Dagblaðið Vísir - DV - 22.08.2008, Blaðsíða 21
föstudagur 22. ágúst 2008 21Umræða
Hérna í eina tíð sá maður stund-
um myndir úr Tívolíinu í Köben;
þetta voru furðulegar myndir og
barnsauganu fannst þær hlytu að
vera úr ævintýri. Þetta var á þeim
tíma þegar aðalskemmtun krakka
var að fara í þrjúbíó á sunnudögum
og sjá sömu myndirnar aftur og aft-
ur því skiptingar voru sko ekki hrað-
ar í þá daga. En myndirnar úr Tívol-
íinu voru engar þrjúbíómyndir; þetta
voru teiknaðar myndir af hafmeyjum,
prinsum, köllum með pípuhatta og
brjóstaþungum kellingum en haus-
inn sjálfur tilheyrði gjarnan einhverj-
um sem maður þekkti eða kannaðist
við og var svo heppinn að hafa látið
mynda sig í garðinum góða. Þarna
voru kannski hausarnir af unglings-
frænku manns með hafmeyjusporð
og pela og mömmu hennar akfeitri
maddömu með hvítan blúndukrans
og brjóst á við meðalbelju.
Þetta var ótrúlegt og auðvitað
hlaut maður að spyrja viðkomandi
hvernig hefði eiginlega verið í þessu
Tívolíi og þá komu sögur af voðaleg-
um draugahúsum þar sem maður
varð svo hræddur að betra hefði verið
að hafa klósettið fast við afturendann,
rómantískum smábátasiglinum á
yndislegum vötnum þar sem blómin
flutu og froskarnir stukku milli risal-
aufa, paradísarhjólum svo háum að
efst uppi sást næstum í guð þar sem
hann sat og gúmmaði í sig skýjamat,
snarspíttandi hringekjum sem ringl-
uðu hausa og rifu í hár, speglasölum
sem breyttu manni í dverg eða risa
á svipstundu - og síðast en ekki síst
rússibananum sem var alveg voða-
lega lífshættulegur ef maður fór ekki
eftir reglunum einsog strákurinn sem
stóð upp og hvarf og enginn vissi
hvar lenti fyrr en löngu, löngu seinna
og það var ekki góður staður.
Tívolíið var sem sagt eitthvað
miklu meira en maður náði að ímynda
sér og miklu skemmtilegra og merki-
legra en Ali Baba, Ævintýraprinsinn
og Töfrateppið sem voru myndirnar
sem rúlluðu hverjar um aðra þvera
innanum Roy og Trigger í bíóunum
sunnudag eftir sunnudag.
Ég fór að hugsa um þetta þegar ég
skrapp inn í Funlandið á bílastæð-
inu við hliðina á Hagkaupum í Holta-
görðum; það var ekta ágústnepja og
krakkarnir hlupu um í haustvind-
inum ofsaglöð að fá þarna tækifæri
til að sveifla sér og eyða peningum
foreldranna sem húktu við smáhlið
og bölvuðu miðaverðinu; þúsund-
kallarnir fuku því fokdýrt er drottins
orðið - en hvað gerir maður ekki fyr-
ir krakka sem hafa bara aldrei séð og
upplifað annað eins?
Ég nenni ekki að fara að hamast í
þessu hráslagalega framtaki en það
er vægast sagt meira en lítið dular-
fullt. En er ekki annars löngu tíma-
bært að við eignumst okkar eigið
Tívolí? Hvernig væri að Hanna Birna
Kristjánsdóttir hugleiddi það þegar
hún tekur við taumunum í borgar-
stjórninni og fær tækifæri til að sýna
fram á að hægt sé að virkja eitthvað
raunverulega jákvætt? Ég er nokkuð
viss um að úthugsaður Tívolígarð-
ur gleddi alla og fengi jafnvel hina
grautfúlu svartnættisdekrara til að
brosa út í annað.
Ekki veitir af í Bitrunni.
Að lokum legg ég til að samið verði
sem fyrst við ljósmæður.
