Lögmannablaðið - 01.03.2004, Blaðsíða 13

13
beiti sér fyrir því að frumvarpinu verði breytt í
meðförum þingsins sem hér segir:
„Niður verði felldar allar greinar frumvarpsins
aðrar en þær sem nú verða taldar: 1. gr., 2. gr., 3.
gr., 1.,3. og 4. mgr. 4. gr. svo og 15. til 17. gr. og
19. til 20. gr.”
Fundurinn beinir því til stjórnar LMFÍ að hún
skipi nefnd 9 félagsmanna undir forystu formanns
félagsins og hafi nefndin það verkefni að gaum-
gæfa nauðsynlega heildarendurskoðun á lög-
mannalögum. Í starfi nefndarinnar verði einkum
kannað, hvernig félagsaðild og handhöfn lög-
mannsréttinda verði bezt fyrir komið og þar
hafðar til hliðsjónar tilgangsskyldur félagsins
samkvæmt 2. gr. samþykkta þess. Starfi nefndar-
innar skal ljúka með gerð tillagna um breytingar á
lögmannalögum og eftir atvikum samþykktum
félagsins. Nefndin ljúki störfum eigi síðar en svo,
að tillögur hennar verði lagðar fyrir aðalfund
félagsins 2005.
Áskorun til stjórnar Lögmannafélags Íslands,
um að leggja til við dómsmálaráðherra eftirfar-
andi breytingu á núgildandi lögum nr. 77/1998
um lögmenn:
„Við 3. mgr. 9. gr. laga nr. 77/1998 bætist nýr
málsliður:
Þá getur ráðherra með sama hætti vikið frá 4.
tl. 1. mgr. ef umsækjandi hefur starfað sem hér-
aðsdómslögmaður samtals í 10 ár.”
L Ö G M A N N A B L A Ð I Ð
FUNDUR Í FÉLAGINU
Aðalfundur
Aðalfundur Lögmannafélags Ís-
lands 2004 verður haldinn föstu-
daginn 26. mars nk., kl. 14:00 í
Skála, Radisson SAS Hótel Sögu.
Dagskrá:
1. Aðalfundarstörf samkvæmt 8. gr.
samþykkta fyrir Lögmannafélag
Íslands.
2. Reglur um endurmenntun
lögmanna.
3. Kosning í stjórn Námssjóðs og
bókasafnsnefndar.
4. Önnur mál.
Að loknum aðalfundi LMFÍ verð-
ur haldinn aðalfundur félags-
deildar LMFÍ.
Dagskrá:
1. Aðalfundarstörf samkvæmt 6. gr.
reglna um félagsdeild LMFÍ.
2. Tillaga stjórnar um breytingu á
reglum félagsdeildar LMFÍ.
3. Önnur mál.
Stjórn Lögmannafélags Íslands