstofnunar 1974
til 1987. Hann varð þingmaður Reyk-
víkinga 1987 og viðskiptaráðherra
frá 1988. Hann var dóms- og kirkju-
málaráðherra og viðskiptaráðherra
1987 til 1988. Viðskipta- og iðnaðar-
ráðherra og ráðherra norrænna mál-
efna 1988-1989. Þá var hann iðnað-
ar- og viðskiptaráðherra 1989-1993.
Jón var seðlabankastjóri og formað-
ur bankastjórnar Seðlabanka Íslands
1993 til 1994.
Jón var fastafulltrúi Norðurlanda
í framkvæmdastjórn Alþjóðagjald-
eyrissjóðsins í Washington 1980 til
1983. Þá hefur hann verið varafull-
trúi Íslands í stjórn Alþjóðagjald-
eyrissjóðsins, setið í stjórn og verið
stjórnarformaður Norræna fjárfest-
ingarbankans. Verið fulltrúi Íslands í
hagþróunar- og hagstjórnunarnefnd
OECD auk þess að vera aðalbanka-
stjóri Norræna fjárfestingarbankans
í Helsinki frá 1994 til 2005. Í dag er
hann formaður stjórnar Fjármálaeft-
irlitsins.
Hafði ungur mannaforráð
Jón Baldvin segir að fráfall for-
eldra Jóns hafi mótað persónuleika
hans. „Þeir bræðurnir misstu for-
eldra sína ungir og urðu að sjá fyrir
sér af eigin rammleik. Þeir brutust
áfram til mennta með mikilli vinnu.
Að loknu stúdentsprófi frá MA fór
Jón til Svíþjóðar þar sem hann tók
cand.-próf í hagfræði og stærðfræði á
mettíma. Hann mátti ekkert vera að
þessu námsbrölti heldur lá honum
á að koma sér upp fjölskyldu,“ segir
Jón Baldvin en þeir félagar voru sam-
an í einn vetur við nám í Stokkhólmi.
Hann segir að Jón hafi átt afar auð-
velt með að læra. „Mér liggur við að
kalla nafna minn undrabarn. Það lá
allt fyrir honum og hann þurfti ekk-
ert að hafa fyrir náminu. Ég dauðöf-
undaði hann oft á yngri árum. Sér-
staklega þegar hann gat verið úti að
leika sér á meðan ég þurfti að læra
heima,“ segir hann. Jón Baldvin bæt-
ir við að þeir hafi ýmislegt brallað
saman og að Jón hafi verið leikari.
„Hann gat þó aldrei leikið neitt nema
sjálfan sig,“ segir hann og hlær.
Getur virkað ógnandi
„Hann er afskaplega góður bróð-
ir. Ég er ári yngri en hann en okkur
hefur alltaf samið vel. Hann er af-
skaplega hugulsamur og nærgætinn.
Við erum mjög nánir og höfum allt-
af verið,“ segir Guðmundur Sigurðs-
son, læknir og bróðir Jóns, um kosti
bróður síns. Spurður um gallana seg-
ir Guðmundur: „Það sem mér finnst
stundum hafa orðið honum til trafala
er að fólki virðist stundum standa
ógn af honum. Þá aðallega vegna
kosta hans. Það kunna ekki allir að
meta það hversu skarpur hann er og
vinnusamur. Sérstaklega á þetta við
um andstæðinga hans. Hann hefur
kannski einhvern tímann liðið fyrir
það,“ segir Guðmundur. Hann segist
treysta bróður sínum vel til að tak-
ast á við þau vandamál sem steðja
að þjóðinni. „Ég veit ekki um ann-
an mann sem er færari um að ráða
fram úr þeim vanda sem við stönd-
um frammi fyrir,“ segir hann.
Ofþroskuð ábyrgðartilfinning
Jón Baldvin segir að Jón vinni á
við marga menn. „Hann er vinnu-
fíkill og tveggja eða jafnvel þriggja
manna maki í afköstum. Hann hef-
ur ofþroskaða ábyrgðartilfinningu,
enda var honum kornungum falin
stjórn og mannaforráð. Fyrst í hag-
rannsóknum og svo sem eins kon-
ar þjóðhagsstjóri. Hann var oftar en
ekki kallaður Jón hinn þjóðhagi,“
segir Jón Baldvin.
Hann segist bera ábyrgð á því að
Jón fór í pólitík. „Það gerðist þannig
að þegar ég var orðinn formaður Al-
þýðuflokksins 1984 og undirbjó það
að flokkurinn tæki völd og breytti
þjóðfélaginu var nauðsynlegt að
skapa tiltrú á því að við kynnum til
verka. Á þeim tíma gekk ég til Jóns og
sagði: „Þú ferð í fyrsta sæti í Reykja-
vík, ég skal fara í þriðja.“ Þar með var
það útrætt,“ segir Jón Baldvin en með
því tók hann þá áhættu að komast
ekki sjálfur að.
Tóm froða
Þeir nafnar voru samstarfsmenn
í ríkisstjórnum frá 1987 til 1993. Jón
Baldvin segir aðspurður að nafni
föstudagur 10. október 200814 Helgarblað
Jón Sigurðsson, formaður stjórnar Fjár-
málaeftirlitsins, tekst nú á við afar krefjandi
hlutskipti í kjölfar yfirtöku ríkisins á stóru
viðskiptabönkunum; Glitni, Landsbankan-
um og Kaupþingi. Jón býr að áratugareynslu
í miklum ábyrgðarstöðum, bæði sem ráð-
herra og bankastjóri. Þeim sem þekkja til
Jóns ber saman um að hann sé ákaflega
afkastamikill og metnaðarfullur maður.
Hann þykir orðheppinn og beinskeyttur en
er þó rómantískur inn við beinið og má ekk-
ert aumt sjá. Jón hefur verið nefndur sem
hugsanlegur arftaki seðlabankastjóra.
Bjargvættur Bankanna
„Þegar við komum að bílnum,
nokkru síðar, hafði ég slysast til að ná
einni rjúpu, en Jón hafði enga. Þeg-
ar hann sá mig með rjúpuna sneri
hann við og óð af stað aftur, þó nærri
hafi verið komið svartamyrkur.“
BALDUR GUÐMUNDSSON
blaðamaður skrifar baldur@dv.is
NÆRMYND