Hver er konan? „særós Mist
Hrannarsdóttir.“
Hvað drífur þig áfram? „Lífi og
hamingjan.“
Hver er þinn helsti hæfileiki? „Ég
er mjög skapandi og góða að
skipuleggja.“
Hvernig verð þú frítímanum? „Ég
sauma mikið, hanna föt, teikna,
dansa magadans og ég syng líka. svo
er ég með vinum mínum þetta
klassíska sem unglingar gera.“
Hvenær byrjaðir þú að hanna
föt? „fyrir tveimur árum.“
Hvernig kom það til? „Ég var í
starfsþjálfun í danmörku sem
hönnuður. Þar var mér kennt á
saumavélar, hvernig ég ætti að
teikna og hanna, þar kveiknaði
áhuginn.“
Er mikill undirbúningur að baki
tískusýningarinnar? „Ég byrjaði að
hanna þessa fatalínu fyrir hálfu ári
síðan og ég byrjaði að skipuleggja
tískusýninguna fyrir fjórum
mánuðum síðan.“
Hvar sérðu þig eftir tíu ár? „Ég
veit það ekki. Það getur vel verið að
ég verið farin að gera eitthvað allt
annað en að hanna þá. Það getur vel
verið að ég fari í háskóla í Berlín því
ég heillast mikið af Berlín.“
Hvar er hægt að nálgast hönnun
þína? „Í fígúru á skólavörðustíg eða
á heimasíðunni minni www.
myspace.com/saeros_design.“
Hvað ætlarðu að gera annað á
Menningarnótt? „Vera með vinum
mínum og fara á tónleika til að halda
upp á tískusýninguna.“
Hvað er fram undan hjá þér? „Ég
er að fara Iðnskólann og ætla að læra
fatahönnuð þar. Ég ætla að taka
stúdentspróf og sveinsprófið saman.“
Tívolí, tívolí, tívolí!
SuSSað á Svavar Vilhjálmur Þ. Vilhjálmsson forseti borgarstjórnar þurfti að biðja svavar Halldórsson fréttamann sjónvarps að hafa lægra eftir að svavar hafði komið inn í
beina útsendingu og talaði svo hátt að Vilhjálmi fannst það trufla fundarhöld.
MYND Dv / SIGTrYGGur
Hvað finnst þér um nýjan borgarmeiriHluta?
„Ég held að þeir ættu bara að víkja og
hleypa nýju fólki að. Leyfa varamönn-
unum bara að koma að.“
GuðMuNDur Haukur ÞórSSoN
36 ára rafVIrkI
„Þetta er ömurlegt. Maður hefur
vissulega skoðanir á borgarlífinu, það
þýðir ekkert annað en að láta þetta sig
varða.“
óSkar MarkúSSoN
83 ára eLLILÍfeyrIsÞegI
„Mér finnst hann ábyrgðarlaus, vegna
þess að þeir eru búnir að vera púsla
meirihluta eftir meirihluta saman á
meðan þeir ættu bara að sleppa þessu.“
SuNNa INGólfSDóTTIr
23 ára neMI
„Ég fíla Ólaf f. Magnússon geðveikt
vel og það er eftirsjá að honum.
annars er almennt geggjuð
stemming í borgarstjórninni.“
HIlDur GuNNlauGSDóTTIr
28 ára arkItekt
Dómstóll götunnar
SæróS MIST HraNNarSDóTTIr
sextán ára hönnuður, verður með
tískusýningu niður skólavörðustíginn
á Menningarnótt. Hún hélt sína fyrstu
tískusýningu fyrir ári og byrjaði að
hanna fyrir þessa sýningu fyrir hálfu
ári.
Sextán ára
fatahönnuður
„Ég hef ekki fylgst með þessu, ég er frá
selfossi þannig ég slepp nokkuð ódýrt
frá brjálæðinu í borgarstjórnmálunum.“
SIGrTrYGGur BjarTur krISTINS-
SoN
33 ára gaMaLL ÞjÓnn
kjallari
mynDin maður Dagsins
vIGDíS
GríMSDóTTIr
rithöfundur skrifar
„Eyða peningum for-
eldranna sem húktu
við smáhlið og bölvuðu
miðaverðinu; þúsund-
kallarnir fuku því fok-
dýrt er drottins orðið.“